ໃນວັນທີ 22 ພຶດສະພາ ນີ້ ທີ່ ທະນາຄານ ແຫ່ງ ສປປ ລາວ(ທຫລ) ໄດ້ຈັດກອງປະຊຸມສົນທະນາໃນຫົວຂໍ້: ເງິນເຟີ້: ສະພາບ ແລະ ມາດຕະການແກ້ໄຂ,ທພາຍໃຕ້ການເປັນປະທານຂອງທ່ານ ບຸນເຫຼືອ ສິນໄຊວໍຣະວົງ ຜູ້ວ່າການທະນາຄານ ແຫ່ງ ສປປ ລາວ ມີຮອງຜູ້ວ່າການ ແລະ ບັນດາທ່ານຈາກ ກະຊວງ, ທະນາຄານທຸລະກິດ, ອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ບຸນເຫຼືອ ສິນໄຊວໍຣະວົງ ກ່າວວ່າ:ເງິນເຟີ້ເປັນບັນຫາທີ່ສົ່ງຜົນກະທົບຕໍ່ເສດຖະກິດ ແລະ ສັງຄົມທົ່ວໂລກ ໃນໄລຍະຫຼາຍປີຜ່ານມາ ຊຶ່ງພວກເຮົາໄດ້ເຫັນອັດຕາເງິນເຟີ້ທີ່ເພີ່ມສູງຂຶ້ນແບບກ້າວກະໂດດໃນຫຼາຍປະເທດ ເຮັດໃຫ້ບັນດາປະເທດທີ່ພັດທະນາແລ້ວ ດໍາເນີນນະໂຍບາຍເງິນຕາແບບຮັດກຸມ ໂດຍກໍານົດອັດຕາດອກເບ້ຍນະໂຍບາຍໃນລະດັບສູງ ແລະ ຮັກສາໄວ້ດົນນານ. ສະເພາະຢູ່ ສປປ ລາວໃນຊຸມ 2-3 ປີຜ່ານມາ ອັດຕາເງິນເຟີ້ໄດ້ເພີ່ມຂຶ້ນສູງສຸດໃນລະດັບ 41,26% (ເດືອນກຸມພາ 2023), ເຖິງແມ່ນວ່າຈະມີທ່າອ່ຽງຫຼຸດລົງ ແຕ່ກໍຍັງຢູ່ໃນລະດັບສອງໂຕເລກຄື 24,92% ໃນເດືອນເມສາ 2024. ສະພາບດັ່ງກ່າວຄາດວ່າຈະແກ່ຍາວໄປຕື່ມຈົນຮອດທ້າຍປີ 2024 ຊຶ່ງຈະເຮັດໃຫ້ເຮົາບໍ່ສາມາດບັນລຸເປົ້າໝາຍອັດຕາເງິນເຟີ້ໃນລະດັບໜຶ່ງໂຕເລກໄດ້. ທຫລ ໄດ້ເຮັດວຽກຮ່ວມກັບຄະນະປະເມີນສະພາບເສດຖະກິດຂອງຄະນະ Article IV ຂອງກອງທຶນສາກົນໃນອາທິດຜ່ານມາ ລວມທັງອົງການຈັດຕັ້ງສາກົນອື່ນຄາດຄະເນ ກໍໄດ້ຍົກໃຫ້ເຫັນໄປໃນທິດທາງດຽວກັນ.
ສະນັ້ນ, ທະນາຄານແຫ່ງ ສປປ ລາວ ໃນນາມເປັນເສນາທິການໃຫ້ແກ່ລັດຖະບານ ໃນການຮັກສາສະຖຽນລະພາບດ້ານເງິນຕາແຫ່ງຊາດໃຫ້ໝັ້ນທ່ຽງ ກໍຄືການຮັກສາ ແລະ ຄຸ້ມຄອງອັດຕາເງິນເຟີ້ ບໍ່ໃຫ້ກະທົບຕໍ່ການດໍາລົງຊີວິດຂອງປະຊາຊົນ ຈຶ່ງມີຈຸດປະສົງຈັດກອງປະຊຸມສົນທະນາ ໃນຫົວຂໍ້ “ເງິນເຟີ້: ສະພາບ ແລະ ມາດຕະການແກ້ໄຂ” (ໃນຮູບແບບ Panel Discussion) ຂຶ້ນ ເພື່ອເປີດເວທີສົນທະນາປຶກສາຫາລື ແລກປ່ຽນຄໍາຄິດຄໍາເຫັນຕໍ່ກັບສາເຫດ ແລະ ມາດຕະການແກ້ໄຂຈາກທັງພາກລັດ, ນັກຄົ້ນຄວ້າ, ອົງການຈັດຕັ້ງສາກົນ ແລະ ຈາກບັນດາທ່ານຜູ້ເຂົ້າຮ່ວມຈາກອົງກອນຕ່າງໆ ໂດຍສະເພາະອົງກອນທີ່ເຮັດໜ້າທີ່ເປັນສື່ສານມວນຊົນ.
ດັ່ງນັ້ນ, ຈຶ່ງຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຈົ່ງພ້ອມກັນແລກປ່ຽນ ແລະ ປະກອບຄໍາຄິດຄໍາ ເຫັນຊຶ່ງກັນ ແລະ ກັນ ຢ່າງກົງໄປກົງມາ ເພື່ອເຮັດໃຫ້ແຕ່ລະບັນຫາທີ່ຍົກຂຶ້ນມາປຶກສາຫາລືກັນນັ້ນ ມີວິທີທາງອອກທີ່ເໝາະສົມ ແລະ ສາມາດນໍາເອົາໄປຈັດຕັ້ງປະຕິບັດໃຫ້ເກີດໝາກຜົນຕົວຈິງ ໂດຍສະເພາະແມ່ນສ້າງຄວາມເຂົ້າໃຈຢ່າງຖືກຕ້ອງໃຫ້ແກ່ສັງຄົມ, ມາດຕະການຂອງພາກລັດທີ່ອອກມາແກ້ໄຂ ແລະ ທິດທາງໃນຕໍ່ໜ້າ ເພື່ອຮ່ວມແຮງຮ່ວມໃຈກັນແກ້ໄຂບັນຫານໍາກັນຢ່າງພ້ອມພຽງ.
(ຂ່າວ-ພາບ:ຕຸໄລເພັດ)
ທ່ານ ບຸນເຫຼືອ ສິນໄຊວໍຣະວົງ ກ່າວວ່າ:ເງິນເຟີ້ເປັນບັນຫາທີ່ສົ່ງຜົນກະທົບຕໍ່ເສດຖະກິດ ແລະ ສັງຄົມທົ່ວໂລກ ໃນໄລຍະຫຼາຍປີຜ່ານມາ ຊຶ່ງພວກເຮົາໄດ້ເຫັນອັດຕາເງິນເຟີ້ທີ່ເພີ່ມສູງຂຶ້ນແບບກ້າວກະໂດດໃນຫຼາຍປະເທດ ເຮັດໃຫ້ບັນດາປະເທດທີ່ພັດທະນາແລ້ວ ດໍາເນີນນະໂຍບາຍເງິນຕາແບບຮັດກຸມ ໂດຍກໍານົດອັດຕາດອກເບ້ຍນະໂຍບາຍໃນລະດັບສູງ ແລະ ຮັກສາໄວ້ດົນນານ. ສະເພາະຢູ່ ສປປ ລາວໃນຊຸມ 2-3 ປີຜ່ານມາ ອັດຕາເງິນເຟີ້ໄດ້ເພີ່ມຂຶ້ນສູງສຸດໃນລະດັບ 41,26% (ເດືອນກຸມພາ 2023), ເຖິງແມ່ນວ່າຈະມີທ່າອ່ຽງຫຼຸດລົງ ແຕ່ກໍຍັງຢູ່ໃນລະດັບສອງໂຕເລກຄື 24,92% ໃນເດືອນເມສາ 2024. ສະພາບດັ່ງກ່າວຄາດວ່າຈະແກ່ຍາວໄປຕື່ມຈົນຮອດທ້າຍປີ 2024 ຊຶ່ງຈະເຮັດໃຫ້ເຮົາບໍ່ສາມາດບັນລຸເປົ້າໝາຍອັດຕາເງິນເຟີ້ໃນລະດັບໜຶ່ງໂຕເລກໄດ້. ທຫລ ໄດ້ເຮັດວຽກຮ່ວມກັບຄະນະປະເມີນສະພາບເສດຖະກິດຂອງຄະນະ Article IV ຂອງກອງທຶນສາກົນໃນອາທິດຜ່ານມາ ລວມທັງອົງການຈັດຕັ້ງສາກົນອື່ນຄາດຄະເນ ກໍໄດ້ຍົກໃຫ້ເຫັນໄປໃນທິດທາງດຽວກັນ.
ສະນັ້ນ, ທະນາຄານແຫ່ງ ສປປ ລາວ ໃນນາມເປັນເສນາທິການໃຫ້ແກ່ລັດຖະບານ ໃນການຮັກສາສະຖຽນລະພາບດ້ານເງິນຕາແຫ່ງຊາດໃຫ້ໝັ້ນທ່ຽງ ກໍຄືການຮັກສາ ແລະ ຄຸ້ມຄອງອັດຕາເງິນເຟີ້ ບໍ່ໃຫ້ກະທົບຕໍ່ການດໍາລົງຊີວິດຂອງປະຊາຊົນ ຈຶ່ງມີຈຸດປະສົງຈັດກອງປະຊຸມສົນທະນາ ໃນຫົວຂໍ້ “ເງິນເຟີ້: ສະພາບ ແລະ ມາດຕະການແກ້ໄຂ” (ໃນຮູບແບບ Panel Discussion) ຂຶ້ນ ເພື່ອເປີດເວທີສົນທະນາປຶກສາຫາລື ແລກປ່ຽນຄໍາຄິດຄໍາເຫັນຕໍ່ກັບສາເຫດ ແລະ ມາດຕະການແກ້ໄຂຈາກທັງພາກລັດ, ນັກຄົ້ນຄວ້າ, ອົງການຈັດຕັ້ງສາກົນ ແລະ ຈາກບັນດາທ່ານຜູ້ເຂົ້າຮ່ວມຈາກອົງກອນຕ່າງໆ ໂດຍສະເພາະອົງກອນທີ່ເຮັດໜ້າທີ່ເປັນສື່ສານມວນຊົນ.
ດັ່ງນັ້ນ, ຈຶ່ງຮຽກຮ້ອງໃຫ້ຜູ້ເຂົ້າຮ່ວມກອງປະຊຸມຈົ່ງພ້ອມກັນແລກປ່ຽນ ແລະ ປະກອບຄໍາຄິດຄໍາ ເຫັນຊຶ່ງກັນ ແລະ ກັນ ຢ່າງກົງໄປກົງມາ ເພື່ອເຮັດໃຫ້ແຕ່ລະບັນຫາທີ່ຍົກຂຶ້ນມາປຶກສາຫາລືກັນນັ້ນ ມີວິທີທາງອອກທີ່ເໝາະສົມ ແລະ ສາມາດນໍາເອົາໄປຈັດຕັ້ງປະຕິບັດໃຫ້ເກີດໝາກຜົນຕົວຈິງ ໂດຍສະເພາະແມ່ນສ້າງຄວາມເຂົ້າໃຈຢ່າງຖືກຕ້ອງໃຫ້ແກ່ສັງຄົມ, ມາດຕະການຂອງພາກລັດທີ່ອອກມາແກ້ໄຂ ແລະ ທິດທາງໃນຕໍ່ໜ້າ ເພື່ອຮ່ວມແຮງຮ່ວມໃຈກັນແກ້ໄຂບັນຫານໍາກັນຢ່າງພ້ອມພຽງ.
(ຂ່າວ-ພາບ:ຕຸໄລເພັດ)
ຄໍາເຫັນ