ຢູ່ທີ່ສະໂມສອນຂອງສູນຝືກອົບຮົມກອງພົນທະຫານຮາບທີ 3 ໂດຍການເປັນປະທານຂອງສະຫາຍ ພັນເອກ ສາຍທອງ ປີຊາຈັນ ຮອງເລຂາຄະນະພັກກອງພົນ ຫົວໜ້າການທະຫານ ກອງພົນທະຫານຮາບທີ 3, ສະຫາຍ ພັນເອກ ສຸກສະຫວັດ ດາລາສຸກ ຄະນະພັກກອງພົນ ຫົວໜ້າຫ້ອງເສນາທິການກອງພົນທະຫານຮາບທີ 3 ພ້ອມດ້ວຍຄະນະຫ້ອງ 5 ຫ້ອງ, ຄະນະພັກ-ຄະນະບັນຊາສູນຝຶກອົບຮົມ ຕະຮອດພະນັກງານ ຄູ່ອາຈານ ແລະ ນັກຮຽນເຂົ້າຮ່ວມ.
ສະຫາຍ ພັນໂທ ບຸນເກີນ ເຄືອນວັນໄທ ຮອງເລຂາຄະນະພັກ ຫົວໜ້າການທະຫານ ສູນຝຶກອົບຮົມ ໄດ້ຍົກໃຫ້ເຫັນເຖິງຈຸດປະສົງ, ລະດັບຄາດໝາຍ, ເນື້ອໃນ, ກໍານົດເວລາ ໃນແຕ່ລະພາກ. ໃນນີ້: ພາກການເມືອງ 12 ວັນ, ການທະຫານ 120 ວັນ, ພະລາທິການ 10 ວັນ ແລະ ຄວາມຮູ້ທົ່ວໄປ 6 ວັນ, ຊຶ່ງພາກການເມືອງ ຈະໄດ້ຮຽນຮູ້ກ່ຽວກັບ ກຽດສັກສີ ແລະ ຄວາມຮັບຜິດຊອບໃນກອງທັບ, ເປົ້າໝາຍອຸດົມຄະຕິສູ້ຮົບຂອງກອງທັບ, ປະເທດລາວ ຄົນລາວເປັນເຈົ້າຂອງ, ປົກປັກຮັກສາປະເທດຊາດ ແມ່ນໜ້າທີ່ຕົ້ນຕໍຂອງກຳລັງປະກອບອາວຸດ, ພັກປະຊາຊົນປະຕິວັດລາວຈັດຕັ້ງນຳພາກອງທັບປະຊາຊົນລາວ, ກົດໝາຍການທະຫານ ແລະ ກົດໝາຍຄອບຄົວ. ພາກການທະຫານຈະໄດ້ຮໍ່າຮຽນ ຮູບແຖ້ວເຄົາລົບທຸງຂັ້ນກອງຮອ້ຍ, ກອງພັນນ້ອຍ, ບຸກຄົນປະຈຳທີ, ເຄືອນທີ, 7 ລະບອບ 18 ວຽກໃນມື້ໜື່ງຂອງກອງທັບ, ການເຄົາລົບລາຍງານ, ວິທີຮັບແຂກ, ຫັດກາຍມືເປົາ 2 ບົດ 24 ຈັງຫວະ, ຫັດກາຍມີປືນ 24 ຈັງຫວະ, ຫັດກາຍແທງກະບີ 4 ທິດ 28 ຈັງຫວະ, ມວຍປ້ອງກັນຕົວ 16 ຈັງຫວະ ແລະ ມວຍ 8 ທ່າຢືນ, ຄຸນຄ່າສະມັດຕະພາບ ການປະກອບສ້າງຂອງປືນ ແຕ່ລະຊະນິດ, ການວັດແທກ, ອາວຸດພື້ນເມືອງ, ຍຸດທະວິທີຂັ້ນບຸກຄົນ, ໝູ່, ໝວດ ແລະ ຂັ້ນກອງຮອ້ຍ,ພື້ນຖານບັນດາເຫຼົ່າຮົບ, ພາກພະລາທິການ-ເຕັກນິກ ແມ່ນຈະໄດ້ຮຽນ 5 ເຕັກນິກຂອງເສນາຮັກ, ການຄຸ້ມຄອງນຳໃຊ້ບົວລະບັດພັດເຊັດອາວຸດລູກກະສຸນ, ການຄຸ້ມຄອງລ້ຽງດູທັບ, ວິທີນຳໃຊ້ຄ້ອມຜີວເຕີ ແລະ ອືນໆ. ທັງນີ້ກໍເພື່ອແນ່ໃສ່ກໍ່ສ້າງພະນັກງານບັນຊາຂັ້ນໝູ່, ໝວດ ໃຫ້ມີຄວາມຮູ້, ຄວາມສາມາດທາງສີນລະປະຍຸດ, ຍຸດທະວິທີ ແລະ ບັນດາຄວາມຮູ້ທົ່ວໄປ ເພື່ອເປັນຟື້ນຖານໃນການບັນຊາ.
(ຂ່າວ-ພາບ: ສົມພົງ ອິນຕະວັນ)
ຄໍາເຫັນ