ເປັນການຮຽນແບບອອນລາຍ ເລີ່ມແຕ່ວັນ18 ພະຈິກ ເປັນຕົ້ນໄປ ຈົນກວ່າຈະມີປະກາດປ່ຽນແປງ ເນື່ອງຈາກສະພາບໝອກຄວັນທີ່ເປັນພິດ ແລະ ເພື່ອບັນເທົາວິກິດສຸຂະພາບທີ່ເກີດຂຶ້ນໃນເມືອງທີ່ມີຂະໜາດໃຫຍ່ທີ່ສຸດແຫ່ງໜຶ່ງຂອງໂລກ
ລະດັບຂອງ PM2.5 ຊຶ່ງເປັນມົນລະພິດທີ່ມີຂະໜາດນ້ອຍ ແລະ ເຮັດໃຫ້ເກີດມະເຮັງ ໃນນະຄອນຫຼວງນິວເດລີ ວັດແທກໄດ້ສູງເຖິງ 57 ເທົ່າຂອງຄ່າມາດຕະຖານສູງສຸດຂອງອົງການອະນາໄມໂລກໃນວັນທີ 17 ພະຈິກ ຜ່ານມາ. ຂະນະທີ່ໃນຕອນເຊົ້າຂອງວັນທີ 18 ພະຈິກ ຜ່ານມາ ຄ່າ PM2.5 ມີປະມານ 39 ເທົ່າ ຂອງຄ່າມາດຕະຖານ ໂດຍມີໝອກຄວັນໜາປົກຄຸມທົ່ວເມືອງ.
ໂຮງຮຽນປະຖົມໄດ້ສັ່ງໃຫ້ຢຸດການຮຽນ - ການສອນໃນໂຮງຮຽນ ຕັ້ງແຕ່ວັນທີ 14 ພະຈິກ ຜ່ານມາ ພ້ອມທັງມີການປະກາດຂໍ້ຈຳກັດເພີ່ມຕື່ມໃນວັນທີ 18 ພະຈິກ ຜ່ານມາ ລວມເຖິງການຈຳກັດການເດີນທາງຂອງລົດບັນທຸກທີ່ໃຊ້ນໍ້າມັນກາຊວນ ແລະ ການກໍ່ສ້າງ, ໂດຍຫວັງວ່າຈະຊ່ວຍເຮັດໃຫ້ເດັກນ້ອຍປອດໄພ ແລະ ຈະຫຼຸດປະລິມານລົດທີ່ຕ້ອງອອກມາຮັບສົ່ງເດັກນ້ອຍ ເພື່ອຫຼຸດການປ່ອຍຄວັນພິດລົງດ້ວຍ.
ໂດຍທາງການໄດ້ຮຽກຮ້ອງໃຫ້ເດັກນ້ອຍ ແລະ ຜູ້ອາຍຸສູງ ລວມເຖິງຜູ້ທີ່ມີບັນຫາກ່ຽວກັບປອດ ຫຼື ຫົວໃຈໃຫ້ຢູ່ໃນເຮືອນຫຼາຍທີ່ສຸດເທົ່າທີ່ຈະເປັນໄປໄດ້.
ທັງນີ້, ນະຄອນຫຼວງນິວເດນລີ ແລະ ພື້ນທີ່ອ້ອມຮອບ ຊຶ່ງມີຈໍານວນປະຊາກອນຫຼາຍກວ່າ 30 ລ້ານຄົນມັກຕິດອັນດັບເມືອງທີ່ມີມົນລະພິດທາງອາກາດສູງທີ່ສຸດໃນໂລກໃນໄລຍະລະດູໜາວ, ຈາກການເຜົາຟາງຂອງຊາວກະສິກອນໃນພື້ນທີ່ໃກ້ຄຽງ ເພື່ອກຽມດິນສຳລັບການໄຖ, ລວມເຖິງການປ່ອຍມົນລະພິດຈາກໂຮງງານ ແລະ ການຈະລາຈອນ, ໂດຍອຸນຫະພູມທີ່ເຢັນລົງ ແລະ ລົມທີ່ເຄື່ອນຕົວຊ້າ ຍິ່ງເຮັດໃຫ້ສະຖານະການຮ້າຍແຮງລົງ ເພາະມັນຈະຈັບມົນລະພິດທີ່ເປັນອັນຕະລາຍໄວ້ໃນພື້ນທີ່ ຊຶ່ງມັກເກີດຂຶ້ນຕັ້ງແຕ່ກາງເດືອນຕຸລາຈົນເຖິງເດືອນມັງກອນ, ຂະນະທີ່ຊາວອິນເດນສ່ວນໃຫຍ່ບໍ່ສາມາດຈະຊື້ເຄື່ອງຟອກອາກາດໄດ້ ແລະ ບ້ານເຮືອນສ່ວນຫຼາຍກໍບໍ່ສາມາດປ້ອງກັນມົນລະພິດຈາກອາກາດທີ່ມີກິ່ນເໝັນໄດ້ ເຮັດໃຫ້ມີຜູ້ໄດ້ຮັບຜົນກະທົບ ແລະ ເຈັບປ່ວຍ ຫຼື ເສຍຊີວິດຈຳນວນຫຼາຍ.
ຄໍາເຫັນ