ເມື່ອບໍ່ດົນມານີ້, ຢູ່ທີ່ພະແນກການເງິນແຂວງຫຼວງນໍ້າທາ ໄດ້ສະຫຼຸບການເຄື່ອນໄຫວຈັດຕັ້ງປະຕິບັດວຽກງານ ປະຈໍາປີ 2023 ເເລະ ທິດທາງເເຜນການ 2024 ໂດຍການເປັນປະທານຂອງທ່ານ ຄໍາພັນ ໄຊສີ ຫົວໜ້າພະແນກການເງິນແຂວງ, ເປັນກຽດເຂົ້າຮ່ວມມີທ່ານ ຄໍາຟອງ ອີນມານີ ປະທານສະພາປະຊາຊົນແຂວງ, ມີເຈົ້າເມືອງ-ຮອງເຈົ້າເມືອງ, ຫົວໜ້າພະແນກ-ຮອງຫົວໜ້າພະແນກການກ່ຽວຂ້ອງຂອງແຂວງ-ເມືອງເຂົ້າຮ່ວມ.
ທ່ານ ບຸນມີ ໄຊຍະສານ ຮອງຫົວໜ້າພະແນກການເງິນແຂວງ, ໄດ້ຜ່ານບົດສະຫຼູບການເຄື່ອນໄຫວຈັດຕັ້ງປະຕິບັດວຽກງານ ປະຈໍາປີ 2023, ທິດທາງເເຜນການ 2024 ແລະ ຄໍາແນະນໍາວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2024. ໃນໄລຍະຜ່ານມາໄດ້ປະສານສົມທົບກັບກົມທີ່ກ່ຽວຂ້ອງຂອງກະຊວງການເງິນ, ຄະນະປັບປຸງກົງຈັກການຈັດຕັ້ງຂັ້ນແຂວງ, ອົງການປົກຄອງເມືອງ ຄົ້ນຄວ້າກຳນົດຕຳແໜ່ງງານຄືນໃໝ່ ຊັບຊ້ອນ-ໝູນວຽນ, ແຕ່ງຕັ້ງ, ຍົກຍ້າຍບຸກຄະລາກອນ ເຮັດໃຫ້ກົງຈັກການຈັດຕັ້ງກະທັດຮັດ. ສໍາເລັດເບື້ອງຕົ້ນການຕິດສະຕິກເກີ QR Code ລົດຂອງລັດ ຊຸດທີ 1 ແລະ ຊຸດທີ 2 ໄດ້ທັງໝົດ 674 ຄັນ. ສຸມໃສ່ການຈັດເກັບລາຍຮັບພາສີ-ອາກອນ ທີ່ມອບໃຫ້ບັນດາຂະເເໜງ ເເລະ ດ່ານພາສີຊາຍເເດນຈັດເກັບລາຍຮັບໃຫ້ຖືກຕ້ອງ, ຄົບຖ້ວນ ແລະ ທ່ວງທັນກັບກຳນົດເວລາ, ລາຍຮັບພູດສູນກາງ (ປະຕິບັດຢູ່ເເຂວງ) ແຜນການປີ 970 ຕື້ກີບ, ປະຕິບັດໄດ້ 1.285 ຕື້ກີບ, ເທົ່າກັບ 132% ຂອງແຜນການປີ, ທຽບໃສ່ໄລຍະດຽວຂອງປີຜ່ານມາ ເພີ່ມຂຶ້ນ 83%, ລາຍຮັບພຸດທ້ອງຖີ່ນ ແຜນການປີ 145 ຕື້ກວ່າກີບ, ແຜນດັດແກ້ 154 ຕື້ກວ່າກີບ, ປະຕິບັດໄດ້ 193 ຕື້ກວ່າກີບ, ເທົ່າກັບ 132% ຂອງແຜນການປີ, ເທົ່າກັບ 125% ຂອງແຜນດັດແກ້, ທຽບໃສ່ໄລຍະດຽວຂອງປີຜ່ານມາ ເພີ່ມຂຶ້ນ 25% ໄປຄຽງຄູ່ກັບຜົນສໍາເລັດ ຍັງຈະໄດ້ປະຕິບັດຕາມຄໍາແນະນໍາ ວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2024 ເພື່ອຍົກສູງຄວາມເປັນເຈົ້າການ ຈັດຕັ້ງຜັນຂະຫຍາຍບັນດາມາດຕະການທີ່ສະພາແຫ່ງຊາດໄດ້ກໍານົດ, ຮັບປະກັນໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ປະຈຳປີ 2024 ໃຫ້ໄດ້ໂດຍພື້ນຖານ ຕາມຄຳຂວັນລາຍຮັບພາຍໃນກຸ່ມລາຍຈ່າຍພາຍໃນ ມີສ່ວນສະສົມ ເພື່ອຊຳລະໜີ້ສິນ ແລະ ບຸກທະລຸການຄຸ້ມຄອງງົບປະມານແຫ່ງລັດ ເປັນທັນສະໄໝໂດຍສືບຕໍ່ເພີ່ມທະວິຈັດຕັ້ງປະຕິບັດ ຄຳສັ່ງຂອງທ່ານນາຍົກລັດຖະ ມົນຕີ ເລກທີ 18/ນຍ ຢ່າງເຂັ້ມງວດ ທັງເປັນການຮັບປະກັນແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ໄດ້ກຳນົດໄວ້ໃນວາລະແຫ່ງຊາດ.
(ຂ່າວ: ມຸນຕີ)
ທ່ານ ບຸນມີ ໄຊຍະສານ ຮອງຫົວໜ້າພະແນກການເງິນແຂວງ, ໄດ້ຜ່ານບົດສະຫຼູບການເຄື່ອນໄຫວຈັດຕັ້ງປະຕິບັດວຽກງານ ປະຈໍາປີ 2023, ທິດທາງເເຜນການ 2024 ແລະ ຄໍາແນະນໍາວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2024. ໃນໄລຍະຜ່ານມາໄດ້ປະສານສົມທົບກັບກົມທີ່ກ່ຽວຂ້ອງຂອງກະຊວງການເງິນ, ຄະນະປັບປຸງກົງຈັກການຈັດຕັ້ງຂັ້ນແຂວງ, ອົງການປົກຄອງເມືອງ ຄົ້ນຄວ້າກຳນົດຕຳແໜ່ງງານຄືນໃໝ່ ຊັບຊ້ອນ-ໝູນວຽນ, ແຕ່ງຕັ້ງ, ຍົກຍ້າຍບຸກຄະລາກອນ ເຮັດໃຫ້ກົງຈັກການຈັດຕັ້ງກະທັດຮັດ. ສໍາເລັດເບື້ອງຕົ້ນການຕິດສະຕິກເກີ QR Code ລົດຂອງລັດ ຊຸດທີ 1 ແລະ ຊຸດທີ 2 ໄດ້ທັງໝົດ 674 ຄັນ. ສຸມໃສ່ການຈັດເກັບລາຍຮັບພາສີ-ອາກອນ ທີ່ມອບໃຫ້ບັນດາຂະເເໜງ ເເລະ ດ່ານພາສີຊາຍເເດນຈັດເກັບລາຍຮັບໃຫ້ຖືກຕ້ອງ, ຄົບຖ້ວນ ແລະ ທ່ວງທັນກັບກຳນົດເວລາ, ລາຍຮັບພູດສູນກາງ (ປະຕິບັດຢູ່ເເຂວງ) ແຜນການປີ 970 ຕື້ກີບ, ປະຕິບັດໄດ້ 1.285 ຕື້ກີບ, ເທົ່າກັບ 132% ຂອງແຜນການປີ, ທຽບໃສ່ໄລຍະດຽວຂອງປີຜ່ານມາ ເພີ່ມຂຶ້ນ 83%, ລາຍຮັບພຸດທ້ອງຖີ່ນ ແຜນການປີ 145 ຕື້ກວ່າກີບ, ແຜນດັດແກ້ 154 ຕື້ກວ່າກີບ, ປະຕິບັດໄດ້ 193 ຕື້ກວ່າກີບ, ເທົ່າກັບ 132% ຂອງແຜນການປີ, ເທົ່າກັບ 125% ຂອງແຜນດັດແກ້, ທຽບໃສ່ໄລຍະດຽວຂອງປີຜ່ານມາ ເພີ່ມຂຶ້ນ 25% ໄປຄຽງຄູ່ກັບຜົນສໍາເລັດ ຍັງຈະໄດ້ປະຕິບັດຕາມຄໍາແນະນໍາ ວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2024 ເພື່ອຍົກສູງຄວາມເປັນເຈົ້າການ ຈັດຕັ້ງຜັນຂະຫຍາຍບັນດາມາດຕະການທີ່ສະພາແຫ່ງຊາດໄດ້ກໍານົດ, ຮັບປະກັນໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ປະຈຳປີ 2024 ໃຫ້ໄດ້ໂດຍພື້ນຖານ ຕາມຄຳຂວັນລາຍຮັບພາຍໃນກຸ່ມລາຍຈ່າຍພາຍໃນ ມີສ່ວນສະສົມ ເພື່ອຊຳລະໜີ້ສິນ ແລະ ບຸກທະລຸການຄຸ້ມຄອງງົບປະມານແຫ່ງລັດ ເປັນທັນສະໄໝໂດຍສືບຕໍ່ເພີ່ມທະວິຈັດຕັ້ງປະຕິບັດ ຄຳສັ່ງຂອງທ່ານນາຍົກລັດຖະ ມົນຕີ ເລກທີ 18/ນຍ ຢ່າງເຂັ້ມງວດ ທັງເປັນການຮັບປະກັນແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ທີ່ໄດ້ກຳນົດໄວ້ໃນວາລະແຫ່ງຊາດ.
(ຂ່າວ: ມຸນຕີ)
ຄໍາເຫັນ