ຂະບວນລົດມະ​ໂຫລານຂັບເຄື່ອນອາຊຽນ ຈະອອກຈາກລາວ ສືບຕໍ່ໄປກຳປູເຈຍ

ໃນວັນທີ 1​-3 ກໍລະກົດ ນີ້ ທີ່ ເມືອງ ເຊີວີລ ປະເທດ ເເອັດສະປາຍ ທ່ານ ອານຸພາບ ວົງໜໍ່ເເກ້ວ ຮອງລັດຖະມົນຕີກະຊວງການຕ່າງປະເທດ ໄດ້ເຂົ້າຮ່ວມກອງປະຊຸມປິ່ນອ້ອມລະດັບສູງພາຍໃຕ້ຫົວຂໍ້ “ກອງປະຊຸມລະດັບສູງວ່າດ້ວຍປະເທດດ້ອຍພັດທະນາ” ໂດຍການເປັນປະທານຮ່ວມຂອງ ທ່ານນາຍົກລັດຖະມົນຕີ ເນປານ ເເລະ ທ່ານ ຮອງເລຂາທິການໃຫຍ່ ສປຊ.​ ໃນນັ້ນ, ກອງປະຊຸມໄດ້ປຶກສາຫາລື ກ່ຽວກັບ ວິທີການຈັດຕັ້ງປະຕິບັດ ເອກະສານຄວາມໝາຍໝັ້ນ ເຊວິລໃຫ້ມີປະສິດທິພາບ ເເລະ ປະສິດທິຜົນ ຕາມຄວາມຕ້ອງການຂອງບັນດາປະເທດ ດ້ອຍພັດທະນາ.ທ່ານ ຮອງລັດຖະມົນຕີ ໄດ້ຕີລາຄາສູງຕໍ່ເນື້ອໃນກໍຄືຜົນຂອງກອງປະຊຸມ ແລະ ໄດ້ຍົກໃຫ້ເຫັນບຸລິມະສິດຂອງ ບັນດາປະເທດດ້ອຍພັດທະນາ ເປັນຕົ້ນການເພີ່ມທະວີການຮ່ວມມືທາງດ້ານອາກອນ; ການລະດົມງົບປະມານພາຍໃນ; ການພັດທະນາອຸດສາຫະກໍາ ເເລະ ການສະໜັບສະໜູນ ຈຸນລະວິສາຫະກິດ, ວິສາຫະກິດຂະໜາດນ້ອຍ ເເລະ ກາງ. ນອກນັ້ນ, ທ່ານຍັງໄດ້ນໍາສະເໜີຕໍ່ທີ່ປະຊຸມ ກ່ຽວກັບ ການກະກຽມໃຫ້ເເກ່ການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2026 ແລະ ໄດ້ຮຽກຮ້ອງໃຫ້ບັນດາປະເທດຄູ່ຮ່ວມພັດທະນາ ເເລະ ວົງຄະນະຍາດສາກົນ ຈົ່ງສືບຕໍ່ໃຫ້ການສະໜັບສະໜູນ ເເລະ ການຊ່ວຍເຫຼືອບັນດາປະເທດດ້ອຍພັດທະນາໂດຍການສ້າງສູນປະຊາສໍາພັນດ້ານການລົງທຶນສໍາລັບປະເທດ ດ້ອຍພັດທະນາ; ການເຂົ້າເຖິງເເຫຼ່ງທຶນ ເເລະ ການຢຶດໝັ້ນຕໍ່ພັນທະຂອງຕົນໃນການສະ ໜອງທຶນຊ່ວຍເຫຼືອ ເພື່ອການພັດທະນາໃຫ້ເເກ່ບັນດາປະເທດດ້ອຍພັດທະນາ.​

ອົງການອາຫານໂລກແຫ່ງສະຫະປະຊາຊາດ ຮ່ວມກັບ ກົມອຸຕຸນິຍົມວິທະຍາ ແລະ ອຸທົກກະສາດ ກະຊວງກະສິກໍາ ແລະ ສິ່ງແວດລ້ອມ, ກົມສະຫວັດດີການສັງຄົມຂອງກະຊວງແຮງງານ ແລະ ສະຫວັດດິການສັງຄົມ, ຈັດຝຶກອົບຮົມວິຊາການ ກ່ຽວກັບການແຈ້ງເຕືອນໄພລ່ວງໜ້າສຳລັບຄົນທີ່ມີຄວາມພິການໃນນະຄອນຫຼວງວຽງຈັນ, ໃນວັນທີ 3 ກໍລະກົດນີ້ ທີ່ ນະຄອນຫຼວງວຽງຈັນ. ໂດຍມີ ທ່ານ ບຸນເຕີມ ສີສຸພັນທະວົງ ຮອງຫົວໜ້າກົມອຸຕຸນິຍົມ ແລະ ອຸທົກະສາດ, ທ່ານ ກິນດາວົງ ຫຼວງລາດ ຮອງຫົວໜ້າກົມສັງຄົມສົງເຄາະ, ທ່ານ ວິງທອງ ຈັນທະວົງ ຜູ້ຈັດການຝ່າຍປະຕິບັດການ, ສູນປຶກສາການບູລະນາການຄົນພິການ, ທ່ານ ນາໂອກິ ມາເອະກາວາ ຮອງຜູ້ອຳນວຍການ ແລະ ຜູ້ຕາງໜ້າອົງການອາຫານໂລກ, ແຂກຖືກເຊີນ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມ.

ພິທີສະເຫຼີມສະຫຼອງ ເນື່ອງໃນໂອກາດວັນຄົບຮອບ 70 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ ອາເມຣິກາ ແລະ ວັນຄົບຮອບ 249 ປີ ແຫ່ງການປະກາດເອກະລາດຂອງ ສ ອາເມຣິກາ ໄດ້ຈັດຂຶ້ນໃນຕອນຄໍ່າຂອງວັນທີ 2 ກໍລະກົດ ຜ່ານມານີ້ ທີ່ ໂຮງແຮມຄຣາວພລາຊາ ນະຄອນຫຼວງວຽງຈັນ, ໂດຍ ການໃຫ້ກຽດເຂົ້າຮ່ວມເປັນປະທານຂອງ ທ່ານ ທອງສະຫວັນ ພົມວິຫານ ລັດຖະມົນຕີກະ ຊວງການຕ່າງປະເທດ ໃນນາມຕາງໜ້າລັດຖະບານ ແຫ່ງ ສປປ ລາວ ແລະ ຕາງໜ້າຝ່າຍ ສ ອາເມຣິກາ ແມ່ນ ທ່ານ ນາງ ແຮັດເຕີ ວາເຣຍອາວາ (Heather Variava) ເອກອັກຄະລັດຖະທູດ ແຫ່ງ ສ ອາເມຣິກາ ປະຈໍາ ສປປ ລາວ, ພ້ອມທັງມີບັນດາລັດຖະມົນຕີ, ຮອງລັດຖະມົນຕີ, ເຈົ້າໜ້າທີ່ຂັ້ນສູງຂອງລາວ, ທູຕານຸທູດຕ່າງປະເທດ ແລະ ອົງການຈັດຕັ້ງສາກົນ ປະຈໍາ ສປປ ລາວ ພ້ອມດ້ວຍແຂກຖືກເຊີນຈາກພາກສ່ວນຕ່າງໆເຂົ້າຮ່ວມ.

ກອງປະຊຸມພົບປະລະຫວ່າງກະຊວງປ້ອງກັນຄວາມສະຫງົບລາວ (ປກສ) ແລະ ຄະນະກໍາມາທິການກົດໝາຍ ແລະ ຍຸຕິທໍາວຸດທິສະພາແຫ່ງຣາຊະອານາຈັກໄທ ໄດ້ຈັດຂຶ້ນໃນວັນທີ 1 ກໍລະກົດ ຜ່ານມາ ທີ່ກະຊວງ ປກສ ໂດຍການເປັນປະທານຮ່ວມຂອງທ່ານ ພົຈວ ວັນທອນ ສຸລິສັກ ຮອງຫົວໜ້າກົມໃຫຍ່ຕຳຫຼວດກະຊວງ ປກສ ແລະ ທ່ານ ພົທ ບຸນຈັນ ນວນສາຍ ປະທານຄະນະກໍາມາທິການກົດໝາຍ ແລະ ຍຸຕິທໍາວຸດທິສະພາແຫ່ງຣາຊະອານາຈັກໄທ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ.

ກອງປະຊຸມພົບປະແລກປ່ຽນບົດຮຽນກ່ຽວກັບການຄ້າ, ການລົງທຶນ ແລະ ການທ່ອງທ່ຽວ ລະຫວ່າງ ສະພາການຄ້າ ແລະ ອຸດສາຫະກໍາ ແຂວງຄໍາມ່ວນ ສປປ ລາວ ແລະ ຫໍການຄ້າ ຈັງຫວັດນະຄອນພະນົມ ຣາຊາອານາຈັກໄທ ຈັດຂຶ້ນໃນວັນທີ 1 ກໍລະກົດຜ່ານມາ ທີ່ພະແນກເຕັກໂນໂລຊີແຂວງຄໍາມ່ວນ ໂດຍມີ ທ່ານ ອຸດົມພົງ ແກ້ວສີສະໂນ ຮອງປະທານສະພາການຄ້າ ແລະ ອຸດສາຫະກໍາແຂວງຄໍາມ່ວນ ແລະ ທ່ານ ໂຊຕິທະນິນ ອະລຸນທະນາເຂມພັດ ຮອງປະທານສະພາອຸດສາຫະກໍາ ຈັງຫວັດນະຄອນພະນົມ ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ພີທີ ມອບ-ຮັບ ພາຫະນະ ລະຫ່ວາງ ອົງການໄອຍະການປະຊາຊົນສູງສຸດ ແລະ ເອກອັກຄະລັດຖະທູດ ສະຫະລັດ ອາເມຣິກາ ປະຈຳ ສປປ ລາວ ໃນວັນທີ 1 ກໍລະກົດ ນີ້ ທີ່ ອົງການໄອຍະການປະຊາຊົນສູງສຸດ (ອອປສ) ໄດ້ຈັດພິທີມອບ-ຮັບ ລົດຕູ້ຍີ່ຫໍ້ TOYOTS HIACE ປີ 2025 ຈຳນວນໜຶ່ງຄັນ ມູນຄ່າ 40,000 ໂດລາ ໃຫ້ແກ່ອົງການໄອຍະການປະຊາຊົນສູງສຸດ, ໃຫ້ກຽດມອບໂດຍ ທ່ານ ນາງ ແຮັດເຕີ ວາເຣຍອາວາ ເອກອັກຄະລັດຖະທູດ ສະຫະລັດ ອາເມຣິກາ ປະຈຳ ສປປ ລາວ ແລະ ໃຫ້ກຽດຮັບໂດຍທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ, ມີພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.

ບໍລິສັດຕະຫຼາດລາວຂາຍຍົກ-ຂາຍຍ່ອຍ ຈຳກັດ ໄດ້ຈັບມືກັບບໍລິສັດວຽງຈັນສາງເຢັນ ຈຳກັດ ເພື່ອຮ່ວມມືກັນໃນການພັດທະນາທຸລະກິດ ແລະ ຂະຫຍາຍສັກກະຍະພາບການໃຫ້ບໍລິການສະໜອງອາຫານແຊ່ແຂງ, ອາຫານສົດ ແລະ ສິນຄ້າທີ່ມີຄຸນນະພາບເຖິງມືຜູ້ບໍລິໂພກໄດ້ຢ່າງໝັ້ນໃຈທັງການຈຳໜ່າຍພາຍໃນ ແລະ ສົ່ງອອກຕ່າງປະເທດ.

ທ້າຍອາທິດຜ່ານມາ, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ຕ້ອນຮັບການເຂົ້າພົບປະຂອງ ທ່ານ ໂຢເກສວາ ສັງວານ (Yogerhwar Sangwan) ເອກອັກຄະລັດຖະທູດອິນເດຍ ປະຈຳລາວ ພ້ອມຄະນະ ເພື່ອປຶກສາຫາລືການຮ່ວມມືສອງຝ່າຍ ດ້ານການຄ້າອຸດສາ ຫະກຳ ແລະ ການລົງທຶນດ້ານຕ່າງໆ ລະຫວ່າງ ລາວ ແລະ ອິນເດຍ ທີ່ມີມາແລ້ວນັ້ນ ໃຫ້ນັບມື້ຈະເລີນງອກງາມຍິ່ງຂຶ້ນເລື້ອໆ.

ນັບແຕ່ທາງລົດໄຟລາວ-ຈີນ ໄດ້ເປີດດຳເນີນງານເປັນຕົ້ນມາ, ການຂົນສົ່ງສິນຄ້າໄດ້ເຕີບໂຕຢ່າງແຂງແຮງ, ສະເພາະປີ 2025 ມາຮອດວັນທີ 28 ມິຖຸນາ ປະລິມານການຂົນສົ່ງສິນຄ້າຜ່ານທາງລົດໄຟລາວ-ຈີນ ບັນລຸເຖິງ 3,000,000 ໂຕນ, ເພີ່ມຂຶ້ນ 8.8% ເມື່ອທຽບໃສ່ໄລຍະດຽວກັນຂອງປີຜ່ານມາ, ກາຍເປັນຊ່ອງທາງຂົນສົ່ງຫຼັກທີ່ມີປະສິດທິພາບໃນການສົ່ງອອກສິນຄ້າຂອງລາວ ແລະ ປະເທດອ້ອມຂ້າງ.

招标编号：J53A00625001365 1．招标条件 “老挝-柬埔寨边境输变电有限公司老挝班哈-班纳-阿速坡输变电项目运营期商业保险”项目已经相关主管部门批准，资金来源自筹，已落实。《中华人民共和国招标投标法》和《中华人民共和国招标投标法实施条例》等有关法律法规的规定，云南招标股份有限公司受老挝-柬埔寨边境输变电有限公司的委托，就老挝-柬埔寨边境输变电有限公司老挝班哈-班纳-阿速坡输变电项目运营期商业保险进行国内公开招标，现欢迎符合本项目资格要求的潜在投标人参加投标。