 |
ທ່ານ ພົຈວ ຄຳແຝງ ວັນດີໄຊ ໄດ້ຫວນຄືນມູນເຊື້ອອັນສະຫງ່າງາມຂອງກໍາລັງ ປກສ ຕະຫຼອດ ໄລຍະ 65 ປີທີ່ຜ່ານມາກ່າວວ່າ: ກໍາລັງ ປກສ ໄດ້ຮັບການສ້າງຕັ້ງຂຶ້ນໃນວັນທີ 5 ເມສາ 1961 ເປັນກໍາລັງປະກອບອາວຸດປະຕິວັດອັນແຫຼມຄົມ ໂດຍແມ່ນພັກປະຊາຊົນ ປະຕິວັດລາວເປັນຜູ້ສ້າງຕັ້ງ, ນໍາພາເດັດຂາດ ໂດຍກົງຮອບດ້ານ; ເປັນກຳລັງທີ່ມາຈາກປະຊາຊົນ, ໂດຍປະຊາຊົນ ແລະ ເພື່ອຮັບໃຊ້ສິດຜົນ ປະໂຫຍດຂອງປະຊາຊົນລາວບັນດາເຜົ່າ; ກຳລັງ ປກສ ປະຊາຊົນໄດ້ກຳເນີດເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດ ຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະ ເທດຊາດ, ເວລາໃດກໍມີມູນເຊື້ອການຕໍ່ສູ້ອັນອົງອາດກ້າຫານ, ມີນໍ້າໃຈເສຍສະຫຼະເດັດດ່ຽວບໍ່ຍອມຈຳນົນ, ມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນແໜ້ນໜາ.
 |
ນອກຈາກນີ້, ຍັງເປັນກໍາລັງປະກອບອາວຸດທີ່ມີລະບຽບວິໄນເຂັ້ມງວດ, ບໍ່ວ່າເວລາໃດ ແລະ ສະ ຖານທີ່ໃດກໍເດັດດ່ຽວ ແລະ ເດັດຂາດ ເພື່ອຮັບໃຊ້ປະຊາຊົນໃຫ້ມີຄວາມສະຫງົບສຸກປອດໄພຮອບດ້ານ. ທັງນີ້, ເພື່ອເຮັດໃຫ້ນາຍ ແລະ ພົນຕໍາຫຼວດ ໄດ້ເຊື່ອມຊຶມເຂົ້າໃຈຢ່າງຈະແຈ້ງຕໍ່ມູນເຊື້ອວັນສຳຄັນດັ່ງກ່າວ.
ໃນພິທີ, ທ່ານ ພັອ ນາງ ແກ້ວອຸດອນ ແກ້ວລາວົງ ຫົວໜ້າພະແນກການເມືອງ ໄດ້ຜ່ານລັດຖະດຳລັດເລກທີ 222/ປປທ, ລົງວັນທີ 7 ພະຈິກ 2025 ວ່າດ້ວຍການປະດັບຫຼຽນໄຊແຮງງານ, ຜ່ານດຳ ລັດຂອງນາຍົກລັດຖະມົນຕີ ເລກທີ 669/ນຍ, ລົງວັນທີ 4 ພະຈິກ 2025 ວ່າດ້ວຍການປະດັບຫຼຽນກາແຮງງານ, ຜ່ານດຳລັດຂອງນາຍົກລັດຖະມົນຕີ ເລກທີ 688/ນຍ, ລົງວັນທີ 4 ພະຈິກ 2025 ວ່າດ້ວຍການມອບໃບຍ້ອງຍໍລັດຖະບານ ແລະ ຂໍ້ຕົກລົງຂອງກະຊວງ ປກສ ວ່າດ້ວຍການມອບໃບຍ້ອງຍໍໃຫ້ນາຍ ແລະ ພົນຕໍາຫຼວດ ກຳລັງ ປກສ ໄດ້ປະກອບສ່ວນຮັບໃຊ້ກອງປະຊຸມສຸດຍອດອາຊຽນຄັ້ງທີ 44-45 ທີ່ ສປປ ລາວ ເປັນເຈົ້າພາບປີ 2024. ໃນນີ້, ກົມຄົ້ນຄວ້າວິທະຍາສາດ ແລະ ປະຫວັດສາດໄດ້ຮັບຫຼຽນໄຊແຮງງານຊັ້ນ II 1 ໜ່ວຍ, ຫຼຽນໄຊແຮງງານຊັ້ນ III 3 ໜ່ວຍ, ຫຼຽນກາແຮງງານ 7 ໜ່ວຍ, ໃບຍ້ອງຍໍລັດຖະບານ 4 ໃບ ແລະ ໃບຍ້ອງຍໍກະຊວງ 5 ໃບ ໃຫ້ກຽດມອບໂດຍທ່ານ ພັອ ທັດສະພອນ ວົງພະຈັນ.
ຂ່າວ: ນົກແກ້ວ
ຄໍາເຫັນ