ບົດລາຍງານກອງປະຊຸມສະຫຼຸບວຽກງານປະຈໍາປີ 2023 ແລະ ທິດທາງແຜນການ ປີ 2024 ຂອງ ລັດວິສາຫະກິດໄຟຟ້າລາວ (ຟຟລ) ທີ່ໄດ້ເຜີຍແຜ່ໃນວັນທີ 14 ກຸມພາຜ່ານມາໃຫ້ຮູ້ວ່າ: ປີ 2023 ຟຟລ ສາມາດຈໍາໜ່າຍໄຟຟ້າເພີ່ມຂຶ້ນ ເມື່ອທຽບກັບປີ 2022; ຂະນະດຽວກັນ, ການຄຸ້ມຄອງລະບົບສົ່ງ ແລະ ຈໍາໜ່າຍໄຟຟ້າ ກໍໄດ້ຮັບການປັບປຸງໃຫ້ມີຄວາມສະຖຽນລະພາບ ແລະ ສາມາດຫຼຸດຜ່ອນພະລັງງານຕົກເຮ່ຍໃຫ້ຫຼຸດລົງໄດ້.
ໃນປີ 2023 ຊື້ພະລັງງານພາຍໃນ, ຜະລິດເອງ ແລະ ນໍາເຂົ້າຈາກຕ່າງປະເທດ ຈໍານວນທັງໝົດ 16.887,17 GWh ເທົ່າກັບ 90,09% ຂອງແຜນການ. ຂະນະທີ່ການຈໍາໜ່າຍ ແມ່ນສາມາດຈໍາໜ່າຍພະລັງງານໄຟຟ້າໄດ້ທັງໝົດ ເທົ່າກັບ 15.867,97 GWh ທຽບໃສ່ແຜນປະຕິບັດໄດ້ 90,79%; ແຕ່ຖ້າທຽບໃສ່ ປີ 2022 ການຈໍາໜ່າຍພະລັງງານໄຟຟ້າ ແມ່ນປະຕິບັດໄດ້ 101,41%. ປີຜ່ານມາ, ຟຟລ ຍັງໄດ້ສຸມໃສ່ວຽກງານການປັບປຸງ, ຄຸ້ມຄອງບໍາລຸງຮັກສາລະບົບສົ່ງ ແລະ ຈໍາໜ່າຍໄຟຟ້າ ໃຫ້ມີຄວາມສະຖຽນລະພາບ ບົນພື້ນຖານນໍາໃຊ້ລະບົບສົ່ງທີ່ມີໃນປັດຈຸບັນ ແລະ ບໍ່ມີການລົງທຶນໃໝ່ຊຶ່ງມາຮອດປັດຈຸບັນ ທົ່ວປະເທດ ມີສະຖານີໄຟຟ້າແຮງສູງ ທັງໝົດ 80 ແຫ່ງ, ລວມກໍາລັງຕິດຕັ້ງ ທັງໝົດ: 8.994 MVA; ລະບົບສາຍສົ່ງໄຟຟ້າແຮງສູງ 230 kV ລວງຍາວທັງໝົດ 1.859 km/ວົງຈອນ ແລະ ລະບົບສາຍສົ່ງໄຟຟ້າ 115 kV ລວງຍາວທັງໝົດ 6.985 km/ວົງຈອນ; ລະບົບຕາຂ່າຍແຮງດັນກາງ 22 kV-35 kV ລວງຍາວທັງໝົດ 37.948 km/ວົງຈອນ; ລະບົບຕາຂ່າຍແຮງດັນຕໍ່າ 0,4 kV ລວງຍາວທັງໝົດ 22.378 km/ວົງຈອນ; ມີໝໍ້ແປງລະບົບຈໍາໜ່າຍທັງໝົດ 37.467 ໜ່ວຍ, ລວມກໍາລັງຕິດຕັ້ງ 6.370 MVA; ມີຈໍານວນໝໍ້ນັບໄຟ ທີ່ຢູ່ໃນການຄຸ້ມຄອງ ຂອງ ໄຟຟ້າລາວ ທັງໝົດ 1.702.252 ໜ່ວຍ.
ຟຟລ ຍັງສາມາດຫຼຸດຜ່ອນພະລັງງານຕົກເຮ່ຍໃຫ້ຫຼຸດລົງໄດ້ ຊຶ່ງໃນປີຜ່ານມາ ປະຕິບັດໄດ້ໝົດລະບົບ ເທົ່າກັບ 6,80%, ທຽບໃສ່ ປີ 2022 ຈໍານວນ 8,80% ຫຼຸດລົງ 2%. ສ່ວນວຽກງານສະຖິຕິໄຟຕົກ-ໄຟມອດ ທົ່ວປະເທດ ກໍຫຼຸດລົງເຊັ່ນດຽວກັນຄືສະຖິຕິໄຟຕົກ-ໄຟມອດ ທົ່ວປະເທດ ພາກລະບົບສົ່ງ ຈໍານວນ 424 ຄັ້ງ, ທຽບໃສ່ປີ 2022 (ຈໍານວນ 557 ຄັ້ງ), ຫຼຸດລົງ 133 ຄັ້ງ ຫຼື ເທົ່າກັບ 23,88%; ສະຖິຕິໄຟຕົກ-ໄຟມອດ ທົ່ວປະເທດ ພາກລະບົບຈໍາໜ່າຍ ຈໍານວນ 9.310 ຄັ້ງ, ທຽບໃສ່ ປີ 2022 (ຈໍານວນ 13.580 ຄັ້ງ), ຫຼຸດລົງ 4.272 ຄັ້ງ ຫຼື ເທົ່າກັບ 31,45%.
ນອກນີ້, ຟຟລ ຍັງມີໂຄງການສາຍສົ່ງ-ສະຖານີໄຟຟ້າ ແລະ ປັບປຸງລະບົບຈໍາໜ່າຍ ທີ່ກໍາລັງຈັດຕັ້ງປະຕິບັດ ລວມທັງໝົດມີ 9 ໂຄງການ: ໂຄງການສາຍສົ່ງ 500 kV ຊຽງຂວາງ-ນາຊາຍທອງ, ຄວາມຄືບໜ້າ 93,89%; ໂຄງການສາຍສົ່ງ 500/230 kV ອ້ອມນະຄອນຫຼວງວຽງຈັນ, ຄວາມຄືບໜ້າ 41,96%; ໂຄງການສາຍສົ່ງ 115 kV ເຂົ້າຕົວເມືອງນະຄອນຫຼວງວຽງຈັນ, ຄວາມຄືບໜ້າ 65,27%; ໂຄງການສາຍສົ່ງ 115 kV ນາໄຫ-ທ່ານາແລ້ງ, ຄວາມຄືບໜ້າ 94,43%; ໂຄງການສາຍສົ່ງ 115 kV ບັງເຢາະ-ສິລິນທອນ (ສໍາເລັດການກໍ່ສ້າງ 100% ຍັງວຽກຕິດພັນກັບການປັບປຸງສັນຍາເພີ່ມຕື່ມ ໃນມູນຄ່າໜ້າວຽກເພີ່ມໂຄງການ); ໂຄງການສາຍສົ່ງ ທີ່ນໍາໃຊ້ຮ່ວງເງິນ Pinggaoພາກເໜືອ, ຄວາມຄືບໜ້າປະມານ 10% (ໂຄງການຍັງບໍ່ທັນດໍາເນີນການກໍ່ສ້າງ); ໂຄງການສາຍສົ່ງ ທີ່ນໍາໃຊ້ຮ່ວງເງິນ Pinggaoພາກໃຕ້, ຄວາມຄືບໜ້າ 81,97%; ໂຄງການປັບປຸງລະບົບຈໍາໜ່າຍ 115 kV (ຢູ່ໃນໄລຍະກະກຽມວ່າຈ້າງຊ່ຽວຊານ ສະເພາະດ້ານ ແລະ ບໍລິສັດທີ່ປຶກສາ); ໂຄງການກໍ່ສ້າງ ແລະ ປັບປຸງສະຖານີໄຟຟ້າ 115/22 kV ໂພນຕ້ອງ ຄວາມຄືບໜ້າຮອດເດືອນ 01/2024 ສໍາເລັດ 72,39%.
(ຂ່າວ: ສຸກສະຫວັນ, ພາບ: ຟຟລ)
ໃນປີ 2023 ຊື້ພະລັງງານພາຍໃນ, ຜະລິດເອງ ແລະ ນໍາເຂົ້າຈາກຕ່າງປະເທດ ຈໍານວນທັງໝົດ 16.887,17 GWh ເທົ່າກັບ 90,09% ຂອງແຜນການ. ຂະນະທີ່ການຈໍາໜ່າຍ ແມ່ນສາມາດຈໍາໜ່າຍພະລັງງານໄຟຟ້າໄດ້ທັງໝົດ ເທົ່າກັບ 15.867,97 GWh ທຽບໃສ່ແຜນປະຕິບັດໄດ້ 90,79%; ແຕ່ຖ້າທຽບໃສ່ ປີ 2022 ການຈໍາໜ່າຍພະລັງງານໄຟຟ້າ ແມ່ນປະຕິບັດໄດ້ 101,41%. ປີຜ່ານມາ, ຟຟລ ຍັງໄດ້ສຸມໃສ່ວຽກງານການປັບປຸງ, ຄຸ້ມຄອງບໍາລຸງຮັກສາລະບົບສົ່ງ ແລະ ຈໍາໜ່າຍໄຟຟ້າ ໃຫ້ມີຄວາມສະຖຽນລະພາບ ບົນພື້ນຖານນໍາໃຊ້ລະບົບສົ່ງທີ່ມີໃນປັດຈຸບັນ ແລະ ບໍ່ມີການລົງທຶນໃໝ່ຊຶ່ງມາຮອດປັດຈຸບັນ ທົ່ວປະເທດ ມີສະຖານີໄຟຟ້າແຮງສູງ ທັງໝົດ 80 ແຫ່ງ, ລວມກໍາລັງຕິດຕັ້ງ ທັງໝົດ: 8.994 MVA; ລະບົບສາຍສົ່ງໄຟຟ້າແຮງສູງ 230 kV ລວງຍາວທັງໝົດ 1.859 km/ວົງຈອນ ແລະ ລະບົບສາຍສົ່ງໄຟຟ້າ 115 kV ລວງຍາວທັງໝົດ 6.985 km/ວົງຈອນ; ລະບົບຕາຂ່າຍແຮງດັນກາງ 22 kV-35 kV ລວງຍາວທັງໝົດ 37.948 km/ວົງຈອນ; ລະບົບຕາຂ່າຍແຮງດັນຕໍ່າ 0,4 kV ລວງຍາວທັງໝົດ 22.378 km/ວົງຈອນ; ມີໝໍ້ແປງລະບົບຈໍາໜ່າຍທັງໝົດ 37.467 ໜ່ວຍ, ລວມກໍາລັງຕິດຕັ້ງ 6.370 MVA; ມີຈໍານວນໝໍ້ນັບໄຟ ທີ່ຢູ່ໃນການຄຸ້ມຄອງ ຂອງ ໄຟຟ້າລາວ ທັງໝົດ 1.702.252 ໜ່ວຍ.
ຟຟລ ຍັງສາມາດຫຼຸດຜ່ອນພະລັງງານຕົກເຮ່ຍໃຫ້ຫຼຸດລົງໄດ້ ຊຶ່ງໃນປີຜ່ານມາ ປະຕິບັດໄດ້ໝົດລະບົບ ເທົ່າກັບ 6,80%, ທຽບໃສ່ ປີ 2022 ຈໍານວນ 8,80% ຫຼຸດລົງ 2%. ສ່ວນວຽກງານສະຖິຕິໄຟຕົກ-ໄຟມອດ ທົ່ວປະເທດ ກໍຫຼຸດລົງເຊັ່ນດຽວກັນຄືສະຖິຕິໄຟຕົກ-ໄຟມອດ ທົ່ວປະເທດ ພາກລະບົບສົ່ງ ຈໍານວນ 424 ຄັ້ງ, ທຽບໃສ່ປີ 2022 (ຈໍານວນ 557 ຄັ້ງ), ຫຼຸດລົງ 133 ຄັ້ງ ຫຼື ເທົ່າກັບ 23,88%; ສະຖິຕິໄຟຕົກ-ໄຟມອດ ທົ່ວປະເທດ ພາກລະບົບຈໍາໜ່າຍ ຈໍານວນ 9.310 ຄັ້ງ, ທຽບໃສ່ ປີ 2022 (ຈໍານວນ 13.580 ຄັ້ງ), ຫຼຸດລົງ 4.272 ຄັ້ງ ຫຼື ເທົ່າກັບ 31,45%.
ນອກນີ້, ຟຟລ ຍັງມີໂຄງການສາຍສົ່ງ-ສະຖານີໄຟຟ້າ ແລະ ປັບປຸງລະບົບຈໍາໜ່າຍ ທີ່ກໍາລັງຈັດຕັ້ງປະຕິບັດ ລວມທັງໝົດມີ 9 ໂຄງການ: ໂຄງການສາຍສົ່ງ 500 kV ຊຽງຂວາງ-ນາຊາຍທອງ, ຄວາມຄືບໜ້າ 93,89%; ໂຄງການສາຍສົ່ງ 500/230 kV ອ້ອມນະຄອນຫຼວງວຽງຈັນ, ຄວາມຄືບໜ້າ 41,96%; ໂຄງການສາຍສົ່ງ 115 kV ເຂົ້າຕົວເມືອງນະຄອນຫຼວງວຽງຈັນ, ຄວາມຄືບໜ້າ 65,27%; ໂຄງການສາຍສົ່ງ 115 kV ນາໄຫ-ທ່ານາແລ້ງ, ຄວາມຄືບໜ້າ 94,43%; ໂຄງການສາຍສົ່ງ 115 kV ບັງເຢາະ-ສິລິນທອນ (ສໍາເລັດການກໍ່ສ້າງ 100% ຍັງວຽກຕິດພັນກັບການປັບປຸງສັນຍາເພີ່ມຕື່ມ ໃນມູນຄ່າໜ້າວຽກເພີ່ມໂຄງການ); ໂຄງການສາຍສົ່ງ ທີ່ນໍາໃຊ້ຮ່ວງເງິນ Pinggaoພາກເໜືອ, ຄວາມຄືບໜ້າປະມານ 10% (ໂຄງການຍັງບໍ່ທັນດໍາເນີນການກໍ່ສ້າງ); ໂຄງການສາຍສົ່ງ ທີ່ນໍາໃຊ້ຮ່ວງເງິນ Pinggaoພາກໃຕ້, ຄວາມຄືບໜ້າ 81,97%; ໂຄງການປັບປຸງລະບົບຈໍາໜ່າຍ 115 kV (ຢູ່ໃນໄລຍະກະກຽມວ່າຈ້າງຊ່ຽວຊານ ສະເພາະດ້ານ ແລະ ບໍລິສັດທີ່ປຶກສາ); ໂຄງການກໍ່ສ້າງ ແລະ ປັບປຸງສະຖານີໄຟຟ້າ 115/22 kV ໂພນຕ້ອງ ຄວາມຄືບໜ້າຮອດເດືອນ 01/2024 ສໍາເລັດ 72,39%.
(ຂ່າວ: ສຸກສະຫວັນ, ພາບ: ຟຟລ)
ຄໍາເຫັນ