ຈັດຂຶ້ນໃນວັນທີ 6 ພະຈິກນີ້ ທີ່ແຂວງຄໍາມ່ວນ ໂດຍມີທ່ານ ແສງມະນີ ສີລາເພັດ ຮອງຫົວໜ້າພະແນກ ຖວທ ແຂວງ, ມີວິທະຍາກອນຈາກກົມຕຳຫຼວດສະກັດກັ້ນຕ້ານການຄ້າມະນຸດ ກະຊວງ ປກສ, ພະແນກການທີ່ກ່ຽວຂ້ອງຂັ້ນແຂວງ ແລະ ເມືອງພາຍໃນແຂວງເຂົ້າຮ່ວມ.
ຈຸດປະສົງຂອງການໄຝຶກອົມຮົມຄັ້ງນີ້ ເພື່ອສ້າງຄວາມຮັບຮູ້-ເຂົ້າໃຈ ໃຫ້ພະນັກງານໃນຂະແໜງ ຖະແຫຼງຂ່າວ ແລະ ວັດທະນະທຳ ກໍຄືຜູ້ຮັບຜິດຊອບວຽກງານສື່ມວນຊົນຂອງແຂວງ ແລະ ບັນດາເມືອງ ໄດ້ຮັບຮູ້ກ່ຽວກັບບັນດານິຕິກຳ, ສະພາບການຄ້າມະນຸດໃນພາກພື້ນ ແລະ ສປປ ລາວ, ຈັນຍາບັນສື່ມວນຊົນ ແລະ ວີທີການນໍາໃຊ້ສື່ສິ່ງພີມ ເຂົ້າໃນວຽກງານຕ້ານການຄ້າມະນຸດ ເພື່ອເປັນການໂຄສະນາເຜີຍແຜ່ແນວທາງນະໂຍບາຍຂອງພັກ-ລັດ ຕໍ່ກັບການປ້ອງກັນຕ້ານການຄ້າມະນຸດໃນທົ່ວສັງຄົມໄດ້ຮັບຮູ້, ເຂົ້າໃຈເຖິງຜິດ-ໄພ ແລະ ຜົນຮ້າຍຂອງການຄ້າມະນຸດ ເວົ້າລວມ, ເວົ້າສະເພາະ ແມ່ນວຽກງານສື່ມວນຊົນ ທີ່ເປັນກະບອກສຽງໃນການໂຄສະນາ ເຜີຍແຜ່, ອອກຂ່າວ ແລະ ປູກຈິດສໍານຶກໃນທົ່ວສັງຄົມ ໃຫ້ຮັບຮູ້ເຂົ້າໃຈຢ່າງເລີກເຊິ່ງບົນພື້ນຖານປະສານສົມທົບຮ່ວມມືກັບທຸກພາກສ່ວນ ທັງພາກລັດ, ເອກະຊົນ ແລະ ອົງການຈັດຕັ້ງສາກົນ ຂັ້ນຕ່າງໆ ທີ່ກ່ຽວຂ້ອງ ເພື່ອນໍາເອົາແນວທາງນະໂຍບາຍກ່ຽວກັບການສະກັດກັ້ນການຄ້າມະນຸດຫັນລົງສູ່ຊຸມຊົນທ້ອງຖິ່ນ ເພື່ອເຮັດໃຫ້ພະນັກງານ, ລັດຖະກອນ, ປະຊາຊົນ ມີສະຕິລະວັງຕົວ ຕໍ່ກັບເລລ້ຽມກົນອຸບາຍຂອງພວກຂະບວນການຄ້າມະນຸດທັງພາຍໃນ ແລະ ຕ່າງປະເທດ.
ໂອກາດດັ່ງກ່າວ, ທ່ານ ບຸນເພັງ ສຸພາບ ຮອງຫົວໜ້າຫ້ອງການກະຊວງ ຖວທ ຍັງໄດ້ຮຽກຮ້ອງມາຍັງຂະແໜງການສື່ມວນຊົນ ຈົ່ງຊ່ວຍກັນເປັນກະບອກສຽງໃນການໂຄສະນາເຜີຍແຜ່ຂໍ້ມູນຂ່າວສານຕ່າງໆ ເຂົ້າໃນວຽກປະຈໍາວັນ ຂອງຕົນ ເຊັ່ນ: ການຈັດລາຍການຂອງໂຄສົກວິທະຍຸ ຫຼື ໂທລະພາບ ແລະ ສິ່ງພິມຕ່າງໆ ໃຫ້ມີການສອດແຊກຂໍ້ມູນຂ່າວສານວຽກງານຕ້ານການຄ້າມະນຸດ ເພື່ອເປັນກະບອກສຽງໃຫ້ແກ່ສັງຄົມໄດ້ຮັບຮູ້ ແລະ ມີສະຕິລະວັງຕົວໃຫ້ສູງ.
(ຂ່າວ: ມະນີວັນ)
ຄໍາເຫັນ