ວັນທີ 13 ກຸມພາ ຜ່ານມາ, ກອງບັນຊາການທະຫານແຂວງຄໍາມ່ວນ ຈັດພິທີສະເຫຼີມສະຫຼອງວັນສ້າງຕັ້ງ ກອງທັບປະຊາຊົນລາວ ຄົບຮອບ 75 ປີ (20 ມັງກອນ 1949-20 ມັງກອນ 2024) ແລະ ວັນສ້າງຕັ້ງກອງບັນຊາການທະຫານແຂວງຄໍາມ່ວນ (13 ກຸມພາ 1959-13 ກຸມພາ 2024) ຄົບຮອບ 65 ປີ ໂດຍການເປັນກຽດເຂົ້າຮ່ວມຂອງ ທ່ານ ວັນໄຊ ພອງສະຫວັນ ກຳມະການສູນກາງພັກ ເລຂາພັກແຂວງ ເຈົ້າແຂວງຄໍາມ່ວນ ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ, ທ່ານ ພົນຕີ ວັນທອງ ບຸດຕະວົງ ຄະນະພັກ ຮອງຫົວໜ້າກົມໃຫຍ່ ເສນາທິການກອງທັບ ກະຊວງປ້ອງກັນປະເທດ, ທ່ານ ພົ.ວ ສົມແຄນ ອັບປະສອນ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ, ບັນດາຄະນະພັກ-ຄະນະນໍາຂອງແຂວງ, ອະດີດການນໍາປະຕິວັດອາວຸໂສບຳນານ ຕະຫລອດຮອດແຂກຖືກເຊີນ ແລະ ມວນຊົນເມືອງທ່າແຂກເຂົ້າຮ່ວມ.
ທ່ານ ເຈົ້າແຂວງຄໍາມ່ວນ ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງວັນທີ 20 ມັງກອນ 1949 ຊຶ່ງແມ່ນມື້ໜຶ່ງທີ່ມີຄວາມໝາຍສໍາຄັນໃນປະຫວັດສາດຂອງຊາດ ກໍຄືຂອງການປະຕິວັດລາວ ເປັນມື້ປະກາດໃຫ້ປະຊາຊົນລາວບັນດາເຜົ່າ ໄດ້ຮັບຮູ້ວ່າ ກໍາລັງປະກອບ ອາວຸດ ຂອງການປະຕິວັດລາວ ໄດ້ຮັບການສ້າງຕັ້ງຂຶ້ນຢ່າງເປັນທາງການໂດຍມີຊື່ວ່າ “ກອງຮ້ອຍລາດຊະວົງ” ຊຶ່ງໄດ້ຮັບການສ້າງຕັ້ງຂຶ້ນຢູ່ເຂດທີ່ໝັ້ນ ເຂດພຽງສາ, ຕາແສງລາວຮຸ່ງ ເມືອງຊຽງຄໍ້, ແຂວງຫົວພັນໂດຍແມ່ນ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກເປັນຜູ້ ປະກາດສ້າງຕັ້ງ ແລະ ບັນຊາໂດຍກົງ.
ໃນໂອກາດດຽວກັນ ຍັງໄດ້ຫວນຄືນໃຫ້ເຫັນການກຳເນີດເກີດຂຶ້ນ, ການເຕີບໃຫຍ່ຂະຫຍາຍຕົວ ແລະ ສູ້ຮົບມີໄຊ ຂອງກໍາລັງປະກອບອາວຸດແຂວງຄໍາມ່ວນ ຕະຫຼອດໄລຍະ 65 ປີຜ່ານມາ ການທົດສອບໃນພຶດຕິກຳແຫ່ງການປັບປຸງກໍ່ສ້າງກໍາລັງ ແລະ ຜ່ານຜ່າແປວໄຟແຫ່ງການສູ້ຮົບຢ່າງຟິລະອາດຫານ, ເດັດດຽວໜຽວແໜ້ນບໍ່ຍອມຈຳນົນ ຈາກຜົນງານໄຊຊະນະ ແລະ ວິລະກຳອັນລ້ຳເລີດຄືດັ່ງກ່າວນັ້ນ ມາເຖິງປີ 1979 ສູນກາງ ພັກປະຊາຊົນປະຕິວັດລາວ ໄດ້ເປີດກອງປະຊຸມຄັດເລືອກ ຍ້ອງຍໍຜົນງານບັນດາກົມກອງ ແລະ ບັນດາແຂວງໃນທົ່ວປະເທດ ຊຶ່ງແຂວງຄໍາມ່ວນ ກໍແມ່ນແຂວງໜຶ່ງທີ່ໄດ້ຖືກຄັດເລືອກໃຫ້ນາມມະຍົດເປັນແຂວງວິລະຊົນ, ກອງຮ້ອຍເອກະລາດ 99 ຂອງແຂວງຄໍາມ່ວນ ໄດ້ຮັບນາມມະຍົດເປັນກອງຮ້ອຍວິລະຊົນ. ນອກນັ້ນ, ຍັງມີບັນດາສະຫາຍນັກຮົບຈໍານວນໜຶ່ງ ທີ່ໄດ້ຮັບນາມມະຍົດວິລະຊົນ ແລະ ນັກຮົບແຂ່ງຂັນ.
ໃນພິທີດັ່ງກ່າວ, ຍັງໄດ້ຍ້ອງຍໍສັນລະເສີນຜົນງານໃຫ້ແກ່ການນໍາແຂວງຄໍາມ່ວນ ທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບໄລຍະ 5 ປີ ຜ່ານມາ, ຊຶ່ງໄດ້ປະດັບຫຼຽນໄຊພິລະອາດຫານຊັ້ນ II ຈໍານວນ 5 ສະຫາຍ, ຫຼຽນໄຊພິລະອາດຫານຊັ້ນ III ຈໍານວນ 14 ສະຫາຍ, ເປັນກຽດປະດັບ ໂດຍສະຫາຍ ພົນຕີ ວັນທອງ ບຸດຕະວົງ. ຈາກນັ້ນ, ບັນດາທ່ານທີ່ເຂົ້າຮ່ວມ ຍັງໄດ້ຮັບຊົມການເດີນສວນສະໜາມຈາກບັນດາກ້ອນກຳລັງຕ່າງໆ, ຊົມການສະແດງສິນລະປະຍຸດທະວິທີການປ້ອງກັນຕົວ ຂອງເລົ່າຮົບພິເສດ ແລະ ການສະແດງໂດດຈ້ອງ ຂອງເລົ່າຮົບທະຫານອາກາດ. ຂ່າວ : ມະນີວັນ
ທ່ານ ເຈົ້າແຂວງຄໍາມ່ວນ ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງວັນທີ 20 ມັງກອນ 1949 ຊຶ່ງແມ່ນມື້ໜຶ່ງທີ່ມີຄວາມໝາຍສໍາຄັນໃນປະຫວັດສາດຂອງຊາດ ກໍຄືຂອງການປະຕິວັດລາວ ເປັນມື້ປະກາດໃຫ້ປະຊາຊົນລາວບັນດາເຜົ່າ ໄດ້ຮັບຮູ້ວ່າ ກໍາລັງປະກອບ ອາວຸດ ຂອງການປະຕິວັດລາວ ໄດ້ຮັບການສ້າງຕັ້ງຂຶ້ນຢ່າງເປັນທາງການໂດຍມີຊື່ວ່າ “ກອງຮ້ອຍລາດຊະວົງ” ຊຶ່ງໄດ້ຮັບການສ້າງຕັ້ງຂຶ້ນຢູ່ເຂດທີ່ໝັ້ນ ເຂດພຽງສາ, ຕາແສງລາວຮຸ່ງ ເມືອງຊຽງຄໍ້, ແຂວງຫົວພັນໂດຍແມ່ນ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກເປັນຜູ້ ປະກາດສ້າງຕັ້ງ ແລະ ບັນຊາໂດຍກົງ.
ໃນໂອກາດດຽວກັນ ຍັງໄດ້ຫວນຄືນໃຫ້ເຫັນການກຳເນີດເກີດຂຶ້ນ, ການເຕີບໃຫຍ່ຂະຫຍາຍຕົວ ແລະ ສູ້ຮົບມີໄຊ ຂອງກໍາລັງປະກອບອາວຸດແຂວງຄໍາມ່ວນ ຕະຫຼອດໄລຍະ 65 ປີຜ່ານມາ ການທົດສອບໃນພຶດຕິກຳແຫ່ງການປັບປຸງກໍ່ສ້າງກໍາລັງ ແລະ ຜ່ານຜ່າແປວໄຟແຫ່ງການສູ້ຮົບຢ່າງຟິລະອາດຫານ, ເດັດດຽວໜຽວແໜ້ນບໍ່ຍອມຈຳນົນ ຈາກຜົນງານໄຊຊະນະ ແລະ ວິລະກຳອັນລ້ຳເລີດຄືດັ່ງກ່າວນັ້ນ ມາເຖິງປີ 1979 ສູນກາງ ພັກປະຊາຊົນປະຕິວັດລາວ ໄດ້ເປີດກອງປະຊຸມຄັດເລືອກ ຍ້ອງຍໍຜົນງານບັນດາກົມກອງ ແລະ ບັນດາແຂວງໃນທົ່ວປະເທດ ຊຶ່ງແຂວງຄໍາມ່ວນ ກໍແມ່ນແຂວງໜຶ່ງທີ່ໄດ້ຖືກຄັດເລືອກໃຫ້ນາມມະຍົດເປັນແຂວງວິລະຊົນ, ກອງຮ້ອຍເອກະລາດ 99 ຂອງແຂວງຄໍາມ່ວນ ໄດ້ຮັບນາມມະຍົດເປັນກອງຮ້ອຍວິລະຊົນ. ນອກນັ້ນ, ຍັງມີບັນດາສະຫາຍນັກຮົບຈໍານວນໜຶ່ງ ທີ່ໄດ້ຮັບນາມມະຍົດວິລະຊົນ ແລະ ນັກຮົບແຂ່ງຂັນ.
ໃນພິທີດັ່ງກ່າວ, ຍັງໄດ້ຍ້ອງຍໍສັນລະເສີນຜົນງານໃຫ້ແກ່ການນໍາແຂວງຄໍາມ່ວນ ທີ່ມີຜົນງານດີເດັ່ນໃນການປະຕິບັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບໄລຍະ 5 ປີ ຜ່ານມາ, ຊຶ່ງໄດ້ປະດັບຫຼຽນໄຊພິລະອາດຫານຊັ້ນ II ຈໍານວນ 5 ສະຫາຍ, ຫຼຽນໄຊພິລະອາດຫານຊັ້ນ III ຈໍານວນ 14 ສະຫາຍ, ເປັນກຽດປະດັບ ໂດຍສະຫາຍ ພົນຕີ ວັນທອງ ບຸດຕະວົງ. ຈາກນັ້ນ, ບັນດາທ່ານທີ່ເຂົ້າຮ່ວມ ຍັງໄດ້ຮັບຊົມການເດີນສວນສະໜາມຈາກບັນດາກ້ອນກຳລັງຕ່າງໆ, ຊົມການສະແດງສິນລະປະຍຸດທະວິທີການປ້ອງກັນຕົວ ຂອງເລົ່າຮົບພິເສດ ແລະ ການສະແດງໂດດຈ້ອງ ຂອງເລົ່າຮົບທະຫານອາກາດ. ຂ່າວ : ມະນີວັນ
ຄໍາເຫັນ