ສະຫາຍ ພັນເອກນາງ ຫຼ້າ ຄຸນນະວົງສາ ໄດ້ຕາງໜ້າໃຫ້ຄະນະນໍາສະຫະພັນແມ່ຍິງກອງທັບ ກໍຄືສະມາຊິກສະຫະພັນແມ່ຍິງໃນທົ່ວກອງທັບສະແດງຄວາມເປັນຫ່ວງເປັນໃຍຕໍ່ພະນັກງານ-ນັກຮົບທີ່ໄດ້ຮັບບາດເຈັບຈາກການປະຕິບັດໜ້າທີ່ ແລະ ສະແດງຄວາມຊົມເຊີຍຕໍ່ຄວາມສາມາດ, ນ້ຳໃຈເດັດດ່ຽວໜຽວແໜ້ນ, ນໍ້າໃຈເສຍສະຫຼະອັນສູງສົ່ງເພື່ອປະເທດຊາດເພື່ອປະຊາຊົນ ພ້ອມທັງຝາກຄວາມຢື້ຢາມຖາມຂ່າວ ແລະ ອວຍພອນໄຊເຖິງພະນັກງານ-ນັກຮົບທຸກສະຫາຍທີ່ພວມປະຕິບັດໜ້າທີ່ປົກປັກຮັກສາເຂດນໍ້າແດນດິນຂອງຊາດ ຈົ່ງພ້ອມກັນອົດທົນຜ່ານຜ່າຍົກສູງຄວາມຮັບຜິດຊອບຕໍ່ໜ້າທີ່ ທີ່ໄດ້ຮັບມອບ.
ໂອກາດນີ້, ຄະນະນໍາສະຫະພັນແມ່ຍິງກອງທັບໄດ້ມອບວັດຖຸປັດໄຈຈໍານວນໜຶ່ງເພື່ອເປັນການປະກອບສ່ວນຊຸກຍູ້ພະນັກງານ-ນັກຮົບທີ່ກໍາລັງປິ່ນປົວໃຫ້ມີກໍາລັງໃຈໃນການຮັກສາຕົວ ໃຫ້ຫາຍດີກັບຄືນສູ່ຄອບຄົວ.
ຂ່າວ: ນາງ ໜູແດງ
ຄໍາເຫັນ