ທີ່ໂຮງແຮມລາດຊະວົງ ວັນດາວິສຕ້ານະຄອນຫຼວງວຽງຈັນ ໂດຍພາຍໃຕ້ການເປັນປະທານຮ່ວມຂອງຫົວໜ້າເຈົ້າໜ້າທີ່ອາວຸໂສ ຣາຊະອານະຈັກໄທ ແລະ ສ ເກົາຫຼີ, ມີຫົວໜ້າເຈົ້າໜ້າທີ່ອາວຸໂສປະເທດສະມາຊິກອາຊຽນ ແລະ ຕີມໍແລັດສະເຕ ຮັບຜິດຊອບວຽກງານຕ້ານອາຊະຍາກໍາຂ້າມຊາດ, ຮອງເລຂາທິການໃຫຍ່ອາຊຽນ ດ້ານການເມືອງ-ຄວາມໝັ້ນຄົງ, ພ້ອມດ້ວຍຄະນະຜູ້ແທນເຂົ້າຮ່ວມ.
ກອງປະຊຸມຄັ້ງນີ້ ຜູ້ແທນທີ່ເຂົ້າຮ່ວມໄດ້ພ້ອມກັນຕີລາຄາຄືນຜົນຂອງການຈັດຕັ້ງປະຕິບັດບັນດາແຜນການຮ່ວມມືຕ້ານອາຊະຍາກໍາຂ້າມຊາດລະຫວ່າງອາຊຽນ ແລະ ສເກົາຫຼີ ໃນໄລຍະຜ່ານມາ ເພື່ອກໍານົດເນື້ອໃນສໍາຄັນທີ່ຈະນໍາໄປຄົ້ນຄວ້າ, ປຶກສາຫາລື ແລະ ແລກປ່ຽນຮ່ວມກັນ ໃນກອງປະຊຸມດັ່ງກ່າວ ເປັນຕົ້ນແມ່ນການພົວພັນຮ່ວມມືໃນການຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດ, ການກໍ່ການຮ້າຍ, ການຄ້າມະນຸດ, ການລັກລອບຄ້າຂາຍອາວຸດເສິກ, ອາຊະຍາກໍາທາງເສດຖະກິດ, ການຟອກເງິນ, ອາຊະຍາກໍາທາງຄອມພິວເຕີ, ການໂຈລະກໍາທາງທະເລ, ການຄ້າຂາຍສັດປ່າ ແລະ ໄມ້ຫວງຫ້າມ ແລະ ການລັກລອບນໍາຄົນເຂົ້າ-ອອກເມືອງ, ເພື່ອເຮັດໃຫ້ການພົວພັນຮ່ວມມືຕ້ານອາຊະຍາກໍາຂ້າມຊາດລະຫວ່າງອາຊຽນ ແລະ ສເກົາຫຼີ ມີປະສິດທິພາບ ແລະ ມີປະສິດທິຜົນສູງ, ທັງເປັນການເພີ່ມທະວີການພົວພັນຮ່ວມມືລະຫວ່າງອາຊຽນ ແລະ ສເກົາຫຼີ ໃນການແກ້ໄຂບັນຫາອາຊະຍາກໍາຂ້າມຊາດ ໃຫ້ມີຄວາມແໜ້ນແຟ້ນຍິ່ງຂຶ້ນ.
ຂ່າວ: ຍຸພິນທອງ
ຄໍາເຫັນ