ໂດຍການເປັນປະທານຂອງທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ, ມີກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ອົງການ, ກົມກອງ ຕະຫຼອດຮອດພະນັກງານທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມຜູ້ເຂົ້າຮ່ວມໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າແຂວງ ເລກທີ 1858/ຈຂ.ຊຍ ລົງວັນທີ 5 ພະຈິກ 2024 ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາກະກຽມ ແລະ ຈັດງານມະຫາກໍາບຸນຊ້າງໄຊຍະບູລີ ປະຈໍາປີ 2025 ຊຶ່ງປະກອບມີຄະນະຮັບຊອບຊີ້ນໍາກະກຽມ ແລະ ຈັດງານມະຫາກໍາບຸນຊ້າງໄຊຍະບູລີ ປະຈໍາປີ 2025, ຄະນະຮັບຜິດຊອບເສດຖະກິດ, ຄະນະຮັບຜິດຊອບສະຖານທີ່ຈັດງານ, ຄະນະຮັບຜິດຊອບທາງສາສະໜາ, ຄະນະຮັບຜິດຊອບຂະບວນຊ້າງ, ຄະນະຮັບຜິດຊອບແຂກ, ຄະນະຮັບຜິດຊອບປ້ອງກັນ, ຄະນະຮັບຜິດຊອບດ້ານສຸຂະພາບ ແລະ ເຫດການສຸກເສີນ, ຄະນະຮັບຜິດຊອບໂຄສະນາປະຊາສໍາພັນ, ຄະນະຄົ້ນຄວ້າພິທີກອນ, ຄະນະຮັບຜິດຊອບການຍ້ອງຍໍ ແລະ ຄະນະຮັບຜິດຊອບກອງເລຂາ. ຈາກນັ້ນ, ຜູ້ເຂົ້າຮ່ວມໄດ້ປະກອບຄໍາຄິດເຫັນ ໂດຍສະເພາະແມ່ນຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຈັດງານມະຫາກໍາບຸນຊ້າງໃນປີທີ່ຜ່ານມາຢ່າງກົງໄປກົງມາ. ພ້ອມດຽວກັນນີ້ ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ປະທານຈັດງານມະຫາກໍາບຸນຊ້າງປະຈໍາປີ 2025 ໄດ້ມີຄໍາຄິດເຫັນຊີ້ນໍາແຕ່ລະອະນຸກໍາມະການທີ່ຮັບຜິດຊອບແຕ່ລະວຽກ.
(ຂ່າວ+ພາບ: ຄໍາໝັ້ນ)
ຄໍາເຫັນ