ປະທານສະພາບໍລິຫານ ກອງທຶນພັດທະນາໄຊສົມບູນ, ມີທ່ານ ສີສຸພັນ ໂພໄຊສີ ຫົວໜ້າກອງທືນພັດທະນາໄຊສົມບູນ ທັງເປັນຮອງປະທານສະພາບໍລິຫານກອງທຶນພັດທະນາໄຊສົມບູນ ພ້ອມດວ້ຍສະມາຊິກສະພາບໍລິຫານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານຮອງເຈົ້າແຂວງ ໄດ້ເນັ້ນໜັກໃຫ້ຜູ້ເຂົ້າຮ່ວມກອງປະຊຸມ ຈົ່ງສຸມທຸກສະຕິປັນຍາເພື່ອພ້ອມກັນຄົ້ນຄວ້າພິຈາລະນາ ແລະ ຕົກລົງບັນຫາຕ່າງໆ ຢ່າງມີປະຊາທິປະໄຕ ແລະ ພາວະວິໄສ ໂດຍອີງຕາມການລາຍງານ ຂອງເລຂາສະພາບໍລິຫານຕໍ່ກັບບັນດາໜ້າວຽກຕ່າງໆ ພ້ອມທັງຍົກສູງຄວາມຮັບຜິດຊອບຂອງຕົນ ໃນການປະກອບຄຳຄິດ-ຄຳເຫັນ ແລະ ແລກປ່ຽນບົດຮຽນຢ່າງເລິກເຊິ່ງ ເພື່ອເຮັດໃຫ້ວຽກງານດັ່ງກ່າວບັນລຸຜົນສຳເລັດຕາມຄາດໝາຍທີ່ວາງໄວ້. ນອກນີ້, ທ່ານຍັງໄດ້ຮຽກຮ້ອງມາຍັງບັນດາຜູ້ເຂົ້າຮ່ວມກອງປະຊຸມ ສະເໜີຄົ້ນຄວ້າກຳນົດແຜນຍຸດທະສາດຂອງກອງທຶນພັດທະນາໄຊສົມບູນໃຫ້ລະອຽດຊັດເຈນ ແລະ ໃຫ້ຄະນະກອງທຶນພັດທະນາ ພ້ອມດ້ວຍບັນດາສະມາຊິກສະພາບໍລິຫານກອງທຶນພັດທະນາແຂວງ ນຳໄປຄົ້ນຄວ້າ ແລະ ຜັນຂະຫຍາຍຈັດຕັ້ງປະຕິບັດວຽກງານໃຫ້ປະກົດຜົນເປັນຈິງ.
ໃນກອງປະຊຸມໄດ້ຮັບຟັງການລາຍງານການຈັດຕັ້ງປະຕິບັດມະຕິກອງປະຊຸມສະພາບໍລິຫານ ຄັ້ງທີ IX, ການເຄື່ອນໄຫວວຽກງານປະຈຳປີ 2024 ແລະ ທິດທາງປີ 2025. ຕະຫຼອດໄລຍະ 4 ປີ ຜ່ານມາ ກອງທຶນພັດທະນາໄຊສົມບູນ ໄດ້ເອົາໃຈໃສ່ໃນການປະຕິບັດພາລະບົດບາດຂອງຕົນ ເປັນຕົ້ນ ສາມາດລະດົມແຫຼ່ງທຶນໄດ້ຈາກຫຼາຍພາກສ່ວນ ທັງສູນກາງ ແລະ ທ້ອງຖິ່ນ ເປັນຈຳນວນເງິນ 154.91 ຕື້ກີບ (ທຶນເພື່ອປ່ອຍສິນເຊື່ອ), ເວົ້າສະເພາະໃນປີ 2024 ສາມາດລະດົມທຶນເພື່ອນຳໃຊ້ເຂົ້າການສະໜອງສິນເຊື່ອເພື່ອຊຸກຍູ້ການຜະລິດເປັນສິນຄ້າ, ການບໍລິການ ແລະ ການຄ້າໄດ້ທັງໝົດ 86.82 ຕື້ກີບ. ໃນນັ້ນ, ປະກອບມີທຶນສົ່ງເສີມວິຊາການ ຈຳນວນ 621 ລ້ານກີບ. ໄດ້ອະນຸມັດສິນເຊື່ອ ທັງໝົດ 265 ບັນຊີ, ວົງເງິນອະນຸມັດທັງໝົດ 144.91 ຕື້ກີບ ທຽບໃສ່ປີ 2023 ເພີ່ມຂຶ້ນ 89.64 ຕື້ກີບ ທຽບໃສ່ແຜນການພາຍໃນປີ 2024 (ຈໍານວນ 80 ຕື້ກີບ) ສາມາດປະຕິບັດໄດ້ 112.05% ແລະ ສາມາດເກັບຕົ້ນທຶນຄືນໄດ້ ຈໍານວນ 20.51 ຕື້ກີບ ທັງນີ້ ກໍເພື່ອເປັນການທົບທວນຄືນ ໂດຍສະເພາະແມ່ນການຈັດຕັ້ງປະຕິບັດວຽກງານ ຂອງຄະນະບໍລິຫານ ກອງທຶນພັດທະນາໄຊສົມບູນ ເພື່ອໃຫ້ເຫັນໄດ້ຈຸດດີ, ຈຸດອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້.
(ຂ່າວ: ນ ບັງອອນ ເພັດມະນີ)
ຄໍາເຫັນ