ພ້ອມຄະນະໄດ້ເຂົ້າພົບປະແລະອວຍພອນທ່ານຫງວຽນມິງເຕິມເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສສຫວຽດນາມປະຈຳ ສປປ ລາວເນື່ອງໃນໂອກາດສະເຫຼີມສະຫຼອງບຸນປີໃໝ່ (ເຕັດ) ສສຫວຽດນາມປະຈຳປີ 2025.
ໃນໂອກາດດັ່ງກ່າວ,ທ່ານລາວປາວຊົ່ງນະວົງໄຊໄດ້ກ່າວວ່າ: ເນື່ອງໃນໂອກາດບຸນປີໃໝ່ປະຈໍາຊາດ ແຫ່ງ ສສຫວຽດນາມປີ 2025 ນີ້, ຕາງໜ້າໃຫ້ຄະນະພັກ,ຄະນະນໍາຄອສພຂໍອວຍພອນໄຊອັນປະເສີດໃຫ້ແກ່ທ່ານທູດຫວຽດນາມປະຈຳລາວພ້ອມດ້ວຍພະນັກງານສະຖານທູດຈົ່ງມີສຸຂະພາບແຂງແຮງ,ມີພະລານາໄມສົມບູນ,ມີຄວາມຜາສຸຸກແລະມີຜົນສຳເລັດໃນໜ້າທີ່ການງານທຸກປະການ.
ພ້ອມກັນນີ້, ທ່ານທູດກໍໄດ້ກ່າວສະແດງຄວາມຂອບໃຈຕໍ່ທ່ານລາວປາວຊົ່ງນະວົງໄຊພ້ອມຄະນະທີ່ໄດ້ມາອອຍພອນສະຖານທູດຫວຽດນາມປະຈຳລາວແລະທ່ານທູດຍັງໄດ້ຍົກໃຫ້ເຫັນເຖິິງສາຍພົວພັນມິດຕະພາບອັນຍິ່ງໃຫຍ່,ຄວາມສາມັກຄີແບບພິເສດແລະການຮ່ວມມືຮອບດ້ານຂອງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ - ລາວອ້າຍນ້ອງ ຊຶ່ງຍາມໃດ ສອງປະເທດ ກໍໄດ້ມີການຮ່ວມມືກັນຢ່າງສະໜິດແໜ້ນແລະເຂົ້າສູ່ລວງເລິກຢ່າງບໍ່ຢຸດຢັ້ງໃນທຸກຂົງເຂດວຽກງານ ນັບແຕ່ຂັ້ນສູນກາງລົງຮອດທ້ອງຖິ່ນໂດຍສະເພາະການພົວພັນຮ່ວມມືລະຫວ່າງຄະນະໂຄສະນາສຶກສາສູນກາງພັກ ແຫ່ງ ສສ ຫວຽດນາມ ແລະ ຄະນະໂຄສະນາອົບຮົມສູນກາງພັກ ປະຊາຊົນປະຕິວັດລາວ. ໃນໄລຍະຜ່ານມາ ສອງຝ່າຍ ໄດ້ມີການແລກປ່ຽນຄະນະຜູ້ແທນຢ້ຽມຢາມ ຊຶ່ງກັນ ແລະ ກັນເປັນປະຈໍາ ແລະ ຮ່ວມມືກັນຢ່າງສະໜິດແໝ້ນໂດຍສະເພາະໄດ້ເຜີຍແຜ່ໂຄສະນາວຽກງານການຮ່ວມມືືຂອງສອງປະເທດ ເພື່ອໃຫ້ຄົນຮຸ້ນໜຸ່ມຮັບຮູ້ເຖິງມູນເຊື້ອການຮ່ວມມືຂອງສອງປະທດຫຼາຍຂຶ້ນແລະໃນຕໍ່ໜ້າໃຫ້ສືບຕໍ່ເພີ່ມທະວີການພົວພັນຮ່ວມມືກັນນັບມື້ເຕີບໃຫຍ່ຂະຫຍາຍຕົວ. ຂ້າພະເຈົ້າພ້ອມທີ່ຈະເປັນຂົວຕໍ່ໃນການປະສານງານໃນການຮ່ວມມືທີ່ດີ ເປັນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຫວຽດນາມ - ລາວ ໃຫ້ນັບມື້ແຕກດອກກອອກຜົນຍິ່ງໆຂຶ້ນ.
(ຂ່າວ-ພາບ: ສຳນານ)
ຄໍາເຫັນ