ປະຊາກອນໂລກ ບັນລຸ 8.09 ຕື້ຄົນ ໃນມື້ປີໃໝ່ 2025

ຄາດຄະເນ ຈຳນວນປະຊາກອນໂລກ ບັນລຸ 8.09 ຕື້ຄົນ ໃນມື້ປີໃໝ່ 2025

11:38 03/01/2025

ຂ່າວຕ່າງປະເທດລາຍງານ ໃນວັນທີ 2 ມັງກອນ ຜ່ານມາ, ບົດລາຍງານການຄາດຄະເນຈາກສຳນັກງານສຳມະໂນຄົວ ຂອງສະຫະລັດ ອາເມຣິກາ ເປີດເຜີຍວ່າ: ຈຳນວນປະຊາກອນໂລກເພີ່ມຂຶ້ນຫຼາຍກວ່າ 71 ລ້ານຄົນໃນປີ 2024, ບັນລຸ 8.09 ຕື້ຄົນໃນມື້ປີໃໝ່ (1 ມັງກອນ) ທີ່ຜ່ານມາ.

ປະຊາກອນໂລກທີ່ເພີ່ມຂຶ້ນ 0.9% ໃນປີ 2024 ຊະລໍຕົວເລັກນ້ອຍຈາກປີ 2023 ຊຶ່ງເປັນໄລຍະທີ່ປະຊາກອນໂລກເພີ່ມຂຶ້ນເປັນ 75 ລ້ານຄົນໃນເດືອນມັງກອນ 2025, ບົດລາຍງານຄາດວ່າຈຳນວນການເກີດ ຈະຢູ່ທີ່ 4.2 ຄົນແລະ ມີຜູ້ເສຍຊີວິດ 2 ຄົນ ໃນທຸກໆວິນາທີ ທົ່ວໂລກ.

ສຳນັກງານດັ່ງກ່າວ ລະບຸວ່າ: ປະຊາກອນ ໃນສະຫະລັດ ອາເມຣິກາເພີ່ມຂຶ້ນ 2,6 ລ້ານຄົນໃນປີ 2024 ລວມຢູ່ທີ່ 341 ລ້ານຄົນໃນມື້ປີໃໝ່ແລະຄາດວ່າສະຫະລັດ ອາເມຣິກາ ຈະມີເດັກນ້ອຍເກີດໃໝ່ 1 ຄົນທຸກ 9 ວິນາທີ ແລະ ມີຜູ້ເສຍຊີວິດ 1 ຄົນໃນທຸກໆ 9.4 ວິນາທີ ໃນເດືອນມັງກອນ 2025.

ໃນຂະນະທີ່ການຍ້າຍຖິ່ນຖານລະຫວ່າງປະເທດ ຈະເຮັດໃຫ້ປະຊາກອນສະຫະລັດ ອາເມຣິກາ ເພີ່ມຂຶ້ນ 1 ຄົນໃນທຸກໆ 23.2 ວິນາທີ ແລະ ເມື່ອຄິດໄລ່ລວມການເກີດ, ການເສຍຊີວິດແລະການຍ້າຍຖິ່ນຖານລະຫວ່າງປະເທດ ຈະເຮັດໃຫ້ຈຳນວນປະຊາກອນສະຫະລັດ ອາເມຣິກາ ເພີ່ມຂຶ້ນ 1 ຄົນໃນທຸກໆ 21.2 ວິນາທີ.

ຈຳນວນປະຊາກອນສະຫະລັດ ອາເມຣິກາ ເພີ່ມຂຶ້ນເກືອບ 9,7 ລ້ານຄົນໃນຊຸມປີ 2020 ຊຶ່ງມີອັດຕາການເພີ່ມຂຶ້ນ 2,9% ໃນຊຸມປີ 2010, ຈຳນວນປະຊາກອນ ສະຫະລັດ ອາເມຣິກາ ເພີ່ມຂຶ້ນ 7.4% ແມ່ນອັດຕາທີ່ຕໍ່າທີ່ສຸດນັບຕັ້ງແຕ່ຊຸມປີ 1930.

ຄໍາເຫັນ

ຂ່າວຕ່າງປະເທດ

ຄວາມເຂັ້ມຂຸ້ນຂອງອາຍພິດເຮືອນແກ້ວໃນໂລກສ້າງສະຖິຕິສູງສຸດເປັນປະຫວັດສາດ

29/10/2026 13:43

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 28 ຕຸລາ ຜ່ານມາວ່າ: ອີງຕາມແຈ້ງການກ່ຽວກັບອາຍພິດເຮືອນແກ້ວ ສະບັບຫຼ້າສຸດທີ່ອົງການອຸຕຸນິຍົມໂລກເປີດເຜີຍໃນວັນທີ 27 ຕຸລາ ຜ່ານມາ ສະແດງໃຫ້ເຫັນວ່າ: ປີ 2025, ຄວາມເຂັ້ມຂຸ້ນຂອງກາກບອນດິອັອກຊິດ ແລະ ອາຍພິດເຮືອນແກ້ວຕົ້ນຕໍອື່ນໆ ໃນຊັ້ນບັນຍາກາດຂອງໂລກໄດ້ສ້າງສະຖິຕິສູງສຸດເປັນປະຫວັດສາດອີກຄັ້ງ, ສະແດງໃຫ້ເຫັນວ່າທ່າອຽງຈະເພີ່ມຂຶ້ນໃນໄລຍະຍາວຂອງອຸນຫະພູມທົ່ວໂລກຍັງຄົງສືບຕໍ່ຂະຫຍາຍຕົວຢູ່.

ທະນາຄານກາງການາດາ ປະກາດຂຶ້ນອັດຕາດອກເບ້ຍ 0.25%

29/10/2026 13:42

ຂ່າວຕ່າງປະເທດລາຍງານວ່າ: ທະນາຄານກາງການາດາ (BoC) ໄດ້ຂຶ້ນອັດຕາດອກເບ້ຍນະໂຍບາຍໃນວັນທີ 28 ຕຸລາ ຜ່ານມາ ເປັນຄັ້ງທຳອິດໃນຮອບ 3 ປີ ຫຼື ນັບຕັ້ງແຕ່ເດືອນກໍລະກົດ 2023, ພ້ອມທັງມີສັນຍານວ່າຈະຂຶ້ນອັດຕາດອກເບ້ຍຕື່ມອີກເພື່ອຫຼຸດຜ່ອນອັດຕາເງິນເຟີ້.

ອິນໂດເນເຊຍ - ສິງກະໂປ ຮ່ວມມືກັນ ແກ້ໄຂບັນຫາໄຟໄໝ້ປ່າ ແລະ ໝອກຄວັນ

29/10/2026 13:41

ສຳນັກຂ່າວສານຊິນຮວາລາຍງານໃນວັນທີ 28 ຕຸລາ ຜ່ານມາວ່າ: ອິນໂດເນເຊຍ ແລະ ສິງກະໂປ ໄດ້ຕົກລົງທີ່ຈະສ້າງຕັ້ງຄະນະເຮັດວຽກຮ່ວມກັນເພື່ອແກ້ໄຂບັນຫາບໍລິສັດທີ່ມີສ່ວນກ່ຽວຂ້ອງກັບໄຟໄໝ້ປ່າທີ່ເຮັດໃຫ້ເກີດໝອກຄວັນຂ້າມຊາຍແດນ, ຫຼັງຈາກການສົນທະນາລະຫວ່າງ ທ່ານ ອາມານາທາ ນາຊີຣ ລັດຖະມົນຕີກະຊວງການຕ່າງປະເທດອິນໂດເນເຊຍ ແລະ ທ່ານ ວິວຽນ ບາລາກຣິສນັນ ລັດຖະມົນຕີກະຊວງການຕ່າງປະເທດສິງກະໂປ ທີ່ນະຄອນຈາກາຕາ ປະເທດອິນໂດເນເຊຍ.

ມາເລເຊຍ ຢຶດຊິບ AI ຂັ້ນສູງ ມູນຄ່າຫຼາຍກວ່າ 12 ລ້ານໂດລາ

29/10/2026 13:40

ຂ່າວຕ່າງປະເທດລາຍງານວ່າ: ກົມພາສີຂອງມາເລເຊຍໄດ້ເປີດເຜີຍໃນວັນທີ 28 ຕຸລາ ຜ່ານມາວ່າ, ເຈົ້າໜ້າທີ່ໄດ້ຢຶດເຊີບເວີ 30 ເຄື່ອງທີ່ຕິດຕັ້ງຊິບປັນຍາປະດິດຂັ້ນສູງ (AI) ທີ່ມີມູນຄ່າປະມານ 49.5 ລ້ານຣິງກິດມາເລເຊຍ ຫຼື 12.11 ລ້ານໂດລາ ທີ່ສະໜາມບິນສາກົນກົວລາລຳເປີ ໃນວັນທີ 15 ຕຸລາ ຜ່ານມາ.

3 ໄຕມາດ ຜົນກໍາໄລຂອງອຸດສາຫະກໍາຂະໜາດໃຫຍ່ຈີນ ຮັກສາຈັງຫວະການເຕີບໂຕອ່າວໄວ

29/10/2026 13:39

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 28 ຕຸລາ ຜ່ານມາວ່າ: ອີງຕາມຂໍ້ມູນທີ່ອົງການສະຖິຕິແຫ່ງຊາດຈີນເປີດເຜີຍໃນວັນທີ 27 ຕຸລາ ຜ່ານມາ ສະແດງໃຫ້ເຫັນວ່າ, ການພັດທະນາເສດຖະກິດດ້ານອຸດສາຫະກໍາທີ່ມີຄຸນນະພາບສູງຂອງຈີນໄດ້ຮັບການຊຸກຍູ້ຢ່າງໝັ້ນທ່ຽງ, ນັບແຕ່ເດືອນມັງກອນ ຫາ ເດືອນກັນຍາປີນີ້, ອຸດສາຫະກໍາຂະໜາດໃຫຍ່ຂອງຈີນມີຜົນກໍາໄລເຖິງ 6,033.7 ຕື້ຢວນ, ເພີ່ມຂຶ້ນ 15.5% ເມື່ອທຽບໃສ່ໄລຍະດຽວກັນຂອງປີກາຍ.

ຫວຽດນາມ ເປີດສັບປະດາດີຈີຕອນສາກົນ 2026

29/10/2026 13:38

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 28 ຕຸລາ ຜ່ານມາ ຢູ່ນະຄອນກ໋ວາງນິງ, ກະຊວງວິທະຍາສາດ ແລະ ເຕັກໂນໂລຊີ ໄດ້ເປີດສັບປະດາດີຈີຕອນສາກົນ ຫວຽດນາມ 2026 (VIDW 2026) ແລະ ກອງປະຊຸມໂຕະມົນລັດຖະມົນຕີດີຈີຕອນ ແລະ ປັນຍາປະດິດ (AI), ໂດຍໄດ້ດຶງດູດການເຂົ້າຮ່ວມຂອງຜູ້ແທນພາຍໃນປະເທດ ແລະ ສາກົນປະມານ 500 ທ່ານ ທີ່ມາຈາກເກືອບ 30 ປະເທດ.

ເຂົ້າໃຈອຸດົມການເພື່ອປະຊາຊົນທີ່ບໍ່ເຄີຍປ່ຽນແປງຂອງພັກກອມມູນິດຈີນຈາກ “ຜ້າຫົ່ມເຄິ່ງຜືນ”

28/10/2026 13:47

ປີນີ້ແມ່ນປີຄົບຮອບ 90 ປີ ແຫ່ງໄຊຊະນະຂອງການເດີນທັບທາງໄກຂອງກອງທັບແດງກຳມະກອນ ແລະ ຊາວນາຈີນ. ການເດີນທັບທາງໄກອັນຍິ່ງໃຫຍ່ໄດ້ຂ້າມຜ່ານແມ່ນ້ຳໝື່ນສາຍ ແລະ ພູຜາຫຼາຍພັນໜ່ວຍຄັ້ງນີ້ບໍ່ພຽງແຕ່ແມ່ນເລື່ອງມະຫັດສະຈັນໃນປະຫວັດສາດທາງການທະຫານເທົ່ານັ້ນ, ຫາກຍັງເປັນກຳລັງທາງຈິດໃຈທີ່ສາມາດຂ້າມຜ່ານຊາຍແດນ ແລະ ເຊີດຊູກຳລັງໃຈຂອງຄົນທັງຫຼາຍອີກດ້ວຍ. ເລື່ອງ “ຜ້າຫົ່ມເຄິ່ງຜືນ” ຂອງບ້ານຊ່າໂຈ່ວ ແຂວງຫູໜານ ບໍ່ໄດ້ກ່ຽວພັນກັບແປວໄຟສົງຄາມທີ່ດຸເດືອດ, ແຕ່ພັດໄດ້ເປີດເຜີຍຄຳຕອບທີ່ບໍ່ເຄີຍປ່ຽນແປງຂອງພັກກອມມູນິດຈີນໃຫ້ແກ່ໂລກດ້ວຍຄວາມອົບອຸ່ນທີ່ບໍລິສຸດທີ່ສຸດ, ນັ້ນຄື: ຮັກແພງປະຊາຊົນທີ່ສຸດ.

ຄວາມເຊື່ອໝັ້ນຂອງຜູ້ບໍລິໂພກ ສ ເກົາຫຼີ ຫຼຸດລົງໃນເດືອນຕຸລາ

28/10/2026 12:44

ຂ່າວຕ່າງປະເທດລາຍງານວ່າ: ທະນາຄານກາງ ສ ເກົາຫຼີ (BOK) ໄດ້ເປີດເຜີຍໃນວັນທີ 27 ຕຸລາ ຜ່ານມາວ່າ, ຄວາມເຊື່ອໝັ້ນຂອງຜູ້ບໍລິໂພກ ສ ເກົາຫຼີ ຫຼຸດລົງໃນເດືອນຕຸລາ, ໂດຍໄດ້ຮັບຜົນກະທົບຈາກການຫຼຸດລົງຂອງຕະຫຼາດຫຼັກຊັບ ແລະ ຄວາມກັງວົນກ່ຽວກັບຄວາມເຄັ່ງຕຶງໃນຕາເວັນອອກກາງ.

ສິງກະໂປ ເປີດໂຄງການພັດທະນາຜູ້ຊ່ຽວຊານດ້ານພະລັງງານນິວເຄລຍ

28/10/2026 12:44

ສຳນັກຂ່າວສານຊິນຮວາລາຍງານໃນວັນທີ 26 ຕຸລາ ຜ່ານມາວ່າ: ກະຊວງພະລັງງານ, ການຄ້າ - ອຸດສາຫະກຳ ແລະ ອົງການຄຸ້ມຄອງຕະຫຼາດພະລັງງານ (EMA) ສິງກະໂປ ໄດ້ປະກາດໂຄງການພັດທະນາຊັບພະຍາກອນມະນຸດ 3 ໂຄງການ ເພື່ອພັດທະນາຜູ້ຊ່ຽວຊານດ້ານພະລັງງານນິວເຄລຍ, ໃນຂະນະທີ່ລັດຖະບານກໍາລັງປະເມີນຄວາມເປັນໄປໄດ້ຂອງການນຳໃຊ້ເຕັກໂນໂລຊີນິວເຄລຍທີ່ກ້າວໜ້າສຳລັບການຜະລິດໄຟຟ້າ ຊຶ່ງແຜນການພັດທະນາຊັບພະຍາກອນມະນຸດນີ້ຍັງຈະຊ່ວຍສະໜັບສະໜູນການກະກຽມຄວາມພ້ອມສຳລັບການທົບທວນໂຄງສ້າງພື້ນຖານພະລັງງານນິວເຄລຍຂອງອົງການພະລັງງານປະລະມານູສາກົນ (IAEA) ຊຶ່ງມີກຳນົດຈັດຂຶ້ນໃນປີ 2027.

4 ປະເທດເຫັນດີສືບຕໍ່ເຈລະຈາດ້ານສັນຕິພາບ ແລະ ຄວາມໝັ້ນຄົງໃນພາກພື້ນອາຊີຕາເວັນຕົກ

28/10/2026 12:43

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 26 ຕຸລາ ຜ່ານມາ, ອີຣານ, ຊາອຸດິດ ອາຣັບບີ, ຕຸຣາເຄຍ ແລະ ປາກິສຖານໄດ້ຈັດກອງປະຊຸມຄວາມໝັ້ນຄົງຢູ່ນະຄອນຫຼວງເຕເຮຣານ ປະເທດອີຣານ ພ້ອມທັງບັນລຸຄວາມຮັບຮູ້ທີ່ເປັນເອກະພາບກັນວ່າ: ຈະສືບຕໍ່ດຳເນີນການເຈລະຈາ ເພື່ອເພີ່ມທະວີການຮ່ວມມືດ້ານສັນຕິພາບ ແລະ ຄວາມໝັ້ນຄົງໃນພາກພື້ນອາຊີຕາເວັນຕົກ.

ເພີ່ມເຕີມ