ກອງປະຊຸມປືກສາຫາລື ຜ່ານຮ່າງບົດບັນທຶກຄວາມເຂົ້າໃຈ (MOU) ໂຄງການພັດທະນາການທ່ອງທ່ຽວແບບອະນຸລັກທໍາມະຊາດແຂວງຄໍາມ່ວນໄລຍະ III ໄດ້ຈັດຂຶ້ນໃນວັນທີ 26 ກຸມພານີ້ ທີ່ພະແນກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງຄໍາມ່ວນ ໂດຍການເປັນປະທານຂອງທ່ານ ໄຊສົມບູນ ສຸວັນດາລາ ຫົວໜ້າພະແນກ ຖວຖ ແຂວງ, ມີບັນດາທ່ານຫົວໜ້າກົມ, ຮອງກົມຈາກກະຊວງທີ່ກ່ຽວຂ້ອງ, ບັນດາພະແນກການຂັ້ນແຂວງ, ເມືອງ, ຜູ້ຮັບຜິດຊອບໂຄງການເຕຕັກຕິດຈາກປະເທດຝຣັ່ງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້, ແມ່ນເພື່ອຄົ້ນຄວ້າປຶກສາຫາລື ແລະ ປະກອບຄຳເຫັນໃສ່ຮ່າງບົດບັນທຶກຄວາມເຂົ້າໃຈ (MOU) ຂອງໂຄງການພັດທະນາການທ່ອງທ່ຽວແບບອະນຸລັກທຳມະຊາດ ແຂວງຄໍາມ່ວນໄລຍະ lll ແນໃສ່ໃຫ້ຮ່າງບົດບັນທຶກດັ່ງກ່າວນີ້ ມີເນື້ອໃນຄົບຖ້ວນ, ສົມບູນ ແລະ ຖຶກຕ້ອງຕາມຫຼັກການເພື່ອນໍາສະເໜີຕໍ່ພາກສ່ວນກ່ຽວຂ້ອງຂໍງົບປະມານສືບຕໍ່ໃນການຈັດຕັ້ງປະຕິບັດ, ທັງເພື່ອໃຫ້ໂຄງການມີຄວາມຍືນຍົງແລະ ຊຸກຍູ້ເຮັດໃຫ້ການທ່ອງທ່ຽວຂອງແຂວງຄໍາມ່ວນມີການຂະຫຍາຍຕົວ ແລະ ນຳຜົນປະໂຫຍດມາໃຫ້ກັບປະຊາຊົນທ້ອງຖິ່ນ.
ທ່ານ ໄຊສົມບູນ ສຸວັນດາລາ ໄດ້ກ່າວເປີດກອງປະຊຸມວ່າ: ແຂວງຄໍາມ່ວນໄດ້ກໍານົດເອົາ 3 ທ່າແຮງເປັນປັດໃຈພື້ນຖານໃຫ້ແກ່ການພັດທະນາເສດຖະກິດ-ສັງຄົມເຊັ່ນ: ທ່າແຮງດ້ານກະສິກໍາ; ທ່າແຮງທາງດ້ານອຸດສາຫະກໍາ ພະລັງງານ-ບໍ່ແຮ່ ແລະ ທ່າແຮງທາງດ້ານບໍລິການທາງຜ່ານ ແລະ ການທ່ອງທ່ຽວ. ຊຶ່ງມີວິໄສທັດພັດທະນາຂອງແຂວງຄື: “ເປັນແຫຼ່ງຜະລິດສະບຽງອາຫານ, ເປັນຖານພັດທທະນາອຸດສາຫະກໍາ, ການບໍລິການແລະ ການທ່ອງທ່ຽວ" ໝຶ່ງໃນນັ້ນວຽກງານທ່ອງທ່ຽວກໍ່ເປັນໜຶ່ງໃນບູລິມະສິດສໍາຄັນເພື່ອຫັນເຂົ້າສູ່ການເປັນອຸດສາຫະກໍາ ແລະ ປັດສະຈາກມົນລະຜິດເປັນການສ້າງຜະລິດຕະພັນດ້ານການທ່ອງທ່ຽວເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ນັບມື້ນັບຫຼາຍຂຶ້ນ.
ສໍາລັບໂຄງການພັດທະນາການທ່ອງທ່ຽວແບບອະນຸລັກທໍາມະຊາດຈະຈັດຕັ້ງປະຕິບັດໄລຍະທີ່ III ມີກິດຈະກໍາຫຼັກຂອງໂຄງການຢູ່ 3 ຈຸດປະສົງຄື: ສ້າງສະມາຄົມພັດທະນາທ່ອງທ່ຽວອະນຸລັກຖໍ້າກອງລໍ - ນາຕານໃຫ້ມີການເຄື່ອນໄຫວເປັນອາຊີບດ້ວຍຄວາມຮັບຜິດຊອບສູງ ແລະ ຖຶກຕ້ອງຕາມຫຼັກການໃນຮູບແບບການມີສ່ວນຮ່ວມຂອງຊຸມຊົນ. ເພື່ອຄວາມມີປະສິດທິພາບຂອງຈຸດພິເສດເຂດເປົ້າໝາຍເຂດລ່ອງນໍ້າຫີນບູນ ແລະ ເພີ່ມຄວາມເຂັ້ມແຂງໃຫ້ມີຄວາມຍືນຍົງໃນການທ່ອງທ່ຽວໃຫ້ແກ່ເຂດເປົ້າໝາຍທີ່ຢູ່ລ່ອງນໍ້າຫີນບູນ. ກິດຈະກໍາຫຼັກແມ່ນເພື່ອສ້າງຄວາມເຂັ້ມແຂງໃຫ້ອົງການຈັດຕັ້ງຊ່ວຍເຫຼືອທາງສັງຄົມ ແລະ ການພັດທະນາໃຫ້ເກີດຜົນທາງດ້ານເສດຖະກິດ; ມີ 2 ເມືອງຄື: ເມືອງຄູນຄໍາ ແລະ ເມືອງນາກາຍ.
(ຂ່າວ: ມະນີວັນ)
ຈຸດປະສົງຂອງກອງປະຊຸມຄັ້ງນີ້, ແມ່ນເພື່ອຄົ້ນຄວ້າປຶກສາຫາລື ແລະ ປະກອບຄຳເຫັນໃສ່ຮ່າງບົດບັນທຶກຄວາມເຂົ້າໃຈ (MOU) ຂອງໂຄງການພັດທະນາການທ່ອງທ່ຽວແບບອະນຸລັກທຳມະຊາດ ແຂວງຄໍາມ່ວນໄລຍະ lll ແນໃສ່ໃຫ້ຮ່າງບົດບັນທຶກດັ່ງກ່າວນີ້ ມີເນື້ອໃນຄົບຖ້ວນ, ສົມບູນ ແລະ ຖຶກຕ້ອງຕາມຫຼັກການເພື່ອນໍາສະເໜີຕໍ່ພາກສ່ວນກ່ຽວຂ້ອງຂໍງົບປະມານສືບຕໍ່ໃນການຈັດຕັ້ງປະຕິບັດ, ທັງເພື່ອໃຫ້ໂຄງການມີຄວາມຍືນຍົງແລະ ຊຸກຍູ້ເຮັດໃຫ້ການທ່ອງທ່ຽວຂອງແຂວງຄໍາມ່ວນມີການຂະຫຍາຍຕົວ ແລະ ນຳຜົນປະໂຫຍດມາໃຫ້ກັບປະຊາຊົນທ້ອງຖິ່ນ.
ທ່ານ ໄຊສົມບູນ ສຸວັນດາລາ ໄດ້ກ່າວເປີດກອງປະຊຸມວ່າ: ແຂວງຄໍາມ່ວນໄດ້ກໍານົດເອົາ 3 ທ່າແຮງເປັນປັດໃຈພື້ນຖານໃຫ້ແກ່ການພັດທະນາເສດຖະກິດ-ສັງຄົມເຊັ່ນ: ທ່າແຮງດ້ານກະສິກໍາ; ທ່າແຮງທາງດ້ານອຸດສາຫະກໍາ ພະລັງງານ-ບໍ່ແຮ່ ແລະ ທ່າແຮງທາງດ້ານບໍລິການທາງຜ່ານ ແລະ ການທ່ອງທ່ຽວ. ຊຶ່ງມີວິໄສທັດພັດທະນາຂອງແຂວງຄື: “ເປັນແຫຼ່ງຜະລິດສະບຽງອາຫານ, ເປັນຖານພັດທທະນາອຸດສາຫະກໍາ, ການບໍລິການແລະ ການທ່ອງທ່ຽວ" ໝຶ່ງໃນນັ້ນວຽກງານທ່ອງທ່ຽວກໍ່ເປັນໜຶ່ງໃນບູລິມະສິດສໍາຄັນເພື່ອຫັນເຂົ້າສູ່ການເປັນອຸດສາຫະກໍາ ແລະ ປັດສະຈາກມົນລະຜິດເປັນການສ້າງຜະລິດຕະພັນດ້ານການທ່ອງທ່ຽວເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ນັບມື້ນັບຫຼາຍຂຶ້ນ.
ສໍາລັບໂຄງການພັດທະນາການທ່ອງທ່ຽວແບບອະນຸລັກທໍາມະຊາດຈະຈັດຕັ້ງປະຕິບັດໄລຍະທີ່ III ມີກິດຈະກໍາຫຼັກຂອງໂຄງການຢູ່ 3 ຈຸດປະສົງຄື: ສ້າງສະມາຄົມພັດທະນາທ່ອງທ່ຽວອະນຸລັກຖໍ້າກອງລໍ - ນາຕານໃຫ້ມີການເຄື່ອນໄຫວເປັນອາຊີບດ້ວຍຄວາມຮັບຜິດຊອບສູງ ແລະ ຖຶກຕ້ອງຕາມຫຼັກການໃນຮູບແບບການມີສ່ວນຮ່ວມຂອງຊຸມຊົນ. ເພື່ອຄວາມມີປະສິດທິພາບຂອງຈຸດພິເສດເຂດເປົ້າໝາຍເຂດລ່ອງນໍ້າຫີນບູນ ແລະ ເພີ່ມຄວາມເຂັ້ມແຂງໃຫ້ມີຄວາມຍືນຍົງໃນການທ່ອງທ່ຽວໃຫ້ແກ່ເຂດເປົ້າໝາຍທີ່ຢູ່ລ່ອງນໍ້າຫີນບູນ. ກິດຈະກໍາຫຼັກແມ່ນເພື່ອສ້າງຄວາມເຂັ້ມແຂງໃຫ້ອົງການຈັດຕັ້ງຊ່ວຍເຫຼືອທາງສັງຄົມ ແລະ ການພັດທະນາໃຫ້ເກີດຜົນທາງດ້ານເສດຖະກິດ; ມີ 2 ເມືອງຄື: ເມືອງຄູນຄໍາ ແລະ ເມືອງນາກາຍ.
(ຂ່າວ: ມະນີວັນ)
ຄໍາເຫັນ