ຄໍາມ່ວນ ຈັດກິດຈະກໍາຂີ່ລົດຖີບເພື່ອສຸຂະພາບ ຂໍ່ານັບຮັບຕ້ອນ 3 ວັນປະຫວັດສາດ

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງແນວລາວສ້າງຊາດ (ສນຊ) ຄົບຮອບ 76 ປີ, ອະນຸກຳມະການເນື້ອໃນ, ໂຄສະນາ-ຂະບວນການ ແລະ ຍ້ອງຍໍ 76 ປີແນວລາວສ້າງຊາດ ຮ່ວມກັບອົງການກາແດງແຫ່ງຊາດລາວ, ສູນເລືອດແຫ່ງຊາດ ຈັດກິດຈະກໍາຮັບບໍລິຈາກເລືອດ ພາຍໃຕ້ຫົວຂໍ້ ‘‘ ໃຫ້ເລືອດຊ່ວຍຊີວິດ ’’ ຂຶ້ນໃນວັນທີ 2 ກັນຍາຜ່ານມາ, ທີ່ ສນຊ ໃຫ້ກຽດເຂົ້າຮ່ວມຂອງທ່ານ ສຸລິປັນຍາ ຣາຊສົມບັດ ຮອງປະທານ ສນຊ, ຮອງຫົວໜ້າອະນຸກຳມະການເນື້ອໃນ, ໂຄສະນາ-ຂະບວນການ ແລະ ຍ້ອງຍໍ 76 ປີຂອງແນວລາວສ້າງຊາດ, ມີທ່ານ ຈັນທະລາ ສຸກສາຄອນ ຮອງປະທານອົງການກາແດງແຫ່ງຊາດລາວ, ມີຄະນະປະຈໍາ ສນຊ, ແຂກຖືກເຊີນ, ຄະນະຮັບຜິດຊອບ ແລະ ພະນັກງານລັດຖະກອນເຂົ້າຮ່ວມ.

ໃນວັນທີ 2 ກັນຍາຜ່ານມາ, ທ່ານ ພົນເອກ ຄໍາລຽງ ອຸທະໄກສອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ປະທານຄະນະກຳມະການຄຸ້ມຄອງໄພພິ ບັດຂັ້ນສູນກາງ, ທ່ານ ບຸນຄົງ ຫຼ້າຈຽມພອນ ກຳມະການສູນກາງພັກ, ເລຂາພັກແຂວງ, ປະທານສະພາປະຊາ ຊົນແຂວງ ພ້ອມຄະນະນໍາຂັ້ນສູງກາງ ແລະ ທ້ອງຖິ່ນ ໄດ້ສົມທົບກັບການນຳຂັ້ນເມືອງ ລົງຕິດຕາມພື້ນທີ່ ທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ເມືອງນາໝໍ້ ແຂວງອຸດົມໄຊ ຊຶ່ງເປັນເມືອງໝຶ່ງທີ່ໄດ້ຮັບຜົນກະທົບໝັກຈາກນໍ້າຖ້ວມໃນວັນທີ 30 ສິງຫາຜ່ານມາ, ທັງນີ້, ເພື່ອຕິດຕາມ, ຊຸກຍູ້ແກ້ໄຂ ແລະ ຟື້ນຟູຊີວິດການເປັນຢູ່ຂອງປະຊາ ຊົນບັນດາເຜົ່າ ໃຫ້ກັບຄືນສູ່ສະພາບປົກກະຕິໂດຍໄວ. ນອກນັ້ນ, ຍັງເປັນການຢ້ຽມຢາມຖາມຂ່າວ ແລະ ໃຫ້ກຳລັງໃຈຕໍ່ຜູ້ທີ່ໄດ້ຮັບຜົນກະທົບ.

ກອງປະຊຸມໃຫຍ່ຄົບຄະນະບໍລິຫານງານຄະນະກໍາມະການໂອແລັມປິກແຫ່ງຊາດລາວ ປະຈໍາປີ (2023 - 2026) ໄດ້ຈັດຂຶ້ນໃນວັນທີ 3 ກັນຍານີ້ ທີ່ໂຮງແຮມແລນໝາກ ນະຄອນຫຼວງວຽງຈັນ ໂດຍການເປັນປະທ່ານຂອງ ທ່ານ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ ລັດຖະມົນຕີກະຊວງສຶກສາທິການ ແລະ ກິລາ ປະທານຄະນະກໍາມະການໂອແລັມປິກແຫ່ງຊາດລາວ ຊຶ່ງບັນດາທ່ານອະດີດປະທານ, ຄະນະທີ່ປຶກສາ ຄະນະກໍາມະການໂອແລັມປິກແຫ່ງຊາດລາວ, ຮອງປະທານ, ຄະນະບໍລິຫານງານຄະນະກໍາມະການໂອແລັມປິກແຫ່ງຊາດລາວ ແລະ ປະທານສະຫະພັນກິລາແຫ່ງຊາດເຂົ້າຮ່ວມ.

ໃນຕອນເຊົ້າຂອງວັນທີ 1 ກັນຍາ 2026, ຢູ່ຫ້ອງຮັບແຂກຫ້ອງວ່າການແຂວງສາລະວັນ, ທ່ານ ນາງ ວິລະວອນ ພັນທະວົງ ຮອງປະທານກຳມາທິການວັດທະນະທຳ-ສັງຄົມ ແລະ ຊົນເຜົ່າ ສະພາແຫ່ງຊາດ ພ້ອມດ້ວຍຄະນະ ໄດ້ເຂົ້າພົບ ທ່ານ ດາວວົງ ພອນແກ້ວ ກໍາມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງ, ເພື່ອແຈ້ງຈຸດປະສົງໃນການລົງເຄື່ອນໄຫວວຽກງານຢູ່ແຂວງສາລະວັນ ໃນຄັ້ງນີ້ ກໍເພື່ອຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍສະເພາະບັນດາຄາດໝາຍໃນຂົງເຂດວັດທະນະທຳ-ສັງຄົມ ແລະ ຊົນເຜົ່າ ປະຈຳປີ 2026 ເພື່ອເກັບກຳຂໍ້ມູນລາຍງານຕໍ່ກອງປະຊຸມຄະນະປະຈຳສະພາແຫ່ງຊາດ ແລະ ກອງປະຊຸມສະໄໝສາມັນເທື່ອທີ 2 ຂອງ ສພຊ ຊຸດທີ X ທີ່ຈະມາເຖິງນີ້.

ໃນວັນທີ 3 ກັນຍາ 2026, ທີ່ພະແນກການເງິນແຂວງຄໍາມ່ວນ, ໄດ້ຈັດພິທີມອບ-ຮັບບັດພະນັກງານ-ລັດຖະກອນໃຫ້ຄັງເງິນແຫ່ງລັດປະຈໍາແຂວງ, ໂດຍມີທ່ານ ຄໍາສິງ ໄຊສິດທິເດດ ຫົວໜ້າພະແນກການເງິນແຂວງ, ທ່ານ ນິກອນ ພົມວົງສາ ຮອງຫົວໜ້າຄະນະຈັດຕັ້ງແຂວງ, ມີຕາງໜ້າຄັງເງິນແຫ່ງລັດ, ຄະນະຈັດຕັ້ງສູນກາງພັກ, ຄະນະຄັງເງິນແຫ່ງລັດປະຈໍາແຂວງ ແລະເຂົ້າຮ່ວມ.

ກະຊວງປ້ອງກັນປະເທດ ຈັດກອງປະຊຸມຜ່ານຮ່າງດຳລັດ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງກະຊວງປ້ອງກັນປະເທດ (ສະບັບປັບປຸງ) ຂຶ້ນໃນວັນທີ 2 ກັນຍາຜ່ານມາ, ໂດຍການເປັນປະທານຂອງສະຫາຍ ພົນໂທ ວົງສອນ ອິນປານພິມ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ, ມີຜູ້ຕາງໜ້າຈາກ 4 ກົມໃຫຍ່ ແລະ ພາກສ່ວນກ່ຽວຂ້ອງເຂົ້າຮວ່ມ.

ກອງປະຊຸມສ້າງຕັ້ງ "ສະມາຄົມຖົ່ວລຽນລາວ" (ສຖລ) ຫຼື Lao Durian Association (LDA) ໄດ້ຈັດຂຶ້ນຢ່າງເປັນທາງການ ເມື່ອບໍ່ດົນມານີ້ ທີ່ນະຄອນຫຼວງວຽງຈັນ ຕາມຂໍ້ຕົກລົງຂອງຄະນະຈັດຕັ້ງສູນກາງພັກ ສະບັບເລກທີ 951/ຄຈສພ, ລົງວັນທີ 23 ກໍ​ລະ​ກົດ 2026 ແລະ ເຄື່ອນໄຫວພາຍໃຕ້ດໍາລັດ 536/ລບ ວ່າດ້ວຍສະມາຄົມ, ໂດຍການໃຫ້ກຽດເຂົ້າຮ່ວມຂອງທ່ານ ແສງປະເສີດ ມັດທຸຈັນ ປະທານ​ຄະ​ນະ​ຂົນ​ຂວາຍ​ສ້າງ​ຕັ້ງສະມາຄົມຖົ່ວລຽນ​ລາວ, ທ່ານ ສັງຄົມ ຈັນສຸກ ​ຮອງປະທານສະພາການຄ້າ ແລະ ອຸດສາຫະກຳ​ແຫ່ງ​ຊາດ​ລາວ, ຕາງ​ໜ້າ​ກົມ​ພັດ​ທະ​ນາ​ການ​ບໍ​ລິ​ຫານ​ລັດ ຄະ​ນະ​ຈັດ​ຕັ້ງ​ສູນ​ກາງ​ພັກ, ທ່ານ ສຸກຖາວອນ ວົງໄຊ ​ຕາງ​ໜ້າ​​ກົມ​ການ​ຄ້າ​ພາຍ​ໃນ ແລະ ຕາງໜ້າກົມປູກຝັງ ພ້ອມດ້ວຍຜູ້ຊົງຄຸນວຸດທິ, ບໍ​ລິ​ສັດຜູ້ປະກອບການຖົ່ວລຽນ​ຈາກ ສ​ປ ຈີນ ແລະ ສະ​ມາ​ຊິກ​ຊາວ​ສວນ​ຖົ່ວ​ລຽນ​ລາວ ລວມທັງໝົດ 52 ທ່ານ ຍິງ 10 ທ່ານ ເຂົ້າຮ່ວມ.

ກົມສື່ສານ ກະຊວງປ້ອງກັນຄວາມສະຫງົບ (ປກສ) ຈັດພິທີປະກາດເລື່ອນຊັ້ນໃຫ້ນາຍ ແລະ ພົນຕໍາຫຼວດ ໃນວັນທີ 2 ກັນຍາ ຜ່ານມາ, ເປັນປະທານໂດຍສະຫາຍ ພົຈວ ແສງປະເສີດ ສຸທຳມະວົງ ຫົວໜ້າກົມສື່ສານ, ມີຄະນະພັກ-ຄະນະກົມ, ຫ້ອງການ, ພະແນກ, ຄ້າຍ ພ້ອມດ້ວຍນາຍ ແລະ ພົນຕຳຫຼວດເຂົ້າຮ່ວມ.

ກອງພົນທີ 3 ຈັດພິທີປາຖະກະຖາ 2 ວັນປະຫວັດສາດຄື: ວັນຊາດ ສສ ຫວຽດນາມ ຄົບຮອບ 81 ປີ (2 ກັນຍາ 1945-2 ກັນຍາ 2026) ແລະ ວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 24 ປີ (9 ກັນຍາ 2002-9 ກັນຍາ 2026) ຂຶ້ນໃນວັນທີ 1 ກັນຍາຜ່ານມາ, ໂດຍການເປັນປະທານ ແລະ ປາຖະກະຖາຂອງສະຫາຍ ພົນຈັດຕະວາ ສາຍທອງ ປີຊາຈັນ ກໍາມະການຄະນະພັກກະຊວງປ້ອງກັນປະເທດ, ຫົວໜ້າການ ເມືອງ ກອງພົນທີ 3, ມີຄະນະຫ້ອງ ແລະ ພະນັກງານ - ນັກຮົບອ້ອມຂ້າງກົມກອງເຂົ້າຮ່ວມ.

ກອງປະຊຸມພົບປະ ແລະ ເຮັດວຽກຮ່ວມກັນ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ) ແລະ ອົງການປົກຄອງນະຄອນຫຼວງວຽງຈັນ (ນວ) ຈັດຂຶ້ນໃນວັນທີ 2 ກັນຍາຜ່ານມາ ທີ່ຫ້ອງວ່າການປົກຄອງ ນວ ໂດຍການເປັນປະທານຮ່ວມຂອງທ່ານ ອາດສະພັງທອງ ສີພັນດອນ ເລຂາຄະນະບໍລິຫານພັກ ນວ ປະທານສະພາປະຊາຊົນ ນວ ແລະ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ, ມີບັນດາຫົວໜ້າ-ຮອງຫົວໜ້າກົມ ພະແນກການກ່ຽວຂ້ອງ ເຂົ້າຮ່ວມ.