ດາປະເທດສົ່ງອອກແກ໊ສທຳມະຊາດແຫຼວ(LNG) ທີ່ໃຫຍ່ທີ່ສຸດຂອງໂລກ ມີແຜນການທີ່ຈະຊະລໍການສົ່ງອອກLNGເພື່ອຕອບສະໜອງຄວາມຕ້ອງການພາຍໃນປະເທດທີ່ເພີ່ມຂຶ້ນ.
ລັດຖະບານຈະໃຫ້ຄວາມສຳຄັນກັບການນຳໃຊ້LNGທີ່ຜະລິດຢູ່ພາຍໃນປະເທດເພື່ອຕອບສະໜອງຄວາມຕ້ອງການພະລັງງານໃນທ້ອງຖິ່ນ. ໃນນັ້ນລວມທັງການເລັ່ງພັດທະນາຂະແໜງອຸດສາຫະກຳ, ມາດຕະການນີ້ຍັງສອດຄ່ອງກັບຂໍ້ລິເລີ່ມຂອງທ່ານ ພຣາໂບໂວ ຊູບຽນໂຕ ປະທານາທິບໍດີອິນໂດເນເຊຍ ທີ່ຕ້ອງການໃຫ້ອິນໂດເນເຊຍຫຼຸດການເພິ່ງພາການນຳເຂົ້າພະລັງງານ ແລະ ຊຸກຍູ້ການເພິ່ງພາຕົນເອງດ້ານພະລັງງານ.
ທ່ານ ບາລິລ ກ່າວວ່າ: ອິນໂດເນເຊຍຈະສຸມໃສ່ຈັດສັນສຳປະທານອາຍແກ໊ສໃຫ້ພຽງພໍຕໍ່ລະດັບຄວາມຕ້ອງການພາຍໃນປະເທດເປັນອັນດັບທຳອິດກ່ອນແລະ ຈະອະນຸຍາດໃຫ້ສົ່ງອອກກໍຕໍ່ເມື່ອມີອາຍແກ໊ສພຽງພໍຕໍ່ຄວາມຕ້ອງການຂອງອິນໂດເນເຊຍ.
ເຖິງຢ່າງໃດກໍຕາມ, ທ່ານ ບາລິລ ຍອມຮັບວ່າ ນະໂຍບາຍດັ່ງກ່າວສາມາດເຮັດໃຫ້ເກີດປະຕິກິລາຈາກບັນດາປະເທດທີ່ຊົມໃຊ້ອາຍແກ໊ສຂອງອິນໂດເນເຊຍ ມາເປັນເວລາດົນນານ. ແຕ່ວ່າການດຳເນີນການດັ່ງກ່າວແມ່ນຄວາມພະຍາຍາມຍຸດທະສາດເພື່ອຮັບປະກັນຄວາມຍືນຍົງຂອງການສະໜອງອາຍແກັສໃນອິນໂດເນເຊຍ.
ຄໍາເຫັນ