ແກ່ນທ້າວ ປະກາດການຈັດຕັ້ງ.

ເມືອງແກ່ນທ້າວ ແຂວງໄຊຍະບູລີ ໄດ້ປະກາດການຈັດຕັ້ງ ແລະ ບຸກຄະລາກອນຫ້ອງການການເງິນເມືອງ ຂຶ້ນໃນວັນທີ 27 ກຸມພາຜ່ານມານີ້, ຢູ່ທີ່ສະໂມສອນຫ້ອງວ່າການເມືອງ ໂດຍການເຂົ້າຮ່ວມຂອງທ່ານ ອໍາຄາ ລັດສະໝີ ກໍາມະການພັກແຂວງ ເລຂາພັກເມືອງ ເຈົ້າເມືອງແກ່ນທ້າວ, ທ່ານ ວັນດາວ ແວວທະນັດສີ ກໍາມະການພັກແຂວງ, ຫົວໜ້າພະແນກການເງິນແຂວງ, ມີອົງການຈັກຕັ້ງກ່ຽວຂ້ອງທົ່ວເມືອງເຂົ້າຮ່ວມ.
ທ່ານ ພຸດທະວົງ ລິມທອງ ກໍາມະການພັກເມືອງ ຫົວໜ້າຫ້ອງການການເງິນເມືອງ ໄດ້ຜ່ານຂໍ້ຕົກລົງຂອງທ່ານເຈົ້າເມືອງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງການການເງິນເມືອງແກ່ນທ້າວ. ຈາກນັ້ນ, ທ່ານ ນາງ ຈັນທະສອນ ແສນພັນສິລິ ກໍາມະການປະຈໍາພັກເມືອງ ຫົວໜ້າຄະນະຈັດຕັ້ງເມືອງ ໄດ້ຜ່ານຂໍ້ຕົກລົງ ສະບັບເລກທີ 109/ຈມ.ກທ, ລົງວັນທີ 29 ມັງກອນ 2024 ວ່າດ້ວຍການແຕ່ງຕັ້ງຫົວໜ້າ, ຮອງຫົວໜ້າໜ່ວຍງານ ແລະ ສັບຊ້ອນພະນັກງານວິຊາການຫ້ອງການການເມືອງແກ່ນທ້າວ ຊຶ່ງໄດ້ແຕ່ງຕັ້ງທ່ານ ນາງ ຈັນມາລີ ແສນພັນສິລິ ເປັນຫົວໜ້າໜ່ວຍງານງົບປະມານແຫ່ງລັດ ແລະ ບໍລິຫານ, ທ່ານ ນາງ ພາວິກອນ ມາດີ ເປັນຮອງຫົວໜ້າໜ່ວຍງານງົບປະມານແຫ່ງລັດ ແລະ ບໍລິຫານ, ສັບຊ້ອນ ທ່ານ ແກ້ວ ອຸດົມສັກ ພະນັກງານວິຊາການໜ່ວຍງານງົບປະມານແຫ່ງລັດ ເປັນພະນັກງານວິຊາການໜ່ວຍງານງົບປະມານແຫ່ງລັດ ແລະ ບໍລິຫານ, ທ່ານ ນາງ ກຸຫຼາບ ຄໍາປ້ອງ ພະນັກງານວິຊາການໜ່ວຍງານບໍລິຫານ ເປັນພະນັກງານວິຊາການໜ່ວຍງານງົບປະມານແຫ່ງລັດ ແລະ ບໍລິຫານ ແລະ ສັບຊ້ອນທ່ານ ນາງ ກອງຄໍາ ດວງປະເສີດ ຮອງຫົວໜ້າໜ່ວຍງານງົບປະມານແຫ່ງລັດ ເປັນພະນັກງານວິຊາການໜ່ວຍງານຄຸ້ມຄອງຊັບສິນແຫ່ງລັດ.
(ຂ່າວ: ແກ່ນທ້າວ)