ຮອງເລຂາພັກເມືອງ ຜູ້ຊີ້ນໍາວຽກງານການເມືອງແນວຄິດ ພັກ-ພະນັກງານ, ມີຫ້ອງການ ກ່ຽວຂ້ອງພາຍໃນເມືອງເຂົ້າຮ່ວມ.
ທ່ານ ຄໍາຫຼ້າ ແຫຼ່ງໄຊຍະທໍາ ໄດ້ມີຄໍາເຫັນວ່າ: ກອງປະຊຸມຝຶກອົບຮົມ ວຽກງານການຄຸ້ມຄອງ ລັດຖະກອນ ແລະ ວິທີການນໍາໃຊ້ຖານຂໍ້ມູລັດຖະກອນແບບເອເລັກໂຕຣນິກ ເປັນກອງປະຊຸມ ມີຄວາມ ໝາຍຄວາມສຳຄັນຫຼາຍ ເພາະເປັນວຽກທີ່ລະອຽດອ່ອນກ່ຽວກັບການຄຸ້ມຄອງພະນັກງານ ລັດຖະກອນ ເພື່ອເຂົ້າສູ່ລະບົບທີ່ທັນສະໄໝ ແລະ ໃຫ້ມີປະສິດທິພາບສູງໃນການຄຸ້ມຄອງພະນັກງານ-ລັດຖະກອນ ໃນຕໍ່ໜ້າ ພ້ອມທັງ ຮຽກຮ້ອງໃຫ້ແຕ່ລະຫ້ອງການ ແລະ ຜູ້ທີ່ເຮັດວຽກຕົວຈິງເຫັນຄວາມສຳຄັນ ໃຫ້ເອົາໃຈ ໃສ່ສຶກສາຮໍ່າຮຽນໃຫ້ເຂົ້າໃຈຕໍ່ວຽກງານທີ່ຕົນຮັບຜິດຊອບ. ໃນໄລຍະຜ່ານມາ ຍັງເຫັນບາງຫ້ອງການ, ຂອດການຈັດຕັ້ງປະຕິບັດວຽກງານຄຸ້ມຄອງລັດຖະກອນຍັງຖືເບົາ ຊຶ່ງສະແດງໃຫ້ເຫັນການລາຍງານ ວຽກງານຂອງບັນດາຫ້ອງ, ຕໍ່ຫ້ອງການພາຍໃນເມືອງເພື່ອນໍາສະເໜີຂັ້ນເທິງຍັງຊັກຊ້າບໍ່ໄດ້ຕາມ ກໍານົດເວລາ.
ທ່ານ ສິງໄຊ ພອນສະຫວາດ ກໍາມະການພັກເມືອງ ຮັກສາການແທນຫົວໜ້າຫ້ອງການພາຍ ໃນເມືອງ ໄດ້ລາຍງານສະພາບການຈັດຕັ້ງປະຕິບັດວຽກງານຄຸ້ມຄອງລັດຖະກອນໃນໄລຍະຜ່ານມາວ່າ: ທົ່ວເມືອງຫຼວງນໍ້າທາ ມີ 24 ຫ້ອງການ, ມີພະນັກງານ-ລັດຖະກອນ ທັງໝົດ 1,080 ຄົນ ຍິງ 663 ຄົນ. ຈາກນັ້ນ, ຜູ້ເຂົ້າຮ່ວມກໍໄດ້ຮຽນຮູ້ ແລະ ເຂົ້າໃຈ ກ່ຽວກັບວຽກງານນະໂຍບາຍຕໍ່ພະນັກງານ-ລັດຖະກອນ ການເລື່ນຊັ້ນ-ຂັ້ນເງິນເດືອນຕາມຮູບການຕ່າງໆ, ການດັດແກ້ຂໍ້ມູນຕ່າງໆຂອງພະນັກງານ-ລັດຖະກອນ ແລະ ພະນັກງານ-ລັດຖະກອນຮອດອາຍຸກະສຽນອອກຮັບເບ້ຍບໍານານຕາມລະບຽບການ ທີີ່ກົດໝາຍໄດ້ກໍານົດ; ວຽກງານການປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ. ວິທີການ, ຕີລາຄາ ແລະ ປະເມີນຜົນ ຕາມມາດຕະຖານວັດແທກ ການປະເມີນຜົນ ແລະ ຜົນສໍາເລັດ ໃນການປະຕິບັດໜ້າທີ່ວຽກງານຂອງພະນັກງານ-ລັດຖະກອນຢ່າງເປັນລະບົບ ແລະ ຕໍ່ເນື່ອງ.
ຄໍາເຫັນ