ຊຶ່ງຝ່າຍກຳປູເຈຍ ນຳໂດຍ ທ່ານ ພົນຕີ ແປນ ສຸເກຣິດວິດເຢຍ ຫົວໜ້າສຳນັກງານສູນຝຶກອົບຮົມ ປະທານ ອະນຸກຳມະການຝຶກຊ້ອມ ກຳປູເຈຍ-ລາວ-ຫວຽດນາມ ພ້ອມຄະນະ, ຝ່າຍລາວນໍາໂດຍ ທ່ານ ພັນໂທ ຄຳຜາຍ ອ້ວນວິໄລ ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ ຫົວໜ້າຄະນະຝຶກຊ້ອມກອບກູ້ໄພພິບັດ 3 ກອງທັບ ພ້ອມຄະນະ, ຝ່າຍຫວຽດນາມ ນຳໂດຍ ທ່ານ ພັນເອກພິເສດ ວໍ້ ວັນ ບ໋າ ຮອງຫົວໜ້າການທະຫານ ກອງບັນຊາການທະຫານເຂດ 5 ພ້ອມຄະນະ.
ການລົງຕິດຕາມ ແລະ ກວດກາເບິ່ງການຝຶກຊ້ອມ ໃນຄັ້ງນີ້, ກໍເພື່ອກວດກາເບິ່ງການຝຶກຊ້ອມຮ່ວມກັນ ຂອງກຳລັງຝຶກຊ້ອມທັງ 3 ກອງທັບ ເພື່ອພ້ອມກັນເປັນເຈົ້າການຄົ້ນຄວ້າເອກະພາບບັນດາເນື້ອໃນ ທີ່ພົວພັນເຖິງຫົວບົດການຝຶກຊ້ອມຮ່ວມກັນ ຂອງກຳລັງທັງ 3 ກອງທັບ ໃຫ້ໄປຕາມລຳດັບ, ບາດກ້າວ ຂອງຜູ້ບັນຊາ ເພື່ອເຮັດໃຫ້ກຳລັງຝຶກຊ້ອມປະຕິບັດການຫັດແອບໃຫ້ຖືກຕາມລຳດັບ-ເນື້ອໃນແຜນການທີ່ໄດ້ກຳນົດໄວ້. ຈາກນັ້ນ, ຄະນະຊີ້ນຳການຝຶກຊ້ອມ ກໍໄດ້ປຶກສາຫາລື, ຖອດຖອນແລກປ່ຽນບົດຮຽນ ແລະ ເອກະພາບບັນດາເນື້ອໃນ, ບາດກ້າວດຳເນີນການຫັດແອບ ແລະ ຝຶກຊ້ອມຮ່ວມ ໃຫ້ມີຄວາມຄ່ອງແຄ້ວ, ຍົກສູງລະດັບຄວາມຮູ້, ຄວາມສາມາດໃນການຈັດຕັ້ງປະຕິບັດ ໃຫ້ມີຄວາມສຳນິຊຳນານ ໃນວຽກງານກອບກູ້ໄພພິບັດ ແລະ ການບັນຊາຮ່ວມກັນ ລະຫວ່າງ 3 ກອງທັບ ໃຫ້ໄດ້ຮັບໝາກຜົນສູງ, ຮັກສາໄດ້ຄວາມສາມັກຄີ ແລະ ມີຄວາມປອດໄພ 100%.
(ຂ່າວ: ເພັດ ສົມນໍວັນ)
ຄໍາເຫັນ