ການນຳເຂົ້າ ແລະ ສົ່ງອອກສິນຄ້າຂອງຈີນ ສືບຕໍ່ເພີ່ມຂຶ້ນ

12:45 19/09/2025

ຂ່າວສານຊີອາໄອລາຍງານວ່າ: ໃນວັນທີ 15 ກັນຍາ ຜ່ານມາ, ຫ້ອງການຖະແຫຼງຂ່າວລັດຖະບານຈີນ ໄດ້ຈັດກອງປະຊຸມຖະແຫຼງຂ່າວ, ທ່ານ ຟູ້ລີງຮຸ່ຍ ໂຄສົກອົງການສະຖິຕິແຫ່ງຊາດຈີນໄດ້ລາຍງານສະພາບການພັດທະນາເສດຖະກິດແຫ່ງລັດຈີນໃນເດືອນສິງຫາ ປີ 2025 ແລະ ຕອບຄຳຖາມຂອງນັກຂ່າວ.

ທ່ານ ຟູ້ລີງຮຸ່ຍ ກ່າວວ່າ: ໃນເດືອນສິງຫາ ຜ່ານມາ, ຍອດມູນຄ່າການນຳເຂົ້າ ແລະ ສົ່ງອອກສິນຄ້າຂອງຈີນມີເຖິງ 3,874 ຕື້ 400 ລ້ານຢວນ, ເພີ່ມຂຶ້ນ 3.5% ເມື່ອທຽບໃສ່ໄລຍະດຽວກັນຂອງປີ 2024. ໃນນັ້ນ, ການສົ່ງອອກມີເຖິງ 2,303 ຕື້ 500 ລ້ານຢວນ, ເພີ່ມຂຶ້ນ 4.8%, ການນຳເຂົ້າມີເຖິງ 1,570 ຕື້ 900 ລ້ານຢວນ, ເພີ່ມຂຶ້ນ 1.7%. ນັບແຕ່ເດືອນມັງກອນ ຫາ ເດືອນສິງຫາປີນີ້, ຍອດມູນຄ່າການນຳເຂົ້າ ແລະ ສົ່ງອອກສິນຄ້າຂອງຈີນມີເຖິງ 29,569 ຕື້ 600 ລ້ານຢວນ, ເພີ່ມຂຶ້ນ 3.5% ເມື່ອທຽບໃສ່ໄລຍະດຽວກັນຂອງປີ 2024. ນັບແຕ່ເດືອນມັງກອນ ຫາ ເດືອນສິງຫາປີນີ້, ການນຳເຂົ້າ ແລະ ສົ່ງອອກທົ່ວໄປເພີ່ມຂຶ້ນ 2.2%, ກວມ 63.9% ຂອງຍອດມູນຄ່າຂອງການນຳເຂົ້າ ແລະ ສົ່ງອອກທັງໝົດ, ສ່ວນການນຳເຂົ້າ ແລະ ສົ່ງອອກຕໍ່ປະເທດທີ່ຮ່ວມກັນສ້າງ “ໜຶ່ງແລ້ວໜຶ່ງເສັ້ນທາງ” ເພີ່ມຂຶ້ນ 5.4%.

ຄໍາເຫັນ

ຂ່າວຕ່າງປະເທດ

ລາຄາຄຳ ແລະ ເງິນໃນຕະຫຼາດໂລກຫຼຸດລົງຢ່າງວ່ອງໄວ

23/10/2025 11:27

ຂ່າວສານຊີອາໄອລາຍງານວ່າ: ໃນວັນທີ 21 ຕຸລາຜ່ານມາ, ຍ້ອນໄດ້ຮັບຜົນກະທົບຈາກຫຼາຍປັດໄຈ, ໄດ້ເຮັດໃຫ້ລາຄາຄໍາໃນຕະຫຼາດໂລກຫຼຸດລົງເກີນ 6% ໃນຊົ່ວໄລຍະໜຶ່ງ, ຄິດເປັນມູນຄ່າ ຕ່ຳລົງເຖິງ 4,100 ໂດລາຕໍ່ອອນ ຊຶ່ງເປັນຈຳນວນຫຼຸດລົງຫຼາຍທີ່ສຸດຕໍ່ມື້ ໃນຮອບ 12 ປີຜ່ານມາ; ສ່ວນລາຄາເງິນໃນຕະຫຼາດໂລກໄດ້ຫຼຸດລົງເກີນ 8% ໃນຊົ່ວໄລຍະໜຶ່ງ, ຄິດເປັນມູນຄ່າຫຼຸດຕ່ຳລົງເຖິງ 48 ໂດລາຕໍ່ອອນ ຊຶ່ງເປັນຈຳນວນຫຼຸດລົງຫຼາຍທີ່ສຸດຕໍ່ມື້ ຫຼັງຈາກປີ 2021 ເປັນຕົ້ນມາ.

ຫວຽດນາມ ແລະ ແຟງລັງ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ

23/10/2025 11:25

ວິທະຍຸກະຈາຍສຽງຫວຽດນາມລາຍງານວ່າ: ໃນຂອບເຂດການຢ້ຽມຢາມ ແຟງລັງ ຢ່າງເປັນທາງການ, ໃນວັນທີ 21 ຕຸລາ ຜ່ານມາ ພາຍຫຼັງພິທີຕ້ອນຮັບໄດ້ຈັດຂຶ້ນຢ່າງສົມກຽດຢູ່ທຳນຽບປະທານາທິບໍດີ, ທ່ານ ໂຕເລິມ ເລຂາທິການໃຫຍ່ຫວຽດນາມ ໄດ້ມີການພົບປະເຈລະຈາກັບທ່ານ ອາເລັກຊານເດີ ສະຕັບ ປະທານາທິບໍດີ ແຟັງລັງ

ສະວິດ ສົ່ງອອກສິນຄ້າໄປ ສະຫະລັດ ອາເມຣິກາ ເພີ່ມຂຶ້ນໃນເດືອນກັນຍາ

22/10/2025 16:03

ຂ່າວຕ່າງປະເທດລາຍງານວ່າ: ຫ້ອງການພາສີ ຂອງສະວິດ ປະກາດໃນວັນທີ 21 ຕຸລາ ຜ່ານມາວ່າ, ການສົ່ງອອກສິນຄ້າໄປສະຫະລັດ ອາເມຣິກາ ຊຶ່ງບໍ່ລວມຄໍາ, ເພີ່ມຂຶ້ນ 43% ໃນເດືອນກັນຍາ ເມື່ອທຽບກັບເດືອນສິງຫາ, ໃນຂະນະທີ່ການສົ່ງອອກໂດຍລວມເພີ່ມຂຶ້ນ 3.4% ຊຶ່ງຊີ້ໃຫ້ເຫັນວ່າຄວາມຕ້ອງການສິນຄ້າຂອງສະວິດຍັງແຂງແຮງ ເຖິງວ່າຈະມີຜົນກະທົບຂອງອັດຕາພາສີ 39% ຂອງລັດຖະບານ ທ່ານ ໂດໂນ ທຣໍາ ຕໍ່ການນໍາເຂົ້າສິນຄ້າຈາກສະວິດ.

ແຮງງານອົບພະຍົບ ມີບົດບາດສຳຄັນຕໍ່ເສດຖະກິດອີຕາລີ

22/10/2025 16:01

ຂ່າວຕ່າງປະເທດລາຍງານ ໃນວັນທີ 21 ຕຸລາ ຜ່ານມາວ່າ: ມູນນິທິ Leone Moressa ທີ່ນະຄອນເວນິສ ປະເທດອີຕາລີ ໄດ້ເປີດເຜີຍບົດລາຍງານເສດຖະກິດທີ່ຂັບເຄື່ອນໂດຍແຮງງານອົບພະຍົບ ລະບຸວ່າ: ແຮງງານອົບພະຍົບສືບຕໍ່ມີບົດບາດສຳຄັນໃນເສດຖະກິດ ແລະ ປະຊາກອນຂອງອີຕາລີ ໃນປີ 2024 ເນື່ອງຈາກຈໍານວນຜູ້ປະກອບການຊາວຕ່າງປະເທດເພີ່ມຂຶ້ນຢ່າງຕໍ່ເນື່ອງ.

ການສົ່ງອອກຂອງຍີ່ປຸ່ນ ໃນເດືອນກັນຍາ ເພີ່ມຂຶ້ນ 4.2%

22/10/2025 16:00

ຂ່າວຕ່າງປະເທດລາຍງານວ່າ: ກະຊວງການເງິນຍີ່ປຸ່ນປະກາດໃນວັນທີ 22 ຕຸລານີ້ວ່າ, ການສົ່ງອອກໃນເດືອນກັນຍາໄດ້ເພີ່ມຂຶ້ນ 4.2% ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງໄດ້ຟື້ນຕົວຄືນຫຼັງຈາກຫຼຸດລົງ 4 ເດືອນຕິດຕໍ່ກັນ ຍ້ອນການເຕີບໂຕທີ່ເຂັ້ມແຂງຂອງການສົ່ງອອກໄປອາຊີ ແລະ ສາມາດຊົດເຊີຍການຫຼຸດລົງຂອງການສົ່ງອອກໄປຍັງສະຫະລັດ ອາເມຣິກາ.

ຈີນ ແລະ ປະເທດຄູ່ຮ່ວມ “ໜຶ່ງແລວໜຶ່ງເສັ້ນທາງ” ຍົກສູງການຮ່ວມມືດ້ານກະສິກໍາ

22/10/2025 15:01

ຂ່າວສານຊີອາໄອລາຍງານວ່າ: ງານຕະຫຼາດນັດຜະລິດຕະພັນກະສິກຳສາກົນຈີນ ຄັ້ງທີ 22 ໄດ້ຈັດຂຶ້ນຢູ່ນະຄອນທຽນສິນຂອງຈີນ ຫວ່າງມໍ່ໆມານີ້. ຂ່າວລະບຸວ່າ: ຫໍວາງສະແດງສາກົນຂອງງານຕະຫຼາດນັດຄັ້ງນີ້ໄດ້ເຕົ້າໂຮມ 66 ວິສາຫະກິດ ທີ່ມາຈາກ 19 ປະເທດ ແລະ ເຂດແຄວ້ນຂອງ 5 ທະວີບ ຊຶ່ງລວມມີໄທ, ບຣາຊິນ, ອີຕາລີ, ມາເລເຊຍ, ນູແວນເຊລັງ, ອູກັນດາ ແລະ ປະເທດອື່ນໆ, ໂດຍໄດ້ສະແດງໃຫ້ເຫັນເຖິງຜົນງານການຮ່ວມມືດ້ານກະສິກຳລະຫວ່າງປະເທດຄູ່ຮ່ວມ “ໜຶ່ງແລວໜຶ່ງເສັ້ນທາງ”.

ຫວຽດນາມ ກະກຽມຈັດກອງປະຊຸມໃຫຍ່ແຂ່ງຂັນຮັກຊາດທົ່ວປະເທດ ຄັ້ງທີ XI

22/10/2025 14:24

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ຕຸລາ ຜ່ານມາ ຢູ່ສຳນັກງານລັດຖະບານ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ປະທານສະພາແຂ່ງຂັນ - ຍ້ອງຍໍ ສູນກາງ ໄດ້ເປັນປະທານກອງປະຊຸມຄັ້ງທີ 14 ຂອງສະພາແຂ່ງຂັນ.

ສູນຝຶກຄົນພິການເປັນສ່ວນໜຶ່ງທີ່ສຳຄັນທາງສັງຄົມ

21/10/2025 13:32

ຄົນປົກກະຕິທຸກຄົນອາດຈະຂາດບາງຢ່າງໃນຊີວິດມັນກໍເປັນເລື່ອງທຳມະດາ ແຕ່ສິ່ງທີ່ຄົນພິການບໍ່ເຄີຍຂາດຄື “ຄວາມຝັນ ແລະ ກຳລັງໃຈ” ໃນໂລກທີ່ເຕັມໄປດ້ວຍອຸປະສັກ ແລະ ຄວາມບໍ່ເທົ່າທຽມ ຄົນພິການຫຼາຍຄົນກໍຍັງຢືນຢັນວ່າ “ຄວາມພິການ” ບໍ່ແມ່ນກຳແພງກັ້ນຄວາມຝັນ ແຕ່ເປັນພຽງບົດຮຽນທົດສອບໃນຊີວິດທີ່ເຮັດໃຫ້ພວກເຂົາເຂັ້ມແຂງກວ່າເກົ່າ. ລັດຖະບານຈີນ ໄດ້ຖືບັນຫານີ້ເປັນສິ່ງສຳຄັນໃນການເອົາໃຈໃສ່ດູແລຄົນພິການຢ່າງສະເໝີຕົ້ນສະເໝີປາຍ.

ຊາວແຄລິຟໍເນຍ ຫຼາຍກວ່າ 10 ລ້ານຄົນ ຝຶກຊ້ອມຮັບມືກັບແຜ່ນດິນໄຫວ

21/10/2025 13:21

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຊາວຄາລິຟໍເນຍຫຼາຍກວ່າ 10 ລ້ານຄົນ ໄດ້ເຂົ້າຮ່ວມການຝຶກຊ້ອມກຽມພ້ອມຮັບມືກັບແຜ່ນດິນໄຫວໃນທົ່ວປະເທດ ປະຈຳປີ 2025 ເພື່ອເພີ່ມຄວາມຮັບຮູ້ ແລະ ເພີ່ມຂີດຄວາມອາດສາມາດໃນການຮັບມືກັບແຜ່ນດິນໄຫວຂະໜາດໃຫຍ່.

ເກີດເຫດລັກຊັບສິນ ຢູ່ຫໍພິພິທະພັນສິລະປະລູຟ

21/10/2025 13:18

ຂ່າວສານຊີອາໄອລາຍງານວ່າ: ໃນວັນທີ 19 ຕຸລາ ຜ່ານມາ ຢູ່ຫໍພິພິທະພັນສິລະປະລູຟ ທີ່ນະຄອນຫຼວງປາຣີ ປະເທດຝຣັ່ງ ໄດ້ເກີດເຫດລັກລອບຊັບສິນ, ລວມມີເຄື່ອງປະດັບເພັດ 9 ຢ່າງ ທີ່ “ບໍ່ສາມາດປະເມີນມູນຄ່າທາງປະຫວັດສາດໄດ້” ຖືກລັກລອບ. ຜູ້ຕ້ອງຫາ “ນຳໃຊ້ລິບຂຶ້ນລົງຈາກທາງນອກເຂົ້າໃນຫໍພິພິທະພັນລູຟ”, ເພື່ອເຄື່ອນໄຫວລົງມືກໍ່ເຫດໂດຍໃຊ້ເວລາພຽງ 7 ນາທີເທົ່ານັ້ນ.

ເພີ່ມເຕີມ