ການເຕີບໂຕເສດຖະກິດໂລກໃນປີ 2030 ຕ່ຳກວ່າ 1%

10:27 14/04/2024

ຂ່າວສານຫວຽດນາມລາຍງານວ່າ: ໃນວັນທີ 10 ເມສາ ຜ່ານມາກອງທຶນເງິນຕາສາກົນ (IMF) ໃຫ້ຮູ້ວ່າ: ການເຕີບໂຕເສດຖະກິດທົ່ວໂລກ ຈະຢູ່ໃນລະດັບ 2,8% ໃນປີ 2030, ຕ່ຳກວ່າ 1% ເມື່ອທຽບໃສ່ລະດັບສະເລ່ຍກ່ອນໜ້ານີ້, ຖ້າຫາກວ່າບັນດາປະເທດບໍ່ດຳເນີນການປະຕິຮູບຄັ້ງໃຫຍ່ ເພື່ອກະຕຸ້ນປະສິດທິພາບ ແລະ ບັນດາເຕັກໂນໂລຊີ ເຊັ່ນ: ປັນຍາປະດິດ (AI).
ຂ່າວລະບຸວ່າ: ໃນບົດລາຍງານຄວາມຫວັງເສດຖະກິດໂລກ (WEO) ທີ່ຈະປະກາດໃນວັນທີ 16 ເມສາ ຈະມາເຖິງ, IMF ໄດ້ຊີ້ໃຫ້ເຫັນວ່າ ລະດັບຄວາມໄວໃນການເຕີບໂຕທົ່ວໂລກສືບຕໍ່ຫຼຸດລົງຕື່ມອີກ ພາຍຫຼັງກຳລັງແຮງຂອງການເຕີບໂຕຫຼຸດຊ້າລົງເລື້ອຍໆ ນັບແຕ່ວິກິດການດ້ານການເງິນທົ່ວໂລກ ປີ 2008 – 2009. IMF ໃຫ້ຂໍ້ສັງເກດວ່າ: ຖ້າບໍ່ມີບັນດາບາດກ້າວເດີນຢ່າງກະໂດດຂັ້ນ ໃນການປັບປຸງປະສິດທິພາບນັ້ນ, ການເຕີບໂຕເສດຖະກິດທົ່ວໂລກ ຈະຫຼຸດລົງຕ່ຳກວ່າລະດັບສະເລ່ຍກ່ອນໜ້ານີ້ຫຼາຍພໍສົມຄວນ.
ອີງຕາມ IMF, ການຄາດຄະເນການເຕີບໂຕທີ່ອ່ອນແອຂອງເສດຖະກິດໂລກ ອາດຈະກີດຂວາງການລົງທຶນ, ເຮັດໃຫ້ພາວະເສດຖະກິດຖົດຖອຍຮຸນແຮງຂຶ້ນ.
ໜຶ່ງປີກ່ອນໜ້ານີ້, IMF ຄາດຄະເນວ່າ ການເຕີບໂຕໃນໄລຍະກາງຂອງເສດຖະກິດໂລກຈະຜັນແປໄປໃນລະດັບ 3%. ດັ່ງນັ້ນ, ການຄາດຄະເນໃໝ່ຂອງ IMF ສະທ້ອນໃຫ້ເຫັນເຖິງການຫຼຸດລົງຂອງການເຕີບໂຕໃນໄລຍະກາງໃນທົ່ວທຸກກຸ່ມລາຍຮັບ ແລະ ພາກພື້ນ, ໂດຍສະເພາະໃນເສດຖະກິດຕະຫຼາດທີ່ເກີດໃໝ່.

ຄໍາເຫັນ

ຂ່າວຕ່າງປະເທດ

UNCTAD ຄາດຄະເນ ເສດຖະກິດໂລກຈະເຕີບໂຕຊ້າລົງ ໃນປີ 2026

14/10/2026 13:24

ສຳນັກຂ່າວສານຊິນຮວາລາຍງານໃນວັນທີ 12 ຕຸລາ ຜ່ານມາວ່າ: ບົດລາຍງານການຄ້າ ແລະ ການພັດທະນາປີ 2026 ຈາກກອງປະຊຸມສະຫະປະຊາຊາດວ່າດ້ວຍການຄ້າ ແລະ ການພັດທະນາ (UNCTAD) ລະບຸວ່າ, ເສດຖະກິດໂລກມີທ່າອ່ຽງເຕີບໂຕ 2.6% ໃນປີ 2026, ຫຼຸດລົງຈາກ 2.9% ໃນປີ 2025. ໂດຍກຸ່ມປະເທດເສດຖະກິດກຳລັງພັດທະນາ ມີທ່າອ່ຽງຈະເຕີບໂຕ 4% ໃນປີນີ້, ຫຼຸດລົງຈາກ 4.7% ໃນປີ 2025.

ອົສຕຣາລີ ເລີ່ມຕົ້ນການກໍ່ສ້າງໂຄງການແຮ່ທາດຫາຍາກ ຂະໜາດໃຫຍ່

14/10/2026 13:23

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ລັດຖະບານອົສຕຣາລີ ໄດ້ປະກາດການເລີ່ມກໍ່ສ້າງໂຄງການແຮ່ທາດທີ່ຫາຍາກໃນເຂດພາກເໜືອຂອງອົສຕຣາລີ, ໂດຍໄດ້ຮັບເງິນລົງທຶນຈາກລັດຖະບານມູນຄ່າ 1.2 ຕື້ໂດລາອົສ ຕຣາລີ. ໂຄງການດັ່ງກ່າວຄາດວ່າຈະສາມາດຜະລິດແຮ່ທາດທີ່ຫາຍາກ ເພື່ອຕອບສະໜອງຄວາມຕ້ອງການທົ່ວໂລກໄດ້ປະມານ 4-5%.

ງານວາງສະແດງການບິນ ແລະ ການບິນອະວະກາດສາກົນຈີນ ຄັ້ງທີ 16 ສ້າງສະຖິຕິໃໝ່

14/10/2026 13:22

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 13 ຕຸລາ ຜ່ານມາ, ກອງປະຊຸມຖະແຫຼງຂ່າວກ່ຽວກັບງານວາງສະແດງການບິນ ແລະ ການບິນອະວະກາດສາກົນຈີນຄັ້ງທີ 16 ໄດ້ຈັດຂຶ້ນຢູ່ນະຄອນຫຼວງປັກກິ່ງ ເພື່ອແຈ້ງໃຫ້ຮູ້ກ່ຽວກັບສະພາບການກະກຽມ ແລະ ຈຸດພົ້ນເດັ່ນຂອງງານວາງສະແດງຄັ້ງນີ້.

ກອງປະຊຸມປຶກສາຫາລືດ້ານການເງິນປັກກິ່ງ ກະກຽມລາຍງານຜົນໄດ້ຮັບກ່ຽວກັບມາດຕະຖານ ແພລັດຟອມ ແລະ ການຮ່ວມມືແບບເປີດກວ້າງ

14/10/2026 13:12

ສຳນັກຂ່າວສານຊິນຮວາລາຍງານໃນວັນທີ 14 ຕຸລາ ນີ້ວ່າ: ໃນລະຫວ່າງວັນທີ 19-22 ຕຸລາ ນີ້, ກອງປະຊຸມປະຈຳປີ Financial Street Forum 2026 ຊຶ່ງເປັນເຫດການສຳຄັນທາງດ້ານການເງິນໃນນະຄອນຫຼວງປັກກິ່ງ, ຈະມີການລາຍງານຜົນສຳເລັດຫຼາຍກວ່າ 100 ລາຍການ ກ່ຽວກັບມາດຕະຖານ, ແພລັດຟອມ ແລະ ການຮ່ວມມືແບບເປີດກວ້າງທີ່ກ່ຽວຂ້ອງ.

ຈີນ ມຸ່ງໝັ້ນສ້າງຄວາມເຂັ້ມແຂງດ້ານເສດຖະກິດດ້ວຍການປະດິດສ້າງ

11/10/2026 09:51

ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ກ່າວຄຳປາໄສໃນພິທີສະເຫຼີມສະຫຼອງວັນສະຖາປະນາສາທາລະນະລັດ ປະຊາຊົນຈີນ ຄົບຮອບ 77 ປີທີ່ຈັດຂຶ້ນໃນວັນທີ 30 ກັນຍາ ຜ່ານມາ, ໂດຍເພິ່ນໄດ້ຍົກໃຫ້ເຫັນວ່າ: “ຕ້ອງຊຸກຍູ້ເສດຖະກິດໃຫ້ພັດທະນາໄປສູ່ການຂັບເຄື່ອນດ້ວຍການປະດິດສ້າງ, ມີໂຄງສ້າງເສດຖະກິດທີ່ປັບປຸງໃຫ້ດີຂຶ້ນ ແລະ ພັດທະນາໄປສູ່ທິດທາງທີ່ດີ, ຮັບປະກັນ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງແທ້ຈິງ, ພະຍາຍາມສູ້ຊົນເຮັດສຳເລັດໜ້າທີ່ເປົ້າ ໝາຍໝົດປີ ເພື່ອບັນລຸສະພາບການເລີ່ມຕົ້ນທີ່ດີແຫ່ງການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15”.

ນັກທ່ອງທ່ຽວຕ່າງປະເທດຫຼັ່ງໄຫຼທ່ຽວຈີນ ເພື່ອສຳຜັດມົນສະເໜ່ທີ່ຫຼາກຫຼາຍສີສັນຂອງຈີນ

09/10/2026 12:14

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 9 ຕຸລາ ນີ້ວ່າ: ນັບແຕ່ຕົ້ນປີນີ້ເປັນຕົ້ນມາ, ນັກທ່ອງທ່ຽວຕ່າງປະເທດໄດ້ເຂົ້າມາທ່ອງທ່ຽວຈີນນັບມື້ຫຼາຍຂຶ້ນ. ໂຕເລກຂໍ້ມູນຈາກເວັບໄຊທ່ອງທ່ຽວທີ່ກ່ຽວຂ້ອງສະແດງໃຫ້ເຫັນວ່າ: ໃນໄລຍະພັກບຸນວັນຊາດຈີນປີນີ້, ຈຳນວນນັກທ່ອງທ່ຽວຕ່າງປະເທດເດີນທາງມາທ່ອງທ່ຽວຈີນໄດ້ສືບຕໍ່ເພີ່ມຂຶ້ນ, ນັກທ່ອງທ່ຽວທີ່ມາຈາກທະວີບເອີຣົບ ແລະ ທະວີບໂອຊີອານີໄດ້ເພີ່ມຂຶ້ນຢ່າງຕໍ່ເນື່ອງ.

ປິດກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 14

09/10/2026 12:04

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 8 ຕຸລາ ຜ່ານມາ, ຢູ່ສຳນັກງານສູນກາງພັກທີ່ ນະຄອນຫຼວງຮ່າໂນ້ຍ ໄດ້ປິດກອງປະຊຸມຄັ້ງທີ 4 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 14 ພາຍຫຼັງດຳເນີນເປັນເວລາ 4 ວັນ (ວັນທີ 5-8 ຕຸລາ). ທ່ານ ໂຕເລິມ ເລຂາທິການໃຫຍ່ ປະທານປະເທດ ຫວຽດນາມ ໄດ້ກ່າວຄຳເຫັນເນັ້ນນັກຫຼາຍບັນຫາສຳຄັນທີ່ສູນກາງໄດ້ຮັບຮອງເອົາ. ທ່ານໄດ້ເນັ້ນໜັກວ່າ: ກອງປະຊຸມຄັ້ງນີ້ ໄດ້ຫັນເປັນລະອຽດບາດກ້າວສຳຄັນ ມະຕິກອງປະຊຸມໃຫຍ່ຄັ້ງທີ 14 ຂອງພັກ, ຕິດພັນກັບການກໍ່ສ້າງພັກ ການບໍລິຫານແຫ່ງຊາດ ແລະ ພັດທະນາປະເທດຊາດ. ບັນດານະໂຍບາຍເພື່ອແນໃສ່ຍົກສູງຄວາມສາມາດນຳພາ, ປະຕິບັດ, ເຕົ້າໂຮມກຳລັງທົ່ວບວງຊົນທັງຊາດ.

ທະນາຄານໂລກ ປັບການຄາດຄະເນການເຕີບໂຕຂອງເສດຖະກິດພາກພື້ນອາຊີຕາເວັນອອກ - ປາຊີຟິກ

08/10/2026 12:34

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 6 ຕຸລາ ຜ່ານມາ, ທະນາຄານໂລກໄດ້ປະກາດບົດລາຍງານວ່າດ້ວຍການຄາດຄະເນຈັງຫວະການເຕີບໂຕຂອງເສດຖະກິດພາກພື້ນອາຊີຕາເວັນອອກ ແລະ ປາຊີຟິກ ສະບັບປັບປຸງໃໝ່, ໂດຍໄດ້ປັບການຄາດຄະເນຈັງຫວະການເຕີບໂຕຂອງເສດຖະກິດພາກພື້ນດັ່ງກ່າວຂຶ້ນເປັນ 4.5%, ເພີ່ມຂຶ້ນ 0.3% ເມື່ອທຽບໃສ່ການຄາດຄະເນທີ່ປະກາດໃນເດືອນເມສາ ຜ່ານມາ.

IMF ແນະນຳໃຫ້ລັດຖະບານທົ່ວໂລກຊ່ວຍເຫຼືອກຸ່ມຄົນທີ່ມີຄວາມສ່ຽງ

08/10/2026 12:33

ຂ່າວຕ່າງປະເທດລາຍງານໃນວັນທີ 7 ຕຸລາ ຜ່ານມາວ່າ: ກອງທຶນການເງິນສາກົນ (IMF) ໄດ້ແນະນຳໃຫ້ລັດຖະບານທົ່ວໂລກໃຊ້ມາດຕະການຊ່ວຍເຫຼືອທາງດ້ານການເງິນແບບເຈາະຈົງສຳລັບກຸ່ມທີ່ມີຄວາມສ່ຽງ, ແທນທີ່ຈະໃຫ້ການອຸດໜູນລາຄາສິນຄ້າຢ່າງກວ້າງຂວາງ, ເພື່ອຫຼຸດຜ່ອນຜົນກະທົບຕໍ່ຄົວເຮືອນທີ່ມີລາຍໄດ້ຕໍ່າໃນໄລຍະທີ່ອັດຕາເງິນເຟີ້ເພີ່ມຂຶ້ນ.

ສິງກະໂປ ສະເໜີ 2 ໂຄງການເພື່ອເສີມຂະຫຍາຍການຕ້ານການຫຼອກລວງທາງອອນລາຍ

08/10/2026 12:30

ຂ່າວຕ່າງປະເທດລາຍາງນວ່າ: ທ່ານ ເຄ ຊານມູກາມ ລັດຖະມົນຕີອາວຸໂສສິງກະໂປ ໄດ້ເປີດເຜີຍໃນວັນ 6 ຕຸລາ ຜ່ານມາ ວ່າ, ສິງກະໂປໄດ້ສະເໜີ 2 ໂຄງການ ເພື່ອເສີມຂະຫຍາຍການຕອບສະໜອງຕໍ່ໄພຂົ່ມຂູ່ຈາກການຫຼອກລວງທາງອອນລາຍໃນອາຊຽນ ກ່ອນທີ່ສິງກະໂປຈະເປັນປະທານອາຊຽນໃນປີໜ້າ.

ເພີ່ມເຕີມ