ຂ່າວສານຊີອາໄອລາຍງານ ຫວ່າງບໍ່ດົນມານີ້, ໜັງສືພິມ The bali Sun ຂອງອິນໂດເນເຊຍລາຍງານວ່າ: ເລີ່ມແຕ່ວັນທີ 14 ກຸມພາເປັນຕົ້ນໄປ, ເກາະບາຫຼີ ຊຶ່ງເປັນສະຖານທີ່ທ່ອງທ່ຽວທີ່ມີຊື່ສຽງຂອງອິນໂດເນເຊຍຈະເກັບພາສີຈຳນວນ 150.000 ລູເປຍ (ສະກຸນເງິນອິນໂດເນເຊຍ), ຕົກເປັນເງິນປະມານ 9,6 ໂດລາກັບນັກທ່ອງທ່ຽວຕ່າງປະເທດ. ຂະແໜງການທ່ອງທ່ຽວແມ່ນເສົາຄ້ຳເສດຖະກິດສຳຄັນຂອງອິນໂດເນເຊຍ, ແຕ່ວ່ານັກທ່ອງທ່ຽວໄປທ່ຽວເກາະບາຫຼີຫຼາຍເກີນໄປພາໃຫ້ເກີດບັນຫາດ້ານສິ່ງແວດລ້ອມຢ່າງໜັກໜ່ວງ, ອົງການປົກຄອງທ້ອງຖິ່ນເກາະບາຫຼີຢືນຢັນວ່າ, ພາສີໃໝ່ຈະໃຊ້ໃນການປັບປຸງພື້ນຖານໂຄງລ່າງດ້ານການທ່ອງທ່ຽວໃຫ້ດີ, ກໍຄືປົກປັກຮັກສາສິ່ງແວດລ້ອມ ແລະ ວັດທະນະທຳຂອງທ້ອງຖິ່ນ.
ກອງປະຊຸມປະເທດພາຄີສົນທິສັນຍາວ່າດ້ວຍຊີວະນານາພັນຂອງອົງການ ສປຊ ຄັ້ງທີ 17
ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 18 ຕຸລາ ຜ່ານມາ, ກອງປະຊຸມປະເທດພາຄີສົນທິສັນຍາວ່າດ້ວຍຊີວະນານາພັນຂອງອົງການສະຫະປະຊາຊາດ (ສປຊ) ຄັ້ງທີ 17 ຫຼື COP17 ໄດ້ຈັດຂຶ້ນຢູ່ນະຄອນຫຼວງເຢເຣວານ ປະເທດອາກເມນີ. ກອງປະຊຸມຄັ້ງນີ້ຈະດໍາເນີນການກວດກາຕໍ່ຄວາມຄືບໜ້າລວມໝູ່ແຫ່ງການຈັດຕັ້ງປະຕິບັດ “ຂອບຊີວະນານາພັນທົ່ວໂລກຄຸນໝິງ-ມອນຕຣີໂອ” ເປັນເທື່ອທໍາອິດ ເພື່ອຊຸກຍູ້ໃຫ້ບັນລຸເປົ້າໝາຍທີ່ກໍານົດໄວ້ໃນຂອບດັ່ງກ່າວຮອດປີ 2030.
ຄໍາເຫັນ