ທ່ານ ນາງ ບຸນທະວີ ດວງລາສີ ຮອງເລຂາພັກແຂວງ ຜູ້ຊີ້ນຳວຽກງານການເມືອງແນວຄິດ- ວຽກພັກພະນັກງານ ແຂວງສາລະວັນ ພ້ອມຄະນະ ໄດ້ເຄື່ອນໄຫວຢ້ຽມຢາມພໍ່-ແມ່ປະຊາຊົນທີ່ຖືກຜົນກະທົບຈາກລົມພາຍຸ ຢູ່ເມືອງວາປີ ໃນວັນທີ 30 ມີນາ 2024 ທີ່ຫ້ອງວ່າການເມືອງວາປີ ແຂວງສາລະວັນ.
ການລົງເຄື່ອນໄຫວຄັ້ງນີ້, ທ່ານ ບຸນຍູ້ ຈັນທະລັງສີ ເຈົ້າເມືອງວາປີ ໄດ້ລາຍງານໃຫ້ຮູ້ກ່ຽວກັບຜົນເສຍຫາຍເບື້ອງຕົ້ນຂອງບ້ານທີ່ໄດ້ຮັບຜົນກະທົບຈາກລົມພາຍຸ ທີ່ເກີດຂຶ້ນໃນວັນທີ 28 ມິີນາ 2024 ເວລາປະມານ 16:30 ໂມງ, ໄດ້ເກີດພາຍຸພັດໃສ່ບ້ານເຮືອນປະຊາຊົນ ເສຍຫາຍຈຳນວນ 5 ບ້ານ ຄື: ບ້ານ ບັງຄາໂຄກ, ດອນຂະເໝັ້ນ, ນາຊາດ, ຄອນສາຍ ແລະ ບ້ານດອນຂ່າ ທີ່ໄດ້ຮັບຜົນກະທົບເຮັດໃຫ້ບ້ານເຮືອນປະຊາຊົນເປ້ເພເສຍຫາຍສົມຄວນ ເປັນຕົ້ນ: ເສຍຫາຍໜັກ ຈຳນວນ 15 ຫຼັງຄາເຮືອນ, ເສຍຫາຍທຳມະດາ 57 ຫຼັງ, ເສຍຫາຍປານກາງ 25 ຫຼັງ, ຖຽງນາ ເສຍຫາຍ 11 ຫຼັງ, ເລົ້າເຂົ້າ 8 ຫຼັງ, ໂຮງສີເຂົ້າ 3 ຫຼັງ ແລະ ສາລາໂຮງທຳ 1 ຫຼັງ, ລວມມູນຄ່າເສຍຫາຍຫຼາຍສົມຄວນ. ພາຍຫຼັງທີ່ຮັບຮູ້ອຳນາດການປົກຄອງເມືອງ ກໍໄດ້ນຳເອົາທະຫານກົມມະດຳ ແລະ ທະຫານເມືອງ ລົງຊ່ວຍຜູ້ທີ່ຖືກຜົນກະທົບໜັກໃນການເກັບມ້ຽນ ແລະ ສ້ອມແປງ, ພ້ອມທັງໄດ້ມອບນໍ້າດື່ມ ແລະ ເງິນສົມທົບໃຫ້ອົງການປົກຄອງບ້ານໃນຂັ້ນເບື້ອງຕົ້ນ ແລະ ຈະສືບຕໍ່ລະດົມກຳລັງເຂົ້າຊ່ວຍເຫຼືອພໍ່ແມ່ປະຊາຊົນຕື່ມ.
ທ່ານ ນາງ ບຸນທະວີ ດວງລາສີ ພ້ອມຄະນະ ໄດ້ລົງເບິ່ງສະຖານທີ່ຕົວຈິງທີ່ໄດ້ຮັບຜົນກະທົບ ພ້ອມທັງໄດ້ໂອ້ລົມຕໍ່ອຳນາດການປົກຄອງບ້ານ ແລະ ປະຊາຊົນທີ່ໄດ້ຮັບຜົນກະທົບ ແລະ ທ່ານຮອງເລຂາພັກແຂວງ ໄດ້ຕາງໜ້າອຳນາດການປົກຄອງແຂວງ ນຳເອົາວັດຖຸປັດໃຈຈຳນວນໜຶ່ງມອບໃຫ້ບ້ານເພື່ອຊ່ວຍເຫຼືອຢຽວຢາຂັ້ນເບື້ອງຕົ້ນ ເປັນມູນ 13 ລ້ານກວ່າກີບ ແລະ ນໍ້າດື່ມ 40 ແພັກ ທີ່ໄດ້ຈາກການປະກອບສ່ວນຂອງອໍານາດການປົກຄອງແຂວງ, ພະແນກການເງິນແຂວງ, ພະແນກອຸດສາຫະກຳ ແລະ ການຄ້າແຂວງ, ກອງບັນຊາການປ້ອງກັນຄວາມສະຫງົບແຂວງ ແລະ 3 ອົງການຈັດຕັ້ງຊາວໜຸ່ມ, ແມ່ຍິງ, ກຳມະບານ.
(ພາບ-ຂ່າວ: ທິດລານີ ໂຄດໂຍທາ).
ການລົງເຄື່ອນໄຫວຄັ້ງນີ້, ທ່ານ ບຸນຍູ້ ຈັນທະລັງສີ ເຈົ້າເມືອງວາປີ ໄດ້ລາຍງານໃຫ້ຮູ້ກ່ຽວກັບຜົນເສຍຫາຍເບື້ອງຕົ້ນຂອງບ້ານທີ່ໄດ້ຮັບຜົນກະທົບຈາກລົມພາຍຸ ທີ່ເກີດຂຶ້ນໃນວັນທີ 28 ມິີນາ 2024 ເວລາປະມານ 16:30 ໂມງ, ໄດ້ເກີດພາຍຸພັດໃສ່ບ້ານເຮືອນປະຊາຊົນ ເສຍຫາຍຈຳນວນ 5 ບ້ານ ຄື: ບ້ານ ບັງຄາໂຄກ, ດອນຂະເໝັ້ນ, ນາຊາດ, ຄອນສາຍ ແລະ ບ້ານດອນຂ່າ ທີ່ໄດ້ຮັບຜົນກະທົບເຮັດໃຫ້ບ້ານເຮືອນປະຊາຊົນເປ້ເພເສຍຫາຍສົມຄວນ ເປັນຕົ້ນ: ເສຍຫາຍໜັກ ຈຳນວນ 15 ຫຼັງຄາເຮືອນ, ເສຍຫາຍທຳມະດາ 57 ຫຼັງ, ເສຍຫາຍປານກາງ 25 ຫຼັງ, ຖຽງນາ ເສຍຫາຍ 11 ຫຼັງ, ເລົ້າເຂົ້າ 8 ຫຼັງ, ໂຮງສີເຂົ້າ 3 ຫຼັງ ແລະ ສາລາໂຮງທຳ 1 ຫຼັງ, ລວມມູນຄ່າເສຍຫາຍຫຼາຍສົມຄວນ. ພາຍຫຼັງທີ່ຮັບຮູ້ອຳນາດການປົກຄອງເມືອງ ກໍໄດ້ນຳເອົາທະຫານກົມມະດຳ ແລະ ທະຫານເມືອງ ລົງຊ່ວຍຜູ້ທີ່ຖືກຜົນກະທົບໜັກໃນການເກັບມ້ຽນ ແລະ ສ້ອມແປງ, ພ້ອມທັງໄດ້ມອບນໍ້າດື່ມ ແລະ ເງິນສົມທົບໃຫ້ອົງການປົກຄອງບ້ານໃນຂັ້ນເບື້ອງຕົ້ນ ແລະ ຈະສືບຕໍ່ລະດົມກຳລັງເຂົ້າຊ່ວຍເຫຼືອພໍ່ແມ່ປະຊາຊົນຕື່ມ.
ທ່ານ ນາງ ບຸນທະວີ ດວງລາສີ ພ້ອມຄະນະ ໄດ້ລົງເບິ່ງສະຖານທີ່ຕົວຈິງທີ່ໄດ້ຮັບຜົນກະທົບ ພ້ອມທັງໄດ້ໂອ້ລົມຕໍ່ອຳນາດການປົກຄອງບ້ານ ແລະ ປະຊາຊົນທີ່ໄດ້ຮັບຜົນກະທົບ ແລະ ທ່ານຮອງເລຂາພັກແຂວງ ໄດ້ຕາງໜ້າອຳນາດການປົກຄອງແຂວງ ນຳເອົາວັດຖຸປັດໃຈຈຳນວນໜຶ່ງມອບໃຫ້ບ້ານເພື່ອຊ່ວຍເຫຼືອຢຽວຢາຂັ້ນເບື້ອງຕົ້ນ ເປັນມູນ 13 ລ້ານກວ່າກີບ ແລະ ນໍ້າດື່ມ 40 ແພັກ ທີ່ໄດ້ຈາກການປະກອບສ່ວນຂອງອໍານາດການປົກຄອງແຂວງ, ພະແນກການເງິນແຂວງ, ພະແນກອຸດສາຫະກຳ ແລະ ການຄ້າແຂວງ, ກອງບັນຊາການປ້ອງກັນຄວາມສະຫງົບແຂວງ ແລະ 3 ອົງການຈັດຕັ້ງຊາວໜຸ່ມ, ແມ່ຍິງ, ກຳມະບານ.
(ພາບ-ຂ່າວ: ທິດລານີ ໂຄດໂຍທາ).
ຄໍາເຫັນ