ການເສຍຊີວິດຈາກພະຍາດອະຫິວາ ເພີ່ມຂຶ້ນ 50% ໃນປີດຽວ

12:51 19/09/2025

ຂ່າວຕ່າງປະເທດລາຍງານ ໃນວັນທີ 15 ກັນຍາ ຜ່ານມາວ່າ: ອົງການອະນາໄມໂລກ ຫຼື WHO ໄດ້ລາຍງານວ່າ ຈຳນວນຜູ້ເປັນພະຍາດອະຫິວາ ແລະ ຜູ້ເສຍຊີວິດຈາກພະຍາດອະຫິວາໃນທົ່ວໂລກ ໃນປີ 2024 ໄດ້ເພີ່ມຂຶ້ນຢ່າງເປັນໜ້າວິຕົກກັງວົນ, ໂດຍມີຜູ້ຕິດເຊື້ອຫຼາຍກວ່າ 560,000 ຄົນ ແລະ ເສຍຊີວິດເພີ່ມຂຶ້ນ 50% ພາຍໃນປີດຽວ.

ບົດລາຍງານຂອງ WHO ຊີ້ໃຫ້ເຫັນວ່າ: ພະຍາດອະຫິວາຍັງແຜ່ລະບາດໜັກຢູ່ໃນອາຟຣິກາ, ຕາເວັນອອກກາງແລະ ອາຊີ ຊຶ່ງກວມເຖິງ 98% ຂອງຄົນເຈັບທັງໝົດ. ໂດຍມີ 12 ປະເທດໄດ້ລາຍງານຜູ້ຕິດເຊື້ອຫຼາຍກວ່າ 10,000 ຄົນ ແລະ 7 ປະເທດໄດ້ປະສົບກັບການລະບາດຄັ້ງໃຫຍ່ເປັນຄັ້ງທໍາອິດໃນປີຜ່ານມາ. ເປັນໜ້າສົນໃຈຄື ປະເທດໂຄໂມໂຣສ ເກາະນ້ອຍໆໃນອາຟຣິກາຕາເວັນອອກໄດ້ພົບການກັບມາຂອງພະຍາດອະຫິວາ ຫຼັງຈາກໄດ້ຫາຍສາບສູນໄປ 15 ປີ.

ຈຳນວນຄົນເຈັບ ແລະ ຜູ້ເສຍຊີວິດຈາກພະຍາດອະຫິວາທົ່ວໂລກໃນປີ 2024 ຍັງສືບຕໍ່ເພີ່ມຂຶ້ນໃນອັດຕາທີ່ໜ້າເປັນຫ່ວງ, ໂດຍມີລາຍງານຄົນເຈັບຫຼາຍກວ່າ 560,000 ຄົນ ໃນ 60 ປະເທດ ແລະ ເຂດແຄວ້ນ, ເພີ່ມຂຶ້ນປະມານ 5% ເມື່ອທຽບກັບປີ 2023. ຂະນະທີ່ການເສຍຊີວິດໄດ້ເພີ່ມຂຶ້ນຫຼາຍກວ່າ 6,000 ຄົນ ຫຼື ເພີ່ມຂຶ້ນ 50% ພາຍໃນປີດຽວ, ສະເພາະໃນອາຟຣິກາ. ອັດຕາການຕາຍຕໍ່ຈຳນວນຄົນເຈັບ ເພີ່ມຂຶ້ນຈາກ 1.4% ໃນປີ 2023 ເປັນ 1.9% ໃນປີ 2024 ຊຶ່ງສະທ້ອນໃຫ້ເຫັນເຖິງຄວາມຮຸນແຮງຂອງສະຖານະການ.

ອົງການ WHO ກ່າວວ່າ: ປັດໄຈສຳຄັນທີ່ເຮັດໃຫ້ພະຍາດອະທິວາແຜ່ລະບາດຢ່າງຕໍ່ເນື່ອງ ຍ້ອນຄວາມຂັດແຍ່ງ, ການປ່ຽນແປງຂອງສະພາບດິນຟ້າອາກາດ, ການເຄື່ອນຍ້າຍຖິ່ນຖານ ແລະ ບັນຫາການຂາດແຄນໂຄງສ້າງພື້ນຖານດ້ານນ້ຳ ແລະ ສຸຂາພິບານ, ພະຍາດດັ່ງກ່າວແຜ່ລາມຢ່າງໄວວາໂດຍຜ່ານນໍ້າທີ່ປົນເປື້ອນອາຈົມ.

ຂໍ້ມູນເບື້ອງຕົ້ນໃນປີ 2025 ລະບຸວ່າ: ນັບແຕ່ຕົ້ນປີ 2025 ຫາ ວັນທີ 17 ສິງຫາ ຜ່ານມາ, ມີ 31 ປະເທດ ແລະ ເຂດແຄວ້ນ ລາຍງານການລະບາດຂອງພະຍາດອະຫິວາ ແລະ ຖອກທ້ອງຮຸ່ນແຮງ, ໂດຍມີຜູ້ຕິດເຊື້ອຫຼາຍກວ່າ 409,000 ຄົນທົ່ວໂລກ, ຫຼຸດລົງ 20% ເມື່ອທຽບໃສ່ໄລຍະດຽວກັນຂອງປີ 2024.

ຢ່າງໃດກໍຕາມ, ຈໍານວນຜູ້ເສຍຊີວິດເພີ່ມຂຶ້ນ 46%, ໂດຍມີຜູ້ເສຍຊີວິດແລ້ວ 4,738 ຄົນ ຊຶ່ງຊີ້ໃຫ້ເຫັນເຖິງສິ່ງທ້າທາຍທີ່ສໍາຄັນທີ່ປະຊາຄົມໂລກຕ້ອງແກ້ໄຂໃນການຄວບຄຸມພະຍາດທີ່ຍັງສືບຕໍ່ເອົາຊີວິດຜູ້ຄົນຈຳນວນຫຼາຍ.

ຄໍາເຫັນ

ຂ່າວຕ່າງປະເທດ

ສະວິດ ສົ່ງອອກສິນຄ້າໄປ ສະຫະລັດ ອາເມຣິກາ ເພີ່ມຂຶ້ນໃນເດືອນກັນຍາ

22/10/2025 16:03

ຂ່າວຕ່າງປະເທດລາຍງານວ່າ: ຫ້ອງການພາສີ ຂອງສະວິດ ປະກາດໃນວັນທີ 21 ຕຸລາ ຜ່ານມາວ່າ, ການສົ່ງອອກສິນຄ້າໄປສະຫະລັດ ອາເມຣິກາ ຊຶ່ງບໍ່ລວມຄໍາ, ເພີ່ມຂຶ້ນ 43% ໃນເດືອນກັນຍາ ເມື່ອທຽບກັບເດືອນສິງຫາ, ໃນຂະນະທີ່ການສົ່ງອອກໂດຍລວມເພີ່ມຂຶ້ນ 3.4% ຊຶ່ງຊີ້ໃຫ້ເຫັນວ່າຄວາມຕ້ອງການສິນຄ້າຂອງສະວິດຍັງແຂງແຮງ ເຖິງວ່າຈະມີຜົນກະທົບຂອງອັດຕາພາສີ 39% ຂອງລັດຖະບານ ທ່ານ ໂດໂນ ທຣໍາ ຕໍ່ການນໍາເຂົ້າສິນຄ້າຈາກສະວິດ.

ແຮງງານອົບພະຍົບ ມີບົດບາດສຳຄັນຕໍ່ເສດຖະກິດອີຕາລີ

22/10/2025 16:01

ຂ່າວຕ່າງປະເທດລາຍງານ ໃນວັນທີ 21 ຕຸລາ ຜ່ານມາວ່າ: ມູນນິທິ Leone Moressa ທີ່ນະຄອນເວນິສ ປະເທດອີຕາລີ ໄດ້ເປີດເຜີຍບົດລາຍງານເສດຖະກິດທີ່ຂັບເຄື່ອນໂດຍແຮງງານອົບພະຍົບ ລະບຸວ່າ: ແຮງງານອົບພະຍົບສືບຕໍ່ມີບົດບາດສຳຄັນໃນເສດຖະກິດ ແລະ ປະຊາກອນຂອງອີຕາລີ ໃນປີ 2024 ເນື່ອງຈາກຈໍານວນຜູ້ປະກອບການຊາວຕ່າງປະເທດເພີ່ມຂຶ້ນຢ່າງຕໍ່ເນື່ອງ.

ການສົ່ງອອກຂອງຍີ່ປຸ່ນ ໃນເດືອນກັນຍາ ເພີ່ມຂຶ້ນ 4.2%

22/10/2025 16:00

ຂ່າວຕ່າງປະເທດລາຍງານວ່າ: ກະຊວງການເງິນຍີ່ປຸ່ນປະກາດໃນວັນທີ 22 ຕຸລານີ້ວ່າ, ການສົ່ງອອກໃນເດືອນກັນຍາໄດ້ເພີ່ມຂຶ້ນ 4.2% ເມື່ອທຽບໃສ່ໄລຍະດຽວກັນຂອງປີກາຍ ຊຶ່ງໄດ້ຟື້ນຕົວຄືນຫຼັງຈາກຫຼຸດລົງ 4 ເດືອນຕິດຕໍ່ກັນ ຍ້ອນການເຕີບໂຕທີ່ເຂັ້ມແຂງຂອງການສົ່ງອອກໄປອາຊີ ແລະ ສາມາດຊົດເຊີຍການຫຼຸດລົງຂອງການສົ່ງອອກໄປຍັງສະຫະລັດ ອາເມຣິກາ.

ຈີນ ແລະ ປະເທດຄູ່ຮ່ວມ “ໜຶ່ງແລວໜຶ່ງເສັ້ນທາງ” ຍົກສູງການຮ່ວມມືດ້ານກະສິກໍາ

22/10/2025 15:01

ຂ່າວສານຊີອາໄອລາຍງານວ່າ: ງານຕະຫຼາດນັດຜະລິດຕະພັນກະສິກຳສາກົນຈີນ ຄັ້ງທີ 22 ໄດ້ຈັດຂຶ້ນຢູ່ນະຄອນທຽນສິນຂອງຈີນ ຫວ່າງມໍ່ໆມານີ້. ຂ່າວລະບຸວ່າ: ຫໍວາງສະແດງສາກົນຂອງງານຕະຫຼາດນັດຄັ້ງນີ້ໄດ້ເຕົ້າໂຮມ 66 ວິສາຫະກິດ ທີ່ມາຈາກ 19 ປະເທດ ແລະ ເຂດແຄວ້ນຂອງ 5 ທະວີບ ຊຶ່ງລວມມີໄທ, ບຣາຊິນ, ອີຕາລີ, ມາເລເຊຍ, ນູແວນເຊລັງ, ອູກັນດາ ແລະ ປະເທດອື່ນໆ, ໂດຍໄດ້ສະແດງໃຫ້ເຫັນເຖິງຜົນງານການຮ່ວມມືດ້ານກະສິກຳລະຫວ່າງປະເທດຄູ່ຮ່ວມ “ໜຶ່ງແລວໜຶ່ງເສັ້ນທາງ”.

ຫວຽດນາມ ກະກຽມຈັດກອງປະຊຸມໃຫຍ່ແຂ່ງຂັນຮັກຊາດທົ່ວປະເທດ ຄັ້ງທີ XI

22/10/2025 14:24

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ຕຸລາ ຜ່ານມາ ຢູ່ສຳນັກງານລັດຖະບານ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ປະທານສະພາແຂ່ງຂັນ - ຍ້ອງຍໍ ສູນກາງ ໄດ້ເປັນປະທານກອງປະຊຸມຄັ້ງທີ 14 ຂອງສະພາແຂ່ງຂັນ.

ສູນຝຶກຄົນພິການເປັນສ່ວນໜຶ່ງທີ່ສຳຄັນທາງສັງຄົມ

21/10/2025 13:32

ຄົນປົກກະຕິທຸກຄົນອາດຈະຂາດບາງຢ່າງໃນຊີວິດມັນກໍເປັນເລື່ອງທຳມະດາ ແຕ່ສິ່ງທີ່ຄົນພິການບໍ່ເຄີຍຂາດຄື “ຄວາມຝັນ ແລະ ກຳລັງໃຈ” ໃນໂລກທີ່ເຕັມໄປດ້ວຍອຸປະສັກ ແລະ ຄວາມບໍ່ເທົ່າທຽມ ຄົນພິການຫຼາຍຄົນກໍຍັງຢືນຢັນວ່າ “ຄວາມພິການ” ບໍ່ແມ່ນກຳແພງກັ້ນຄວາມຝັນ ແຕ່ເປັນພຽງບົດຮຽນທົດສອບໃນຊີວິດທີ່ເຮັດໃຫ້ພວກເຂົາເຂັ້ມແຂງກວ່າເກົ່າ. ລັດຖະບານຈີນ ໄດ້ຖືບັນຫານີ້ເປັນສິ່ງສຳຄັນໃນການເອົາໃຈໃສ່ດູແລຄົນພິການຢ່າງສະເໝີຕົ້ນສະເໝີປາຍ.

ຊາວແຄລິຟໍເນຍ ຫຼາຍກວ່າ 10 ລ້ານຄົນ ຝຶກຊ້ອມຮັບມືກັບແຜ່ນດິນໄຫວ

21/10/2025 13:21

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຊາວຄາລິຟໍເນຍຫຼາຍກວ່າ 10 ລ້ານຄົນ ໄດ້ເຂົ້າຮ່ວມການຝຶກຊ້ອມກຽມພ້ອມຮັບມືກັບແຜ່ນດິນໄຫວໃນທົ່ວປະເທດ ປະຈຳປີ 2025 ເພື່ອເພີ່ມຄວາມຮັບຮູ້ ແລະ ເພີ່ມຂີດຄວາມອາດສາມາດໃນການຮັບມືກັບແຜ່ນດິນໄຫວຂະໜາດໃຫຍ່.

ເກີດເຫດລັກຊັບສິນ ຢູ່ຫໍພິພິທະພັນສິລະປະລູຟ

21/10/2025 13:18

ຂ່າວສານຊີອາໄອລາຍງານວ່າ: ໃນວັນທີ 19 ຕຸລາ ຜ່ານມາ ຢູ່ຫໍພິພິທະພັນສິລະປະລູຟ ທີ່ນະຄອນຫຼວງປາຣີ ປະເທດຝຣັ່ງ ໄດ້ເກີດເຫດລັກລອບຊັບສິນ, ລວມມີເຄື່ອງປະດັບເພັດ 9 ຢ່າງ ທີ່ “ບໍ່ສາມາດປະເມີນມູນຄ່າທາງປະຫວັດສາດໄດ້” ຖືກລັກລອບ. ຜູ້ຕ້ອງຫາ “ນຳໃຊ້ລິບຂຶ້ນລົງຈາກທາງນອກເຂົ້າໃນຫໍພິພິທະພັນລູຟ”, ເພື່ອເຄື່ອນໄຫວລົງມືກໍ່ເຫດໂດຍໃຊ້ເວລາພຽງ 7 ນາທີເທົ່ານັ້ນ.

ການສົ່ງອອກລົດຂອງ ສ ເກົາຫຼີ ເພີ່ມຂຶ້ນສີ່ເດືອນຕິດຕໍ່ກັນ

21/10/2025 13:14

ຂ່າວຕ່າງປະເທດລາຍງານໃນວັນທີ 20 ຕຸລາ ຜ່ານມາວ່າ: ກະຊວງການຄ້າ, ອຸດສາຫະກຳ ແລະ ພະລັງງານຂອງສ ເກົາຫຼີ ເປີດເຜີຍວ່າ, ການສົ່ງອອກລົດຂອງ ສ ເກົາຫຼີ ໄດ້ເພີ່ມຂຶ້ນ 16.8% ໃນເດືອນກັນຍາຜ່ານມາ ເມື່ອທຽບໃສ່ໄລຍະດຽວກັນຂອງປີກາຍ ເປັນ 6.41 ຕື້ໂດລາ ຊຶ່ງເປັນການເພີ່ມຂຶ້ນເປັນເດືອນທີ 4 ຕິດຕໍ່ກັນ. ການເຕີບໂຕນີ້ໄດ້ຖືກຂັບເຄື່ອນໂດຍຄວາມຕ້ອງການທີ່ເຂັ້ມແຂງຈາກເອີຣົບ ແລະ ອາຊີ, ເຊັ່ນດຽວກັນກັບຄວາມຕ້ອງການຂອງຍານພາຫະນະທີ່ເປັນມິດກັບສິ່ງແວດລ້ອມ ຊຶ່ງຊົດເຊີຍຄວາມຕ້ອງການທີ່ຫຼຸດລົງຈາກສະຫະລັດ ອາເມຣິກາ ຍ້ອນການເກັບພາສີ ຂອງລັດຖະບານ ທ່ານ ໂດໂນ ທຣໍາ.

ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20

21/10/2025 13:12

ຂ່າວສານຊີອາໄອລາຍງານວ່າ: ໃນຕອນເຊົ້າຂອງວັນທີ 20 ຕຸລາ ຜ່ານມານີ້, ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20 ໄດ້ເປີດຂຶ້ນຢູ່ນະຄອນຫຼວງປັກກິ່ງ ຂອງຈີນ.

ເພີ່ມເຕີມ