ໃນວັນທີ 15 ກຸມພາ ຜ່ານມາ, ຢູ່ທີ່ຫ້ອງປະຊຸມຫ້ອງວ່າການເມືອງວຽງຄຳ, ພະແນກຊັບພະຍາກອນທຳມະ ຊາດ ແລະ ສິ່ງແວດລ້ອມ (ຊສ) ແຂວງວຽງຈັນ ໄດ້ຈັດພິທີ ມອບ-ຮັບ ວຽກງານການຂຶ້ນທະບຽນອອກໃບຕາດິນ, ຈົດທະບຽນການເຄື່ອນໄຫວ-ປ່ຽນແປງສິດນຳໃຊ້ທີ່ດິນ ໃຫ້ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ (ຊສ) 5 ເມືອງ ຄື: ເມືອງໂພນໂຮງ, ເມືອງທຸລະຄົມ, ວັງວຽງ, ກາສີ ແລະ ເມືອງຊະຄາມ ໂດຍການມອບຂອງທ່ານ ສະໝານ ວິເສດຍະພົງ ຫົວໜ້າພະແນກ ຊສ ແຂວງວຽງຈັນ ແລະ ຮັບໂດຍ ຫົວໜ້າຫ້ອງການ ຊສ 5 ເມືອງດັ່ງກ່າວ, ມີທ່ານ ດາວເຮືອງ ນັນທະວົງ ຮອງເຈົ້າແຂວງວຽງຈັນ, ມີບັນດາທ່ານເຈົ້າເມືອງ, ຮອງເຈົ້າເມືອງ 5 ເມືອງດັ່ງກ່າວ ເຂົ້າຮ່ວມເປັນສັກຂີພິຍານ.
ທ່ານ ສະໝານ ວິເສດຍະພົງສ໌ ໄດ້ລາຍງານວ່າ: ສະພາບການຄຸ້ມຄອງນຳໃຊ້ທີ່ດິນຢູ່ແຂວງວຽງຈັນ ໃນໄລຍະຜ່ານມາ ແລະ ທິດທາງແຜນການປີ 2024 ຊຶ່ງທ່ານໄດ້ຍົກໃຫ້ເຫັນ ວຽກງານຈັດສັນ ແລະ ວາງແຜນນໍາໃຊ້ທີ່ດິນ, ວຽກງານຂຶ້ນທະບຽນອອກໃບຕາດິນ ແລະ ສຳມະໂນທີ່ດິນ, ວຽກງານຈົດທະບຽນນິຕິກຳທີ່ດິນ, ວຽກງານຄຸ້ມຄອງດິນລັດ, ວຽກງານແກ້ໄຂຂໍ້ຂັດແຍ່ງກ່ຽວກັບທີ່ດິນ, ວຽກງານດິນເຊົ່າ-ສໍາປະທານທີ່ດິນຂອງລັດ. ທີ່ພົ້ນເດັ່ນໃນໄລຍະຜ່ານເປັນຕົ້ນສຳເລັດການລົງເຜີຍແຜ່ແຜນຈັດສັນທີ່ດິນຈຸລະພາກຂັ້ນບ້ານກຸ່ມບ້ານຢູ່ເມືອງວັງວຽງ ໄດ້ 3 ກຸ່ມບ້ານ, ມີຈຳນວນ 28 ບ້ານ, ໄດ້ລົງຈັດສັນທີ່ດິນ ຕາມແລວທາງລົດໄຟລາວ-ຈີນ ຢູ່ 7 ເມືອງຄື: ເມືອງ ທຸລະຄົມ, ວຽງຄຳ, ແກ້ວອຸດົມ, ໂພນໂຮງ, ຫິນເຫີບ, ວັງວຽງ ແລະ ເມືອງກາສີ. ສັງລວມຂໍ້ມູນສຳມະໂນທີ່ດິນທົ່ວແຂວງວຽງຈັນ ມີທັງໝົດ 215.354 ຕອນ. ໃນນີ້, ໄດ້ຂຶ້ນທະບຽນອອກໃບຕາດິນສຳເລັດ 137.671 ຕອນ, ຈັດຕັ້ງປະຕິບັດການຈົດທະບຽນນິຕິກຳກ່ຽວກັບທີ່ດິນ ປະຈຳປີ 2023 ໄດ້ທັງໝົດ 4.710 ຕອນ. ປັດຈຸບັນສາມາດສັງລວມດິນລັດຄຸ້ມຄອງມີທັງໝົດ 4.525 ຕອນ, ຍັງເປັນໃບແຈ້ງທີ່ດິນ 895 ຕອນ; ສາມາດແກ້ໄຂບັນຫາຂັດແຍ່ງທີ່ດິນສຳເລັດ 10 ເລື່ອງ. ເປັນຂໍ້ຂັດແຍ່ງດ້ານເຂດແດນ 4 ເລື່ອງ ແລະ ຂໍ້ຂັດແຍ່ງກ່ຽວກັບສິດນໍາໃຊ້ທີ່ດິນ 6 ເລື່ອງ ແລະ ອອກໃບຕາດິນໃໝ່ແທນໃບຕາດິນເສຍຫາຍໄດ້ 73 ຕອນ ແລະ ເຂົ້າຮ່ວມການຕັດສິນຂອງສານໄດ້ 12 ຄັ້ງ.
ທ່ານ ດາວເຮືອງ ນັນທະວົງ ຮອງເຈົ້າແຂວງວຽງຈັນ ຍັງໄດ້ເນັ້ນບາງບັນຫາຕໍ່ທີ່ປະຊຸມ ເປັນຕົ້ນ: ຄະນະນຳພະແນກ ຊສ ແຂວງ, ເມືອງ ແລະ ພາກສ່ວນທີ່ກ່ຽວຂ້ອງ ຕ້ອງເປັນເຈົ້າການໃນການລົງຕິດຕາມ, ຊຸກຍູ້ ຢ່າງໃກ້ຊິດ, ການອອກໃບຕາດິນຕ້ອງນຳໃຊ້ກົດໝາຍເປັນຫຼັກ, ໃຫ້ຖືກຕ້ອງກັບຄວາມເປັນຈິງ, ຖືເອົາການແກ້ໄຂບັນຫາຂໍ້ຂັດແຍ່ງທີ່ດິນເປັນຫາສຳຄັນ, ພະນັກງານຕ້ອງມີຈັນຍາບັນ, ຈັນຍາທຳ ໃນການປະຕິບັດໜ້າທີ່ວຽກງານ ເພີ່ມທະວີຄວາມຮັບຜິດຊອບໃຫ້ສູງຂຶ້ນກວ່າເກົ່າ.
(ຂ່າວ: ແຂວງວຽງຈັນ)
ທ່ານ ສະໝານ ວິເສດຍະພົງສ໌ ໄດ້ລາຍງານວ່າ: ສະພາບການຄຸ້ມຄອງນຳໃຊ້ທີ່ດິນຢູ່ແຂວງວຽງຈັນ ໃນໄລຍະຜ່ານມາ ແລະ ທິດທາງແຜນການປີ 2024 ຊຶ່ງທ່ານໄດ້ຍົກໃຫ້ເຫັນ ວຽກງານຈັດສັນ ແລະ ວາງແຜນນໍາໃຊ້ທີ່ດິນ, ວຽກງານຂຶ້ນທະບຽນອອກໃບຕາດິນ ແລະ ສຳມະໂນທີ່ດິນ, ວຽກງານຈົດທະບຽນນິຕິກຳທີ່ດິນ, ວຽກງານຄຸ້ມຄອງດິນລັດ, ວຽກງານແກ້ໄຂຂໍ້ຂັດແຍ່ງກ່ຽວກັບທີ່ດິນ, ວຽກງານດິນເຊົ່າ-ສໍາປະທານທີ່ດິນຂອງລັດ. ທີ່ພົ້ນເດັ່ນໃນໄລຍະຜ່ານເປັນຕົ້ນສຳເລັດການລົງເຜີຍແຜ່ແຜນຈັດສັນທີ່ດິນຈຸລະພາກຂັ້ນບ້ານກຸ່ມບ້ານຢູ່ເມືອງວັງວຽງ ໄດ້ 3 ກຸ່ມບ້ານ, ມີຈຳນວນ 28 ບ້ານ, ໄດ້ລົງຈັດສັນທີ່ດິນ ຕາມແລວທາງລົດໄຟລາວ-ຈີນ ຢູ່ 7 ເມືອງຄື: ເມືອງ ທຸລະຄົມ, ວຽງຄຳ, ແກ້ວອຸດົມ, ໂພນໂຮງ, ຫິນເຫີບ, ວັງວຽງ ແລະ ເມືອງກາສີ. ສັງລວມຂໍ້ມູນສຳມະໂນທີ່ດິນທົ່ວແຂວງວຽງຈັນ ມີທັງໝົດ 215.354 ຕອນ. ໃນນີ້, ໄດ້ຂຶ້ນທະບຽນອອກໃບຕາດິນສຳເລັດ 137.671 ຕອນ, ຈັດຕັ້ງປະຕິບັດການຈົດທະບຽນນິຕິກຳກ່ຽວກັບທີ່ດິນ ປະຈຳປີ 2023 ໄດ້ທັງໝົດ 4.710 ຕອນ. ປັດຈຸບັນສາມາດສັງລວມດິນລັດຄຸ້ມຄອງມີທັງໝົດ 4.525 ຕອນ, ຍັງເປັນໃບແຈ້ງທີ່ດິນ 895 ຕອນ; ສາມາດແກ້ໄຂບັນຫາຂັດແຍ່ງທີ່ດິນສຳເລັດ 10 ເລື່ອງ. ເປັນຂໍ້ຂັດແຍ່ງດ້ານເຂດແດນ 4 ເລື່ອງ ແລະ ຂໍ້ຂັດແຍ່ງກ່ຽວກັບສິດນໍາໃຊ້ທີ່ດິນ 6 ເລື່ອງ ແລະ ອອກໃບຕາດິນໃໝ່ແທນໃບຕາດິນເສຍຫາຍໄດ້ 73 ຕອນ ແລະ ເຂົ້າຮ່ວມການຕັດສິນຂອງສານໄດ້ 12 ຄັ້ງ.
ທ່ານ ດາວເຮືອງ ນັນທະວົງ ຮອງເຈົ້າແຂວງວຽງຈັນ ຍັງໄດ້ເນັ້ນບາງບັນຫາຕໍ່ທີ່ປະຊຸມ ເປັນຕົ້ນ: ຄະນະນຳພະແນກ ຊສ ແຂວງ, ເມືອງ ແລະ ພາກສ່ວນທີ່ກ່ຽວຂ້ອງ ຕ້ອງເປັນເຈົ້າການໃນການລົງຕິດຕາມ, ຊຸກຍູ້ ຢ່າງໃກ້ຊິດ, ການອອກໃບຕາດິນຕ້ອງນຳໃຊ້ກົດໝາຍເປັນຫຼັກ, ໃຫ້ຖືກຕ້ອງກັບຄວາມເປັນຈິງ, ຖືເອົາການແກ້ໄຂບັນຫາຂໍ້ຂັດແຍ່ງທີ່ດິນເປັນຫາສຳຄັນ, ພະນັກງານຕ້ອງມີຈັນຍາບັນ, ຈັນຍາທຳ ໃນການປະຕິບັດໜ້າທີ່ວຽກງານ ເພີ່ມທະວີຄວາມຮັບຜິດຊອບໃຫ້ສູງຂຶ້ນກວ່າເກົ່າ.
(ຂ່າວ: ແຂວງວຽງຈັນ)
ຄໍາເຫັນ