ແລະ ຖອດຖອນບົດຮຽນຊຶ່ງກັນ ແລະ ກັນທາງດ້ານສິລະປະຍຸດ, ຍຸດທະວິທີການນໍາໃຊ້ອາວຸດ-ຍຸດໂທ ອຸປະກອນຂອງທະຫານຮາບໃຫ້ມີຄວາມສຳນິຊໍານານຄ່ອງແຄ້ວເພື່ອຈັດຕັ້ງປະຕິບັດໃນສະ
ເພາະໜ້າ ແລະ ຍາວນານ.
ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານ ກອງພັນໃຫຍ່ 11 ໄດ້ໃຫ້ຮູ້ວ່າ: ພາຍຫຼັງທີ່ໄດ້ຮັບການມອບໝາຍຈາກຂັ້ນເທິງ ກໍຄືກະຊວງປ້ອງກັນປະເທດ ກອງພັນໃຫຍ່ 11 ກໍໄດ້ຈັດຕັ້ງກຳລັງພົນເພື່ອກຽມພ້ອມເຂົ້າຮ່ວມ ຊ້ອມຮົບຮ່ວມລາວ-ຣັດເຊຍ ການຫັດແອບປັດຈຸບັນແມ່ນໄດ້ເປີດການຊ້ອມຮົບຮ່ວມຢ່າງເປັນທາງການມາແຕ່ວັນທີ 18 ກັນຍາ ຜ່ານມາ ຊຶ່ງທັງສອງຝ່າຍໄດ້ຈັດຕັ້ງປຶກສາຫາລື, ຄົ້ນຄວ້າ ແລະ ແລກປ່ຽນເພື່ອກໍານົດເນື້ອໃນຫັດແອບຊ້ອມຮົບຮ່ວມກັນ ແລະ ມາເຖິງປັດຈຸບັນນີ້ແຕ່ລະພາກສ່ວນກໍໄດ້ເລີ່ມຫັດແອບເນື້ອໃນທີໜຶ່ງຈົນຮອດເນື້ອໃນສຸດທ້າຍທີ່ພວກເຮົາໄດ້ກໍານົດໄວ້, ຜ່ານການຈັດຕັ້ງຫັດແອບຊ້ອມຮົບ ເຫັນວ່າທັງສອງຝ່າຍມີຄວາມຫຍຸ້ງຍາກທາງດ້ານການສື່ສານ, ທາງດ້ານພາສາ, ແຕ່ຜ່ານການເຮັດວຽກປະຕິບັດຕົວຈິງ ພວກເຮົາກໍສາມາດເຂົ້າໃຈກັນໄດ້ ເພາະພວກເຮົາຕ່າງຝ່າຍຕ່າງມີພື້ນຖານໃນການຮັບຮູ້ ແລະ ມີປະສົບການທາງດ້ານສິລະປະຍຸດ-ຍຸດທະວິທີທີ່ດີເຮັດໃຫ້ການປະສານງານ, ການຫັດແອບໃນແຕ່ລະວັນມີຄວາມຄ່ອງແຄ້ວນັບມື້ດີຍິ່ງໆຂຶ້ນ.
ສະຫາຍພັນເອກ ສົມແພງ ແກ້ວສີລາ ໃຫ້ຮູ້ຕື່ມວ່າ: ການຊ້ອມຮົບຮ່ວມກັນໃນຄັ້ງນີ້ ແມ່ນການຜູກແໜ້ນຄວາມສາມັກຄີຂອງສອງກອງທັບ ແລະ ເປັນການຍົກລະດັບຄວາມພ້ອມເພື່ອແກ້ໄຂສະພາບການຕ່າງໆ ທີ່ຈະເກີດຂຶ້ນໃນສະເພາະໜ້າ, ພາຍຫຼັງສິ້ນສຸດການຊ້ອມຮົບໃນຄັ້ງນີ້ເຊື່ອໝັ້ນວ່າມັນຈະເປັນອີກປະສົບການໜຶ່ງຢູ່ໃນຂີດມາດຕະຖານທີ່ແນ່ນອນ ເຮັດໃຫ້ພະນັກງານ-ນັກຮົບທັງໝົດທີ່ເຂົ້າຮ່ວມໃນການຊ້ອມຮົບຮ່ວມໃນຄັ້ງນີ້ ຈະນໍາເອົາບົດຮຽນ ແລະ ປະສົບການໂດຍສະເພາະແມ່ນການຊ້ອມຮົບຮ່ວມກັບກອງທັບສະຫະພັນຣັດເຊຍ ທີ່ມີອຸປະກອນ, ພາຫະນະ-ອາວຸດ, ເຄື່ອງມື ແລະ ແບບແຜນທີ່ທັນສະໄໝ, ພວກເຮົາກໍຈະໄດ້ຖອດຖອນເອົາບົດຮຽນໄປໝູນໃຊ້ນໍາໃຊ້ ແລະ ສືບຕໍ່ຫັດແອບໃຫ້ກົມກອງຂອງພວກເຮົາໃຫ້ນັບມື້ເຂັ້ມແຂງທັນສະໄໝ ແລະ ຮັບປະກັນວຽກງານກຽມພ້ອມສູ້ຮົບໃຫ້ໄດ້ດີທີ່ສຸດ.
ຂ່າວ-ພາບ: ຈິດ ເພັດພູທອງ
ຄໍາເຫັນ