ກອງປະຊຸມລະດັບລັດຖະມົນຕີ ການຄ້າໂລກ ຄັ້ງທີ 13(MC13)

10:34 29/02/2024

ຂ່າວສານຫວຽດນາມລາຍງານວ່າ: ໃນວັນທີ 26 ກຸມພາ ຜ່ານມາກອງປະຊຸມລັດຖະມົນຕີ ຄັ້ງທີ 13(MC13) ຂອງອົງການການຄ້າໂລກ WTO ໄດ້ເປີດຂຶ້ນຢູ່ ນະຄອນຫຼວງອາບູດາບີສະຫະລັດອາຣັບເອມີເລດ (UAE).
ຂ່າວລະບຸວ່າ: ກອງປະຊຸມລັດຖະມົນຕີອົງການການຄ້າໂລກຄັ້ງທີ 13 ຈະດຳເນີນຮອດວັນທີ 29 ກຸມພາ 2024,ໂດຍເນື້ອໃນຕົ້ນຕໍແມ່ນສຸມໃສ່ແກ້ໄຂຫຼາຍບັນຫາຄື: ການຊຸກຍູ້ສົ່ງເສີມການຫາສິນໃນທະເລເກີນກຳນົດ; ປະຕິຮູບເພື່ອເຮັດໃຫ້ຕະຫຼາດກະສິກຳເປັນທຳ ແລະ ເປັນມິດກັບສິ່ງແວດລ້ອມຫຼາຍຂຶ້ນກວ່າເກົ່າ; ພະຍາຍາມຟື້ນຟູລະບົບແກ້ໄຂຂໍ້ຂັດແຍ່ງລະຫວ່າງບັນດາປະເທດ.
ນອກຈາກນີ້, ໃນວາລະເປີດກອງປະຊຸມ ໄດ້ມີການປະກາດເອກະສານຂໍ້ຕົກລົງວ່າດ້ວຍການອຳນວຍຄວາມສະດວກດ້ານການລົງທຶນເພື່ອພັດທະນາ (IFD) ເທິງເວັບໄຊຂອງ WTO ກ່ອນກອງປະຊຸມ MC13 ຈະເປີດຂຶ້ນ. 75% ຂອງສະມາຊິກອົງການການຄ້າໂລກ (WTO) ໄດ້ບັນລຸຂໍ້ຕົກລົງເພື່ອອຳນວຍຄວາມສະດວກໃຫ້ແກ່ການລົງທຶນຢູ່ບັນດາປະເທດພວມພັດທະນາດ້ວຍການປັບປຸງຄວາມໂປ່ງໃສ ແລະ ລຶບລ້າງສິ່ງກີດຂວາງດ້ານການເມືອງ.
ຂໍ້ຕົກລົງນີ້ເພື່ອແນໃສ່ສ້າງຄວາມສະດວກໃຫ້ແກ່ການເຄື່ອນໄຫວຂອງການລົງທຶນໂດຍກົງຈາກຕ່າງປະເທດ (FDI), ໂດຍສະເພາະແມ່ນໃຫ້ບັນດາປະເທດພວມພັດທະນາ ແລະ ດ້ອຍພັດທະນາ ເພື່ອຊຸກຍູ້ການພັດທະນາແບບຍືນຍົງ. ທ່ານນາງ ເອັນໂກຊີ ໂອຄອນໂຈ ອິເວລາ ຜູ້ອຳນວຍການໃຫຍ່ WTO ຕີລາຄາວ່າ: ນີ້ແມ່ນ “ສັນຍາບຸກເບີກ, ຊ່ວຍບັນດາປະເທດທີ່ລົງນາມດຶງດູດ FDI ເພື່ອຊຸກຍູ້ການເຕີບໂຕ”.

ຄໍາເຫັນ

ຂ່າວຕ່າງປະເທດ

ບົດຮຽນດ້ານການອະນຸລັກປາຂ່າຂອງຈີນ ສະໜອງ “ສະຕິປັນຍາຂອງຈີນ” ໃຫ້ແກ່ການອະນຸລັກສິ່ງແວດລ້ອມນິເວດຂອງໂລກ

22/05/2025 15:18

ເມື່ອບໍ່ດົນມານີ້, ມູນນິທິອະນຸລັກປາຂ່າປາຍຈີ້ ທີ່ນະຄອນອູຮັ້ນຂອງຈີນແຈ້ງໃຫ້ຮູ້ວ່າ: ເຕັກໂນໂລຊີຕິດຕາມວິເຄາະສຽງປາຂ່າແມ່ນ້ຳຢາງເຊຂອງຈີນ ໄດ້ຖືກ ນໍາໃຊ້ເຂົ້າໃນການຕິດຕາມ ແລະ ອະນຸລັກປາໝູອີຣະວະດີແມ່ນ້ຳຂອງຢູ່ກຳປູເຈຍ. ນີ້ເປັນຂີດໝາຍສະແດງໃຫ້ເຫັນວ່າ: ບົດຮຽນດ້ານການອະນຸລັກປາຂ່າແມ່ນ້ຳຢາງເຊຂອງຈີນກຳລັງກ້າວໄປສູ່ອາຊີຕາເວັນອອກສ່ຽງໃຕ້ ກໍຄືທົ່ວໂລກເທື່ອລະກ້າວຊຶ່ງເປັນການສະໜອງ “ສະຕິປັນຍາຂອງຈີນ” ໃຫ້ແກ່ການອະນຸລັກສິ່ງແວດລ້ອມນິເວດຂອງໂລກ.

ບົດຮຽນດ້ານການອະນຸລັກປາຂ່າຂອງຈີນ ສະໜອງ “ສະຕິປັນຍາຂອງຈີນ” ໃຫ້ແກ່ການອະນຸລັກສິ່ງແວດລ້ອມນິເວດຂອງໂລກ

22/05/2025 15:18

Honda ປະກາດຫຼຸດການລົງທຶນ ລົດ EV ລົງ 30%

22/05/2025 11:28

ຂ່າວຕ່າງປະເທດລາຍງານ ໃນວັນທີ 20 ພຶດສະພາ ຜ່ານມາວ່າ: ບໍລິສັດ ຮອນດ້າມໍເຕີ ໂຄ (Honda Motor Co.) ຜູ້ຜະລິດລົດຂອງຍີ່ປຸ່ນ ໄດ້ປະກາດປັບຍຸດທະສາດລົດໄຟຟ້າ (EV) ໂດຍຫຼຸດແຜນການລົງທຶນຈາກ 10 ພັນຕື້ເຢນ ເຫຼືອ 7 ພັນຕື້ເຢນ ຈົນຮອດງົບປະມານປີ 2030 ຊຶ່ງຫຼຸດລົງ 30%.

ກອງປະຊຸມອະນາໄມໂລກພິຈາລະນາຮັບຮອງ ສັນຍາກ່ຽວກັບພະຍາດລະບາດ

22/05/2025 11:22

ຂ່າວສານຊີອາໄອລາຍງານວ່າ: ໃນວັນທີ 20 ພຶດສະພາ ຜ່ານມາ, ກອງປະຊຸມອະນາໄມໂລກຄັ້ງທີ 78 ໄດ້ພິຈາລະນາຮັບຮອງ “ສັນຍາກ່ຽວກັບພະຍາດລະບາດ” ຂອງອົງການອະນາໄມໂລກ.

ອິນໂດເນເຊຍ ວາງເປົ້າໝາຍເສດຖະກິດ ປີ 2026 ຂະຫຍາຍຕົວ 5.2 – 5.8%

22/05/2025 11:16

ຂ່າວຕ່າງປະເທດລາຍງານ ໃນວັນທີ 21 ພຶດສະພາ ຜ່ານມາ; ທ່ານ ສຣີ ມຸລຍານີ ອິນທຣາວາຕີ ລັດຖະມົນຕີກະຊວງການເງິນອິນໂດເນເຊຍ ເປີດເຜີຍວ່າ: ລັດຖະບານອິນໂດເນເຊຍໄດ້ວາງເປົ້າໝາຍການຂະຫຍາຍຕົວຂອງເສດຖະກິດ ປີ 2026 ໄວ້ທີ່ 5.2-5.8% ເພື່ອເປັນພື້ນຖານສໍາລັບການຂະຫຍາຍຕົວ 8% ໃນສອງສາມປີຂ້າງໜ້າ ຊຶ່ງຈະສະໜັບສະໜູນການບັນລຸວິໄສທັດ “ອິນໂດເນເຊຍກ້າວໜ້າ 2045”.

ຈີນ ແລະ 10 ປະເທດສະມາຊິກອາຊຽນ ສຳເລັດການເຈລະຈາເຂດການຄ້າເສລີຈີນ-ອາຊຽນ

22/05/2025 11:10

ຂ່າວສານຊີອາໄອ ລາຍງານໃນທີ 22 ພຶດສະພາ ຜ່ານມາ; ກະຊວງການຄ້າຈີນໄດ້ເປີດເຜີຍໃຫ້ຮູ້ວ່າ: ໃນວັນທີ 20 ພຶດສະພາ ຜ່ານມາ, ກອງປະຊຸມວິສາມັນລັດຖະມົນຕີເສດຖະກິດການຄ້າຈີນ-ອາຊຽນໄດ້ຈັດຂຶ້ນຜ່ານທາງອອນລາຍ, ລັດຖະມົນຕີເສດຖະກິດການຄ້າຂອງສອງຝ່າຍໄດ້ຮ່ວມກັນປະກາດວ່າ ໄດ້ສຳເລັດການເຈລະຈາກ່ຽວກັບເຂດການຄ້າເສລີຈີນ-ອາຊຽນສະບັບ 3.0 ຢ່າງຮອບດ້ານ.

ຫວຽດນາມ ສ້າງສູນການເງິນສາກົນເພື່ອເຊື່ອມຕໍ່ກັບເສດຖະກິດທົ່ວໂລກ

22/05/2025 11:05

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ພຶດສະພາ ຜ່ານມາ ຢູ່ສຳນັກງານລັດຖະບານ ນະຄອນຫຼວງຮ່າໂນ້ຍ, ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີ ຫວຽດນາມ ຜູ້ປະຈຳການລັດຖະບານ ໄດ້ເປັນປະທານກອງປະຊຸມກ່ຽວກັບການສ້າງມະຕິຂອງສະພາແຫ່ງຊາດ ວ່າດ້ວຍສູນການເງິນສາກົນ ຢູ່ ຫວຽດນາມ.

ທ່ານ ເຈິ່ນດຶກເລືອງ ອະດີດປະທານປະເທດ ຫວຽດນາມ ເຖິງແກ່ມໍລະນະກຳ

22/05/2025 09:55

ທ່ານ ເຈິ່ນດຶກເລືອງ ອະດີດກຳມະການກົມການເມືອງ ອະດີດປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ເຖິງແກ່ມໍລະນະກຳ ໃນເວລາ 22 ໂມງ 51 ນາທີ ຂອງວັນທີ 20 ພຶດສະພາ 2025 ຢູ່ເຮືອນສ່ວນຕົວ.

ຈຳນວນຄົນເຈັບພະຍາດໝາກແດງ ໃນສະຫະລັດ ອາເມຣິກາ ຍັງສືບຕໍ່ເພີ່ມຂຶ້ນ

21/05/2025 15:19

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ສູນຄວບຄຸມ ແລະ ປ້ອງກັນພະຍາດ ຂອງສະຫະລັດ ອາເມຣິກາ (CDC) ລະບຸວ່າ: ພົບຄົນເຈັບພະຍາດໝາກແດງ ຈໍານວນ 1,024 ຄົນແລ້ວໃນປີ 2025 ຊຶ່ງເພີ່ມຂຶ້ນຢ່າງຫຼວງຫຼາຍຈາກປີກ່ອນ, ໂດຍພົບການລະບາດຂອງພະຍາດໝາກແດງ 14 ຄັ້ງໃນທົ່ວປະເທດ ຊຶ່ງການລະບາດແຕ່ລະຄັ້ງຈະນັບໃນກໍລະນີທີ່ມີຜູ້ຕິດເຊື້ອ 3 ຄົນຂຶ້ນໄປ.

AI ເປັນໄພຂົ່ມຂູ່ຕໍ່ວຽກງານຂອງແມ່ຍິງຫຼາຍກວ່າວຽກງານຂອງຜູ້ຊາຍ

21/05/2025 15:15

ຂ່າວຕ່າງປະເທດລາຍງານ; ອົງການແຮງງານສາກົນ (ILO) ຂອງສະຫະປະຊາຊາດ ໄດ້ເປີດເຜີຍບົດລາຍງານສະບັບໃໝ່ ໃນວັນທີ 20 ພຶດສະພາ ຜ່ານມາວ່າ: ເຕັກໂນໂລຊີປັນຍາປະດິດ (AI) ມີຜົນກະທົບອັນໃຫຍ່ຫຼວງຕໍ່ວຽກເຮັດງານທຳຂອງແມ່ຍິງຫຼາຍກວ່າຜູ້ຊາຍ ໂດຍສະເພາະໃນປະເທດທີ່ມີລາຍຮັບສູງ, ບົດລາຍງານພົບວ່າ 9.6% ຂອງວຽກທີ່ແມ່ຍິງເຮັດມີທ່າອ່ຽງທີ່ຈະຫັນປ່ຽນໂດຍ AI, ເມື່ອທຽບກັບ 3.5% ຂອງວຽກທີ່ຜູ້ຊາຍເຮັດ, ເນື່ອງຈາກວ່າ AI ມີບົດບາດເພີ່ມຂຶ້ນໃນວຽກງານບໍລິຫານ ແລະ ເລຂານຸການ.

ເພີ່ມເຕີມ