ວິທະຍຸກະຈາຍສຽງຫວຽດນາມລາຍງານວ່າ: ການສົ່ງອອກສິນຄ້າຂອງ ຫວຽດນາມ ໄປຍັງຕະຫຼາດອາເມຣິກາ ສືບຕໍ່ມີທ່ວງທ່າຟື້ນຕົວຄືນ ນັບແຕ່ທ້າຍປີ 2023, ບັນລຸມູນຄ່າ 17,4 ຕື້ໂດລາ, ປະກອບສ່ວນຫຼາຍພໍສົມຄວນເຂົ້າໃນລາຍໄດ້ຈາກການສົ່ງອອກທີ່ມີມູນຄ່າເກືອບ 60 ຕື້ໂດລາ ຂອງພື້ນຖານເສດຖະກິດໃນ 2 ເດືອນຕົ້ນປີ 2024, ເພີ່ມຂຶ້ນເກືອບ 34% ເມື່ອທຽບໃສ່ໄລຍະດຽວກັນ. ຫຼາຍກວ່າເຄິ່ງໜຶ່ງໃນມູນຄ່າການສົ່ງອອກຂອງ ຫວຽດນາມ ໄປ ອາເມຣິກາ ແມ່ນບັນດາຜະລິດຕະພັນເຕັກໂນໂລຊີສູງ (ເຄື່ອງໃຊ້ເອເລັກໂຕຣນິກ, ໂທລະສັບສະມາດໂຟນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນເຊັ່ນ: ເຄື່ອງເຟີນີເຈີ ແລະ ຜະລິດຕະພັນກະເສດ.
ໃນຫຼາຍປີຕິດຕໍ່ກັນ, ອາເມຣິກາ ແມ່ນຕະຫຼາດນຳເຂົ້າທີ່ສຳຄັນສຳລັບສິນຄ້າ ຫວຽດນາມ. ປີ 2023, ເຖິງວ່າຖືກຜົນກະທົບຈາກສະພາບເສດຖະກິດຊຸດໂຊມ, ໄພເງິນເຟີ້, ປະຊາຊົນຫຼຸດຜ່ອນການໃຊ້ຈ່າຍກໍຕາມ, ແຕ່ ຫວຽດນາມ ຍັງສົ່ງອອກສິນຄ້າທີ່ມີມູນຄ່າເກືອບ 97 ຕື້ໂດລາ ໄປ ອາເມຣິກາ.
ຄໍາເຫັນ