ຄາດຄະເນການເຕີບໂຕເສດຖະກິດໂລກ ປີ 2024

ຂ່າວຕ່າງປະເທດລາຍງານ ໃນວັນທີ 1 ມີນາ ຜ່ານມາວ່າ: ການສົ່ງອອກຂອງ ສ ເກົາຫຼີ ໃນເດືອນກຸມພາຜ່ານມາໄດ້ບັນລຸລະດັບສູງສຸດເປັນປະຫວັດການ, ໂດຍມີປັດໄຈສ່ວນໃຫຍ່ຈາກຄວາມຕ້ອງການເຊມິຄອນດັກເຕີທີ່ເຂັ້ມແຂງ ຊຶ່ງຖືເປັນສິນຄ້າສົ່ງອອກທີ່ສຳຄັນທີ່ເປັນຕົວຂັບເຄື່ອນເສດຖະກິດຂອງປະເທດ.

ຂ່າວຕ່າງປະເທດລາຍງານວ່າ: ໂຄສົກຂອງອົງການສະຫະປະຊາຊາດ (UN) ໄດ້ອ້າງອີງຂໍ້ມູນຈາກອົງການສາກົນເພື່ອການເຄື່ອນຍ້າຍຖິ່ນຖານ (IOM) ວ່າ, ມີຜູ້ຄົນຢ່າງໜ້ອຍມີ 7,667 ຄົນຜູ້ເສຍຊີວິດ ຫຼື ຫາຍສາບສູນຕາມເສັ້ນທາງການເຄື່ອນຍ້າຍຖິ່ນຖານທົ່ວໂລກໃນປີ 2025.

ວິທະຍຸກະຈາຍສຽງຫວຽດນາມ ລາຍງານໃນວັນທີ 1 ມີນາ ຜ່ານມາວ່າ: ປະຕິກິລິຍາຕໍ່ບັນດາເຫດການບຸກໂຈມຕີທາງອາກາດໂດຍ ອິສຣາແອນ ແລະ ສະຫະລັດ ອາເມລິກາ ສົມທົບກັນແນໃສ່ ອີຣານ ພ້ອມກັບບັນດາການກະທຳໂຕ້ຕອບຂອງ ເຕເຮຣານ ໃນວັນທີ 28 ກຸມພາ ຜ່ານມາ. ໃນວັນດຽວກັນ, ຫຼາຍປະເທດ ແລະ ອົງການຈັດຕັ້ງສາກົນໄດ້ພ້ອມກັນຮຽກຮ້ອງໃຫ້ທຸກຝ່າຍຈົ່ງລະງັບໃຈ ແລະ ເດີນຕາມມາດຕະການທາງການທູດ; ພ້ອມກັນນັ້ນ ກໍກ່າວເຕືອນໄພຄວາມສ່ຽງສຳລັບສັນຕິພາບ ແລະ ຄວາມໝັ້ນຄົງຢູ່ພາກພື້ນຕາເວັນອອກກາງ ເພີ່ມຂຶ້ນຢ່າງຮ້າຍແຮງ.

ຂ່າວຕ່າງປະເທດລາຍງານ ໃນວັນທີ 1 ມີນາ ຜ່ານມາວ່າ: ອຳນາດການປົກຄອງທ້ອງຖິ່ນຫຼາຍແຫ່ງໃນພາກຕາເວັນຕົກຂອງປະເທດຍີ່ປຸ່ນໄດ້ເລີ່ມຈັດຕັ້ງປະຕິບັດການເພີ່ມຄ່າທຳນຽມທີ່ກ່ຽວຂ້ອງກັບການທ່ອງທ່ຽວ ນັບແຕ່ວັນທີ 1 ມີນາ ເປັນຕົ້ນໄປ ເພື່ອແກ້ໄຂບັນຫາການທ່ອງທ່ຽວຫຼາຍເກີນໄປ.

ຂ່າວສານຊີອາໄອລາຍງານໃນວັນທີ 1 ມີນາ ຜ່ານມາວ່າ: ອີງຕາມຂໍ້ມູນທີ່ກະຊວງການຄ້າຈີນແຈ້ງໃຫ້ຮູ້ໃນວັນທີ 28 ກຸມພາ ຜ່ານມາສະແດງໃຫ້ເຫັນວ່າ: ເດືອນມັງກອນປີ 2026, ທົ່ວປະເທດຈີນໄດ້ສ້າງຕັ້ງວິສາຫະກິດລົງທຶນຈາກນັກທຸລະກິດຕ່າງປະເທດໃໝ່ເຖິງ 5,306 ແຫ່ງ, ເພີ່ມຂຶ້ນ 25.5% ເມື່ອທຽບໃສ່ໄລຍະດຽວກັນຂອງປີ 2025, ທຶນຕ່າງປະເທດທີ່ນໍາໃຊ້ຕົວຈິງມີເຖິງ 92.01 ຕື້ຢວນ.

ວິທະຍຸກະຈາຍສຽງຫວຽດນາມລາຍງານວ່າ: ນັບແຕ່ວັນທີ 1 ມີນາ ເປັນຕົ້ນໄປ, ກົດໝາຍໃໝ່ 6 ສະບັບເລີ່ມມີຜົນບັງຄັບໃຊ້, ລວມມີ ກົດໝາຍວ່າດ້ວຍປັນຍາປະດິດ 2025; ກົດໝາຍວ່າດ້ວຍການຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນ 2025; ກົດໝາຍວ່າດ້ວຍການຟື້ນຟູ, ລົ້ມລະລາຍ 2025; ກົດໝາຍວ່າດ້ວຍການລົງທຶນ 2025; ກົດໝາຍວ່າດ້ວຍການວາງແຜນຜັງ 2025 ແລະ ກົດໝາຍວ່າດ້ວຍການປົກປ້ອງຄວາມລັບແຫ່ງລັດ 2025.

ຂ່າວຕ່າງປະເທດລາຍງານວ່າ: ສະຖາບັນການເງິນສາກົນ (IIF) ໄດ້ເປີດເຜີຍບົດລາຍງານໃນວັນທີ 25 ກຸມພາ ຜ່ານມາ ໂດຍລະບຸວ່າ, ໜີ້ສິນທົ່ວໂລກບັນລຸລະດັບສູງສຸດເປັນປະຫວັດການທີ່ 348 ພັນຕື້ໂດລາ ໃນປີ 2025, ເພີ່ມຂຶ້ນ 29 ພັນຕື້ໂດລາ. ນີ້ຖືເປັນການເຕີບໂຕປະຈຳປີທີ່ໄວທີ່ສຸດນັບຕັ້ງແຕ່ການລະບາດຂອງພະຍາດໂຄວິດ-19.

ຂ່າວຕ່າງປະເທດລາຍງານ ໃນວັນທີ 23 ກຸມພາ ຜ່ານມາວ່າ: ອິນເດຍ ແລະ ບຣາຊິນ ໄດ້ປະກາດການລົງນາມໃນຂໍ້ຕົກລົງການຮ່ວມມືໃນຂະແໜງການຂຸດຄົ້ນບໍ່ແຮ່ ແລະ ແຮ່ທາດ ເພື່ອເສີມສ້າງສາຍພົວພັນການຄ້າ ແລະ ຕອບສະໜອງຄວາມຕ້ອງການເຫຼັກພາຍໃນປະເທດທີ່ເພີ່ມຂຶ້ນ.

ຂ່າວສານຊີອາໄອລາຍງານໃນວັນທີ 25 ກຸມພາ ຜ່ານມາວ່າ: ຕີ​ມໍ​ແລັດ​ສະ​ເຕ​ ເລີ່ມ​​ກະ​ກຽມ​ຢ່າງ​ເປັນ​ທາງ​ການ​ສຳ​ລັບ​ການ​ເປັນ​ປະ​ເທດ​ປະ​ທານ​ໝູນ​ວຽນ​ອາ​ຊຽນ​ປີ 2029. ທ່ານ ​ຊາ​ນາ​ນາ ກູ​ສ​ມາວ ນາ​ຍົກ​ລັດ​ຖະ​ມົນ​ຕີ​ຕີ​ມໍແ​ລັດ​ສະ​ເຕ​ໄດ້​ຮັບ​ການ​ແຕ່ງ​ຕັ້ງ​ເປັນ​ປະ​ທານ​ຄະ​ນະ​ກຳ​ມະ​ການ​ອົງ​ການ​ປະ​ເທດ​ປະ​ທານ​ໝູນ​ວຽນ​ອາ​ຊຽນ ຫຼື ACNOC ແລະ ເປັນ​ປະ​ທານ​ພິ​ທີ​ສ້າງ​ຕັ້ງ ACNOC ​ແລະ ກອງ​ປະ​ຊຸມ​ຄັ້ງ​ປະ​ຖົມ​ມະ​ລືກ​ຂອງ​ອົງ​ການ​ດັ່ງ​ກ່າວໃນ​ວັນ​ທີ 23 ກຸມ​ພາຜ່ານມາ​.

ຂ່າວຕ່າງປະເທດລາຍງານ ໃນວັນທີ 25 ກຸມພາ ຜ່ານມາວ່າ: ທ່ານ ຊາ ໂສກາ ລັດຖະມົນຕີກະຊວງປ້ອງກັນຄວາມສະຫງົບກຳປູເຈຍກ່າວວ່າ: ກໍາປູເຈຍໄດ້ເນລະເທດຄົນຕ່າງປະເທດຫຼາຍກວ່າ 30,000 ຄົນທີ່ສົງໃສວ່າສໍ້ໂກງທາງອອນລາຍ ຫຼື ຜູ້ຫຼອກລວງກັບຄືນປະເທດຂອງເຂົາເຈົ້າ, ໃນຂະນະທີ່ອີກ 210,000 ຄົນໄດ້ເດີນທາງອອກຈາກກຳປູເຈຍໂດຍສະໝັກໃຈ. ຫຼັງຈາກກຳປູເຈຍເຂັ້ມງວດການປາບປາມການສໍ້ໂກງທາງອອນລາຍນັບແຕ່ເດືອນມິຖຸນາ 2025.