ເໜືອແຕ່ສີໄຄຫາສີເກີດ ທີ່ມີໄລຍະທາງຍາວ 6 ກິໂລແມັດ ໂດຍແມ່ນກຸ່ມບໍລິສັດຕັງຈະເລີນ ຈໍາກັດ (TCR)ເປັນຜູ້ຮັບເໝົາກໍ່ສ້າງ. ມາຮອດວັນທີ 17 ຕຸລາ 2024 ການຈັດຕັ້ງປະຕິບັດວຽກໂຄງການປັບປຸງ ແລະ ສ້ອມແປງເສັ້ນທາງດັ່ງກ່າວມີຄວາມຄືບໜ້າ 66% ແລະ ຈະໃຫ້ສໍາເລັດສົມບູນໃນຕົ້ນປີ 2025.
ທ່ານ ລັດສະໝີ ອະລິຍະວົງສິງ ຫົວໜ້າໂຄງການປັບປຸງ ແລະ ສ້ອມແປງທາງເລກ 13 ເໜືອ ໄລຍະທາງແຕ່ນະຄອນຫຼວງວຽງຈັນ (ນວ) ຫາໂພນໂຮງກົມຂົວທາງກະຊວງຍທຂ ໄດ້ໃຫ້ຮູ້ກ່ຽວກັບຄວາມຄືບໜ້າການຈັດຕັ້ງປະຕິບັດວຽກໂຄງການປັບປຸງ ແລະ ສ້ອມແປງເສັ້ນທາງດັ່ງກ່າວຜ່ານນັກຂ່າວໜັງສືພິມປະຊາຊົນເມື່ອບໍ່ດົນມານີ້ວ່າ: ໂຄງການດັ່ງກ່າວໄດ້ເລີ່ມຈັດຕັ້ງປະຕິບັດມາແຕ່ວັນທີ 1 ຕຸລາ 2023 ຈົນເຖິງວັນທີ 31 ມີນາ 2025 (13 ເດືອນ) ແຕ່ມີໄລຍະເວລາກໍ່ສ້າງ18 ເດືອນ. ມາຮອດວັນທີ 17 ຕຸລາ 2024 ການຈັດຕັ້ງປະຕິບັດວຽກໂຄງການດັ່ງກ່າວມີຄວາມຄືບໜ້າ 66% ທຽບໃສ່ແຜນດັດແກ້ໃໝ່ຍັງຫຼຸດ 20%, ຖ້າທຽບໃສ່ແຜນເບື້ອງຕົ້ນໄດ້ 0%, ໄດ້ເຮັດການທົດລອງຄວາມເປັນຄື້ນໜ້າທາງໄລຍະ 600 ແມັດ; ສໍາເລັດໂຄງການເຂດບ້ານໄຊມຸງຄຸນ ເມືອງສີໂຄດຕະບອງ ນວສະເລ່ຍປະມານ 2,7 ກິໂລແມັດ ກຳລັງນໍາເອົາກົນຈັກມາເພີ່ມເພື່ອເລັ່ງປັບໜ້າທາງຈົກດິນບວມອອກ, ຖົມດິນແດງຊັບເກຣດ ແລະ ຊັບເບດ ໂດຍໃຊ້ແຮງງານທັງໝົດ 105 ຄົນ. ໃນນັ້ນ, ໄດ້ແບ່ງທີມງານ (ແຮງງານ) ອອກເປັນ 2 ທີມຄື: ທີມງານປູເບຕົງໜ້າທາງມີ 3 ທີມ (1 ທີມ/ມາຍສະໂຕນ), ທີມລະ 15 ຄົນລວມທັງໝົດ 45 ຄົນ; ທີມງານເຮັດຮ່ອງນໍ້າໂຕຢູມີ 6ທີມ (ເຮັດທັງສອງຂ້າງທາງ 12,630 ແມັດຍາວ), ທີມລະ 10 ຄົນ ລວມທັງໝົດ 60 ຄົນ. ພ້ອມນັ້ນມີຫຼາຍໜ້າວຽກມີຄວາມຄືບໜ້າເປັນຕົ້ນວຽກບຸກເບີກລອກໜ້າທາງໄດ້ 96.3%, ດິນຂຸດໜ້າທາງ 62.0%, ດິນຖົມໜ້າທາງ 79.7%, ດິນຊັ້ນຊັບເກຣດ 63.7%, ດິນຊັ້ນຊັບເບດ 51.0%, ຊັ້ນໜ້າທາງເບຕົງເສີມເຫຼັກ 32.6%, ທໍ່ລ່ຽມເບຕົງເສີມເຫຼັກ 50%, ທໍ່ກົມເບຕົງເສີມເຫຼັກ 100%, ຮ່ອງລະບາຍນໍ້າໂຕຢູ 90.6%. ໃນນັ້ນ, ວຽກງານຍົກຍ້າຍລະບົບສາທາລະນຸປະໂພກລວມມີ ໄຟຟ້າ 90%, ນໍ້າປະປາ (ບໍ່ໄດ້ຍົກຍ້າຍອອກປະໄວ້ຄືເກົ່າແຕ່ຍ້າຍທໍ່ກາງ-ນ້ອຍຕິດກັບຮ່ອງນໍ້າໂຕຢູທັງສອງຂ້າງ ແລະ ແປງທໍ່ນ້ອຍເຂົ້າຄົວເຮືອນເວລາຖືກກະທົບ). ໃນນັ້ນ, ວຽກທີ່ຍົກຍ້າຍ ແລະ ເຊັນສັນຍາແລ້ວມີສາຍໄຍແກ້ວ, ກ້ອງວົງຈອນປິດ, ສາຍເຄເບີ້ນຈໍາປາລາວ,ໂທລະພາບໃຊ້ສາຍລາວ, ໂທລະຄົມລາວ ETL, ເບສເທເລຄອມ, ລາວໂທລະຄົມ LTC,ສື່ສານໄຟຟ້າລາວ. ສຳລັບວຽກຍົກຍ້າຍສະຕາໂທລະຄົມ Unitel(ກຳລັງເຈລະຈາ).
ທ່ານ ລັດສະໝີ ອະລິຍະວົງສິງ ຍັງໃຫ້ຮູ້ບາງບັນຫາທ້າທາຍ-ຫຍຸ້ງຍາກວ່າ: ໄລຍະທາງດັ່ງກ່າວແມ່ນນອນໃນຕົວເມືອງທີ່ເປັນເຂດຊຸມຊົນໜາແໜ້ນ; ລົດບັນທຸກໜັກຍັງແລ່ນຕາມປົກກະຕິ;ລະດູຝົນປີນີ້ ແກ່ຍາວເວລາສົມຄວນ; ການຍົກຍ້າຍລະບົບສາທາລະນຸປະໂພກຫຼ້າຊ້າບໍ່ໄດ້ຕາມແຜນເບື້ອງຕົ້ນມາຮອດປັດຈຸບັນສະເລ່ຍລວມໄດ້ປະມານ 90% ໄດ້ແກ້ໄຂ, ສ້ອມແປງເສັ້ນທາງຮັບໃຊ້ການສັນຈອນເປັນປົກກະຕິ; ມີປະຊາຊົນແລະຜູ້ນຳໃຊ້ທາງໄດ້ສະເໜີຫຼາຍຕໍ່ກັບບັນຫາຂີ້ຝຸ່ນໄຫງ່, ທາງເຂົ້າເຮືອນມີຂີ້ຕົມ, ນໍ້າປະປາຕັດຂາດ, ທາງຊອຍເຂົ້າບ້ານ ແລະ ອື່ນໆ ແຕ່ກໍໄດ້ຊອກຫາວິທີແກ້ໄຂຢ່າງຕໍ່ເນື່ອງ. ເຖິງຢ່າງໃດກໍຕາມການຈັດຕັ້ງປະຕິບັດວຽກໂຄງການປັບປຸງ ແລະ ສ້ອມແປງເສັ້ນທາງດັ່ງກ່າວຈະສໍາເລັດສົມບູນໃນເດືອນມີນາ 2025.
ຂ່າວ: ວັນເພັງ, ພາບ: ວິທະຍຸແຫ່ງຊາດ
ຄໍາເຫັນ