ແລະ ຝຶກອົບຮົມ, ມີສະຫາຍ ວັນລາຕີ ຄໍາວານວົງສາ ກໍາມະການຄະນະພັກຫົວໜ້າບັນນາທິການວາລະສານອະລຸນໃໝ່ພ້ອມດ້ວຍຕາງໜ້າ 3 ອົງການຈັດຕັ້ງມະຫາຊົນທົ່ວຄອສພ ແລະ ສະມາຊິກກໍາບານຮາກຖານວາລະສານອະລຸນໃໝ່ເຂົ້າຮ່ວມ.
ໃນພິທີດັ່ງກ່າວ, ສະຫາຍ ນາງ ຄໍາພັດ ຄູນວີທອງ ປະທານກໍາມະບານຮາກຖານວາລະສານອະລຸນໃໝ່ ໄດ້ຂຶ້ນຜ່ານບົດລາຍງານການເມືອງ ຊຶ່ງໄດ້ຍົກໃຫ້ເຫັນຜົນງານທີ່ພົ້ນເດັ່ນໃນໄລຍະ 5 ປີ ຜ່ານມາ, ມີທັງດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ພ້ອມທັງວາງແນວທາງຄາດໝາຍສູ້ຊົນທິດທາງແຜນການໃນຕໍ່ໜ້າ.ກອງປະຊຸມຄັ້ງນີ້, ຍັງໄດ້ປ່ອນບັດເລືອກຕັ້ງເອົາຄະນະຊຸດໃໝ່,ກອງປະຊຸມຄັ້ງປະຖົມມະລືກໄດ້ເຫັນດີເປັນເອກະພາບເລືອກເອົາສະຫາຍ ນາງ ຄໍາພັດ ຄູນວີທອງ ເປັນປະທານ, ສະຫາຍ ແສງທອງ ພະກອນຄໍາ ເປັນຮອງປະທານ ແລະ ສະຫາຍ ຄໍາພັນ ຂະທຸມພົມ ເປັນຄະນະ.
ໃນຕອນທ້າຍພິທີ, ສະຫາຍ ວັນຕຸລາ ຣັກນຸດ ໄດ້ໃຫ້ກຽດໂອ້ລົມ ຊຶ່ງສະຫາຍໄດ້ເນັ້ນວ່າ: 1. ຄະນະກໍາມະບານຮາກຖານວາລະສານອະລຸນໃໝ່ ຕ້ອງເປັນເຈົ້າການຄົ້ນຄວ້າ, ເຊື່ອມຊຶມ, ກໍາແໜ້ນບັນດາທິດທາງ, ໜ້າທີ່ວຽກງານລະອຽດແຕ່ລະດ້ານ ເພື່ອພ້ອມກັນຈັດຕັ້ງເຜີຍແຜ່ໃຫ້ພະນັກງານ-ສະມາຊິກພັກກໍາມະບານຮາກຖານວາລະສານອະລຸນໃໝ່ໃນຂອບເຂດຄວາມຮັບຜິດຊອບຂອງຕົນ, 2. ຄະນະກໍາມະບານຮາກຖານຊຸດໃໝ່ ຕ້ອງເປັນເຈົ້າການປຶກສາຫາລືບັນຫາຕ່າງໆ ບົນຫຼັກການລວມສູນປະຊາທິປະໄຕ ເພື່ອຫັນມະຕິກອງປະຊຸມໃຫຍ່ຄັ້ງນີ້ ເປັນແຜນງານ, ກິດຈະກໍາອັນລະອຽດ ຕິດພັນກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VI ຂອງສະຫະພັນກໍາມະບານ ຄະນະໂຄສະນາອົບຮົມສູນກາງພັກ, 3. ເປັນເຈົ້າການປະສານສົມທົບ ແລະ ຍາດແຍ່ງເອົາການຮ່ວມມືຊ່ວຍເຫຼືອກັບທຸກພາກສ່ວນຕ່າງໆ ເພື່ອສ້າງຄວາມສະດວກໃຫ້ແກ່ການເຄື່ອນໄຫວວຽກງານກໍາມະບານຮາກຖານວາລະສານອະລຸນໃໝ່, 4. ຄະນະກໍາມະບານຮາກຖານວາລະສານອະລຸນໃໝ່ ຕ້ອງສືບຕໍ່ປັບປຸງແບບແຜນການນໍາພາຂອງຕົນ ໂດຍຢຶດໝັ້ນ ແລະ ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ບຸກຄົນຮັບຜິດຊອບ, ເຮັດວຽກມີແຜນການ, ມີການຕິດຕາມກວດກາ, ສະຫຼຸບຖອດຖອນບົດຮຽນ ແລະ ຂໍທິດຊີ້ນໍາ-ນໍາພາຈາກຄະນະໜ່ວຍພັກປະຈໍາ.
(ຂ່າວ: ມະນີສອນ - ພາບ: ແສງທອງ)
ຄໍາເຫັນ