ໂດຍການເປັນປະທານຂອງ ສະຫາຍ ວິໄລວົງ ບຸດດາຄໍາ ລັດຖະມົນຕີກະຊວງພາຍໃນ, ມີຄະນະພັກ, ຄະນະນຳ, ພະນັກງານອາວຸໂສບໍານານ, ຫົວໜ້າ-ຮອງຫົວໜ້າກົມ, ຫ້ອງການ, ສະຖາບັນ ແລະ ສູນ, ພ້ອມດ້ວຍພະນັກງານທົ່ວກະຊວງພາຍໃນ ເຂົ້າຮ່ວມ.
ສໍາລັບ ພະນັກງານທີ່ໄດ້ຮັບຫຼຽນກາລະນຶກ 70 ປີ ມີທັງໝົດ 28 ຄົນ, ພ້ອມທັງ ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2024 ຈໍານວນ 14 ໜ່ວຍພັກ ແລະ ຍັງໄດ້ມີການມອບໃບຍ້ອງຍໍ ໃຫ້ພະນັກງານ-ລັດຖະກອນດີເດັ່ນ ປະຈໍາປີ 2024. ໃນນັ້ນ, ມີພະນັກງານ ທີ່ໄດ້ຮັບໃບຍ້ອງຍໍປະເພດ 1 ຈໍານວນ 201 ຄົນ ຍິງ 82 ຄົນ, ຍ້ອງຍໍປະເພດ 2 ຈໍານວນ 116 ຄົນ ຍິງ 54 ຄົນ ແລະ ໃບຍ້ອງຍໍປະເພດ 3 ຈໍານວນ 6 ຄົນ ຍິງ 2 ຄົນ.
ໂອກາດນີ້, ສະຫາຍ ວິໄລວົງ ບຸດດາຄໍາ ກໍໄດ້ມີຄໍາເຫັນວ່າ: ການປະດັບຫຼຽນໃນຄັ້ງນີ້, ເປັນການສະແດງໃຫ້ເຫັນເຖິງຄວາມຮູ້ບຸນຄຸນຢ່າງສຸດຊຶ້ງ, ເປັນການຈາລຶກ ແລະ ຈົດຈໍາຜົນງານອັນໃຫຍ່ຫຼວງຂອງບັນດາສະຫາຍ ທີີ່ໄດ້ອຸທິດເລືອດເນື້ອເຫືີ່ອແຮງ, ສະຕິປັນຍາໃຫ້ແກ່ພາລະກິດຕໍໍ່ສູ້ປົດປ່ອຍປະເທດຊາດ ແລະ ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເປັນການຍ້ອງຍໍສັນລະເສີນ, ເປັນຄວາມທະນົງໃຈຂອງພັກ, ລັດຖະບານ ແລະ ປະຊາຊົນລາວບັນດາເຜົ່າທີີ່ມີຕໍໍ່ບັນດາສະຫາຍ. ພ້ອມນີ້, ຍັງໄດ້ສະແດງຄວາມຍ້ອງຍໍຊົມເຊີຍບັນດາໜ່ວຍພັກ ກໍຄື ພະນັກງານ-ລັດຖະກອນ ທີ່ໄດ້ຮັບການຍ້ອງຍໍໃນຄັ້ງນີ້. ຫຼຽນກາລະນຶກ, ໃບຢັ້ງຢືນໜ່ວຍພັກປອດໃສ ແລະ ໃບຍ້ອງຍໍ ໃນຄັ້ງນີ້ ເປັນສິ່ງໜຶ່ງທີ່ສະແດງເຖິງນາມມະຍົດອັນລໍ້າຄ່າຂອງພັກ ແລະ ລັດ ທີ່ໄດ້ມອບໃຫ້ກະຊວງ, ໜ່ວຍພັກ, ບັນດາກົມ, ພະນັກງານ-ລັດຖະກອນ ທີ່ມີຜົນງານອັນພົ້ນເດັ່ນ ໃນການນຳພາ-ຊີ້ນໍາ ຈັດຕັ້ງປະຕິບັດໜ້າທີ່ການເມືອງຂອງການຈັດຕັ້ງພັກ ແລະ ບຸກຄົນໃນແຕ່ລະໄລຍະ ໂດຍສະເພາະແມ່ນການ ຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ບັນດາມະຕິ, ຄຳສັ່ງຕ່າງໆຂອງພັກ ແລະ ກົດໝາຍຂອງລັດໄປພ້ອມກັບການປັບປຸງແບບແຜນວິທີເຮັດວຽກຂອງກະຊວງ, ຄະນະໜ່ວຍພັກ, ຄະນະກົມ, ສະມາຊິກພັກ, ພະນັກງານ-ລັດຖະກອນທຸກສະຫາຍ, ພ້ອມທັງສຸມເຫື່ອແຮງ ແລະ ສະຕິປັນຍາເຂົ້າໃນການປະຕິບັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ, ມີຫົວຄິດປະດິດສ້າງ, ມີຄວາມສາມັກຄີເປັນປຶກແຜ່ນ, ດ້ວຍຄວາມເປັນແບບຢ່າງນໍາໜ້າໃນທຸກດ້ານ ແລະ ພ້ອມພຽງກັນຈັດຕັ້ງປະຕິບັດໜ້າທີ່ວຽກງານຢ່າງຕັ້ງໜ້າ, ສຸດກົກສຸດປາຍ ແລະ ມີຜົນສໍາເລັດສູງ.
(ຂ່າວ: ຂປລ)
ຄໍາເຫັນ