ກອງບັນຊາການ ປກສ ນວ ມີຄວາມພ້ອມຮອບດ້ານປ້ອງກັນໃນງານບຸນນະມັດສະການພະທາດຫຼວງ

13:30 07/11/2024

ໂດຍ: ວັນເພັງ ງານບຸນນະມັດສະການພະທາດຫຼວງວຽງຈັນປະຈຳປີ 2024 ຊຶ່ງເປັນໜຶ່ງປາງບຸນໃຫຍ່ຂອງປວງຊົນລາວທັງຊາດທີ່ເຄີຍສືບທອດປະຕິບັດກັນມາເທົ່າທຸກວັນນີ້ ແລະ ຈັດຂຶ້ນໃນທຸກໆປີ ເມື່ອຮອດເດືອນ 12

ລາວ,ງານບຸນພະທາດຫຼວງວຽງຈັນ ຍັງເປັນງານບຸນທີ່ນອນໃນຮີດ 12 ຄອງ 14 ປະເພນີລາວ ປີນີ້ແມ່ນກົງກັບວັນທີ 11-15 ພະຈິກ 2024 (ມື້ຂຶ້ນ 11 ຄໍ່າ ຫາ 15ຄໍ່າ ເດືອນ 12 ພສ 2567). ໃນນັ້ນ, ວຽກງານປ້ອງກັນຄວາມສະຫງົບຂອງງານບຸນດັ່ງກ່າວ ກໍເປັນວຽກງານໜຶ່ງທີ່ມີຄວາມສໍາຄັນຫຼາຍ. ປັດຈຸບັນກອງບັນຊາການປ້ອງກັັນຄວາມສະຫງົບ (ປກສ) ນະຄອນຫຼວງວຽງຈັນ (ນວ) ມີຄວາມພ້ອມຮອບດ້ານໃນການປ້ອງກັນໃນງານບຸນນະມັດສະການພະທາດຫຼວງວຽງຈັນ ໂດຍສະເພາະໄດ້ກະກຽມກຳລັງ ປກສ-ກຳລັງປ້ອງກັນຊາດ (ປກຊ) ຈໍານວນ 2,090 ສະຫາຍ ປ້ອງກັນງານບຸນດັ່ງກ່າວ ເພື່ອເຮັດໃຫ້ງານບຸນມີຄວາມເປັນລະບຽບຮຽບຮ້ອຍ, ມີຄວາມສະຫງົບ ແລະ ປອດໄພ.

ທ່ານ ພັອ ພູພອນ ວົງພະໄຕ ຮອງກອງບັນຊາການ ປກສນວ ໄດ້ຖະແຫຼງຂ່າວຕໍ່ສື່ມວນຊົນເມື່ອບໍ່ດົນມານີ້ທີ່ ນວ ວ່າ:ໂດຍອີງຕາມຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ສະບັບເລກທີ 967/ຈນວ, ລົງວັນທີ 10 ຕຸລາ 2024 ວ່າດ້ວຍການແຕ່ງຕັັ້ງຄະນະກຳມະການຮັບຜິດຊອບ, ກະກຽມ ແລະ ການດຳເນີນການຈັດງານບຸນນະມັດສະການພະທາດຫຼວງວຽງຈັນ ແລະ ງານວາງສະແດງສິນຄ້າປະຈຳປີ 2024. ໃນນີ້, ກອງບັນຊາການ ປກສ ນວ ກໍໄດ້ອອກແຈ້ງການສະບັບເລກທີ 619/ປກສ.ນວ, ລົງວັນທີ 4 ພະຈິກ 2024 ວ່າດ້ວຍການເພີ່ມທະວີປ້ອງກັນຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ໃນໄລຍະການຈັດງານບຸນນະມັດສະການພະທາດຫຼວງວຽງຈັນ ແລະ ງານວາງສະແດງສິນຄ້າປະຈຳປີ 2024.

ສໍາລັບວຽກງານການຈັດຕັ້ງກຳລັງເຂົ້າປ້ອງກັນ ແມ່ນມີຢູ່ 2 ສະຖານທີ່ຄື: ຢູ່ເຂດງານບຸນນະມັດສະການພະທາດຫຼວງວຽງຈັນ (ເດີ່ນພະທາດຫຼວງວຽງຈັນ) ແລະ ງານວາງສະແດງສິນຄ້າທີ່ສູນການຄ້າລາວ-ໄອເຕັກລວມກຳລັງປ້ອງກັນທັງໝົດຈຳນວນ 2,090 ສະຫາຍ. ໃນນັ້ນ, ຄາດວ່າການບັນຈຸກຳລັງປ້ອງກັນຢູ່ເດີ່ນພະທາດຫຼວງວຽງຈັນຈຳນວນ 1,790 ສະຫາຍ, ປະກອບມີກຳລັງຈາກສາມພາກສ່ວນຄື: ກຳລັງ ປກສ ຈຳນວນ 1,133 ສະຫາຍ, ກຳລັງ ປກຊ ຈຳນວນ 357 ສະຫາຍ ແລະ ກຳລັງຊາວໜຸ່ມຈຳນວນ 300 ສະຫາຍ ຊຶ່ງກຳລັງດັ່ງກ່າວແມ່ນມາຈາກຫຼາຍພາກສ່ວນ ເປັນຕົ້ນມາຈາກອ້ອມຂ້າງກະຊວງປກສ, ປກຊ, ກອງບັນຊາການທະຫານ ນວ, ປກສ ເມືອງ, ປກສ ກຸ່ມບ້ານ ເຮັດໜ້າທີ່ປ້ອງກັນເວນຍາມຢູ່ 5 ຈຸດໃຫຍ່, 26 ຈຸດຍ່ອຍ. ສະເພາະກໍາລັງຕຳຫຼວດຈະລາຈອນທັງໝົດຈຳນວນ 535 ສະຫາຍ ໄດ້ເຮັດໜ້າທີ່ຄວບຄຸມ, ລະບາຍການສັນຈອນ, ການຈອດລົດຕາມເສັ້ນທາງ, ສາຍທາງ, ນັບທັງທາງຮ່ອມ, ທາງຊອຍເຂົ້າ-ອອກງານບຸນທັງໝົດມີ 111 ຈຸດ, ວົງໃນ 59 ຈຸດ, ວົງນອກ 38 ຈຸດ, ມີ 10 ຈຸດຍ່ອຍ ແລະ ມີ 4 ດ່ານກວດກາ ສົມທົບກັບອຳນາດການປົກຄອງທຸກຂັ້ນ ແລະ ກຳລັງກໍ່ສ້າງຮາກຖານເພື່ອຮັບປະກັນໄດ້ບັນຍາກາດໃນການຫຼິ້ນບຸນດັ່ງກ່າວໃຫ້ມີຄວາມສະຫງົບປອດໄພ. ສະເພາະກຳລັງປ້ອງກັນຢູ່ສູນການຄ້າລາວ-ໄອເຕັກ ໄດ້ຈັດວາງກຳລັງປ້ອງກັນຈຳນວນ 300 ສະຫາຍ ປະກອບມີກຳລັງຈາກ 3 ພາກສ່ວນຄື: ກຳລັງປ້ອງກັນຊາດ, ກຳລັງປ້ອງກັນຄວາມສະຫງົບ ແລະ ກຳລັງຊາວໜຸ່ມນະຄອນຫຼວງ. ນອກນັ້ນ, ກໍໄດ້ຈັດຕັ້ງໜ່ວຍງານໂຄສະນາ, ສະກັດກັ້ນກຸ່ມຄົນບໍ່ດີທີ່ຈະສວຍໂອກາດເຄື່ອນໄຫວລັກຊັບ, ຊີງຊັບ, ແຫກກະເປົາ ແລະ ອື່ນໆ.

ທ່ານ ພັອ ພູພອນ ວົງພະໄຕ ຍັງໄດ້ຮຽກຮ້ອງໃຫ້ມວນຊົນທີ່ມາທ່ຽວຊົມໃນງານບຸນ ຈົ່ງພ້ອມກັນເປັນເຈົ້າການມີສະຕິລະວັງຕົວ, ປົກປັກຮັກສາຊັບສິນຂອງຕົນ, ສິ່ງສໍາຄັນຈົ່ງມີສະຕິໃນການຂັບຂີ່ລົດໃນການເດີນທາງໄປ-ມາຕາມທ້ອງຖະໜົນ ແລະ ຈົ່ງພ້ອມກັນປະຕິບັດກົດຈະລາຈອນທາງບົກຢ່າງເຂັ້ມງວດ.

ຄໍາເຫັນ

ຂ່າວວັດທະນະທຳ-ສັງຄົມ

ຄວາມຮູ້ສຶກຂອງ ທ່ານ ສຸວັນນີໄຊຊະນະໂອກາດສະຫຼອງວັນຊາດຄົບຮອບ 50 ປີ

02/12/2025 13:42

ເນື່ອງໃນໂອກາດສະເຫຼີມສະຫຼອງວັນຊາດທີ 2 ທັນວາຄົບຮອບ 50 ປີ(2 ທັນວາ 1975-2 ທັນວາ 2025), ທ່ານ ສຸວັນນີ ໄຊຊະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 11, ປະທານສະພາປະຊາຊົນແຂວງບໍລິຄໍາໄຊໄດ້ສະແດງທັດສະນະວ່າ: ສາທາລະນະລັດ ປະຊາທິປະໄຕ ປະຊາຊົນລາວ, ໄດ້ຮັບການສະຖາປານາ ມາຮອດມື້ນີ້ກໍຄົບຮອບ 50 ປີ ພໍດີ, ເມື່ອຫວນຄືນເບິ່ງແລ້ວຄືວ່າ ບໍ່ດົນນານພໍປານໃດ, ຄິດເຫັນພາບເຫດການສໍາຄັນປະຫວັດສາດ ທີ່ເຄີຍໄດ້ປະກອບສ່ວນ ໃນຂະບວນການລຸກຂຶ້ນຢຶດອໍານາດຂອງມວນຊົນ, ຂະບວນການຊາວໜຸ່ມຕະລຸມບອນ ຢູ່ຕາແສງໜອງບອນ ເມືອງໄຊເສດຖາ ນະຄອນຫຼວງວຽຈັນ ທີ່ເປັນຖິ່ນກໍາເນີດຂອງຕົນ ຈາກມື້ນັ້ນມາຮອດມື້ນີ້ ພໍດີກຽມພັກບໍານານ ສໍາເລັດໜ້າທີ່ທີ່ພັກ, ລັດ ມອບໝາຍໃຫ້, ມັນຊ່າງເປັນເສັ້ນທາງ ທີ່ເຕັມໄປດ້ວຍຄວາມສະລັບສັບຊ້ອນ, ລະອິດລະອ້ຽວຫາກຍ້ອນມີພັກນໍາພາ ປະເທດຊາດແສນຮັກຂອງພວກເຮົາ ຈຶ່ງມີການພັດທະນາ ແລະ ດໍາລົງຄົງຢູ່ຢ່າງສະຫງ່າຜ່າເຜີຍຄືແນວນີ້.

ເຈົ້າແຂວງສະຫວັນນະເຂດ ອວຍພອນ ແລະ ມອບເຄື່ອງໃຫ້ກອງຮ້ອຍສູນເສຍອົງຄະ-ນັກຮົບແຂ່ງຂັນ ໃນໂອກາດວັນສະຖາປານາ ສປປ ລາວ ຄົບຮອບ 50 ປີ

02/12/2025 13:17

ໂອກາດວັນສະຖາປະນາ ສປປ ລາວ ຄົບຮອບ 50 ປີ (ວັນທີ 2 ທັນວາ 1975 ຫາ ວັນທີ 2 ທັນວາ 2025), ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງສະຫວັນນະເຂດ, ພ້ອມດ້ວຍຮອງປະທານຄະນະກໍາມະການປົກຄອງແຂວງ, ຫົວໜ້າກອງບັນຊາການ ປກສ-ປກຊແຂວງ, ພະແນກການເງິນ, ພະແນກແຮງງານ ແລະ ສະຫວັດດີການສັງຄົມ, ຫົວໜ້າຫ້ອງວ່າການແຂວງ, ພະແນກສຶກສາທິການ ແລະ ກິລາ, ພະແນກໂຍທາທິການ ແລະ ຂົນສົ່ງ, ພະແນກກະສິກຳ ແລະ ສິ່ງແວດລ້ອມແຂວງ, ພ້ອມຄະນະໄດ້ໄປຢ້ຽມຢາມ ແລະ ມອບເຄື່ອງອຸປະໂພກ-ບໍລິໂພກໃຫ້ຄອບຄົວຜູ້ເສຍອົງຄະ ແລະ ຜູ້ທີ່ມີຄຸນງາມຄວາມດີຢູ່ທີ່ກອງຮ້ອຍສູນເສຍອົງຄະເຊ 17 ເມືອງພີນ ແຂວງສະຫວັນນະເຂດ.

50 ປີ ແນວລາວສ້າງຊາດເສີມຂະຫຍາຍມູນເຊື້ອການເຕົ້າໂຮມຄວາມສາມັກປະຊາຊົນລາວບັນດາເຜົ່າ

02/12/2025 13:07

ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 50 ປີ (2 ທັນວາ 1975-2 ທັນວາ 2025) ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ. ທ່ານ ນາງ ອິນລາວັນ ແກ້ວບຸນພັນ ຮອງປະທານສູນກາງແນວລາວສ້າງຊາດ (ສນຊ) ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນເມື່ອບໍ່ດົນມານີ້ວ່າ: ພາຍຫຼັງກອງປະຊຸມຄັ້ງທີ I ຂອງ ສນຊ ໃນວັນທີ 13 ສິງຫາ 1950 ໄດ້ກຳນົດໂຄງການ ການ ເມືອງ 12 ຂໍ້ ໃນນັ້ນໄດ້ຮັບຮອງເອົາທຸງວົງເດືອນເປັນທຸງຊາດ ແລະ ເພງຊາດ ພ້ອມທັງຮັບຮອງເອົາຫຼາຍບັນຫາທີ່ສຳຄັນຂອງຊາດ ລວມທັງຊື່ປະເທດລາວ.

ວັນຊາດ ທີ 2ທັນວາ ແມ່ນວັນສະຫຼອງໄຊຊະນະອັນຍິ່ງໃຫຍ່ ຂອງປວງຊົນລາວທັງຊາດ

02/12/2025 13:02

ເນື່ອງໃນໂອກາດ ວັນຊາດທີ 02 ທັນວາ ຄົບຮອບ 50 ປີ (02/12/1975 - 02/12/2025), ທ່ານ ກອງແກ້ວ ໄຊສົງຄາມ ກໍາມະການສູນກາງພັກ ຫົວໜ້າສະຖາບັນ ວິທະຍາສາດເສດຖະກິດ ແລະ ສັງຄົມແຫ່ງຊາດ ໄດ້ສະແດງຄວາມຮູ້ສຶກວ່າ: ໃນນາມເປັນຄົນລາວຜູ້ໜຶ່ງຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງ ນັບແຕ່ປະເທດຊາດໄດ້ຮັບການປົດປ່ອຍ ຈົນມາເຖິງປັດຈຸບັນ ແມ່ນມີການພັດທະນາຂຶ້ນຢ່າງບໍ່ຢຸດຢັ້ງ.

2 ທັນວາ ເປັນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດຂອງຊາດລາວ

02/12/2025 12:47

ຄືດັ່ງທີ່ຮູ້ນຳກັນແລ້ວວ່າ ວັນຊາດທີ 2 ທັນວາ ແມ່ນວັນທີ່ມີຄວາມໝາຍສໍາຄັນສໍາລັບທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ເປັນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ຂອງຊາດລາວເຮົາ, ວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ, ເປັນເຈົ້າຂອງປະເທດຊາດຢ່າງແທ້ຈິງ, ເປັນວັນທີ່ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ ທັງແມ່ນວັນແຫ່ງສັນຕິພາບ, ວັນແຫ່ງການກ້າວສູ່ຍຸກສະໄໝໃໝ່ແຫ່ງການສ້າງປະເທດລາວສັນຕິພາບ, ເອກະລາດ, ປະຊາທິປະໄຕ, ເອກະພາບ, ວັດທະນະຖາວອນ.

ອັດຕະປື ປາຖະກະຖາ ວັນຊາດທີ2ທັນວາແລະ ວັນເກີດປະທານ ໄກສອນພົມວິຫານ

02/12/2025 12:43

ໃນວັນທີ 1 ທັນວາ 2025 ທີ່ຫໍປະຊຸມໃຫຍ່ແຂວງອັດຕະປື ໄດ້ຈັດພິທີປາຖະກະຖາວັນສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ແລະວັນເກີດປະທານ ໄກສອນ ພົມວິຫານ ຄົບຮອບ 105 ປີ, ໂດຍໃຫ້ກຽດປາຖະກະຖາຂອງສະຫາຍ ພົນໂທ ວັນທອງ ກອງມະນີ ກໍາມະການສູນກາງພັກ ເລຂາພັກແຂວງ, ມີບັນດາສະຫາຍການນໍາ-ພັກ-ລັດ ແຂວງ, ເມືອງ, ພະນັກງານປະຕິວັດອາວຸໂສ-ບໍານານ, ພ້ອມດ້ວຍພະນັກງານຫຼັກແຫຼ່ງຂອງແຂວງເຂົ້າຮ່ວມ.

ຊຽງຂວາງປະດັບລຽນກາລະນຶກ 50 ປີວັນສະຖາປະນາ ສປປ ລາວ

02/12/2025 09:17

ໃນວັນທີ 1 ທັນວາ 2025ນີ້, ຢູ່ທີ່ຫ້ອງວ່າການແຂວງຊຽງຂວາງໄດ້ມີພິທີປະດັບຫຼຽນກາ ລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ໂດຍການເຂົ້າຮ່ວມຂອງທ່ານ ບຸນຈັນ ສີວົງພັນ ກຳມະການສູນກາງພພັກ ເລຂາພັກແຂວງ, ມີຄະນະປະຈຳພັກແຂວງກຳມະການພັກແຂວງ, ອາດີດການນຳແຂວງ, ຫົວໜ້າ, ຮອງຫົວໜ້າພະແນກການ, ກຳລັງປະກອບອາວຸດ ແລະ ອົງການຈັດຕັ້ງເຂົ້າຮ່ວມ.

ການນຳ ພັກ-ລັດ ແຂວງອຸດົມໄຊ ຮ່ວມຊົມການຖ່າຍທອດສົດສະຫຼອງວັນຊາດ ຄົບຮອບ 50 ປີ

02/12/2025 09:13

ໃນຕອນເຊົ້າວັນທີ 2 ທັນວາ 2025, ທີ່ສະໂມສອນແຂວງອຸດົມໄຊ, ໄດ້ມີການຈັດພິທີເຕົ້າໂຮມຊຸມນຸມ ເພື່ອຮັບຊົມການຖ່າຍທອດສົດ ພິທີສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ (2 ທັນວາ 1975 - 2 ທັນວາ 2025) ຈາກນະຄອນຫຼວງວຽງຈັນ. ໃຫ້ກຽດເຂົ້າຮ່ວມໃນພິທີຄັ້ງນີ້ ໂດຍ ສະຫາຍ ຄຳດີ ວົງລ້ອມ ຮອງເລຂາພັກແຂວງ, ພ້ອມດ້ວຍບັນດາສະຫາຍໃນຄະນະປະຈຳພັກແຂວງ, ກຳມະການພັກແຂວງ. ມີບັນດາອະດີດການນຳພັກ-ລັດ ຂອງແຂວງ ຜູ້ທີ່ມີຜົນງານ ແລະ ຄຸນງາມຄວາມດີໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເຂົ້າຮ່ວມຢ່າງພ້ອມພຽງ.

ຈຳປາສັກ ວາງພວງມາລາ ແລະ ກະຕ່າດອກໄມ້ ເນື່ອງໃນໂອກາດວັນຊາດ 2 ທັນວາ ແລະ ວັນເກີດປະທານ ໄກສອນ ພົມວິຫານ

02/12/2025 09:04

ຕອນເຊົ້າວັນທີ 2 ທັນວາ 2025ນີ້, ເນື່ອງໃນໂອກາດ ວັນສະຖາປະນາ ສປປ ລາວ ຄົບຮອບ 50 ປີ (2/12/1975 – 2/12/2025) ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ຄົບຮອບ 105 ປີ (13/12/1920 – 13/12/2025), ຄະນະບໍລິຫານງານພັກແຂວງຈຳປາສັກ ນຳພາໂດຍ ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະພັກແຂວງຈຳປາສັກ ໄດ້ເຂົ້າຮ່ວມວາງພວງມາລາ ຢູ່ອານຸສາວະລີນັກຮົບນິລະນາມ ແລະ ກະຕ່າດອກໄມ້ ຢູ່ອະນຸສອນສະຖານປະທານ ໄກສອນ ພົມວິຫານ ສະໜາມແດງ ນະຄອນປາກເຊ.

ຄໍາມ່ວນ ປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ

02/12/2025 08:58

ແຂວງຄໍາມ່ວນ ໄດ້ຈັດພິທີມອບຫຼຽນກາລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ໃຫ້ພະນັກງານປະຈຳການ, ພະນັກງານ ອາວຸໂສບໍານານ ແລະ ຜູ້ປະກອບການທຸລະກິດ ຂຶ້ນໃນວັນທີ 1 ທັນວາ 2025ນີ້, ໃຫ້ກຽດປະດັບຫຼຽນໂດຍສະຫາຍ ວັນໄຊ ພອງສະຫວັນ ກຳມະການສູນກາງພັກເລຂາພັກແຂວງ ເຈົ້າແຂວງຄໍາມ່ວນ, ມີຄະນະປະຈຳ, ກຳມະການພັກແຂວງ, ອະດີດການນໍາແຂວງ, ເມືອງ, ບັນດາສະມາຊິກພັກ-ພະນັກງານຫຼັກແຫຼ່ງ ແລະ ຜູ້ປະກອບການທຸລະກິດພາຍໃນແຂວງເຂົ້າຮ່ວມ.

ເພີ່ມເຕີມ