 |
ທ່ານ ໄທຍະພອນ ສິງທອງ ປະທານສະພາການຄ້າ ແລະ ອຸດສາຫະກໍາປະຈໍາແຂວງຄໍາມ່ວນ ໄດ້ລາຍງານ ການຈັດຕັ້ງປະຕິບັດວຽກງານຮອບດ້ານຂອງສະພາການຄ້າ ແລະ ອຸດສາຫະກໍາແຂວງໃນໄລຍະຜ່ານມາ ລວມເຖິງຂໍ້ສະດວກ, ຂໍ້ຫຍຸ້ງຍາກ ແລະ ບັນດາບົດຮຽນທີ່ຖອດຖອນໄດ້. ນອກຈາກນັ້ນ, ຍັງໄດ້ຜ່ານດໍາລັດສະບັບເລກທີ 237/ນຍ ຂອງທ່ານນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງສະພາການຄ້າ ແລະ ອຸດສາຫະກໍາແຫ່ງຊາດລາວ, ຊຶ່ງລວມມີທັງໝົດ 8 ໝວດ , 35 ມາດຕາ , ໂດຍແຕ່ລະໝວດຂອງດໍາລັດສະບັບນີ້ແມ່ນໄດ້ກໍານົດທີ່ຕັ້ງ, ພາລະບົດບາດ, ໜ້າທີ່, ຂອບເຂດສິດ, ໂຄງປະກອບການຈັດຕັ້ງ, ຫຼັກການ ແລະ ແບບແຜນວິທີເຮັດວຽກ ເພື່ອເປັນບ່ອນອີງໃຫ້ແກ່ການຈັດຕັ້ງ ແລະ ການເຄື່ອນໄຫວຂອງສະພາການຄ້າ ແລະ ອຸດສາຫະກໍາແຫ່ງຊາດລາວ ແນໃສ່ເສີມຂະຫຍາຍສິດປະຊາທິປະໄຕ ປະຊາຊົນ ແລະ ຄວາມເປັນເຈົ້າການຂອງການຈັດຕັ້ງ, ການເຕົ້າໂຮມຄວາມສາມັກຄີ, ການຊ່ວຍເຫຼືອເຊິ່ງການ ແລະ ກັນ, ການຊຸກຍູ້ສົ່ງເສີມບັນດາຫົວໜ່ວຍທຸລະກິດໃຫ້ດໍາເນີນທຸລະກິດມີປະສິດທິຜົນສູງ ແລະ ຖືກຕ້ອງຕາມກົດໝາຍ, ປົກປ້ອງສິດ ແລະ ຜົນປະໂຫຍດທີ່ຊອບທໍາຂອງບັນດາຫົວໜ່ວຍທຸລະກິດທີ່ເປັນສະມາຊິກ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ ສປປ ລາວ.
 |
ໃນກອງປະຊຸມຍັງໄດ້ຍົກໃຫ້ເຫັນເຖິງຜົນງານການເຄື່ອນໄຫວທີ່ພົ້ນເດັ່ນຂອງບັນດາຜູ້ປະກອບການທຸລະກິດທີ່ໄດ້ປະຕິບັດພັນທະເສຍອາກອນເຂົ້າງົບງົບປະມານຂອງລັດອັນໄດ້ເຮັດໃຫ້ການເກັບລາຍຮັບຂອງແຂວງຄໍາມ່ວນໄດ້ລື່ນແຜນການ. ຈາກນັ້ນ, ບັນດາຜູ້ແທນທີ່ເຂົ້າຮ່ວມກອງປະຊຸມ ກໍໄດ້ປະກອບຄໍາເຫັນ ແລະ ແລກປ່ຽນບົດຮຽນເຊິ່ງກັນ ແລະ ກັນ ໂດຍສະເພາະແມ່ນການເຄື່ອນໄຫວວຽກງານຮອບດ້ານຂອງສະພາການຄ້າ ແລະ ອຸດສາຫະກໍາແຂວງຕະຫຼອດເຖິງບັນຫາທີ່ເປັນອຸປະສັກຕໍ່ພາກທຸລະກິດໃນໄລຍະຜ່ານມາ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ