ຫວຽດນາມ ມີແຮງງານ 21 ລ້ານກວ່າຄົນ ເຮັດວຽກໃນຂົງເຂດການບໍລິການ

13:59 09/07/2025

ວິທະຍຸຈາຍສຽງຫວຽດນາມ ລາຍງານວ່າ: ໃນວັນທີ 8 ກໍລະກົດ ຜ່ານມາ, ກົມສະຖິຕິ ກະຊວງການເງິນ ຫວຽດນາມ ໃຫ້ຮູ້ວ່າ: ສະພາບການຕະຫຼາດແຮງງານ ຫວຽດນາມ ມີຈຸດເດັ່ນທີ່ໜ້າສົນໃຈ ດ້ວຍແຫຼ່ງກໍາລັງແຮງງານທີ່ອຸດດົມສົມບູນ, ສ້າງເງື່ອນໄຂຕອບສະໜອງຄວາມຕ້ອງການພັດທະນາການຜະລິດ, ດຳເນີນທຸລະກິດ. ໂດຍແຮງງານມີວຽກເຮັດງານທຳໃນຂົງເຂດການບໍລິການກວມເອົາອັດຕາສ່ວນສູງສຸດ ເກືອບ 41%, ເທົ່າກັບ 21.2 ລ້ານຄົນ.

ຂ່າວລະບຸວ່າ: ໃນໄຕມາດທີ II ປີ 2025, ກຳລັງແຮງງານມີວຽກເຮັດງານທຳຢູ່ຕົວເມືອງ 20 ລ້ານກວ່າຄົນ, ແຮງງານເຮັດວຽກຢູ່ເຂດຊົນນະບົດ 31 ລ້ານກວ່າຄົນ, ລ້ວນແຕ່ເພີ່ມຂຶ້ນເມື່ອທຽບໃສ່ໄລຍະດຽວກັນຂອງປີກາຍ. ຕະຫຼາດແຮງງານຮັກສາທ່າເຕີບໂຕເປັນປົກກະຕິ ແລະ ດຸ່ນດ່ຽງພໍສົມຄວນ.

ທ່ານນາງ ຫງວຽນທິແທັງມາຍ ຮອງພະແນກສະຖິຕິປະຊາກອນ ແລະ ແຮງງານ ກົມສະຖິຕິ ກ່າວວ່າ: ບັນດານະໂຍບາຍສະຫວັດດີການສັງຄົມ ແລະ ການຄຸ້ມຄອງໜູນຊ່ວຍແຮງງານ ພວມຄ່ອຍໆເສີມຂະຫຍາຍປະສິດທິພາບ, ປະສິດທິຜົນ. ຈຳນວນແຮງງານໄດ້ຮັບປະກັນລາຍຮັບ, ສະຫວັດດີການ, ປະກັນໄພ ເປັນຢ່າງດີ.

ລາຍຮັບສະເລ່ຍຂອງແຮງງານໃນໄຕມາດທີ II ປີ 2024 ແມ່ນ 7.5 ລ້ານດົງ (300 ໂດລາ) ແຕ່ໄລ່ຮອດໄຕມາດທີ II ປີ 2025 ນີ້ ໂຕເລກດັ່ງກ່າວໄດ້ເພີ່ມຂຶ້ນເປັນ 8.2 ລ້ານດົງ (330 ໂດລາ), ເພີ່ມຂຶ້ນ 10.7%. ລະດັບການເພີ່ມຂຶ້ນນີ້ໄດ້ປະກົດໃນທຸກຂົງເຂດເສດຖະກິດ - ສັງຄົມ ໃນທົ່ວປະເທດ ແລະ ຢູ່ທັງ 3 ຂົງເຂດເສດຖະກິດຄື: ກະສິກຳ, ປ່າໄມ້ ແລະ ສິນໃນນ້ຳ; ອຸດສາຫະກຳ, ກໍ່ສ້າງ ແລະ ການບໍລິການ. ໃນນັ້ນ, ປະທັບໃຈທີ່ສຸດແມ່ນລະດັບການເພີ່ມຂຶ້ນຢູ່ຂົງເຂດການບໍລິການ 11.7%”.

ຄໍາເຫັນ

ຂ່າວຕ່າງປະເທດ

ທ່ານ ໂດໂນ ທຣໍາ ປະກາດອັດຕາພາສີ 25-40% ສຳລັບ 14 ປະເທດ

09/07/2025 14:06

ຂ່າວຕ່າງປະເທດລາຍງານ ໃນວັນທີ 8 ກໍລະກົດ ຜ່ານມາວ່າ: ທ່ານ ໂດໂນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ລົງຂ່າວໃນສື່ສັງຄົມອອນລາຍວ່າ: ຈະເກັບພາສີ 25% ຕໍ່ການນຳເຂົ້າສິນຄ້າຈາກຍີ່ປຸ່ນ ແລະ ສ ເກົາຫຼີ ຕາມລຳດັບ ເລີ່ມແຕ່ວັນທີ 1 ສິງຫາ ເປັນຕົ້ນໄປ. ໂດຍທ່ານ ໂດໂນ ທຣໍາ ໄດ້ລະບຸໃນຈົດໝາຍທີ່ຂຽນເຖິງຜູ້ນໍາຂອງສອງປະເທດວ່າມາດຕະການພາສີໃໝ່ຈະແຍກອອກຈາກພາສີຂະແໜງການອື່ນໆ.

ກອງປະຊຸມມໍລະດົກໂລກຄັ້ງທີ 47 ຈະພິຈາລະນາໂຄງການຂໍເປັນມໍລະດົກໂລກ 30 ໂຄງການ

09/07/2025 14:04

ຂ່າວສານຊີອາໄອ ລາຍງານວ່າ: ໃນວັນທີ 7 ກໍລະກົດ ຜ່ານມາ, ກອງປະຊຸມມໍລະດົກໂລກຄັ້ງທີ 47 ໄດ້ເປີດຂຶ້ນຢູ່ສຳນັກງານໃຫຍ່ອົງການອຸຍແນັສໂກ ຂອງອົງການສະຫະປະຊາຊາດ ທີ່ນະຄອນຫຼວງປາຣີ ປະເທດຝຣັ່ງ. ກອງປະຊຸມຄັ້ງນີ້ຈະພິຈາລະນາໂຄງການຂໍເຂົ້າເປັນມໍລະດົກໂລກ 30 ໂຄງການ ແລະ ຍັດຕິ ສອງສະບັບກ່ຽວກັບການປັບປຸງພື້ນທີ່ມໍລະດົກໂລກ 2 ແຫ່ງທີ່ຖືກຈັດເຂົ້າໃນບັນຊີລາຍຊື່ມໍລະດົກໂລກແລ້ວ.

ນັກວິທະຍາສາດ ສະຫະລັດ ອາເມຣິກາ ໃຊ້ຂໍ້ມູນດາວທຽມປະເມີນການຟື້ນຟູປ່າ

09/07/2025 14:03

ຂ່າວຕ່າງປະເທດລາຍງານ ໃນວັນທີ 8 ກໍລະກົດ ຜ່ານມາວ່າ: ນັກວິທະຍາສາດຂອງສູນຄົ້ນຄວ້າບັນຍາກາດແຫ່ງຊາດ ຊຶ່ງສັງກັດມູນນິທິວິທະຍາສາດແຫ່ງຊາດ ຂອງ ສະຫະລັດ ອາເມຣິກາ ໄດ້ພັດທະນາວິທີການນໍາໃຊ້ຂໍ້ມູນຈາກດາວທຽມເພື່ອປະເມີນການຟື້ນຟູຂອງປ່າໄມ້ຫຼັງເກີດໄຟໄໝ້ ຊຶ່ງອາດຈະປ່ຽນແປງວິທີການຈັດການພື້ນທີ່ ແລະ ຄວບຄຸມໄຟ ໄໝ້ປ່າໃນອະນາຄົດ.

ຈຳນວນຜູ້ຕິດເຊື້ອພະຍາດໄຂ້ຫວັດສັດປີກຢູ່ກຳປູເຈຍເພີ່ມຂຶ້ນຜິດປົກກະຕິໃນເດືອນດຽວ

09/07/2025 14:02

ຂ່າວສານຊີອາໄອລາຍງານຫວ່າງມໍ່ໆມານີ້, ອົງການອະນາໄມໂລກ ຫຼື WHO ແຈ້ງຂ່າວວ່າ: ໃນເດືອນມິຖຸນາຜ່ານມານີ້, ກຳປູເຈຍໄດ້ລາຍງານຈຳນວນຜູ້ຕິດເຊື້ອພະຍາດໄຂ້ຫວັດສັດປີກ H5N1 ທີ່ໄດ້ຮັບການຢືນຢັນຈາກຫ້ອງວິເຄາະແລ້ວ 7 ກໍລະນີ ຊຶ່ງເປັນການເພີ່ມຂຶ້ນຜິດປົກກະຕິພາຍໃນເດືອນດຽວ.

ອຸທິຍານແຫ່ງຊາດ ອິນໂດເນເຊຍ ໃຊ້ສາຍແຂນຕິດຕາມ ເພື່ອຄວາມປອດໄພຂອງນັກປີນພູ

09/07/2025 14:02

ຂ່າວຕ່າງປະເທດລາຍງານໃນວັນທີ 8 ກໍລະກົດ ຜ່ານມາວ່າ: ເຈົ້າໜ້າທີ່ຢູ່ອຸທະຍານແຫ່ງຊາດໂບຣໂມ ເຕງເກີ ເຊເມຣູ ຂອງອິນໂດເນເຊຍ ກ່າວວ່າ: ອຸທິຍານດັ່ງກ່າວກຳນົດໃຫ້ນັກປີນພູຕ້ອງໃສ່ສາຍແຂນຕິດຕາມເພື່ອເພີ່ມຄວາມປອດໄພ. ໂດຍເປັນອຸປະກອນລະບຸຄວາມຖີ່ຄື້ນວິທະຍຸ ຊຶ່ງປະກອບດ້ວຍຊິບຂະໜາດນ້ອຍ ແລະ ເສົາອາກາດສຳລັບສົ່ງສັນຍານໄປຫາເສົາຮັບສັນຍານທີ່ຕັ້ງຢູ່ໃນຫຼາຍຈຸດຕາມເສັ້ນທາງຍ່າງປ່າ.

ການສົ່ງອອກຂອງຍີ່ປຸ່ນເພີ່ມຂຶ້ນໃນ 20 ມື້ທຳອິດຂອງເດືອນມິຖຸນາ

09/07/2025 14:01

ຂ່າວຕ່າງປະເທດລາຍງານ; ກະຊວງການເງິນຂອງຍີ່ປຸ່ນເປີດເຜີຍໃນວັນທີ 8 ກໍລະກົດ ຜ່ານມາວ່າ: ການສົ່ງອອກ ໃນໄລຍະ 20 ມື້ທຳອິດຂອງເດືອນມິຖຸນາໄດ້ເພີ່ມຂຶ້ນເລັກນ້ອຍ 0.7% ເມື່ອທຽບໃສ່ໄລຍະດຽວກັນຂອງປີກາຍ, ກ່ອນທີ່ ສະຫະລັດ ອາເມຣິກາ ປະກາດການປະຕິບັດມາດຕະການຂຶ້ນພາສີນຳເຂົ້າຕາມກຳນົດ ໃນວັນທີ 9 ກໍລະກົດນີ້.

ການລະບາຍກາກບອນຂອງຈີນ ໄດ້ຫຼຸດລົງຫຼາຍກວ່າ 34% ໃນ 10 ປີຜ່ານມາ

09/07/2025 14:00

ຂ່າວສານຊີອາໄອລາຍງານວ່າ: ວັນທີ 7 ກໍລະກົດ ຜ່ານມານີ້, ທ່ານນາງ ເໝົານິງ ໂຄສົກກະຊວງການຕ່າງປະເທດຈີນ ໄດ້ເປັນປະທານກອງປະຊຸມຖະແຫຼງຂ່າວ. ໂດຍມີນັກຂ່າວຖາມກ່ຽວກັບການພັດທະນາສີຂຽວ ແລະ ກາກບອນຕ່ຳຂອງຈີນ.

ວຽກງານພົວພັນຕ່າງປະເທດຫວຽດນາມ 35 ປີ

09/07/2025 13:57

ທີສາມ, ຮັກສາແໜ້ນສະພາບແວດລ້ອມສັນຕິພາບ, ສະຖຽນລະພາບ, ປະກອບສ່ວນອັນສຳຄັນເຂົ້າໃນການຮັກສາຄວາມເປັນເອກະລາດ, ອຳນາດອະທິປະໄຕ, ຜືນແຜ່ນດິນອັນຄົບຖ້ວນ. ບັນດາບັນຫາຊາຍແດນ, ອານາເຂດໄດ້ແກ້ໄຂເປັນເທື່ອລະກ້າວ, ຮັກສາເສັ້ນຊາຍແດນສັນຕິພາບ, ມິດຕະພາບ, ຮ່ວມມື ແລະ ພັດທະນາ, ພ້ອມທັງປະກອບສ່ວນເຂົ້າໃນການເສີມສ້າງສັນຕິພາບ, ສະຖຽນລະພາບໃນພາກພື້ນ. ຕໍ່ກັບບັນຫາສັນຕິພາບກ່ຽວກັບຊາຍແດນ, ຫວຽດນາມຍາມໃດກໍຍົກສູງສັນຕິພາບ, ການຮ່ວມມື, ຕັ້ງໜ້າໃນການແລກປ່ຽນ, ປຶກສາຫາລື ຊອກຫາມາດຕະຖານໂດຍພື້ນຖານ, ຍາວນານດ້ວຍສັນຕິວິທີບົນພື້ນຖານກົດໝາຍສາກົນ.

ວຽກງານພົວພັນຕ່າງປະເທດຫວຽດນາມ 35 ປີ

08/07/2025 14:44

ຫວຽດນາມ ໄດ້ສ້າງຕັ້ງ ແລະ ປັບປຸງການຮ່ວມມືນັບມື້ນັບກວ້າງຂວາງ ແລະ ໜັກແໜ້ນ ເປີດກວ້າງ, ຫັນເປັນຫຼາຍຝ່າຍມີຄວາມຫຼາກຫຼາຍ, ສະດວກໃຫ້ແກ່ພາລະກິດແຫ່ງການປ່ຽນແປງໃໝ່.

ຫວຽດນາມ ສຸມໃສ່ວຽກງານປ້ອງກັນຕ້ານການສໍ້ຫຼາດບັງຫຼວງ ແລະ ການຟຸ່ມເຟືອຍ

08/07/2025 14:03

ວິທະຍຸກະຈາຍສຽງຫວຽດນາມລາຍງານວ່າ: ໃນໄລຍະຈະມາເຖິງ, ຄະນະຊີ້ນຳສູນກາງກ່ຽວກັບວຽກງານປ້ອງກັນຕ້ານການສໍ້ຫຼາດບັງຫຼວງ, ການຟຸ່ມເຟືອບ ແລະ ໄພຫຍໍ້ທໍ້ ຫວຽດນາມ ຮຽກຮ້ອງສືບຕໍ່ຜັນຂະຫຍາຍວຽກງານຕ້ານການສໍ້ຫຼາດບັງຫຼວງ, ການຟຸ່ມເຟືອຍ, ໄພຫຍໍ້ທໍ້ຢ່າງແຮງ, ຂ້ຽວຂາດ ແລະ ມີປະສິດທິຜົນກວ່າເກົ່າ.

ເພີ່ມເຕີມ