ແລະ ວຽກງານສ້າງແຜນປີ 2026 ໂດຍເປັນປະທານຮ່ວມຂອງ ທ່ານ ຄິນຄໍາ ເລັ່ງສະຫວັດ ຫົວໜ້າພະແນກການເງິນແຂວງຫຼວງພະບາງ, ທ່ານ ອານຸວົງ ບົວພັນ ຮອງຫົວໜ້າກົມສ່ວຍສາອາກອນ ກະຊວງການເງີນ.
ທ່ານ ອານຸວົງ ບົວພັນ ກ່າວເປີດກອງປະຊຸມວ່າ: ກອງປະຊຸມຄັ້ງນີ້, ເປັນການແນະນໍາ ວຽກງານຈຸດສຸມຂອງຂະແໜງສ່ວຍສາອາກອນ ເປັນຕົ້ນ: ການແຈ້ງ-ມອບພັນທະ ແລະ ເລັ່ງທວງໜີ້ຄ້າງມອບ, ການຍື່ນບົດລາຍງານການເງິນປະຈຳປີ, ການເກັບກຳຖານຫົວໜ່ວຍວຍທຸລະກິດ ຢູ່ບັນດາແຂວງ ໂດຍສະເພາະບໍ່ແຮ່, ໄຟຟ້າ ລວມທັງ ບໍລິສັດ ຜູ້ສະໜອງສິນຄ້າ ແລະ ບໍລິການ ເຂົ້າລະບົບຄຸ້ມຄອງລາຍຮັບສ່ວຍສາອາກອນ (TaxRIS) ໃຫ້ຖືກຕ້ອງຄົບຖ້ວນ; ສ້າງຄວາມເປັນເອກະພາບ ກັບພະແນກການເງິນແຂວງ, ສ່ວຍສາອາກອນປະຈຳແຂວງ ແລະ ຂະແໜງຄຸ້ມຄອງຊັບສິນແຫ່ງລັດ ຂອງແຂວງ ເພື່ອໃຫ້ສອດຄ່ອງຕາມແຈ້ງການຂອງຫ້ອງການກະຊວງການເງິນ ວ່າດ້ວຍຂັ້ນຕອນການດຳເນີນ ແລະ ປະກອບເອກະສານ ເພື່ອມອບພັນທະຈາກຂະແໜງຄຸ້ມຄອງຊັບສິນແຫ່ງລັດ ທີ່ແຈ້ງມອບຜ່ານລະບົບຄຸ້ມຄອງລາຍຮັບ ສ່ວຍສາອາກອນ; ພ້ອມທັງສ້າງກົນໄກການປະສານສົມທົບກັບອົງການປົກຄອງທ້ອງຖີ່ນ ແລະ ຂະ ແໜງການ ເປັນຕົ້ນ: ອຸດສາຫະກໍາ - ການຄ້າ, ພະລັງງານ ແລະ ບໍ່ແຮ່, ຊັບພະຍາກອນທຳມະຊາດ-ສີ່ງແວດລ້ອມ ແລະ ອື່ນໆ; ທັງສ້າງແຜນລາຍຮັບສ່ວຍສາອາກອນປີ 2026 ແທດເໝາະກັບຂໍ້ມູນຖານລາຍຮັບຕົວຈິງ ແລະ ສາມາດກໍາໄດ້ທຸກແຫຼ່ງລາຍຮັບ, ທຸກປະເພດອາກອນ, ຄ່າທຳນຽມ, ຄ່າບໍລິການ ແລະບັນດາກອງທຶນ ຂອງຂະແໜງສ່ວຍສາອາກອນທຸກຂັ້ນ ຕ້ອງປະຕິບັດວິທີການສ້າງແຜນລະອຽດ ແລະ ນຳໃຊ້ແບບຟອມເກັບກຳຂໍ້ມູນ ເພື່ອຄາດຄະເນແຜນລາຍຮັບໃຫ້ຊັດເຈນ.
ກອງປະຊຸມຄັ້ງນີ້, ຜູ້ເຂົ້າຮ່ວມໄດ້ຮັບຟັງ ການແນະນໍາວຽກງານຄຸ້ມຄອງລາຍຮັບ ຈາກສ່ວຍສາອາກອນ ໄລຍະຜ່ານມາ ແລະ ການສ້າງແຜນງົບປະມານໃນປີ 2026. ຈາກນັ້ນ, ໄດ້ມີການປະກອບຄໍາຄິດເຫັນຈາກບັນດາພາກສ່ວນທີ່ເຂົ້າຮ່ວມ ແລະ ຄະນະປະທານ ໄດ້ມີຄຳຖາມເຈາະຈີ້ມ ຕໍ່ກັບແຕ່ລະ ແໜງການ ທີ່ກ່ຽວຂ້ອງ ໃນການຄຸ້ມຄອງຈັດເກັບລາຍຮັບ ສ່ວຍສາອາກອນ ເພື່ອຮັບປະກັນໃຫ້ບັນດາໜ້າວຽກ ດຳເນີນໄປຕາມແຜນການທີ່ວາງໄວ້.
(ຂ່າວ-ພາບ: ເພັດສາຄອນ ສີມມະວົງ)
ຄໍາເຫັນ