 |
ທ່ານ ໄຊຊະນະ ໂຄດພູທອນ ໄດ້ຫວນຄືນຊີວິດ, ພາລະກິດການຄື່ອນໄຫວປະຕິວັດ ແລະ ແບບຢ່າງໃນການເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າ ຕໍ່ສູ້ຕ້ານສັດຕູຜູ້ຮຸກຮານ. ປະທານ ສຸພານຸວົງ ເກີດເມື່ອວັນທີ 13 ກໍລະກົດ 1909 ທີ່ຫຼວງພະບາງໃນຄອບຄົວເຊື້ອເຈົ້າ ແລະ ເປັນປະທານປະເທດ ຜູ້ທຳອິດຂອງ ສປປ ລາວ, ເປັນນັກປະຕິວັດຜູ້ຍິ່ງໃຫຍ່ ແລະ ຜູ້ນຳຜູ້ອຸທິດຊີວິດເພື່ອພາລະກິດປົດປ່ອຍຊາດ, ປົກປັກຮັກສາ ແລະ ພັດທະນາປະເທດຊາດ.
ທ່ານ ເນັ້ນໜັກວ່າ ປະທານ ສຸພານຸວົງ ເປັນສັນຍາລັກແຫ່ງຄວາມສາມັກຄີປວງຊົນ, ຄວາມເສຍສະຫຼະ ແລະ ຄວາມຈົງຮັກພັກດີຕໍ່ຊາດ ແລະ ປະຊາຊົນ. ການປາຖະກະຖາຍັງໄດ້ຍົກໃຫ້ເຫັນບົດບາດອັນສຳຄັນຂອງປະທານ ສຸພານຸວົງ ໃນການນຳພາການປະຕິວັດລາວ, ການເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າ, ການຕໍ່ສູ້ເພື່ອເອກະລາດ ແລະ ອະທິປະໄຕຂອງຊາດ ລວມທັງການເປັນຜູ້ບັນຊາການປ້ອງກັນຕົວເມືອງທ່າແຂກ ໃນວັນທີ 21 ມີນາ 1946 ອັນເປັນວີລະກຳສຳຄັນໃນໜ້າປະຫວັດສາດຂອງຊາດ.
 |
ພ້ອມກັນນັ້ນ ທ່ານ ໄຊຊະນະ ໂຄດພູທອນ ໄດ້ຮຽກຮ້ອງໃຫ້ພະນັກງານ, ສະມາຊິກພັກ, ທະຫານ, ຕຳຫຼວດ ແລະ ປະຊາຊົນ ສືບຕໍ່ຮໍ່າຮຽນແບບຢ່າງອັນດີງາມຂອງປະທານ ສຸພານຸວົງ, ຝຶກຝົນຫຼໍ່ຫຼອມຕົນເອງໃຫ້ຮອບດ້ານ, ປູກຝັງຄວາມຈົງຮັກພັກດີຕໍ່ຊາດ ແລະ ຮ່ວມກັນສ້າງສາພັດທະນາປະເທດຊາດໃຫ້ຈະເລີນກ້າວໜ້າ ຄວບຄູ່ກັບການເພີ່ມທະວີຄວາມສາມັກຄີຂອງປວງຊົນທັງຊາດ.
ໃນໂອກາດດຽວກັນ ຜູ້ເຂົ້າຮ່ວມຍັງໄດ້ຮັບຟັງການປາຖະກະຖາເນື່ອງໃນໂອກາດຄົບຮອບ 49 ປີ ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ–ຫວຽດນາມ (18 ກໍລະກົດ 1977–18 ກໍລະກົດ 2026) ແລະ ຄົບຮອບ 64 ປີ ການສ້າງຕັ້ງສາຍພົວພັນທາງການທູດ ລາວ–ຫວຽດນາມ (5 ກັນຍາ 1962–5 ກັນຍາ 2026).
ຂ່າວ : ມະນີວັນ
ຄໍາເຫັນ