ສໍາລັບເດືອນມີນາ, ການສົ່ງອອກເພີ່ມຂຶ້ນ 3.16% ເປັນ 23.25 ຕື້ໂດລາ. ກົງກັນຂ້າມກັບນັກວິເຄາະຄາດວ່າຈະຫຼຸດລົງ 3.40%, ໃນຂະນະທີ່ການນໍາເຂົ້າເພີ່ມຂຶ້ນ 5.34% ເປັນ 18.92 ຕື້ໂດລາ. ໜ້ອຍກວ່ານັກວິເຄາະຄາດວ່າຈະເພີ່ມຂຶ້ນ 6.6%.
ການສົ່ງອອກຂອງອິນໂດເນເຊຍໄດ້ຟື້ນຕົວຂຶ້ນຈາກລະດັບຕ່ຳສຸດ, ແຕ່ຄາດວ່າຈະໄດ້ຮັບຜົນກະທົບໃນໄວໆນີ້ຈາກທ່າອ່ຽງການຄ້າໂລກທີ່ຊ້າລົງຍ້ອນອັດຕາພາສີຂອງສະຫະລັດ ອາເມຣິກາ. ໂດຍ ສະຫະລັດ ອາເມຣິກາປະກາດເກັບພາສີ 32% ຕໍ່ສິນຄ້ານຳເຂົ້າຈາກອິນໂດເນເຊຍ.
ລັດຖະມົນຕີຫຼາຍທ່ານຂອງອິນໂດເນເຊຍ ໄດ້ເດີນທາງໄປນະຄອນຫຼວງວໍຊິງຕັນດີຊີ ຂອງສະຫະລັດ ອາເມຣິກາ ໃນອາທິດແລ້ວນີ້ ເພື່ອຫວັງວ່າຈະສາມາດເຈລະຈາຂໍ້ຕົກລົງຫຼີກເວັ້ນການເກັບພາສີໃນເວລາທີ່ທ່ານປະທານາທິບໍດີ ສະຫະລັດ ອາເມຣິກາໄດ້ຜ່ອນຜັນການບັງໃຊ້ມາດຕະການເກັບພາສີເພີ່ມເພື່ອຕອບໂຕ້ ເປັນເວລາ 90 ວັນ.
ຄໍາເຫັນ