ຄະນະພົວພັນຕ່າງປະເທດສູນກາງພັກປະກາດພະນັກງານ ອອກພັກການ-ຮັບອຸດໜູນບຳນານ

ໃນພິທີດັ່ງກ່າວ, ສະຫາຍ ເກີລໍ່ ຢ່າງກໍ່ ຫົວໜ້າກົມຈັດຕັ້ງ-ພະນັກງານ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ສະບັບເລກທີ 1095/ຄລສພ, ລົງວັນທີ 29/12/2025 ວ່າດ້ວຍການອະນຸມັດໃຫ້ ສະຫາຍ ຄຳພັນ ອັ່ນລາວັນ ຫົວໜ້າຫ້ອງການຄະນະພົວພັນຕ່າງປະເທດສູນກາງພັກ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳຣາຊະອານາຈັກໄທ ອອກພັກການ-ຮັບອຸດໜູນບຳນານ ຕາມກົດໝາຍວ່າດ້ວຍພະນັກງານ-ລັດຖະກອນ ຊຶ່ງ ສະຫາຍ ຄຳພັນ ອັ່ນລາວັນ ແມ່ນພະນັກງານຫຼັກແຫຼ່ງຜູ້ໜຶ່ງທີ່ມີຄຸນງາມຄວາມດີ ແລະ ປະກອບສ່ວນສ້າງຜົນງານຢ່າງຫຼວງຫຼາຍ ຕໍ່ຂະແໜງການຕ່າງປະເທດໃນໄລຍະຜ່ານມາເປັນຕົ້ນ ໄດ້ຮັບການແຕ່ງຕັ້ງເປັນພະນັກງານນຳພາ-ຄຸ້ມຄອງຂັ້ນຕ່າງໆ. ນອກນັ້ນ, ກ່ອນໜ້ານີ້ ສະຫາຍ ຍັງໄດ້ຖືກແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳມາເລເຊຍ ແລະ ປະຈຳ ສ ອາເມຣິກາ.
ສະຫາຍ ບຸນເຫຼືອ ພັນດານຸວົງ ໄດ້ມີຄຳເຫັນຕໍ່ ສະຫາຍ ຄຳພັນ ອັ່ນລາວັນ ແລະ ບັນດາຜູ້ເຂົ້າຮ່ວມພິທີວ່າ: ການອອກພັກຜ່ອນຮັບອຸດໜູນ-ບຳນານ ໝາຍເຖິງການເຮັດສຳເລັດໜ້າທີ່ການເມືອງ ຢ່າງສຸດກົກສຸດປາຍ ຊຶ່ງຖືເປັນກຽດອັນສູງສົ່ງຂອງສະຫາຍ ທີ່ໄດ້ປະກອບສ່ວນປະຕິບັດໜ້າທີ່ຕະຫຼອດໄລະຍ 39 ປີ ຜ່ານມາ, ທັງເປັນແບບຢ່າງທີ່ພະນັກງານ ຄຕພ ຄວນນໍາໄປສຶກສາຮຽນຮູ້. ຕໍ່ຜົນງານດັ່ງກ່າວ, ການຈັດຕັ້ງຈຶ່ງໄດ້ປະຕິບັດນະໂຍບາຍໃຫ້ສອດຄ່ອງກັບກົດໝາຍວ່າດ້ວຍພະນັກງານ-ລັດຖະກອນຕໍ່ຜູ້ກ່ຽວ ຊຶ່ງເປັນກົດເກນທີ່ພະນັກງານທຸກຂັ້ນຕ້ອງໄດ້ຮັບການຈັດຕັ້ງປະຕິບັດ ພາຍຫຼັງເຮັດສຳເລັດການປະຕິບັດໜ້າທີ່ການເມືອງ.ຈາກນັ້ນ ສະຫາຍ ສີເຫຼືອ ບັນດານຸວົງ ກໍໄດ້ມອບມະຕິຕົກລົງຂອງສູນກາງພັກໃຫ້ແກ່ສະຫາຍ ຄຳພັນ ອັ່ນລາວັນ.
ຂ່າວ: ຄຕພ, ພາບ: ພູວຽງຄຳ