ການລົງເຮັດວຽກຄັ້ງນີ້, ໄດ້ນຳເອົາແນວພັນພືດ ປະເພດ: ຖົ່ວຍາວ, ຜັກກາດຊອມ, ຫອມປ້ອມ, ໝາກແຕງ, ຜັກບົ້ງ, ໝາກບວບ, ໝາກລອຍ ແລະ ຫົວຫອມບົ່ວ ລວມມູນຄ່າ 6 ລ້ານກ່ວາກີບ. ມອບໃຫ້ຫ້ອງການກະສິກຳ ແລະ ປ່າໄມ້ເມືອງປາກກະດິງ, ເພື່ອນຳໄປມອບຕໍ່ໃຫ້ຊາວກະສິກອນຜູ້ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມໃນໄລຍະຜ່ານມາ ເພື່ອນຳໃຊ້ເຂົ້າໃນຂະບວນການຜະລິດພືດລະດູແລ້ງຂາຍເປັນສິນຄ້າ ສ້າງລາຍຮັບໃຫ້ແກ່ຄອບຄົວ, ເປັນການຟື້ນຟູທົດແທນຜົນເສຍຫາຍຈາກໄພພິບັດ. ກ່າວມອບໂດຍ ທ່ານ ດາລາພອນ ພົນສະຫວັດດີ, ກ່າວຮັບໂດຍທ່ານ ຂວັນໄຊ ປັນຍານຸວົງ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງ, ໂດຍມີພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.
(ຂ່າວ: ແສງທອງ)
ຄໍາເຫັນ