ອີຕາລີ ເປີດໂຄງການ ໂບນັດເດັກນ້ອຍ ເພື່ອຮັບມືກັບອັດຕາການເກີດຕໍ່າ

10:57 17/04/2025

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ສະຖາບັນປະກັນສັງຄົມແຫ່ງຊາດຂອງອີຕາລີໄດ້ເປີດໂຄງການໂບນັດເດັກນ້ອຍ(baby bonus)ຊຶ່ງຖືເປັນບາດກ້າວລ້າສຸດຂອງຄວາມພະຍາຍາມແກ້ໄຂບັນຫາອັດຕາການເກີດທີ່ຫຼຸດລົງ.

ໂດຍຄອບຄົວຊາວອີຕາລີຈະສາມາດເຂົ້າເຖິງເງິນຊ່ວຍເຫຼືອປອດພາສີ ມູນຄ່າ 1,000 ເອີໂຣ ສໍາລັບເດັກເກີດໃໝ່ ຫຼື ເດັກນ້ອຍທີ່ຮັບມາລ້ຽງແຕ່ລະຄົນໃນປີ 2025.

ລາຍງານລະບຸວ່າ: ອີຕາລີຈະຈ່າຍເງິນໂບນັດນີ້ໃຫ້ກັບພົນລະເມືອງອິຕາລີ.ລວມເຖິງພົນລະເມືອງຂອງປະເທດສະມາຊິກອື່ນໆຂອງສະຫະພາບເອີຣົບ (EU) ແລະ ບຸກຄົນທີ່ບໍ່ແມ່ນພົນລະເມືອງສະຫະພາບເອີຣົບແຕ່ມີສະຖານະພາບທີ່ຢູ່ອາໄສໄລຍະຍາວທີ່ຖືກຕ້ອງຕາມກົດໝາຍໃນອີຕາລີ. ໂດຍງົບປະມານສໍາລັບໂຄງການ "ໂບນັດເດັກນ້ອຍ" ໃນປີ 2025 ໄດ້ຖືກກໍານົດໄວ້ທີ່ 330 ລ້ານເອີໂຣ ແລະ 360 ລ້ານເອີໂຣໃນປີ 2026.

ທັງນີ້, ທ່ານ ຈໍເຈຍ ເມໂລນີ ນາຍົກລັດຖະມົນຕີອີຕາລີ ກ່າວວ່າ:ການເພີ່ມອັດຕາການເກີດແມ່ນໜຶ່ງໃນບັນດາບຸລິມະສິດອັນດັບໜຶ່ງຂອງລັດຖະບານ.

ຂໍ້ມູນຈາກສະຖາບັນສະຖິຕິແຫ່ງຊາດຂອງອີຕາລີໃນເດືອນມີນາຜ່ານມາລະບຸວ່າ: ອັດຕາການຈະເລີນພັນຂອງອີຕາລີໃນປີ 2024 ແມ່ນຕໍ່າສຸດແບບບໍ່ເຄີຍມາມາກ່ອນ ຢູ່ທີ່ເດັກນ້ອຍ 1.18 ຄົນຕໍ່ແມ່ຍິງໜຶ່ງຄົນ. ຫຼຸດລົງຈາກສະຖິຕິກ່ອນໜ້ານີ້ ທີ່ເດັກນ້ອຍ 1.19 ຄົນຕໍ່ແມ່ຍິງໜຶ່ງຄົນໃນປີ 1995, ໂດຍຕົວເລກທັງສອງແມ່ນຕ່ໍາກວ່າ "ອັດຕາການທົດແທນ" ຊຶ່ງຢູ່ທີ່2.1 ຫາກອີຕາລີຕ້ອງການຮັກສາສະຖຽນລະພາບທາງດ້ານປະຊາກອນ.

ຄໍາເຫັນ

ຂ່າວຕ່າງປະເທດ

ເຫີເຟີຍ ແຂວງອານຮຸຍ ສປ ຈີນ ເມືອງອຸດສະຫະກໍາຊັ້ນນໍໍາ

13/06/2025 14:09

ແຂວງອານຮຸຍ ຕັ້ງຢູ່ພາກຕາເວັນອອກຂອງ ສປ ຈີນ ມີເນື້ອທີ່ທັງໝົດ 140,100 ຕາລາງກິໂລແມັດ ແລະ ມີປະຊາກອນ 61.21 ລ້ານຄົນ. ແຂວງອານຮຸຍ ມີທ່າແຮງໃນການຜະລິດຖ່ານຫີນ ແລະ ໄຟຟ້າ, ເຫຼັກ ແລະ ເຫຼັກກ້າ, ໂລຫະບໍ່ແມ່ນເຫຼັກ, ວັດຖຸກໍ່ສ້າງ, ອຸດສາຫະກຳເຄມີ ແລະ ເສັ້ນດ້າຍ. ສ່ວນອຸດສາຫະກຳໃໝ່ທີ່ສຳຄັນໄດ້ແກ່: ພາຫະນະພະລັງງານ ໃໝ່, ພະລັງງານແສງອາທິດທີ່ລໍ້າໜ້າ ແລະ ເຕັກໂນໂລຊີຂໍ້ມູນຂ່າວສານຍຸກໃໝ່, ປັນຍາປະດິດ, ອຸປະກອນທີ່ລ້ຳໜ້າ, ສຸຂະພາບ ແລະ ຊີວິດ, ອາຫານສີຂຽວຄຸນນະພາບສູງ, ວັດຖຸດິບໃໝ່ ແລະ ຄວາມຄິດສ້າງສັນດີຈີຕອນ.

ອົດສຕຣາລີ ເປີດຖານຂໍ້ມູນໂຄງກະດູກສັດແບບສາມມິຕິ ແຫ່ງທຳອິດຂອງໂລກ

13/06/2025 12:33

ຂ່າວຕ່າງປະເທດລາຍງານວ່າ: ໃນວັນທີ 12 ມິຖຸນາ ຜ່ານມາ, ອົສຕຣາລີ ໄດ້ເປີດຖານຂໍ້ມູນ 3 ມິຕິອອນລາຍ ໃໝ່ທີ່ມີຊື່ວ່າ: Ozboneviz ຊຶ່ງພັດທະນາໂດຍມະຫາວິທະຍາໄລ Flinders ຂອງອົສຕຣາລີ ແລະ ຄູ່ຮ່ວມງານ, ເປີດໃຫ້ທົ່ວໂລກສາມາດເຂົ້າເຖິງຂໍ້ມູນລາຍລະອຽດກ່ຽວກັບສັດປ່າທີ່ມີຊີວິດຢູ່ ແລະ ບໍ່ມີຊີວິດແລ້ວ ຂອງອົສຕຣາລີ.

ຈີນ ຈະປະຕິບັດມາດຕະການປອດພາສີ 100% ຕໍ່ສິນຄ້າຈາກ 53 ປະເທດໃນອາຟຣິກາ

13/06/2025 12:31

ຂ່າວສານຊີອາໄອລາຍງານ ໃນວັນທີ 12 ມິຖຸນາ ຜ່ານມາວ່າ: ໃນກອງປະຊຸມຖະແຫຼງຂ່າວຂອງກະຊວງການຕ່າງປະເທດຈີນ ທີ່ຈັດຂຶ້ນຫວ່າງບໍ່ດົນມານີ້, ທ່ານ ຫຼິນຈ້ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມນັກຂ່າວກ່ຽວກັບກອງປະຊຸມລະດັບລັດຖະມົນຕີຜູ້ປະສານງານເພື່ອຈັດຕັ້ງປະຕິບັດຕາມຜົນຂອງເວທີປຶກສາຫາລືການຮ່ວມມືລະຫວ່າງຈີນ-ອາຟຣິກາ ທີ່ຈັດຂຶ້ນຢູ່ນະຄອນສາງຊ່າ ແຂວງຫູໜານ ຂອງຈີນ.

ເຮືອບິນຕົກຢູ່ອິນເດຍ ເຮັດໃຫ້ມີຜູ້ເສຍຊີວິດຢ່າງໜ້ອຍ 290 ຄົນ ແລະ ລອດຊີວິດພຽງຄົນດຽວ

13/06/2025 12:30

ຂ່າວສານຊີອາໄອລາຍງານວ່າ: ໃນຕອນບ່າຍວັນທີ 12 ມິຖຸນາ ຜ່ານມານີ້, ເຮືອບິນໂດຍສານໂບອິງ-787 ລຳໜຶ່ງຂອງບໍລິສັດການບິນຂອງອິນເດຍໄດ້ເກີດອຸບັດຕິເຫດຕົກພາຍຫຼັງບິນຂຶ້ນຈາກລັດກູຈາຣັດ ທາງພາກຕາເວັນຕົກຂອງອິນເດຍ. ເຮືອບິນລຳດັ່ງກ່າວໄດ້ບັນທຸກ 242 ຄົນ. ນອກຈາກຜູ້ໂດຍສານ ແລະ ຈຸບິນແລ້ວ, ອຸບັດຕິເຫດຄັ້ງນີ້ຍັງເຮັດໃຫ້ມີຜູ້ເສຍຊີວິດ ແລະ ບາດເຈັບຢູ່ພາກພື້ນດິນອີກດ້ວຍ. ຕາມໂຕເລກຂໍ້ມູນຫຼ້າສຸດທີ່ເຈົ້າໜ້າທີ່ຕຳຫຼວດອິນເດຍເປີດເຜີຍໃຫ້ຮູ້ວ່າ: ອຸບັດເຫດຄັ້ງນີ້ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 290 ຄົນ.

ສະພາແຫ່ງຊາດຫວຽດນາມ ຮັບຮອງເອົາມະຕິວ່າດ້ວຍການສັບຊ້ອນຫົວໜ່ວຍບໍລິຫານຂັ້ນແຂວງ ປີ 2025

13/06/2025 12:29

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນເຊົ້າວັນທີ 12 ມິຖຸນາ ຜ່ານມາ, ບັນດາສະມາຊິກສະພາແຫ່ງຊາດທີ່ເຂົ້າຮ່ວມກອງປະຊຸມສະໄໝສາມັນເທື່ອທີ 9 ສະພາແຫ່ງຊາດ ຫວຽດນາມ ຊຸດທີ XV ໄດ້ຮັບຮອງເອົາມະຕິວ່າດ້ວຍການສັບຊ້ອນຫົວໜ່ວຍບໍລິຫານຂັ້ນແຂວງປີ 2025 ດ້ວຍອັດຕາ 96.44% ຂອງສະມາຊິກສະພາແຫ່ງຊາດທີ່ມີໜ້າໄດ້ເຫັນດີ, ໂດຍທົ່ວປະເທດມີ 34 ຫົວໜ່ວຍບໍລິຫານ, ລວມມີ 6 ນະຄອນຂຶ້ນກັບສູນກາງ ແລະ 28 ແຂວງ.

ອິນເດຍ ເຕືອນໄພຄື້ນຄວາມຮ້ອນລະດັບສີແດງ

12/06/2025 12:48

ຂ່າວຕ່າງປະເທດລາຍງານ ໃນວັນທີ 12 ມິຖຸນາ ນີ້ວ່າ: ອິນເດຍ ປະກາດເຕືອນໄພລະດັບ “ສີແດງ” ເພື່ອຮັບມືກັບຄື້ນຄວາມຮ້ອນຮຸ່ນແຮງ ແລະ ດັດສະນີຄວາມຮ້ອນສູງເຖິງ 51.9 ອົງສາ, ໃນຂະນະດຽວກັນຄຸນນະພາບອາກາດຢູ່ໃນລະດັບ “ບໍ່ດີ” ດັດຊະນີຄຸນນະພາບອາກາດ ຢູ່ທີ່ 245 ຊຶ່ງສູງເກີນມາດຕະຖານ ແລະ ສົ່ງຜົນກະທົບຕໍ່ສຸຂະພາບຂອງປະຊາຊົນ.

ອິນໂດເນເຊຍ ວາງຄາດໝາຍລຶບລ້າງຄວາມທຸກຍາກ ສຳເລັດພາຍໃນປີ 2026

12/06/2025 12:47

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ອັດມັດ ມໍລານີ ເຈົ້າໜ້າທີ່ພິເສດຂອງລັດຖະມົນຕີປະສານງານການສ້າງຄວາມເຂັ້ມແຂງຊຸມຊົນຂອງອິນໂດເນເຊຍ ກ່າວວ່າ: ລັດຖະບານອິນໂດເນເຊຍ ເຊື່ອໝັ້ນວ່າຄວາມພະຍາຍາມຫຼຸດຜ່ອນຄວາມທຸກຍາກຈະປະສົບຜົນສໍາເລັດ ແລະ ຈໍານວນປະຊາກອນທີ່ທຸກຍາກຈະຖືກລຶບລ້າງຊ້າສຸດພາຍໃນປີ 2026.

BOJ ເລັ່ງພັດທະນາລະບົບຊໍາລະເງິນດີຈີຕອນ

12/06/2025 12:46

ຂ່າວຕ່າງປະເທດລາຍງານ ໃນວັນທີ 11 ມິຖຸນາ ຜ່ານມາວ່າ: ເຖິງວ່າ ຍີ່ປຸ່ນ ຍັງມີການນຳໃຊ້ທະນະບັດໃນລະດັບສູງ, ແຕ່ ທະນາຄານກາງຍີ່ປຸ່ນ (BOJ) ຄາດຄະເນວ່າທ່າອ່ຽງການນຳໃຊ້ທະນະບັດອາດຈະຫຼຸດລົງຢ່າງຫຼວງຫຼາຍໃນອະນາຄົດ ເນື່ອງຈາກການຂະຫຍາຍຕົວຂອງ ດີຈີຕອນ ຢ່າງວ່ອງໄວ ຊຶ່ງການປ່ຽນແປງນີ້ໄດ້ກະຕຸ້ນໃຫ້ BOJ ເລັ່ງການວາງແຜນ ແລະ ການພັດທະນາລະບົບການຊຳລະເງິນທີ່ທັນສະໄໝ ແລະ ພ້ອມຮອງຮັບສະພາບສັງຄົມໃໝ່.

ມີຫຼາຍກວ່າ 30.000 ຄົນ ສະເໝີຊື່ເຂົ້າຮ່ວມງານວາງສະແດງເສດຖະກິດການຄ້າຈີນ-ອາຟຣິກາຄັ້ງທີ 4

12/06/2025 12:37

ຂ່າວສານຊີອາໄອລາຍງານ ໃນວັນທີ 12 ມິຖຸນາ ຜ່ານມາວ່າ: ງານວາງສະແດງເສດຖະກິດການຄ້າລະຫວ່າງຈີນ-ອາຟຣິກາ ຄັ້ງທີ 4 ໄດ້ຈັດຂຶ້ນຢູ່ນະຄອນສາງຊ່າ ແຂວງຫູໜານ ຂອງຈີນ ໃນລະຫວ່າງວັນທີ 12-15 ມິຖຸນານີ້. ປັດຈຸບັນ ມີຫຼາຍກວ່າ 30.000 ຄົນ ຈາກ 53 ປະເທດໃນອາຟຣິກາ, 11 ອົງການຈັດຕັ້ງສາກົນ, 4.700 ກວ່າວິສາຫະກິດ ພ້ອມດ້ວຍສະມາຄົມການຄ້າ, ສະຖາບັນການເງິນ ແລະ ອື່ນໆ ຂອງຈີນ ແລະ ອາຟຣິກາ ໄດ້ສະເໝີຊື່ເຂົ້າຮ່ວມງານວາງສະແດງຄັ້ງນີ້ແລ້ວ.

ຫວຽດນາມ ໃຫ້ຄຳໝັ້ນສັນຍາປົກປັກຮັກສາມະຫາສະໝຸດ ແລະ ລະບົບຊີວະພາບທະເລ

12/06/2025 12:33

ວິທະຍຸກະຈາຍສຽງຫວຽດນາມລາຍງານວ່າ: ໃນຂອບເຂດກອງປະຊຸມມະຫາສະໝຸດສະຫະປະຊາຊາດ ຄັ້ງທີ 3 ທີ່ຈັດຂຶ້ນຢູ່ ປະເທດຝຣັ່ງ, ໃນວັນທີ 11 ມິຖຸນາ ຜ່ານມາ ທ່ານ ບຸຍແທັງເຊີນ ຮອງນາຍົກລັດຖະມົນຕີ ລັດຖະມົນຕີການຕ່າງປະເທດ ຫວຽດນາມ ໄດ້ເປັນປະທານວາລະປະຊຸມກ່ຽວກັບການຄຸ້ມຄອງອາຊີບການປະມົງແບບຍືນຍົງ; ໃນນັ້ນ, ຫວຽດນາມ ໃຫ້ຄຳໝັ້ນສັນຍາຈະພັດທະນາອາຊີບຫາປາແບບຍືນຍົງ, ສືບຕໍ່ຜັນຂະຫຍາຍບັນດາລາຍການໜູນຊ່ວຍຊາວປະມົງ, ເພີ່ມທະວີການຄຸ້ມຄອງອາຊີບຫາປາ ແລະ ຕ້ານການຫາປາຢ່າງຜິດກົດໝາຍ, ບໍ່ລາຍງານ ແລະ ບໍ່ເຮັດຕາມຂໍ້ກຳນົດ (IUU).

ເພີ່ມເຕີມ