ມີບັນດາຄະນະບໍລິຫານງານພັກແຂວງ,ພະແນກການ, ນາຍ ແລະ ພົນທະຫານ, ພະນັກງານຫຼັກແຫຼ່ງພາຍໃນແຂວງເຂົ້າຮ່ວມຮັບຟັງ.
ໃນພິທີ, ສະຫາຍ ພັນເອກ ບຸນຍົງ ວົງສີຈັນ ໄດ້ຍົກໃຫ້ເຫັນ ປະຫວັດມູນເຊື້ອແຫ່ງການກໍາເນີດເຕີບໃຫ່ຍຂະຫຍາຍຕົວ ຂອງກອງທັບປະຊາຊົນລາວຕະຫຼອດໄລຍະ 76 ປີ ຜ່ານມາ, ຊຶ່ງເປັນຜົນງານອັນອົງອາດກ້າຫານ ຂອງກອງທັບປະຊາຊົນລາວ, ຕະຫຼອດໄລຍະທີ່ນັກຮົບຮຸ່ນເກົ່າ ໄດ້ດໍາເນີນການຕໍ່ສູ້ກູ້ຊາດ ຕ້ານພວກຈັກກະພັດຕ່າງດ້າວທີ່ມາຮຸກຮານ ແລະ ກົດຂີ່ຂູດຮີດ ເຊິ່ງເຮັດໃຫ້ປະຊາຊົນລາວ ມີຈິດໃຈຄຽດແຄ້ນບໍ່ຍອມຈຳນົນຕໍ່ພວກລ່າເມືອງຂຶ້ນທັງແບບເກົ່າ ແລະ ແບບໃໝ່, ເພື່ອນຳພາຂະບວນການຕໍ່ສູ້ໃຫ້ໄດ້ຮັບໄຊຊະນະຈຶ່ງໄດ້ສ້າງຕັ້ງກອງທັບປະຊາຊົນລາວ ຂຶ້ນໃນວັນທີ 20 ມັງກອນ 1949, ນັບແຕ່ມື້ນັ້ນເປັນຕົ້ນກອງທັບປະຊາຊົນລາວ ໄດ້ເຕີບໃຫຍ່ເຂັ້ມແຂງພາຍໃຕ້ການຊີ້ນຳ-ນຳພາຂອງພັກ ປະຊາຊົນລາວ ນຳພາຕໍ່ສູ້ກູ້ຊາດຈົນຍາດມາໄດ້ໄຊຊະນະ ຢ່າງລຽນຕິດສາມາດຊີ້ນຳ-ນຳພາ ປະຊາຊົນລາວບັນດາເຜົ່າປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975.
ພາຍຫຼັງປະເທດຊາດໄດ້ຮັບການປົດປ່ອຍ, ກອງທັບປະຊາຊົນລາວ ໄດ້ປະກອບສ່ວນເຮັດໜ້າທີ່ປ້ອງກັນຊາດ, ປົກປັກຮັກສາຜືນແຜ່ນດິນອັນຄົບຖ້ວນຂອງຊາດໄວ້ໄດ້ຢ່າງໝັ້ນຄົງ, ສືບຕໍ່ໂຄສະນາ, ສຶກສາອົບຮົມມູນ ເຊື້ອອັນພິລາດອາດຫານ ທີ່ກອງທັບ ແລະ ປະຊາຊົນລາວຍາດມາໄດ້ຕະຫຼອດໄລຍະ 76 ປີ.
(ແຫຼ່ງຂ່າວ: ແຂວງວຽງຈັນ)
ຄໍາເຫັນ