flag

ຂ່າວວັດທະນະທຳ-ສັງຄົມ

ກອງປະຊຸມເປີດໂຄງການ ແລະປຶກສາຫາລື ຈັດຕັ້ງປະຕິບັດໂຄງການສິນເຊື່ອກາກບອນປ່າໄມ້

ກອງປະຊຸມເປີດໂຄງການ ແລະປຶກສາຫາລື ຈັດຕັ້ງປະຕິບັດໂຄງການສິນເຊື່ອກາກບອນປ່າໄມ້

ກອງປະຊຸມເປີດໂຄງການ ແລະປຶກສາຫາລື ຈັດຕັ້ງປະຕິບັດໂຄງການສິນເຊື່ອກາກບອນປ່າໄມ້
ທ້າຍອາທິດຜ່ານມານີ້, ທີ່ພະແນກກະສິກຳ ແລະ ປ່າໄມ້ແຂວງສາລະວັນ ໄດ້ຈັດກອງປະຊຸມເປີດໂຄງການ ແລະ ປຶກສາຫາລືກ່ຽວກັບການຈັດຕັ້ງປະຕິບັດໂຄງການສິນເຊື່ອກາກບອນປ່າໄມ້ ຂອງບໍລິສັດ ກຣິນ ຊິນເນີຈີ້ ຈຳກັດຜູ້ດຽວ ເພື່ອເປົ້າໝາຍຫຼຸດຜ່ອນທາດອາຍເຮືອນແກ້ວ ຈາກການທຳລາຍປ່າໄມ້ ແລະເຮັດໃຫ້ປ່າໄມ້ຊຸດໂຊມ, ໂດຍການເຂົ້າຮ່ວມເປັນປະທານຂອງ ທ່ານ ວັງປະເສີດ ບຸນເອື້ອວົງສາ

ຮອງຫົວໜ້າພະແນກກະສິກຳ ແລະ ປ່າໄມ້ແຂວງ, ທ່ານ ທຸມທອນ ວົງວິສຸກ ຮອງຫົວໜ້າກົມປ່າໄມ້ ກະຊວງກະສິກຳ ແລະ ປ່າໄມ້.

ທ່ານ ໄຊເສດຖາ ສີບຸນເຮືອງ ປະທານບໍລິສັດ ກຣິນ ຊິນເນີຈີ້ ຈຳກັດຜູ້ດຽວ ໄດ້ລາຍງານໃຫ້ຮູ້ວ່າ: ບໍລິສັດ ກຣິນ ຊິນເນີຈີ້ ແມ່ນໄດ້ສ້າງຕັ້ງຂຶ້ນໃນປີ 2022 ສ້າງຂຶ້ນເພື່ອຕອບສະໜອງຕໍ່ທ່າອ່ຽງຂອງສະພາບບັນຫາການປ່ຽນແປງຂອງດິນຟ້າອາກາດທົ່ວໂລກ ແລະ ແຜນພັດທະນາເສດຖະກິດ-ສັງຄົມ ແລະຍຸດທະສາດການພັດທະນາສີຂຽວແບບຍືນຍົງຂອງ ສປປ ລາວ, ມາໃນປີ 2023-2024 ບໍລິສັດ ໄດ້ຮັບ MOU ສຶກສາຄວາມເປັນໄປໄດ້ໃນການພັດທະນາໂຄງການສິນເຊື່ອກາກບອນຢູ່ພາກກາງ ແລະ ພາກໃຕ້ຂອງ ສປປ ລາວ ແລະ ໄດ້ສຳເລັດການລົງນາມບົດບັນທຶກຄວາມເຂົ້າໃຈ (MOA) ຮ່ວມກັບລັດຖະບານແຫ່ງ ສປປ ລາວ ແລະ ປີ 2025 ທາງໂຄງການໄດ້ສຸມໃສ່ຄົ້ນຄວ້າທຸກໂອກາດ ແລະ ຄວາມເປັນໄປໄດ້ໃນການຂົນຂວາຍຫາແຫຼງທຶນ ແລະ ຄູ່ຮ່ວມຈັດຕັ້ງປະຕິບັດ ໃນລະດັບພາກພື້ນ-ສາກົນ ເພື່ອຈັດຕັ້ງປະຕິບັດໂຄງການໃນໄລຍະເລີ່ມຕົ້ນ.

ໂຄງການດັ່ງກ່າວ, ແມ່ນຈະໄດ້ຈັດຕັ້ງປະຕິບັດຢູ່ 6 ແຂວງພາກກາງ ແລະ ພາກໃຕ້ຄື: ແຂວງວຽງຈັນ, ບໍລິຄຳໄຊ, ຄຳມ່ວນດ ເຊກອງ, ອັດຕະປື ແລະ ແຂວງສາລະວັນ ໃນ 11 ເຂດພື້ນທີ່ເປົ້າໝາຍຂອງໂຄງການ, ມີເນື້ອທີ່ທັງໝົດ 1,185,358 ເຮັກຕາ. ໃນນັ້ນ, ແຂວງສາລະວັນ ແມ່ນມີ 2 ເຂດຄື: ເຂດປ່າຜະລິດແຫ່ງຊາດ ພູຕາດລະວາ ແລະ ປ່າປ້ອງກັນແຫ່ງຊາດພູກະແຕ.

ການຮ່ວມມືພັດທະນາໂຄງການສິນເຊື່ອກາກບອນ ເພື່ອເປົ້າໝາຍການຫຼຸດຜ່ອນການປ່ອຍທາດອາຍເຮືອນແກ້ວ ຈາກການທຳລາຍປ່າໄມ້ ແລະ ເຮັດໃຫ້ປ່າໄມ້ຊຸດໂຊມ, ໃນແບບຂອງຄູ່ຮ່ວມງານລະຫວ່າງພາກລັດ ແລະ ເອກະຊົນ ກໍຄືບໍລິສັດ ກຣິນ ຊິນເນີຈີ້ ແມ່ນຈະສ້າງຜົນປະໂຫຍດໃຫ້ແກ່ວຽກງານການຄຸ້ມຄອງປ່າໄມ້ແບບຍືນຍົງ, ສ້າງຜົນປະໂຫຍດທາງເສດຖະກິດ ໃຫ້ແກ່ລັດຖະບານ ແລະ ບໍລິສັດ, ພ້ອມທັງເປັນການຊຸກຍູ້ສົ່ງເສີມໃຫ້ປະຊາຊົນທີ່ຢູ່ໃນເຂດພື້ນທີ່ເປົ້າໝາຍໂຄງການ ໄດ້ມີສ່ວນຮ່ວມໃນການດຳເນີນກິດຈະກຳໂຄງການ ແລະ ເປັນການປັບປຸງຊີວິດການເປັນຢູ່ຂອງປະຊາຊົນໃນພື້ນທີ່ເປົ້າ ໝາຍໃຫ້ດີຂຶ້ນ.

ໂຄງການດັ່ງກ່າວ, ເປັນຄູ່ຮ່ວມງານແບບຍຸດທະສາດລະຫວ່າງບັນດາພາກສ່ວນກ່ຽວຂ້ອງເພື່ອແກ້ໄຂການປ່ຽນແປງດິນຟ້າອາກາດ, ສົ່ງເສີມການຄຸ້ມຄອງທີ່ດິນແບບຍືນຍົງ ແລະ ປົກປ້ອງຊີວະນາໆພັນ, ການມີພັນທະສັນຍາຮ່ວມກັນໃນການຄຸ້ມຄອງສິ່ງແວດລ້ອມ ແລະ ຜົນປະໂຫຍດຮ່ວມຕໍ່ຊຸມຊົນ. ໃນນັ້ນ, ການຊື້ຂາຍກາກບອນປ່າໄມ້ ຈາກເຂດເປົ້າໝາຍຂອງໂຄງການຈະສາມາດເສີມສ້າງຜົນປະໂຫຍດ ຕໍ່ການພັດທະນາເສດຖະກິດ-ສັງຄົມຂອງ ສປປ ລາວ ແລະ ສ້າງຄວາມເຂັ້ມແຂງໃຫ້ບັນດາຊຸມຊົນທີ່ນອນໃນເຂດພື້ນທີ່ເປົ້າໝາຍໂຄງການອີກ. ຈາກນັ້ນ ຜູ້ເຂົ້າຮ່ວມກອງປະຊຸມກໍ່ໄດ້ຮ່ວມກັນປະກອບຄຳເຫັນ ປຶກສາຫາລືແຜນຈັດຕັ້ງປະຕິບັດວຽກງານດັ່ງກ່າວໃນຕໍ່ໜ້າໃຫ້ມີຜົນສຳເລັດ.

(ພາບ-ຂາວ: ທິດລານີ ໂຄດໂຍທາ)

ຄໍາເຫັນ

ຂ່າວວັດທະນະທຳ-ສັງຄົມ

ອົງການຈັດຕັ້ງກໍາມະບານແຕ່ລະຂັ້ນ ຈົ່ງເປັນເຈົ້າການປະຕິບັດຕາມສິດໜ້າທີ່ຂອງຕົນ

ອົງການຈັດຕັ້ງກໍາມະບານແຕ່ລະຂັ້ນ ຈົ່ງເປັນເຈົ້າການປະຕິບັດຕາມສິດໜ້າທີ່ຂອງຕົນ

ເນື່ອງ​ໃນ​ໂອກາດ​ສະ​ເຫຼີ​ມສະຫຼອງວັນ​ກໍາມະກອນ​ສາກົນ ​ຄົບຮອບ 140 ປີ (1 ພຶດສະພາ 1886 - 1 ພຶດສະພາ2026) ທີ່ຈະມາເຖິງນີ້, ທ່ານ ຄໍາຜອຍ ວັນນະສານ ກຳມະການສູນກາງພັກ ເລຂາຄະນະພັກ ປະທານຄະນະບໍລິຫານງານສູນກາງສະຫະພັນກຳມະບານລາວ ໄດ້ຖະ​ແຫຼ​ງຂ່າວຕໍ່ສື່ມວນຊົນ ໃນວັນທີ 23 ເມສານີ້ວ່າ: ໂດຍສືບທອດມູນເຊື້ອອັນດີເລີດຂອງຊົນຊັ້ນກຳມະກອນສາກົນ, ຊົນຊັ້ນກຳມະກອນລາວ ແມ່ນພາກສ່ວນໜຶ່ງຂອງຊົນຊັ້ນກຳມະກອນສາກົນ ໂດຍພາຍໃຕ້ການຊີ້ນຳ-ນຳພາຂອງພັກປະຊາຊົນປະຕິວັດລາວ ຊົນຊັ້ນກຳມະກອນ ແລະ ຜູ້ອອກແຮງງານລາວ ໄດ້ຮ່ຳຮຽນເອົາຄຸນລັກສະນະອັນດີເລີດຂອງຊົນຊັ້ນກຳມະກອນສາກົນ ຊຶ່ງສະແດງອອກໃນຫຼາຍດ້ານເປັນຕົ້ນ: ເປັນຊົນຊັ້ນກຳມະກອນທີ່ດີເລີດ ແລະ ກ້າວໜ້າກວ່າໝູ່, ມີນໍ້າໃຈຮັກຊາດ ແລະ ນ້ຳໃຈສາກົນກຳມະຊີບອັນຜ່ອງໃສ, ມີມານະຈິດປະຕິວັດອັນສູງສົ່ງ ດຸໝັ່ນ, ປະຢັດ, ມີຄວາມສາມັກຄີເອື້ອເຟື້ອເຜື່ອແຜ່, ມີຄວາມຕື່ນຕົວ, ເດັດດ່ຽວ, ກ້າຫານ, ບໍ່ຍອມຈຳນົນ, ມີສະຕິຕໍ່ການຈັດຕັ້ງ, ມີລະບຽບວິໄນຢ່າງເຂັ້ມງວດໃນການອອກແຮງງານ, ຮັກອາຊີບ, ມີຫົວຄິດປະດິດສ້າງ ພັດທະນາຕົນເອງທາງດ້ານເຕັກນິກວິທະຍາສາດທີ່ທັນສະໄໝ.
ສປສສ ປາຖະກະຖາວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 71 ປີ

ສປສສ ປາຖະກະຖາວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 71 ປີ

ວັນທີ 23 ເມສາ ນີ້ ທີ່ສານປະຊາຊົນສູງສຸດ (ສປສສ), ຄະນະບໍລິຫານງານຊາວໜຸ່ມ ສານປະຊາຊົນສູງສຸດ ໄດ້ຈັດພິທີປາຖະກະຖາສະເຫຼີມສະຫຼອງວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ (14 ເມສາ 1955 ຫາ 14 ເມສາ 2026). ໃຫ້ກຽດປາຖະກະຖາໂດຍ ສະຫາຍ ສຸລິຍາ ແກ້ວພິລາວົງ ຮອງເລຂາຄະນະບໍລິຫານງານພັກ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ໂດຍມີ ສະຫາຍ ຂຸນສຸວັນ ສຸທຳມະວົງ ຄະນະປະຈຳພັກ ຮອງປະທານສານປະຊາຊົນສູງສຸດ, ສະຫາຍ ອານຸສິດ ສຸຂະທຳມະວົງ ຄະນະປະຈຳ ເລຂາຄະນະບໍລິຫານງານຊາວໜຸ່ມ ສປສສ ພ້ອມດ້ວຍສະມາຊິກຊາວໜຸ່ມເຂົ້າຮ່ວມຮັບຟັງ.
ເສີມຂະຫຍາຍ ແນວຄິດ ໄກສອນ ພົມວິຫານ ກ່ຽວກັບອົງການຈັດຕັ້ງສະຫະພັນແມ່ຍິງລາວໃນຕໍ່ໜ້າ

ເສີມຂະຫຍາຍ ແນວຄິດ ໄກສອນ ພົມວິຫານ ກ່ຽວກັບອົງການຈັດຕັ້ງສະຫະພັນແມ່ຍິງລາວໃນຕໍ່ໜ້າ

ທ່ານ ນາງ ບົວສະຫວັນ ອິນທິສານ ຮອງຫົວໜ້າກົມໂຄສະນາ-ວັດທະນະທໍາ ປະທານສະຫະພັນແມ່ຍິງ ສູນກາງສະຫະພັນແມ່ຍິງລາວ ໄດ້ກ່າວລາຍງານຕໍ່ກອງປະຊຸມເຜີຍແຜ່ບົດຄົ້ນຄວ້າແນວຄິດໄກສອນ ພົມວິຫານ ກ່ຽວກັບວຽກງານແມ່ຍິງ ເມື່ອບໍ່ດົນມານີ້ ທີ່ນະຄອນຫຼວງວຽງຈັນ ໃນຫົວຂໍ້: ເສີມຂະຫຍາຍ ແນວຄິດ ໄກສອນ ພົມວິຫານ ກ່ຽວກັບອົງການຈັດຕັ້ງສະຫະພັນແມ່ຍິງລາວໃນຕໍ່ໜ້າ.
ເຊກອງ ຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ

ເຊກອງ ຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ

ແຂວງເຊກອງ ຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ ປະຈໍາປີ 2026 ພາຍໃຕ້ຫົວຂໍ້ “ດື່ມຢ່າງມີສະຕິ ເມົາແລ້ວບໍ່ຂັບ” (Drink With Care, Drunk Don't Drive ) ຂຶ້ນໃນຕອນເຊົ້າວັນທີ 24 ເມສານີ້ ໂດຍມີ ທ່ານ ບຸນທະວີ ນະຄອນສິດ ຄະນະປະຈຳພັກແຂວງ ຮອງປະທານຄະນະກຳມະການປົກຄອງແຂວງເຊກອງ, ພ້ອມດ້ວຍການນໍາຂັ້ນແຂວງ, ພະນັກງານ, ນັກຮຽນ ແລະ ນັກສຶກສາເຂົ້າຮ່ວມ.
ແຂວງວຽງຈັນ ຄົ້ນຄວ້າ, ຄັດເລືອກ ນັກໂທດທີ່ມີເງື່ອນໄຂອະໄພຍະໂທດ ປະຈຳປີ 2026.

ແຂວງວຽງຈັນ ຄົ້ນຄວ້າ, ຄັດເລືອກ ນັກໂທດທີ່ມີເງື່ອນໄຂອະໄພຍະໂທດ ປະຈຳປີ 2026.

ວັນທີ 23 ເມສາຜ່ານນມາ, ຢູ່ທີ່ຫ້ອງປະຊຸມຊັ້ນ 3 ຫ້ອງວ່າການແຂວງວຽງຈັນ ໄດ້ຈັດກອງປະຊຸມ ຄົ້ນຄວ້າ, ຄັດເລືອກ ນັກໂທດທີ່ມີເງື່ອນໄຂອະໄພຍະໂທດ ປະຈຳປີ 2026 ເນື່ອງໃນໂອກາດວັນຊາດທີ 2 ທັນວາ 2026 ຄົບຮອບ 51 ປີ, ໂດຍການເປັນປະທານຂອງ ທ່ານ ສີວຽງໄຊ ອໍລະບູນ ກຳມະການປະຈຳພັກແຂວງ ຮອງປະທານຄະນະກຳມະການປົກຄອງແຂວງ, ປະທານຄະນະກຳມະການອະໄພຍະໂທດລະດັບແຂວງວຽງຈັນ, ມີຮອງປະທານ, ມີຄະນະກຳມະການອະໄພຍະໂທດລະດັບແຂວງ ແລະ ກອງເລຂາຊ່ວຍວຽກຄະນະກຳມະການອະໄພຍະໂທດລະດັບແຂວງເຂົ້າຮ່ວມ.
ຄໍາມ່ວນ ຫາລືການວຽກງານດໍາເນີນກອງປະຊຸມຄັ້ງປະຖົມມະລຶກ

ຄໍາມ່ວນ ຫາລືການວຽກງານດໍາເນີນກອງປະຊຸມຄັ້ງປະຖົມມະລຶກ

ກອງປະຊຸມຮ່ວມ ລະຫວ່າງ ຄະນະປະຈໍາສະພາປະຊາຊົນແຂວງ ກັບ ອົງການປົກຄອງແຂວງຄໍາມ່ວນ ເພື່ອປຶກສາຫາລື ກະກຽມຄວາມພ້ອມໃຫ້ແກ່ການດໍາເນີນກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຄໍາມ່ວນ ຊຸດທີ V ໄດ້ຈັດຂຶ້ນໃນວັນທີ 23 ເມສານີ້ ທີ່ຫ້ອງປະຊຸມສະພາປະຊາຊົນແຂວງ, ໂດຍມີ ທ່ານ ບຸນມີ ພິມມະສອນ ປະທານສະພາປະຊາຊົນແຂວງ, ທ່ານ ສົມສະອາດ ອຸ່ນສີດາ ປະທານຄະນະກໍາມະການປົກຄອງແຂວງ ພ້ອມດ້ວຍບັນດາຄະນະປະຈໍາສະພາປະຊາຊົນແຂວງ, ຄະນະກຳມະການປົກຄອງແຂວງ, ບັນດາພະແນກການອ້ອມຂ້າງ ເຂົ້າຮ່ວມ.
ສະຫະພັນກຳມະບານແຂວງໄຊສົມບູນ ປະກາດການຈັດຕັ້ງ

ສະຫະພັນກຳມະບານແຂວງໄຊສົມບູນ ປະກາດການຈັດຕັ້ງ

ພິທີປະກາດການຈັດຕັ້ງ ແລະ ມອບ-ຮັບໜ້າທີ ລະຫວ່າງ ປະທານຄະນະບໍລິຫານງານສະຫະພັນກຳມະບານແຂວງໄຊສົມບູນ ຜູ້ເກົ່າ ແລະ ຜູ້ໃໝ່.ໍ ໄດ້ຈັດຂຶ້ນໃນວັນທີ 23 ເມສານີ້ ຢູ່ທີ່ຫ້ອງວ່າການແຂວງ ໂດຍການເປັນປະທານ ຂອງທ່ານ ພອຍຄຳ ຮຸ່ງບຸນຮວງ ກຳມະການສູນກາງພັກ ເລຂາຄະນະບໍລິຫານງານພັກແຂວງ, ພ້ອມດ້ວຍບັນດາປະທານ - ຮອງປະທານສະຫະພັນກຳມະບານແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ ເປັນສັກຄີພິຍານ.
24ບ້ານ ແຂວງສາລະວັນ ໄດ້ຮັບຜົນກະທົບຈາກໄພພິບັດ ແລະ ອັກຄີໄພໃນເດືອນເມສາມູນຄ່າເສຍຫາຍ 2 ຕື້ກວ່າກີບ

24ບ້ານ ແຂວງສາລະວັນ ໄດ້ຮັບຜົນກະທົບຈາກໄພພິບັດ ແລະ ອັກຄີໄພໃນເດືອນເມສາມູນຄ່າເສຍຫາຍ 2 ຕື້ກວ່າກີບ

ແຂວງສາລະວັນ ໄດ້ຮັບຜົນກະທົບຈາກໄພພິບັດ, ລົມພາຍຸ ແລະ ອັກຄີໄພ (ໄຟໄໝ້ ເຮືອນ) ນັບແຕ່ໄລຍະວັນທີ 9-21 ເມສາ 2026 ເກີດຂຶ້ນທັງໝົດ 10 ຄັ້ງ. ໃນນັ້ນ, ໄຟໄໝ້ເຮືອນ 5 ຄັ້ງ, ເສຍຫາຍ 13 ຫຼັງຄາເຮືອນ, ຜົນກະທົບຈາກລົມພາຍຸພັດເຮືອນ ເສຍຫາຍ 26 ຫຼັງຄາເຮືອນ ໃນຈຳນວນ 19 ບ້ານ ແລະ ເກີດເຫດຟ້າຜ່າ ຢູ່ບ້ານອີເລີງ ເມືອງເລົ່າງາມ ຊຶ່ງສ້າງຄວາມເສຍຫາຍໃຫ້ແກ່ຊັບສິນຂອງປະຊາຊົນ ມູນຄ່າເສຍຫາຍ 2 ຕື້ກວ່າກີບ. ຊຶ່ງເຫດການທັງໝົດນີ້ ໄດ້ສົ່ງຜົນກະທົບຕໍ່ປະຊາຊົນ 800 ກວ່າຄົນ ຍິງ 402 ຄົນ.
ໄຟຟ້າລາວ ຍົກລະດັບການຊຳລະເງິນຄ່າໄຟຟ້າ ສູ່ລະບົບທັນສະໄໝ (Auto Payment)

ໄຟຟ້າລາວ ຍົກລະດັບການຊຳລະເງິນຄ່າໄຟຟ້າ ສູ່ລະບົບທັນສະໄໝ (Auto Payment)

ໃນວັນທີ 21 ເມສາ ຜ່ານມານີ້, ລັດວິສາຫະກິດໄຟຟ້າລາວ (ຟຟລ) ແລະ ທະນາຄານການຄ້າຕ່າງປະເທດລາວ ມະຫາຊົນ (ທຄຕລ) ໄດ້ລົງນາມຮ່ວມມືການບໍລິການຮັບຊຳລະເງິນຄ່າກະແສໄຟຟ້າ ຜ່ານລະບົບໃບບິນທັນສະໄໝ (E-Bill) ແລະ ການຊຳລະແບບອັດຕະໂນມັດ (Auto Payment)
ໝູນໃຊ້ແນວຄິດ ໄກສອນ ພົມວິຫານ ກ່ຽວກັບການປົດປ່ອຍແມ່ຍິງ

ໝູນໃຊ້ແນວຄິດ ໄກສອນ ພົມວິຫານ ກ່ຽວກັບການປົດປ່ອຍແມ່ຍິງ

ພັກເຮົາຍາມໃດກໍໄດ້ເອົາໃຈໃສ່ວາງແນວທາງນະໂຍບາຍປົດປ່ອຍແມ່ຍິງໃນຫຼາຍໆດ້ານ ເພື່ອເຮັດໃຫ້ວຽກງານພັດທະນາແມ່ຍິງສຳເລັດຜົນຕາມຄາດໝາຍ ໂດຍປະຕິບັດຕາມຄໍາຊີ້ນໍາ, ຄໍາສັ່ງຂອງປະທານ ໄກສອນ ພົມວິຫານ ຊຶ່ງໄດ້ກາຍເປັນມໍລະດົກອັນລໍ້າຄ່າໃຫ້ແກ່ຂະບວນການພັດທະນາເອື້ອຍນ້ອງແມ່ຍິງມາເຖິງທຸກວັນນີ້.
ເພີ່ມເຕີມ

ຂ່າວ​ລ່າ​ສຸດ

EPaper