ກໍຄືພໍ່ແມ່ປະຊາຊົນບັນດາເຜົ່າຊາວແຂວງດັກລັກ ແລະ ແຂວງຢາລາຍ, ທັງນີ້ກໍ່ເພື່ອເພີ່ມທະວີຮັດແໜ້ນສາຍພົວພັນ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງຊາດລາວ-ຫວຽດນາມ ເວົ້າລວມ, ເວົ້າສະເພາະລະຫວ່າງ ແຂວງອັດຕະປື ສປປລາວ ກັບ ແຂວງ ດັກລັກ ແລະ ແຂວງຢາລາຍ ສສ ຫວຽດນາມ ໃນການຮ່ວມມື ຮອບດ້ານໃຫ້ນັບມື້ນັບ ມີຄວາມເຂັ້ມແຂງ, ເຕີບໃຫຍ່ຢ່າງບໍ່ຢຸດຢັ້ງ ແລະ ມີປະສິດທິພາບສູງຂຶ້ນຫຼາຍກວ່າເກົ່າ.
ການເຄື່ອນໄຫວອ່ວຍພອນດັ່ງກ່າວ, ໄດ້ຈັດຂຶ້ນໃນວັນທີ 22 ມັງກອນຜ່ານມານີ້ ທີ່ສໍານັກງານ ຫ້ອງວ່າການຄະນະພັກແຂວງ ດັກລັກ, ໂດຍໃຫ້ກຽດຕ້ອນຮັບຢ່າງອົບອຸ່ນຂອງ ສະຫາຍ ຫງຽນຕ໋ວນຮ່າ ຄະນະປະຈຳພັກແຂວງ ຮອງປະທານຄະນະກຳມະການປະຊົນແຂວງ ພ້ອມດ້ວຍຄະນະ ເຂົ້າຮ່ວມຕ້ອນຮັບ.
ໃນວັນດຽວກັນນີ້, ຄະນະນໍາແຂວງອັດຕະປື ກໍໄດ້ສືບຕໍ່ເດີນທາງໄປແຂວງ ຢາລາຍ ເພື່ອເຂົ້າຢ້ຽມຢາມ ແລະ ອ່ວຍພອນ ຄະນະພັກ, ຄະນະນຳກໍຄືພໍ່ແມ່ປະຊາຊົນຊາວແຂວງຢາລາຍ ໂດຍໃຫ້ກຽດຕ້ອນຮັບຢ່າງອົບອຸ່ນຂອງ ສະຫາຍ ເຈົາຫງອກຕ໋ວນ ຮອງເລຂາພັກແຂວງ ຫົວໜ້າຄະນະຜູ້ແທນສະພາປະຊາຊົນແຂວງ ພ້ອມດ້ວຍຄະນະ, ທີ່ສຳນັກງານຫ້ອງວ່າການຄະນະພັກແຂວງຢາລາຍ.
(ຂ່າວ-ພາບ: ວິໄລສັກ ແກ້ວຫຼວງໂຄດ)
ພັກ ປປ ລາວ ເຂົ້າເປັນສະມາຊິກຄະນະປະຈໍາຂອງອົງການກອງປະຊຸມສາກົນ ຂອງບັນດາພັກການເມືອງໃນອາຊີ ຢ່າງເປັນທາງການ
ຄະນະຜູ້ແທນພັກ ປປ ລາວ ນໍາໂດຍ ສະຫາຍ ວາລະໄຊ ເລັ່ງສະຫວັດ ກໍາມະການສໍາຮອງສູນກາງພັກ ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ເຂົ້າຮ່ວມກອງປະຊຸມໃຫຍ່ ຂອງອົງການກອງປະຊຸມສາກົນຂອງບັນດາພັກການເມືອງໃນອາຊີ (International Conference of Asian Political Parties ຫຼື ICAPP) ຄັ້ງທີ 13 ແລະ ກອງປະຊຸມຄະນະປະຈໍາ ຄັ້ງທີ 46 ພາຍໃຕ້ຫົວຂໍ້: “ການຟື້ນຟູຄວາມໄວ້ເນື້ອເຊື່ອໃຈໃນໂລກທີ່ກຳລັງປ່ຽນແປງ” (Rebuilding Trust in a Transforming World) ໃນລະຫວ່າງວັນທີ 4-7 ພະຈິກ ຜ່ານມາ ທີ່ນະຄອນຫຼວງເຊອູນ ສ ເກົາຫຼີ, ໂດຍການເປັນເຈົ້າພາບຮ່ວມຂອງພັກປະຊາທິປະໄຕ ແລະ ພັກພະລັງປະຊາຊົນ ຂອງ ສ ເກົາຫຼີ, ມີຄະນະຜູ້ແທນຈາກພັກການເມືອງ ຫຼາຍກວ່າ 83 ພັກທີ່ມາຈາກ 36 ປະເທດເຂົ້າຮ່ວມ ແລະ 3 ອົງການຈັດຕັ້ງສາກົນສັງເກດການ.
ຄໍາເຫັນ