ຂອງອາການເຈັບປວດຊຳເຮື້ອໄດ້ ໂດຍການບໍລິໂພກອາຫານຕາມຫຼັກໂພຊະນາການຂອງລັດຖະບາງກາງຫຼາຍຂຶ້ນນັ້ນ ກ່ຽວຂ້ອງໂດຍກົງກັບລະດັບຄວາມເຈັບປວດໃນຮ່າງທີ່ຫຼຸດລົງ, ໂດຍສະເພາະໃນກຸ່ມແມ່ຍິງ.
ທ່ານ ຊູວາຣດ ຜູ້ຮ່ວມຂຽນຂອງການສຶກສາ ເປີດເຜີຍວ່າ: ເປັນທີ່ຮັບຮູ້ນຳກັນແລ້ວວ່າ ການກິນອາຫານທີ່ມີປະໂຫຍດນັ້ນດີຕໍ່ສຸຂະພາບ ແລະ ຄວາມເປັນຢູ່ທີ່ດີ ແຕ່ການຮັບຮູ້ວ່າການປ່ຽນອາຫານການກິນແບບງ່າຍໆ ສາມາດບັນເທົາອາການເຈັບປວດຊຳເຮື້ອໄດ້ນັ້ນມີຄວາມສຳຄັນທີ່ສຸດ.
ການຄົ້ນຄວ້າກ່ອນໜ້ານັ້ນຄົ້ນພົບວ່າ: ຈໍານວນປະຊາກອນທົ່ວໂລກ ກວ່າ 30% ຈະຕ້ອງທົນຢູ່ກັບອາການເຈັບປວດຊຳເຮື້ອ ໂດຍຜູ້ຍິງ ແລະ ຜູ້ທີ່ມີນໍ້າໜັກຕົວເກີນ ຫຼື ຕຸ້ຍ ມີທ່າອ່ຽງໄດ້ຮັບຜົນກະທົບຈາກອາການເຈັບປວດຊຳເຮື້ອຫຼາຍກວ່າ ຊຶ່ງການສຶກສາໃໝ່ນີ້ພົບວ່າການກິນອາຫານຫຼັກເຊັ່ນ: ຜັກ, ໝາກໄມ້, ທັນຍາພືດ, ຊີ້ນບໍ່ຕິດມັນ, ຜະລິດຕະພັນນົມ ແລະ ອາຫານທາງເລືອກອື່ນໆໃນປະລິມານທີ່ເພີ່ມຫຼາຍຂຶ້ນ ຈະຊ່ວຍຫຼຸດອາການເຈັບປວດຊຳເຮື້ອໄດ້ ບໍ່ວ່າບຸກຄົນນັ້ນມີນ້ຳໜັກຕົວເທົ່າໃດກໍຕາມ.
ທ່ານ ຊູວາດ ກ່າວວ່າ: ການຮູ້ຈັກເລືອກອາຫານ ແລະ ຄຸນນະພາບການເລືອກກິນຂອງແຕ່ລະຄົນບໍ່ພຽງແຕ່ຈະເຮັດໃຫ້ມີສຸຂະພາບດີຂຶ້ນ ແຕ່ຍັງຊ່ວຍຫຼຸດລະດັບຄວາມເຈັບປວດໄດ້ອີກດ້ວຍ ນັ້ນຖືວ່າເປັນສິ່ງທີ່ມີຄ່າຫຼາຍ.
ການສຶກສາພົບວ່າ: ຜົນໄດ້ຮັບຂອງການກິນອາຫານທີ່ດີຕໍ່ສຸຂະພາບໃນການຫຼຸດອາການເຈັບປວດຊໍາເຮື້ອນັ້ນ ເຫັນໄດ້ຢ່າງຊັດເຈນໃນກຸ່ມແມ່ຍິງຫຼາຍກວ່າຜູ້ຊາຍ.
ທ່ານ ຊຸວາດ ກ່າວຕື່ມວ່າ: ມີຄວາມເປັນໄປໄດ້ວ່າຄຸນສົມບັດຕ້ານການອັກເສບ ແລະ ຕ້ານອະນຸມູນອິດສະລະ ຂອງກຸ່ມອາຫານຫຼັກ ຈະເປັນຕົວຊ່ວຍຫຼຸດຄວາມເຈັບປວດ ແຕ່ທີມງານບໍ່ສາມາດລະບຸໄດ້ແນ່ນອນວ່າອາຫານທີ່ມີຄຸນນະພາບຕໍ່າກວ່າຈະເຮັດໃຫ້ເກີດຄວາມເຈັບປວດຫຼາຍຂຶ້ນ ຫຼື ວ່າອາການເຈັບປວດຈະນຳປສູ່ການກິນອາຫານທີ່ບໍ່ດີ.
ຄໍາເຫັນ