ທ່ານ ຫງວຽນຈີຢຸງ ເນັ້ນໜັກວ່າ: ສັບປະດາຂັ້ນສູງ APEC 2027 ແມ່ນເຫດການການເມືອງ, ການຕ່າງປະເທດທີ່ມີຄວາມສຳຄັນເປັນພິເສດ. ບໍ່ພຽງແຕ່ແມ່ນຄວາມເປັນກຽດເທົ່ານັ້ນ ຫາກຍັງແມ່ນໂອກາດອັນໃຫຍ່ເພື່ອໃຫ້ ຝຸກວັກ ບຸກທະລຸຢ່າງແຮງ, ພັດທະນາຢ່າງເໝາະສົມ, ປະກອບສ່ວນຊຸກຍູ້ການພັດທະນາລວມຂອງແຂວງ ແລະ ຂອງປະເທດ, ຍົກສູງທີ່ຕັ້ງຂອງ ຫວຽດນາມ ໃນເວທີປາໄສສາກົນ. ຝຸກວັກ ຕ້ອງຍາດແຍ່ງກຳລັງບົ່ມຊ້ອນ, ທ່າໄດ້ປຽບທີ່ພວມມີ, ຍາດແຍ່ງທຸກໂອກາດພ້ອມກັບການໜູນຊ່ວຍຈາກສູນກາງ, ຄວາມມານະພະຍາຍາມຂອງທ້ອງຖິ່ນ ແລະ ການເຂົ້າຮ່ວມຂອງປະຊາຄົມວິສາຫະກິດ, ເພື່ອຫັນກຳລັງແຮງສັງລວມນຳ ຝຸກວັກ ພັດທະນາຢ່າງວ່ອງໄວ ແລະ ຍືນຍົງ.
ວັນດຽວກັນ, ທ່ານ ຫງວຽນຈີຢຸງ ພ້ອມດ້ວຍຄະນະໄດ້ລົງສຳຫຼວດກວດກາສະພາບການຕົວຈິງຂອງບັນດາໂຄງການ, ເຊັ່ນ: ສະໜາມບິນສາກົນ ຝຸກວັກ, ອ່າງນ້ຳ ດົງເຢືອງ (ອິນດູຈີນ) 2, ໂຄງການເສັ້ນທາງ DT.975, ເຂດຊຸມຊົນໃໝ່ ອານເຖີຍ, ໂຄງການເສັ້ນທາງຫຼວງ APEC ແລະ ສູນຈັດກອງປະຊຸມ APEC ຢູ່ເທດສະບານ ອານເຖີຍນະຄອນ ຝຸກວັກ.
ຄໍາເຫັນ