ກອງປະຊຸມສະຫຼຸບການເຄື່ອນໄຫວວຽກງານ ປີ 2023 ແລະ ທິດທາງແຜນການ ປີ 2024 ຂອງສານປະຊາຊົນ ໄດ້ເປີດຂຶ້ນໃນວັນທີ 23 ມັງກອນ ນີ້ ທີ່ນະຄອນຫຼວງວຽງຈັນ, ພາຍໃຕ້ການເປັນປະທານກ່າວເປີດກອງປະຊຸມ ໂດຍ ທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ຊຶ່ງມີບັນດາທ່ານຮອງປະທານສານປະຊາຊົນສູງສຸດ ສະມາຊິກສະພາຜູ້ພິພາກສາສານປະຊາຊົນສູງສຸດ, ສານທະຫານ ແລະ ສານປະຊາຊົນທ້ອງຖິ່ນເຂົ້າຮ່ວມ.
ທ່ານ ນາງ ວຽງທອງ ສີພັນດອນ ໄດ້ກ່າວວ່າ:ຕະຫຼອດໄລຍະການເຄື່ອນໄຫວວຽກງານຂອງສານປະຊາຊົນແຕ່ລະຂັ້ນ ໃນ 1 ປີ ຜ່ານມາ, ພວກເຮົາໄດ້ຮັບການເອື້ອອໍານວຍຄວາມສະດວກຢ່າງຮອບດ້ານ ເພື່ອສ້າງຄວາມເຂັ້ມແຂງ ໃນລະບົບສານປະຊາຊົນ ແຫ່ງ ສປປ ລາວ ຕໍ່ບົດບາດສາກົນ, ພາກພື້ນ ກໍຄືທັງພາຍໃນສັງຄົມພວກເຮົາ ເຫັນໄດ້ວ່າ ສານປະຊາຊົນ ໄດ້ມີການຫັນປ່ຽນຢ່າງຕັ້ງໜ້າທາງດ້ານຄຸນນະພາບ, ປະລິມານ ແລະ ຄວາມຍຸຕິທຳ, ຄວາມເຊື່ອໝັ້ນ ໃຫ້ຄວາມເປັນທຳແກ່ສັງຄົມ ພົນລະເມືອງລາວ ຕາມທີ່ໄດ້ກຳນົດໄວ້ ໃນລັດຖະທໍາມະນູນ ແລະ ກົດໝາຍ, ສ້າງການປ່ຽນແປງທາງດ້ານທັດສະນະໃນການຄົ້ນຄວ້າ ວິເຄາະ ວິໄຈ, ພິຈາລະນາຄະດີ, ປະສານສົມທົບໃນກອບບັນດາພາກສ່ວນທີ່ດໍາເນີນຄະດີ ໃນຂະບວນຍຸຕິທໍາ ໃຫ້ມີຄວາມຊັດເຈນ, ຮອບຄອບ, ພາວະວິໄສ ແລະ ຍຸຕິທຳ ໃນລະດັບໜຶ່ງທີ່ແນ່ນອນ.
ທ່ານກ່າວຕື່ມວ່າ: ດັ່ງທີ່ໄດ້ຮັບຮູ້ນໍາກັນແລ້ວວວ່າ ພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບຂອງສານປະຊາຊົນແຕ່ລະຂັ້ນ ຕາມທີ່ໄດ້ກໍານົດໄວ້ໃນໝວດທີ X ປະກອບມີ 9 ມາດຕາ (ມາດຕາ 90-98) ແລະ ບັນດາກົດໝາຍທີ່ກ່ຽວຂ້ອງໃນລະບົບຕຸລາການ ໂດຍໄດ້ຮັບຄວາມເຊື່ອໝັ້ນຈາກກົມການເມືອງສູນກາງພັກ-ຄະນະເລຂາທິການສູນກາງພັກຕໍ່ອົງການຕຸລາການ ຊຶ່ງສະແດງອອກໃນບົດຄໍາເຫັນໂອ້ລົມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ຕໍ່ກອງປະຊຸມສະຫຼຸບເຄື່ອນໄຫວວຽກງານຂອງສານປະຊາຊົນ ປະຈໍາປີ 2022 ຊຶ່ງໃນນັ້ນກໍໄດ້ເຮັດການຈັດຕັ້ງສານແຕ່ລະຂັ້ນ ເປັນລະບົບສານທີ່ເປັນອົງການຕຸລາການ ແຫ່ງ ສປປ ລາວ ຖືເປັນທີ່ເພິ່ງບ່ອນສຸດທ້າຍຂອງສັງຄົມ, ປະຊາຊົນບັນດາເຜົ່າທຸກຊັ້ນຄົນຂອງລາວເຮົາ ຢ່າງເເທ້ຈິງ, ພວກເຮົາເຮັດໜ້າທີ່ຂອງພະນັກງານ-ລັດຖະກອນ, ຜູ້ພິພາກສາ, ຜູ້ຊ່ວຍຜູ້ພິພາກສາ, ຈ່າສານ ແມ່ນປະຕິບັດຕາມກົດໝາຍ, ລະບຽບການຢ່າງເຂັ້ມງວດ, ຖືກຕ້ອງຕາມຂັ້ນຕອນຂອງການພິຈາລະນາຕັດສິນ-ພິພາກສາຄະດີ ໃຫ້ຖືກຕ້ອງຕາມກົດ
ໝາຍ ແລະ ສອດຄ່ອງກັບສະພາບຄວາມເປັນຈິງ.
ທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ ຮອງປະທານສານປະຊາຊົນສູງສຸດ ໄດ້ຜ່ານບົດສະຫຼຸບການເຄື່ອນໄຫວວຽກງານ ປີ 2023 ແລະ ທິດທາງແຜນການ ປີ 2024 ຂອງສານປະຊາຊົນ ໂດຍສະເພາະການສຸມໃສ່ປະຕິບັດວຽກງານການແກ້ໄຂຄະດີມີຄວາມວ່ອງໄວ ແລະ ມີຄຸນນະພາບຂຶ້ນເທື່ອລະກ້າວ ສະແດງອອກຄື: ຄະດີຂັ້ນຕົ້ນ ປີ2023 ມີທັງໝົດ9.103 ເລື່ອງ(ສານປະຊາຊົນເຂດ, ແຂວງ, ນະຄອນຫຼວງ ແລະ ສານທະຫານພາກ) ແຕ່ລະປະເພດຄະດີ ແກ້ໄຂໄດ້ ດັ່ງນີ້: ຄະດີອາຍາ 5.668 ເລື່ອງ, ແກ້ໄຂໄດ້ 4.802 ເລື່ອງ, ເທົ່າກັບ 85%; ຄະດີແພ່ງ 2.059 ເລື່ອງ, ແກ້ໄຂໄດ້ 851 ເລື່ອງ, ເທົ່າກັບ 41%; ຄະດີການຄ້າ 351 ເລື່ອງ, ແກ້ໄຂໄດ້ 96 ເລື່ອງ, ເທົ່າກັບ 27%; ຄະດີຄອບຄົວ 680 ເລື່ອງ, ແກ້ໄຂໄດ້ 280 ເລື່ອງ, ເທົ່າກັບ 41%; ຄະດີເດັກ 228 ເລື່ອງ, ແກ້ໄຂໄດ້ 189 ເລື່ອງ, ເທົ່າກັບ 83%; ຄະດີແຮງງານ 44 ເລື່ອງ, ແກ້ໄຂໄດ້ 26ເລື່ອງ, ເທົ່າກັບ 59%; ຄະດີອາຍາ ຂອງສານທະຫານພາກ 73 ເລື່ອງ, ແກ້ໄຂໄດ້ 59 ເລື່ອງ, ເທົ່າກັບ 81%.
ຄະດີເປັນຂັ້ນອຸທອນປີ 2023 ມີທັງໝົດ1.269ເລື່ອງ (ສານປະຊາຊົນແຂວງ, ນະຄອນຫຼວງ, ພາກ ແລະ ສານທະຫານຂັ້ນສູງ) ແຕ່ລະປະເພດຄະດີ ໄດ້ແກ້ໄຂ ດັ່ງນີ້:ຄະດີອາຍາ377ເລື່ອງ, ແກ້ໄຂໄດ້248ເລື່ອງ, ເທົ່າກັບ66%;ຄະດີແພ່ງ649ເລື່ອງ, ແກ້ໄຂໄດ້311ເລື່ອງ, ເທົ່າກັບ50%; ຄະດີການຄ້າ 120ເລື່ອງ, ແກ້ໄຂໄດ້ 114ເລື່ອງ, ເທົ່າກັບ95%;ຄະດີຄອບຄົວ98 ເລື່ອງ, ແກ້ໄຂໄດ້39ເລື່ອງ, ເທົ່າກັບ40%;ຄະດີເດັກມີ 1 ເລື່ອງ, ແກ້ໄຂໄດ້0ເລື່ອງ, ເທົ່າກັບ0%; ຄະດີແຮງງານ15ເລື່ອງ, ແກ້ໄຂໄດ້9ເລື່ອງ, ເທົ່າກັບ60%; ຄະດີອາຍາ ຂອງສານທະຫານຂັ້ນສູງ 9 ເລື່ອງ, ແກ້ໄຂໄດ້ 6 ເລື່ອງ, ເທົ່າກັບ 67%.
ຄະດີເປັນຂັ້ນລົບລ້າງ ປີ 2023 ມີທັງໝົດ515ເລື່ອງ (ສານປະຊາຊົນພາກ ແລະ ສານປະຊາຊົນສູງສຸດ) ຄື: ຄະດີອາຍາ 119 ເລື່ອງ, ແກ້ໄຂໄດ້ 91 ເລື່ອງ, ເທົ່າກັບ 76%; ຄະດີແພ່ງ312ເລື່ອງ, ແກ້ໄຂໄດ້ 205ເລື່ອງ, ເທົ່າກັບ 66%; ຄະດີການຄ້າ 39ເລື່ອງ, ແກ້ໄຂໄດ້ 27ເລື່ອງ, ເທົ່າກັບ 69%;ຄະດີຄອບຄົວ 37ເລື່ອງ, ແກ້ໄຂໄດ້ 27 ເລື່ອງ, ເທົ່າກັບ 73%;ຄະດີເດັກ 3 ເລື່ອງ, ແກ້ໄຂໄດ້3 ເລື່ອງ, ເທົ່າກັບ 100%; ຄະດີແຮງງານ 5ເລື່ອງ, ແກ້ໄຂໄດ້ 2ເລື່ອງ, ເທົ່າກັບ 40%.
ສະເລ່ຍການຂໍອຸທອນຄະດີ ສານຂັ້ນຕົ້ນຕັດສິນທັງໝົດ9.103 ເລື່ອງ, ຖືກຂໍອຸທອນ 1.269 ເລື່ອງເທົ່າກັບ 13,9%.
ສະເລ່ຍການຂໍລົບລ້າງຄະດີ ສານຂັ້ນອຸທອນພິພາກສາທັງໝົດ 1.269 ເລື່ອງ, ຖືກຂໍລົບລ້າງ 515 ເລື່ອງ ເທົ່າກັບ 40,5%.
ນອກຈາກນັ້ນ, ສານປະຊາຊົນສູງສຸດ ໄດ້ພິຈາລະນາຄຳສະເໜີຮື້ຟື້ນຄະດີຄືນໃໝ່ ປີ 2023 ມີທັງໝົດ85ເລື່ອງ, ແກ້ໄຂໄດ້ 56 ເລື່ອງ ເທົ່າກັບ 66% ແລະ ໄດ້ສົມທົບກັບອົງການໄອຍະການປະຊາຊົນສູງສຸດ ຄົ້ນຄວ້າອອກຄໍາຊີ້ຂາດໂທດປະຫານຊີວິດ ຈໍານວນ 51 ສະບັບ, ພິຈາລະນາຕັດສິນຄະດີ ໂດຍຜູ້ພິພາກສາຜູ້ດຽວ ໄດ້ 147 ເລື່ອງ ແລະ ຈັດຕັ້ງຄະນະສານເຄື່ອນທີ່ໄປຕັດສິນຢູ່ຄ້າຍຄຸມຂັງ ແລະ ທ້ອງຖິ່ນບ່ອນຄູ່ຄວາມອາໄສຢູ່ ໄດ້ 67 ຄັ້ງ.
(ຂ່າວ-ພາບ:ຕຸໄລເພັດ )
ທ່ານ ນາງ ວຽງທອງ ສີພັນດອນ ໄດ້ກ່າວວ່າ:ຕະຫຼອດໄລຍະການເຄື່ອນໄຫວວຽກງານຂອງສານປະຊາຊົນແຕ່ລະຂັ້ນ ໃນ 1 ປີ ຜ່ານມາ, ພວກເຮົາໄດ້ຮັບການເອື້ອອໍານວຍຄວາມສະດວກຢ່າງຮອບດ້ານ ເພື່ອສ້າງຄວາມເຂັ້ມແຂງ ໃນລະບົບສານປະຊາຊົນ ແຫ່ງ ສປປ ລາວ ຕໍ່ບົດບາດສາກົນ, ພາກພື້ນ ກໍຄືທັງພາຍໃນສັງຄົມພວກເຮົາ ເຫັນໄດ້ວ່າ ສານປະຊາຊົນ ໄດ້ມີການຫັນປ່ຽນຢ່າງຕັ້ງໜ້າທາງດ້ານຄຸນນະພາບ, ປະລິມານ ແລະ ຄວາມຍຸຕິທຳ, ຄວາມເຊື່ອໝັ້ນ ໃຫ້ຄວາມເປັນທຳແກ່ສັງຄົມ ພົນລະເມືອງລາວ ຕາມທີ່ໄດ້ກຳນົດໄວ້ ໃນລັດຖະທໍາມະນູນ ແລະ ກົດໝາຍ, ສ້າງການປ່ຽນແປງທາງດ້ານທັດສະນະໃນການຄົ້ນຄວ້າ ວິເຄາະ ວິໄຈ, ພິຈາລະນາຄະດີ, ປະສານສົມທົບໃນກອບບັນດາພາກສ່ວນທີ່ດໍາເນີນຄະດີ ໃນຂະບວນຍຸຕິທໍາ ໃຫ້ມີຄວາມຊັດເຈນ, ຮອບຄອບ, ພາວະວິໄສ ແລະ ຍຸຕິທຳ ໃນລະດັບໜຶ່ງທີ່ແນ່ນອນ.
ທ່ານກ່າວຕື່ມວ່າ: ດັ່ງທີ່ໄດ້ຮັບຮູ້ນໍາກັນແລ້ວວວ່າ ພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບຂອງສານປະຊາຊົນແຕ່ລະຂັ້ນ ຕາມທີ່ໄດ້ກໍານົດໄວ້ໃນໝວດທີ X ປະກອບມີ 9 ມາດຕາ (ມາດຕາ 90-98) ແລະ ບັນດາກົດໝາຍທີ່ກ່ຽວຂ້ອງໃນລະບົບຕຸລາການ ໂດຍໄດ້ຮັບຄວາມເຊື່ອໝັ້ນຈາກກົມການເມືອງສູນກາງພັກ-ຄະນະເລຂາທິການສູນກາງພັກຕໍ່ອົງການຕຸລາການ ຊຶ່ງສະແດງອອກໃນບົດຄໍາເຫັນໂອ້ລົມຂອງ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ ຕໍ່ກອງປະຊຸມສະຫຼຸບເຄື່ອນໄຫວວຽກງານຂອງສານປະຊາຊົນ ປະຈໍາປີ 2022 ຊຶ່ງໃນນັ້ນກໍໄດ້ເຮັດການຈັດຕັ້ງສານແຕ່ລະຂັ້ນ ເປັນລະບົບສານທີ່ເປັນອົງການຕຸລາການ ແຫ່ງ ສປປ ລາວ ຖືເປັນທີ່ເພິ່ງບ່ອນສຸດທ້າຍຂອງສັງຄົມ, ປະຊາຊົນບັນດາເຜົ່າທຸກຊັ້ນຄົນຂອງລາວເຮົາ ຢ່າງເເທ້ຈິງ, ພວກເຮົາເຮັດໜ້າທີ່ຂອງພະນັກງານ-ລັດຖະກອນ, ຜູ້ພິພາກສາ, ຜູ້ຊ່ວຍຜູ້ພິພາກສາ, ຈ່າສານ ແມ່ນປະຕິບັດຕາມກົດໝາຍ, ລະບຽບການຢ່າງເຂັ້ມງວດ, ຖືກຕ້ອງຕາມຂັ້ນຕອນຂອງການພິຈາລະນາຕັດສິນ-ພິພາກສາຄະດີ ໃຫ້ຖືກຕ້ອງຕາມກົດ
ໝາຍ ແລະ ສອດຄ່ອງກັບສະພາບຄວາມເປັນຈິງ.
ທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ ຮອງປະທານສານປະຊາຊົນສູງສຸດ ໄດ້ຜ່ານບົດສະຫຼຸບການເຄື່ອນໄຫວວຽກງານ ປີ 2023 ແລະ ທິດທາງແຜນການ ປີ 2024 ຂອງສານປະຊາຊົນ ໂດຍສະເພາະການສຸມໃສ່ປະຕິບັດວຽກງານການແກ້ໄຂຄະດີມີຄວາມວ່ອງໄວ ແລະ ມີຄຸນນະພາບຂຶ້ນເທື່ອລະກ້າວ ສະແດງອອກຄື: ຄະດີຂັ້ນຕົ້ນ ປີ2023 ມີທັງໝົດ9.103 ເລື່ອງ(ສານປະຊາຊົນເຂດ, ແຂວງ, ນະຄອນຫຼວງ ແລະ ສານທະຫານພາກ) ແຕ່ລະປະເພດຄະດີ ແກ້ໄຂໄດ້ ດັ່ງນີ້: ຄະດີອາຍາ 5.668 ເລື່ອງ, ແກ້ໄຂໄດ້ 4.802 ເລື່ອງ, ເທົ່າກັບ 85%; ຄະດີແພ່ງ 2.059 ເລື່ອງ, ແກ້ໄຂໄດ້ 851 ເລື່ອງ, ເທົ່າກັບ 41%; ຄະດີການຄ້າ 351 ເລື່ອງ, ແກ້ໄຂໄດ້ 96 ເລື່ອງ, ເທົ່າກັບ 27%; ຄະດີຄອບຄົວ 680 ເລື່ອງ, ແກ້ໄຂໄດ້ 280 ເລື່ອງ, ເທົ່າກັບ 41%; ຄະດີເດັກ 228 ເລື່ອງ, ແກ້ໄຂໄດ້ 189 ເລື່ອງ, ເທົ່າກັບ 83%; ຄະດີແຮງງານ 44 ເລື່ອງ, ແກ້ໄຂໄດ້ 26ເລື່ອງ, ເທົ່າກັບ 59%; ຄະດີອາຍາ ຂອງສານທະຫານພາກ 73 ເລື່ອງ, ແກ້ໄຂໄດ້ 59 ເລື່ອງ, ເທົ່າກັບ 81%.
ຄະດີເປັນຂັ້ນອຸທອນປີ 2023 ມີທັງໝົດ1.269ເລື່ອງ (ສານປະຊາຊົນແຂວງ, ນະຄອນຫຼວງ, ພາກ ແລະ ສານທະຫານຂັ້ນສູງ) ແຕ່ລະປະເພດຄະດີ ໄດ້ແກ້ໄຂ ດັ່ງນີ້:ຄະດີອາຍາ377ເລື່ອງ, ແກ້ໄຂໄດ້248ເລື່ອງ, ເທົ່າກັບ66%;ຄະດີແພ່ງ649ເລື່ອງ, ແກ້ໄຂໄດ້311ເລື່ອງ, ເທົ່າກັບ50%; ຄະດີການຄ້າ 120ເລື່ອງ, ແກ້ໄຂໄດ້ 114ເລື່ອງ, ເທົ່າກັບ95%;ຄະດີຄອບຄົວ98 ເລື່ອງ, ແກ້ໄຂໄດ້39ເລື່ອງ, ເທົ່າກັບ40%;ຄະດີເດັກມີ 1 ເລື່ອງ, ແກ້ໄຂໄດ້0ເລື່ອງ, ເທົ່າກັບ0%; ຄະດີແຮງງານ15ເລື່ອງ, ແກ້ໄຂໄດ້9ເລື່ອງ, ເທົ່າກັບ60%; ຄະດີອາຍາ ຂອງສານທະຫານຂັ້ນສູງ 9 ເລື່ອງ, ແກ້ໄຂໄດ້ 6 ເລື່ອງ, ເທົ່າກັບ 67%.
ຄະດີເປັນຂັ້ນລົບລ້າງ ປີ 2023 ມີທັງໝົດ515ເລື່ອງ (ສານປະຊາຊົນພາກ ແລະ ສານປະຊາຊົນສູງສຸດ) ຄື: ຄະດີອາຍາ 119 ເລື່ອງ, ແກ້ໄຂໄດ້ 91 ເລື່ອງ, ເທົ່າກັບ 76%; ຄະດີແພ່ງ312ເລື່ອງ, ແກ້ໄຂໄດ້ 205ເລື່ອງ, ເທົ່າກັບ 66%; ຄະດີການຄ້າ 39ເລື່ອງ, ແກ້ໄຂໄດ້ 27ເລື່ອງ, ເທົ່າກັບ 69%;ຄະດີຄອບຄົວ 37ເລື່ອງ, ແກ້ໄຂໄດ້ 27 ເລື່ອງ, ເທົ່າກັບ 73%;ຄະດີເດັກ 3 ເລື່ອງ, ແກ້ໄຂໄດ້3 ເລື່ອງ, ເທົ່າກັບ 100%; ຄະດີແຮງງານ 5ເລື່ອງ, ແກ້ໄຂໄດ້ 2ເລື່ອງ, ເທົ່າກັບ 40%.
ສະເລ່ຍການຂໍອຸທອນຄະດີ ສານຂັ້ນຕົ້ນຕັດສິນທັງໝົດ9.103 ເລື່ອງ, ຖືກຂໍອຸທອນ 1.269 ເລື່ອງເທົ່າກັບ 13,9%.
ສະເລ່ຍການຂໍລົບລ້າງຄະດີ ສານຂັ້ນອຸທອນພິພາກສາທັງໝົດ 1.269 ເລື່ອງ, ຖືກຂໍລົບລ້າງ 515 ເລື່ອງ ເທົ່າກັບ 40,5%.
ນອກຈາກນັ້ນ, ສານປະຊາຊົນສູງສຸດ ໄດ້ພິຈາລະນາຄຳສະເໜີຮື້ຟື້ນຄະດີຄືນໃໝ່ ປີ 2023 ມີທັງໝົດ85ເລື່ອງ, ແກ້ໄຂໄດ້ 56 ເລື່ອງ ເທົ່າກັບ 66% ແລະ ໄດ້ສົມທົບກັບອົງການໄອຍະການປະຊາຊົນສູງສຸດ ຄົ້ນຄວ້າອອກຄໍາຊີ້ຂາດໂທດປະຫານຊີວິດ ຈໍານວນ 51 ສະບັບ, ພິຈາລະນາຕັດສິນຄະດີ ໂດຍຜູ້ພິພາກສາຜູ້ດຽວ ໄດ້ 147 ເລື່ອງ ແລະ ຈັດຕັ້ງຄະນະສານເຄື່ອນທີ່ໄປຕັດສິນຢູ່ຄ້າຍຄຸມຂັງ ແລະ ທ້ອງຖິ່ນບ່ອນຄູ່ຄວາມອາໄສຢູ່ ໄດ້ 67 ຄັ້ງ.
(ຂ່າວ-ພາບ:ຕຸໄລເພັດ )
ຄໍາເຫັນ