ໃນວັນທີ 1 ກຸມພານີ້ ທ່ານ ສະນັ່ນ ສີພາພົມມະຈັນ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງຈຳປາສັກ ພ້ອມດ້ວຍບັນດາພະແນກການອ້ອມຂ້າງແຂວງ ໄດ້ລົງພົບປະຢ້ຽມຢາມອວຍພອນນາຍ ແລະ ພົນທະຫານກອງຮ້ອຍທະຫານຊາຍແດນ 527, 526, ກອງສຳຫຼວດປັກຫຼັກໝາຍຊາຍແດນ ລາວ-ກຳປູເຈຍ ແລະ ກອງບັນຊາການທະຫານເມືອງ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ພ້ອມມອບເຄື່ອງອຸປະໂພກ ແລະ ບໍລິໂພກຈຳນວນໜຶ່ງ.
ໂອກາດນີ້, ທ່ານ ສະນັ່ນ ສີພາພົມມະຈັນ ກໍໄດ້ໂອ້ລົມ ແລະ ເນັ້ນໃຫ້ຄະນະພັກ, ຄະນະບັນຊາແຕ່ລະຂັ້ນ ຕັ້ງໜ້າປັບປຸງກໍ່ສ້າງກອງທັບໃຫ້ເຂັ້ມແຂງຮອບດ້ານ, ເພີ່ມທະວີການນໍາພາຂອງພັກຕໍ່ກຳລັງປະກອບອາວຸດ, ສ້າງກົມກອງ 3 ປອດ, ກົມກອງນັກຮົບວັດທະນະທຳໃຫ້ມີຄຸນນະພາບ, ປັບປຸງລະບຽບແບບແຜນຂອງກອງທັບໃຫ້ມີຄຸນນະພາບ ຕິດແທດກັບໜ້າທີ່ການເມືອງຂອງກອງທັບໃນໄລຍະໃໝ່; ພ້ອມທັງ ໃຫ້ເອົາໃຈໃສ່ສ້າງພະລາທິການກັບທີ່, ຕົ້ນຕໍແມ່ນຮັບປະກັນໃຫ້ໄດ້ດ້ານສະບຽງອາຫານ, ຍູ້ແຮງການຜະລິດ ແລະ ຂະຫຍາຍເຂດຜະລິດກະສິກໍາເພື່ອຍົກລະດັບຊີວິດການເປັນຢູ່ໃຫ້ດີຂຶ້ນ. ພ້ອມນັ້ນ; ໃຫ້ເອົາໃຈໃສ່ວຽກງານເຕັກນິກການທະຫານເປັນຕົ້ນ: ປົກປັກຮັກສາ ແລະ ບົວລະບັດພັດເຊັດພາຫະນະເຕັກນິກ, ອາວຸດ-ກະສູນໃຫ້ດີ, ປັບປຸງຄືນລະບົບສາງຄັງເກັບມ້ຽນ, ເອກະສານນິຕິກຳໃນການຄຸ້ມຄອງ-ນຳໃຊ້ ໃຫ້ເຂົ້າສູ່ລະບົບ, ຮັບປະກັນຄຸນນະພາບ ແລະ ຕິດຕາມແຜນການດັດແປງພາຫະນະ-ເຕັກນິກ, ສ້ອມແປງພາຫະນະໃຫ້ສໍາເລັດຕາມແຜນການ.
ຄຽງຄູ່ກັນນີ້ ກໍຕ້ອງໄດ້ເພີ່ມທະວີການຊີ້ນຳ-ນໍາພາ ວຽກງານປ້ອງກັນຊາດ-ປ້ອງກັນຄວາມສະຫງົບ, ຮັບປະກັນສະຖຽນລະພາບ ແລະ ຄວາມໝັ້ນຄົງຂອງປະເທດຊາດ; ຕ້ອງຕັ້ງໜ້າຍົກສູງສະຕິສະກັດກັ້ນ ແລະ ຕ້ານທຸກກົນອຸບາຍຂອງສັດຕູ, ທັບມ້າງຍຸດທະສາດຫັນປ່ຽນໂດຍສັນຕິຂອງອິດທິກໍາລັງປໍລະປັກ, ເປັນເຈົ້າການໃນການປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຂອງພັກ, ປົກປັກຮັກສາລະບອບໃໝ່ປະຊາທິປະໄຕ ປະຊາຊົນ ໄວ້ໃຫ້ໝັ້ນຄົງ, ສືບຕໍ່ຈັດຕັ້ງກຳລັງລົງກໍ່ສ້າງຮາກຖານການເມືອງ, ສ້າງທ່າສະໜາມ 3 ຂັ້ນ ຕິດພັນກັບວຽກງານ 3 ສ້າງ ໂດຍສຸມໃສ່ບໍລິເວນຊາຍແດນ, ເຂດສອກຫຼີກ, ສົມທົບແໜ້ນ 3 ດ້ານໄປພ້ອມໆກັນ (ດ້ານການເມືອງ, ເສດຖະກິດ ແລະ ການທະຫານ) ກັບການປັບປຸງລະບົບການຈັດຕັ້ງຢູ່ຮາກຖານໃຫ້ໜັກແໜ້ນເຂັ້ມແຂງໃນທຸກດ້ານ, ເອົາໃຈໃສ່ຍົກສູງສະຕິລະວັງຕົວ, ກຽມພ້ອມສູ້ຮົບ, ເດັດດ່ຽວຕອບຕ້ານທຸກການເຄື່ອນໄຫວຂອງສັດຕູຢ່າງທັນການ, ສຸມໃສ່ແກ້ໄຂໜໍ່ແໜງທີ່ຈະພາໃຫ້ເກີດຄວາມບໍ່ສະຫງົບ ແລະ ມີມາດຕະການແກ້ໄຂຄ່ອງແຄ້ວເດັດຂາດ, ຈັດຕັ້ງກໍາລັງປະຈຳຢູ່ແຕ່ລະບ້ານ ແລະ ປັບປຸງອົງການປົກຄອງຂັ້ນຮາກຖານໃຫ້ໜັກແໜ້ນເຂັ້ມແຂງ.
ຂ່າວ-ພາບ: ພຸດທະສິນ ວົງວິໄລທອງ .
ໂອກາດນີ້, ທ່ານ ສະນັ່ນ ສີພາພົມມະຈັນ ກໍໄດ້ໂອ້ລົມ ແລະ ເນັ້ນໃຫ້ຄະນະພັກ, ຄະນະບັນຊາແຕ່ລະຂັ້ນ ຕັ້ງໜ້າປັບປຸງກໍ່ສ້າງກອງທັບໃຫ້ເຂັ້ມແຂງຮອບດ້ານ, ເພີ່ມທະວີການນໍາພາຂອງພັກຕໍ່ກຳລັງປະກອບອາວຸດ, ສ້າງກົມກອງ 3 ປອດ, ກົມກອງນັກຮົບວັດທະນະທຳໃຫ້ມີຄຸນນະພາບ, ປັບປຸງລະບຽບແບບແຜນຂອງກອງທັບໃຫ້ມີຄຸນນະພາບ ຕິດແທດກັບໜ້າທີ່ການເມືອງຂອງກອງທັບໃນໄລຍະໃໝ່; ພ້ອມທັງ ໃຫ້ເອົາໃຈໃສ່ສ້າງພະລາທິການກັບທີ່, ຕົ້ນຕໍແມ່ນຮັບປະກັນໃຫ້ໄດ້ດ້ານສະບຽງອາຫານ, ຍູ້ແຮງການຜະລິດ ແລະ ຂະຫຍາຍເຂດຜະລິດກະສິກໍາເພື່ອຍົກລະດັບຊີວິດການເປັນຢູ່ໃຫ້ດີຂຶ້ນ. ພ້ອມນັ້ນ; ໃຫ້ເອົາໃຈໃສ່ວຽກງານເຕັກນິກການທະຫານເປັນຕົ້ນ: ປົກປັກຮັກສາ ແລະ ບົວລະບັດພັດເຊັດພາຫະນະເຕັກນິກ, ອາວຸດ-ກະສູນໃຫ້ດີ, ປັບປຸງຄືນລະບົບສາງຄັງເກັບມ້ຽນ, ເອກະສານນິຕິກຳໃນການຄຸ້ມຄອງ-ນຳໃຊ້ ໃຫ້ເຂົ້າສູ່ລະບົບ, ຮັບປະກັນຄຸນນະພາບ ແລະ ຕິດຕາມແຜນການດັດແປງພາຫະນະ-ເຕັກນິກ, ສ້ອມແປງພາຫະນະໃຫ້ສໍາເລັດຕາມແຜນການ.
ຄຽງຄູ່ກັນນີ້ ກໍຕ້ອງໄດ້ເພີ່ມທະວີການຊີ້ນຳ-ນໍາພາ ວຽກງານປ້ອງກັນຊາດ-ປ້ອງກັນຄວາມສະຫງົບ, ຮັບປະກັນສະຖຽນລະພາບ ແລະ ຄວາມໝັ້ນຄົງຂອງປະເທດຊາດ; ຕ້ອງຕັ້ງໜ້າຍົກສູງສະຕິສະກັດກັ້ນ ແລະ ຕ້ານທຸກກົນອຸບາຍຂອງສັດຕູ, ທັບມ້າງຍຸດທະສາດຫັນປ່ຽນໂດຍສັນຕິຂອງອິດທິກໍາລັງປໍລະປັກ, ເປັນເຈົ້າການໃນການປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຂອງພັກ, ປົກປັກຮັກສາລະບອບໃໝ່ປະຊາທິປະໄຕ ປະຊາຊົນ ໄວ້ໃຫ້ໝັ້ນຄົງ, ສືບຕໍ່ຈັດຕັ້ງກຳລັງລົງກໍ່ສ້າງຮາກຖານການເມືອງ, ສ້າງທ່າສະໜາມ 3 ຂັ້ນ ຕິດພັນກັບວຽກງານ 3 ສ້າງ ໂດຍສຸມໃສ່ບໍລິເວນຊາຍແດນ, ເຂດສອກຫຼີກ, ສົມທົບແໜ້ນ 3 ດ້ານໄປພ້ອມໆກັນ (ດ້ານການເມືອງ, ເສດຖະກິດ ແລະ ການທະຫານ) ກັບການປັບປຸງລະບົບການຈັດຕັ້ງຢູ່ຮາກຖານໃຫ້ໜັກແໜ້ນເຂັ້ມແຂງໃນທຸກດ້ານ, ເອົາໃຈໃສ່ຍົກສູງສະຕິລະວັງຕົວ, ກຽມພ້ອມສູ້ຮົບ, ເດັດດ່ຽວຕອບຕ້ານທຸກການເຄື່ອນໄຫວຂອງສັດຕູຢ່າງທັນການ, ສຸມໃສ່ແກ້ໄຂໜໍ່ແໜງທີ່ຈະພາໃຫ້ເກີດຄວາມບໍ່ສະຫງົບ ແລະ ມີມາດຕະການແກ້ໄຂຄ່ອງແຄ້ວເດັດຂາດ, ຈັດຕັ້ງກໍາລັງປະຈຳຢູ່ແຕ່ລະບ້ານ ແລະ ປັບປຸງອົງການປົກຄອງຂັ້ນຮາກຖານໃຫ້ໜັກແໜ້ນເຂັ້ມແຂງ.
ຂ່າວ-ພາບ: ພຸດທະສິນ ວົງວິໄລທອງ .
ຄໍາເຫັນ